درويش للإستشارات القانونية واعمال المحاماة

27/05/2026

واحد بيشتري شقة ب ٧ مليون
وعايز يوفر اتعاب المحامي

25/05/2026

09/05/2026

قدامك 6 شهور تثبت إنك تمام
وده قانون مش مجرد كلام إعلام
يا تلحق تحبل المدام
يا يبقى الفسخ هو الختام 😂
غير كده هتبقى مرتجع .. والسلام ختام

09/05/2026

مشروع قانون الأسرة الجديد قرر يطور فكرة “الرؤية”…

بدل ما الطفل كان بيتسلم ساعتين فى النادى وسط عياط وخناق ومحاضر…
بقى هيتم “تدويره” بين البيوت والبيئات والنفسيات والمشاكل الأسرية فى جدول أقرب لحجز الشاليهات منه لتنظيم علاقة أسرية مستقرة.

الاستزارة لا تصنع حلولًا بقدر ما تصنع “مادة خام للمنازعات

الأب هيقول:
الأم منعت التنفيذ.

الأم هتقول:
الطفل رافض يروح.

والطفل نفسه — اللى المفروض القانون معمول لمصلحته — هيتحول لكارت ضغط قانونى بيتنقل بين الأطراف لإثبات حسن النية أو سوء النية.

مرة مع الأب…
مرة مع الأم…
مرة نقل حضانة مؤقت…
مرة تهديد بإسقاط الحضانة…
مرة وقف استزارة…
ومرة محضر امتناع عن التنفيذ.
وبعدها يأتى التساؤل
“ليه الطفل بقى عدوانى؟”
“ليه بقى مضطرب؟”
“ليه فقد الإحساس بالأمان؟”

لأن الطفل ببساطة لا يفهم:
ما هى “الاستزارة”.
ولا “النقل المؤقت للحضانة”.
ولا “الجزاء الإجرائى”.

هو فقط يشعر أنه حقيبة يتم تسليمها واستلامها فى معركة قانونية مفتوحة.

المشكلة ليست فى فكرة التواصل مع الأب أو الأم…
فهذه ضرورة إنسانية قبل أن تكون قانونية…

لكن الكارثة الحقيقية فى غياب الضوابط الواقعية للتنفيذ.

فالقانون يقول:
لا تنفيذ جبري.

ثم يقرر فى نفس الوقت:
إمكانية نقل الحضانة أو إسقاطها بسبب عدم التنفيذ.

أى أننا أمام معادلة عبثية:
“لن نجبرك على التنفيذ… لكن سنهددك بفقد الطفل إذا لم تنفذ.”

وهنا تتحول الاستزارة من وسيلة لصلة الرحم…
إلى وسيلة ضغط متبادلة.

كما أن النصوص منحت سلطة تقديرية واسعة جدًا تحت شعار “مصلحة المحضون الفضلى” دون وضع معايير منضبطة واضحة، بما يفتح الباب لاختلاف الأحكام واختلاف الفلسفة من دائرة لأخرى ومن قاضٍ لآخر.

والنتيجة المتوقعة عمليًا:

زيادة محاضر الامتناع.
زيادة دعاوى نقل الحضانة.
زيادة طلبات وقف التنفيذ.
زيادة الاستقطاب الأسرى.
وزيادة استخدام الطفل كسلاح تفاوض قانونى.

المؤسف أن المشروع تعامل مع الطفل باعتباره “محل تنظيم قانونى”…
وليس إنسانًا يحتاج قبل أى شىء إلى:
الاستقرار النفسى…
والأمان…
وبيئة ثابتة لا يشعر فيها أنه غنيمة حرب بعد الطلاق.

باختصار:
مشروع القانون لم ينظم النزاع…
بل أعاد هندسته بصورة أكثر تعقيدًا وخطورة.

07/05/2026

ادعى لنفسه ما ليس فيه" 😅
بس السؤال المهم بقى…
إيه المقصود تحديدًا؟! 🤔
يعنى لو قال:
معايا شقة… وطلعت إيجار 🏚️
دكتور… وطلع بياع موبايلات 📱
رياضى… وبيطلع السلم ينهج 🥲
شاعر… وبيكتب "انتى" بالالف اللينة 😭
عنده عربية… وطلع يقصد عربية أخوه 🚗
كده الجوازة تتفسخ؟!
المادة بصراحتها فاتحة باب فلسفى رهيب: يعنى إيه "ما ليس فيه"؟
وهل أى فشر قبل الجواز بقى سبب فسخ؟ 😂
طيب وإثبات الكلام ده هيكون إزاى؟ سكرينات؟
شهود؟
ولا المحكمة هتندب خال العروسة للتحريات؟ 😅
الأجمل بقى إن المادة قالت: لو حصل حمل أو إنجاب… خلاص سقط الحق فى الفسخ 🤷‍♂️
يعنى قبل الطفل: "أنت نصاب!" ⚖️
بعد الطفل: "ربنا يهديكوا لبعض" 👶😂
الفكرة فى أصلها تقنين لاوضاع مدسوسه زى المساكنه والمسيار ، لكن مايبقاش أى واحد قال فى الخطوبة:
"أنا هادي ومش عصبى"
يتحول بعدها لقضية فسخ عقد 😅
ويا ترى ايه اللى حيترتب على الفسخ
اعتقد ان ذلك التشريع يدعو لمقولة واحده ... استقيموا يرحمكم الله .

05/05/2026

مشروع قانون الاسرة الجديد

10/01/2026

https://www.youtube.com/-j7d

10/01/2026

متحررش قائمة منقولات

31/12/2025

مقدم الصداق فى قسيمة الزواج