Amany Dwidar lawyer

27/05/2026

27/05/2026

عيد أضحى مبارك عليكم وعلى أحبابكم، أعاده الله عليكم بالفرحة والراحة والبركة، ورزقكم السعادة وتحقيق كل الأمنيات 🤲♥

18/05/2026

🌼🌼

16/05/2026

🚨🚨“صدمة لكل راجل… فاكر إنك تقدر تفسخ عقد الزواج لمجرد إنك اكتشفت إنها مش بكر؟ 🤨
القانون بيقفل الباب ده تمامًا… والجوازة بتكمل كأن مفيش حاجة حصلت! 🔥
كارثة في قانون الأحوال الشخصية ولا حماية لاستقرار الأسرة؟”
تخيل مشهد مسرحي في المستقبل… راجل داخل المحكمة وبيقول: عايز أفسخ عقد جوازي لأني اكتشفت إنها مش بكر 🤨
والرد القانوني ببرود: الطلب مرفوض… الجواز قائم كأنه محصلش أي حاجة! ⚖️🔥
مشهد بيطرح سؤال أكبر: هل القانون بيحسم النزاع… ولا بيخلق مسرحية جديدة في حياة اسره في أول يوم لها ؟؟
“تخيل تدفع شقى عمرك…
شقة وفرح وشبكة وقايمة وأحلام سنين…
وتدخل على أساس إنك بتبدأ حياة بالحلال… وإنك أول راجل في حياة زوجتك… 💔
وفجأة تكتشف إنك اتخدعت! 😳
لكن المفاجأة الأكبر؟
إن القانون يقولك بكل هدوء:
البكارة مش شرط من شروط صحة عقد الزواج… وبالتالي مش من حقك تفسخ العقد! 🤷‍♂️
يعني أنت مطالب تكون راجل متحضر… هادي… متفهم…
حتى لو اكتشفت إن أهم حاجة بُني عليها رضاك بالجواز كانت غير حقيقية!
ومش بس كده…
لو قررت تطلق؟
لا يا فندم مش قبل ٣ سنوات 😅
وتروح للقاضي الأول…
وتتعؤض علي خبراء نفسيين واجتماعيين…
واجتماعات ومحاضر…
يعني حتى كرامتك لما تتكسر بقت محتاجة موافقات رسمية! عشان حتي تردها 🚨
مع إن الفقه الإسلامي نفسه اتكلم عن التدليس في الزواج…
وفيه فقهاء قالوا إن الزوج لو اكتشف غش أو إخفاء أمر جوهري أثّر على رضاه بالعقد فله حق الفسخ. ⚖️
وابن القيم رحمه الله قال كلام واضح جدًا:
“النكاح أولى بالفسخ بالعيب من البيع”
يعني إذا كان من حقك ترد سلعة بسبب عيب مخفي… فكيف بعقد زواج وعِشرة وعمر كامل؟!
وكثير من أهل العلم اعتبروا إن إخفاء أمر جوهري يدخل في باب الغش والتدليس…
ورسول الله ﷺ قال:
“من غشنا فليس منا”.
ده كلام فقهاء مش بلوجر ولا رأي سوشيال ميديا… ده فقه مستند للقرآن والسنة، وناس من أهل العلم بيتكلموا عن أحكام وضوابط مش أهواء!”
نسكت لحد هنا بقي ونشوف هنحل المصيبه دي ازاي 🤔🤔🤔 لا طبعا
مدخل علي الأغرب بقي ؟
إن الزوجة تقدر تطلب الفسخ لو الزوج طلع غير اللي بيقوله عن نفسه!
يعني لو كان بيدّعي إنه فرفوش وطلع نكدي… ممكن تقولك: أنا اتخدعت 😅
لكن الزوج لو اكتشف إنه اتخدع في أمر مصيري بالنسباله؟
يقاله: كمّل حياتك عادي!
إحنا مش ضد الست…
ولا ضد حقوق المرأة…
إحنا ضد إن الجواز يتحول لمسرحية…
الصدق فيها اختياري… والخداع بلا ثمن!
لأن السؤال المرعب فعلًا:
لما مجتمع كامل يبدأ يتعامل مع التدليس في الزواج على إنه “تفصيلة عادية”…
بعد كام سنة هنلاقي الثقة نفسها اختفت من البيوت؟!”
“يثير هذا القانون تساؤلات واسعة حول انعكاساته المستقبلية على الاجيال القادمه للمجتمع،
وكأن الصدمة… والخداع… وانهيار الثقة…كل ده مجرد تفاصيل جانبية لا تستحق حتى فسخ العقد! 🤦
هو إحنا بقينا بنتجوز بعقود رسمية فقط؟ولا المفروض إن الزواج قائم أصلًا على الصدق والأمانة والوضوح؟!”
لكن السؤال اللي محدش بيرد عليه:
لو الصدق في أهم تفاصيل الزواج بقى “مش مهم”…
يبقى الجواز نفسه هيبقى قائم على إيه بعد كده؟!”
إحنا بنعمل قانون لتنظيم الأسرة؟
ولا بنختبر قدرة الرجال على التحمل العصبي؟!”

