المستشارة نجوى ابراهيم Counselor Nagwa Ebrahim

27/08/2026

في مكاتب المحامين الاصلاء اسرار الموكلين وعيوبهم تطوي ولا تروي 👌

07/08/2026

فيه حاجه خطيره ومهمة لازم ناخد بالنا منها ..

طبعا كلنا عارفين قضية الطالب "عمرو عمارة" اللي اخد حكم مؤبد بسبب رقم متسجل ببطاقته والفكرة انك حاليا بنسبة كبيرة ممكن تلاقي متسجل على بطاقتك ارقام زيه متعرفش عنها حاجة والله اعلم الارقام دي اتعمل بيها ايه.. ممكن تلاقي نفسك لابس في قضية ابتزاز ولا سرقة ولا غسيل اموال وانت قاعد مش دريان.

طيب المفروض تعمل ايه؟

اول خطوة: بتنزل ابلكيشن جهاز تنظيم الاتصالات My NTRA وتسجل ببطاقتك وتخش على خدمات وبعدها ارقامي وبعدها كمان تشوف المحافظ الالكترونية، الابلكيشن مكنش شغال واشتغل دلوقتي ولو مشتغلش انزل الفروع.

تاني خطوة : وركز فيها لو لقيت ارقام مستجلة بإسمك في اي شركة تروح على فرع الشركة وتعمل حاجة اسمها "انكار ملكية" وده نموذج بتقر فيه انك ملكش علاقة بالارقام دي، اوعى تقفلها ولا تسحبها، بتعمل انكار ملكية بس، وتاخد صورة من النموذج ده.

نموذج إنكار ملكية خط محمول يتم تقديمه مباشرة داخل فرع شركة المحمول (فودافون، أورانج، اتصالات، أو إي آي بي / وي). لا يوجد نموذج موحد جاهز للطباعة من المنزل لأن الشركة تطبع الطلب رسمياً من نظامها الداخلي ليوقع عليه العميل بعد مراجعة بياناته الشخصية وبطاقة الرقم القومي.

خطوات تقديم طلب إنكار الملكية: توجه إلى أقرب فرع رئيسي لشركة المحمول التابع لها الخط.اطلب من خدمة العملاء تسجيل شكوى إنكار ملكية رقم مسجل على بطاقتك دون علمك.استلم رقم الشكوى من الموظف.وقّع على الإقرار أو النموذج الداخلي المخصص لإنكار الملكية ووقف الخط أو فصله عن بياناتك.في حال عدم استجابة الشركة أو تأخر الإلغاء، يمكنك تصعيد الأمر باتصال هاتفي بالرقم المختصر لـ الجهاز القومي لتنظيم الاتصالات (رقم 155) وتقديم شكوى رسمية برقم شكوى الشركة..

تالت خطوة : بتطلب من الفرع تفاصيل عن الارقام دي يعني الارقام ايه ومين عملها، ولو البيانات مش موجودة عالاقل تاخد تاريخ التفعيل، تخليه يكتبهوملك في ورقة.

رابع خطوة: تطلع على اقرب قسم بالنموذج وبالارقام وتعمل محضر اثبات حالة، وتتهم فيه الشركة رأسا بتزوير بياناتك واستخدام بطاقتك بغير علمك، تقول في المحضر كل حاجة، وبعدها تاخد رقم المحضر وصورة النموذج بتاع انكار الملكية وتخليهم معاك .

انت كدة اثبت انك ملكش علاقة بالارقام واي حاجة تحصل من وراها، ونصيحة متكسلش واعمل الخطوات دي عشان نص ساعة تكدير احسن ما تلاقي نفسك متكلبش ولابس في قضية.
#محامية #دفاع

05/08/2026

25/07/2026

السادة الموكلين !!
أنا مش بشتغل فى الأول و بعد كده باخد الأتعاب، مهماااا كانت علاقتك بيا ، متطلبش مني أشتغل وبعد كده نتحاسب أو تقولى إشتغلِي وخدِي نسبة ، كل الكلام الفاضى ده أنا وقتها كأنى مسمعتوش وبقفل تماماً مع أى موكل بيطلع منه الكلام ده
اللى عايز كده يروح يدور على محامى محتاج يثبت حاجة للموكل، أنا لأ، الإلتزام اللى بينى وبين الموكل هو دفع الأتعاب، غير كده مش خايف على نفسك ، مش هخاف عليك.

لأجل العلم ...،،،

#قانون
#محامية

#دفاع