Ahmed Sabra - أحمد صبره

24/03/2026

20/03/2026

نُؤَكِّدُ وَنُشَدِّدُ فَى التَّأْكِيدِ ......
أَنَّ مِصْرَ بِهَا مِنَ الْقَامَاتِ الْقَانُونِيَّةِ السَّابِقَةِ وَالْحَالِيَّةِ مَا تَفْخَرُ بِهَا الْأَوْطَانُ وَأَنَّ رِجَالَ الْقَانُونِ الْمِصْرِيِّينَ دَائِمًا وَأَبَدًا عَلَى مَرِّ الْأَجْيَالِ يَلْمَعُ بَرِيقُهُمْ كُلًّا فَى مَجَالِهِ وَلَا يُوجَدُ فَضْلٌ لِأَحَدٍ عَلَى أَحَدٍ أَوْ عُلُوٌّ لِشَأْنِ أَحَدٍ عَلَى أَحَدٍ فَجَمِيعُهُمْ هَامَاتُهُمْ تُلَامِسُ السَّمَاءَ لِكَوْنِهِمْ حَامِلِينَ لِرِسَالَةِ الْمُحَامَاةِ السَّامِيَةِ عَلَى اخْتِلَافِ أَعْمَارِهِمْ وَخِبْرَاتِهِمْ . . .
كل عام ومحامين مصر بخير
#أحمدــصبره
#محام

12/03/2026

شهادة الحقوق لوحدها مش كفاية… السوق أتغير بقى عايز Professional Lawyer خلينا نتكلم بصراحة ومن غير تجميل للواقع…

الصورة اللي اتربينا عليها عن المحامي اللي يقف في المحكمة يرفع روب المحاماة ويخطب مرافعة تهز القاعة، صورة عظيمة… لكن الحقيقة إن سوق العمل القانوني اتغير جدًا.

النهارده المحامي قدامه طريقين: يا إما يفضل محامي تقليدي جري يومي بين المحاكم، إجراءات، زحمة، منافسة شرسة على قضايا بسيطة، ومئات الخريجين داخلين نفس الطريق كل سنة.

يا إما يختار يبقى محامي محترف (Professional Lawyer).

المحامي المحترف مش مجرد شخص حافظ مواد القانون…
المحامي المحترف هو اللي فهم إن قواعد اللعبة اتغيرت.

زمان أغلب العملاء كانوا أفراد عندهم قضايا وعايزين محامي يدافع عنهم. لكن النهارده الجزء الأكبر من سوق القانون بقى مع الشركات والـ Startups والكيانات التجارية.

والشركات دي مش عايزة محامي يظهر بعد المشكلة…
هي عايزة محامي يمنع المشكلة من الأساس.
يعني محامي عنده مهارات اكتر وقادر يوظفها صح ..
النوع ده من المحامين هو اللي السوق بقى محتاجه فعلًا.

الفرق كمان إن المحامي التقليدي غالبًا رزقه مرتبط بالمحكمة اللي شغال فيها وبالمنطقة اللي فيها مكتبه.

لكن المحامي المحترف ممكن يكون مكتبه الحقيقي هو اللابتوب بتاعه… وعميله ممكن يكون شركة في دبي أو السعودية أو حتى أوروبا.

القيمة هنا مش في عدد القضايا اللي بتجري وراها…
القيمة في المهارة والمعرفة اللي بتقدمها.

ساعة واحدة تقضيها في صياغة عقد باحتراف ممكن تساوي أتعاب شهر كامل من الجري بين المحاكم.

الموضوع مش إن المحاماة انتهت… الموضوع إن شكل المحامي نفسه بيتغير.

ولو أنت لسه طالب في حقوق أو خريج جديد… فرصتك أكبر بكتير إنك تبدأ صح من البداية.

- المهارات والأدوات اللي محتاجها أي محامي علشان يبقى Professional Lawyer بجد.

1️⃣ Legal English

دي أهم مهارة تقريبًا.
لازم تقدر تقرأ وتفهم العقود والاتفاقيات باللغة الإنجليزية، لأن أغلب عقود الشركات والاستثمارات مكتوبة بالإنجليزية.

المهارة دي هتفتح لك فرص شغل مع:
• شركات
• Startups
• شركات أجنبية
• مكاتب محاماة دولية

2️⃣ مهارة صياغة العقود (Legal Drafting)

المحامي المحترف لازم يعرف يكتب ويصيغ:
• عقود بيع
• عقود شراكة
• عقود عمل
• عقود خدمات
• اتفاقيات عدم إفشاء (NDA)

الفرق بين محامي عادي ومحامي محترف أحيانًا بيكون قدرته على صياغة عقد يحمي العميل قانونيًا.