12/05/2026

بعض الهدوء يكون حديث الروح ❤👑

22/05/2025

سبب خراب معظم البيوت ان اخت الزوج عايشة في دور الحما وبتقلب اخوها على مراته ... او بتحاول تصنع جبهة ضد مرات اخوها من خلال إنها تسخن امها وباقى اخواتها كمان عليها وتبقى مسيطرة ع الكل....

وبتبقى حريصة دايما إنها تحسس مرات اخوها إنها غريبة ومنبوذة ، وأنها واقفة بطولها

وكل ده بكلام وأفعال كلها دهاء ومكر وكيد نساء من تحت لتحت من غير ما حد يقدر يمسك عليها غلطة واحدة وتمثل ادام الكل أنها بتحب زوجة اخوها جدا وخاصة قدام اخوها

وأحيانا في زوجين بيكونوا مبسوطين ومتفاهمين اللهم بارك .... واخت الزوجة دايما تسخن أختها على جوزها ، وتقولها بيقولك كده ليه ، مش بيجيب ليه ، رامى عليكي الحمل كله ، فين وفين وفين ...( في اخوات نيتهم كويسه مبيكونوش قاصدين خراب بس للأسف كلامهم بيتسبب ساعات في خناقات بين الزوجين بسبب احساس الزوجة بعدم الرضا من جوزها أو لفت انتباها لحاجات مكانتش فارقالها !


أحيانا ده بيحصل بدون وعي من باب إنها خايفة على اختها وبتنصحها لكن بنصايح مش مناسبة وعن جهل وقلة خبرة وغشومية

وأحيانا بيحصل نتيجة إن الأخت دي حياتها اصلا فيها مشكلة وبتبقى حريصة إن اختها متعيش نفس اللي عاشته ،

وفي اخوات مؤذيين حياتهم بتبقى خربانه ف ازاى حياتها تبقى خربانة واختها عيشتها مستقرة ، قلبها فيه مرض عاوزه كل بلاء مرت بيه تشوف كتير حواليها مبتلين زيها وده ال بيريحها من جوه ويخليها تهبط ، نفوس مريضة للاسف ، وتبقى ماسكة ودان اختها وعارفه مداخلها وتقنعها أنها بتحبها وخايفة ع مصلحتها

طبيعي إن كل واحد فينا بيحب أخواته ... ومهم إننا نعامل أخواتنا معاملة كويسة وان قلوبنا تكون سليمة من ناحيتهم والخير ال ف حياتهم كأنه عندنا بالظبط ...وده أحد أهم أشكال تحقيق صلة الرحم...

لكن ده لا يعني اننا نسمحلهم انهم يتدخلوا في حياتنا بشكل مؤذي او مش مناسب لبيتنا الصغير ... فناخد بالنا 🫰

وع فكرة الغلطان الأكبر هو الانسان ال معندهوش اسرار ف بيته وحياته ع المشاع ، ال عاوز يستشير يبقى حد واحد أو اتنين بالكتير ثقة وأمين وتحت امين ميت خط وبيخاف ربنا ، وده بيكون واضح جدا من خلال كلامه معاكم لما تاخدوا رأيهم ف مشاكلكم من اول استشارة ، دول ناس بتوعى بأمانة وتصلح ...

وياريت الأخوات اللي بيعملوا كده في حياة اخواتهم يتقوا الله لأنهم حيجوا شايلين ع عاتقهم يوم القيامة كل بيت خربوه بكلامهم ... ويا تكونوا سبب في إصلاح البيوت ... يا إما تسيبوا الناس في حالها🙌

قال رسول الله"صلى الله عليه وسلم":
(لعن الله من خبب امرأة على زوجها ، ولعن الله
من خبب رجل على امرأته)

والتخبيب هنا بمعنى الفساد
واللعن عياذا بالله يعنى الطرد والأبعاد عن رحمة الله

مين يتحمل أنه يطرد من رحمة الله !
واين يذهب وماذا يفعل !

وهل يعقل أن من خرب بيوت ودمر حياة زوجين
ممكن يسامحوه كده بمنتهى البساطة !

وكأن بيوت المسلمين مرصد لها شياطين الجن
والانس متربصين بها ليل نهار !!