3️⃣ مراجعة العقود (Contract Review)

مش بس تكتب العقد… لازم تعرف:
• تكتشف المخاطر القانونية
• تعدل البنود
• تحمي مصلحة موكلك

الشركات تدفع فلوس كبيرة للمحامي اللي يعرف يعمل Contract Review صح.

4️⃣ فهم البيزنس (Business Understanding)

المحامي المحترف لازم يفهم:
• الشركات بتشتغل إزاي
• الاستثمار
• التجارة
• العلاقات بين الشركات

لأنك مش بتكتب قانون بس… أنت بتحمي مصالح تجارية.

5️⃣ البحث القانوني (Legal Research)

لازم تكون قادر:
• تدور على المعلومة القانونية بسرعة
• تفهم القوانين واللوائح
• تلاقي الحل القانوني للمشكلة

المحامي القوي هو اللي يعرف يوصل للمعلومة أسرع من غيره.

6️⃣ مهارات التواصل والتفاوض

المحامي المحترف لازم يعرف:
• يتفاوض
• يقنع
• يشرح الفكرة القانونية ببساطة

أحيانًا تفاوض ناجح يوفر على العميل قضية كاملة.

7️⃣ استخدام التكنولوجيا

المحامي الحديث لازم يعرف يستخدم:
• أدوات البحث القانوني
• برامج إدارة الملفات
. أدوات الذكاء الاصطناعي
• العمل أونلاين

العالم كله بيتحول لشغل Digital Legal Work.
تحياتي.

27/02/2026

🚨 خلي بالك… النصب الإلكتروني بقى أسهل من أي وقت!
رسالة جايلك إنك كسبت جايزة؟
لينك بيطلب منك تحدث بياناتك البنكية؟
مكالمة بتقولك حسابك هيقف لو ما دفعتش فورًا؟
⚠️ 90% من الحالات دي محاولات نصب.
القانون بيعاقب على جرائم الاحتيال الإلكتروني…
ولو اتعرضت لعملية نصب، ليك حق قانوني في:
✔️ تحرير محضر رسمي
✔️ تتبع الرقم أو الحساب المستخدم
✔️ طلب تتبع التحويلات المالية
✔️ المطالبة بالتعويض المدني
متسكتش… لأن سكوتك بيديهم فرصة يكرروا الجريمة مع غيرك.
📩 لو حصل معاك موقف مشابه، ابعتلنا التفاصيل في رسالة خاصة وسنوجّهك للإجراء القانوني الصحيح.

05/02/2026

📌 يعني إيه تعمل محضر إثبات حالة؟
وليه هو من أقوى أدوات الحماية القانونية 🤔؟

ناس كتير بتتخيل إن قسم الشرطة هو آخر حل لما تحصل مشكلة كبيرة أو جريمة…
لكن الحقيقة إن فيه إجراء قانوني بسيط ممكن يحميك من مصايب كتير قبل ما تحصل، اسمه:

✅ محضر إثبات حالة
---

🔍 إيه هو محضر إثبات الحالة؟
هو إجراء رسمي بتروح بنفسك تعمله في قسم الشرطة، علشان تثبّت واقعة حصلت بالفعل، حتى لو مفيش خصومة قانونية لسه.

أنت ببساطة بتقول:
> "أنا حصل معايا كذا، وعايز أوثّق ده بشكل قانوني ورسمي."

يعني مفيش اتهام مباشر لحد، ولا مشكلة لازم تكون حصلت…
كل اللي بتعمله إنك بتحمي نفسك مسبقًا، وبتخلق لنفسك دليل قانوني معتمد بالتاريخ والمكان.
--
🕒 إمتى تعمل محضر إثبات حالة؟
مفيش وقت معين، لكن في مواقف محددة، لو ما سجلتش اللي حصل، ممكن تندم بعدين…
🖋️تخيل إن في حد في الشارع حصل بينك وبينه شدة كلام، وفجأة قالك:

> "أنا هعرف أجيبك… والله لاضربك!"
الموضوع ممكن يعدي، بس لو سكتت، وجي بعدها حصلت خناقة أو أذى، هيبقى صعب تثبت إنك اتعرضت للتهديد.
لكن لو روّحت على القسم في نفس اليوم، وسجلت اللي اتقال، يبقى الموقف متوثّق رسميًا بالتاريخ والوقت.

🖋️أو مثلًا، حد قالك بشكل صريح:
> "هكسّرلك عربيتك" أو "هولّعها وهي واقفة.
حتى لو ما حصلش حاجة وقتها، محضر إثبات الحالة بيمنع الطرف ده ينكر لو الضرر حصل فعلًا بعدين.

📌وفي مواقف شخصية جدًا، زي إنك ترجع البيت وتكتشف إن زوجتك أخدت كل المنقولات الذهبية وخرجت من البيت، من غير أي اتفاق أو مقدمات…
ساعتها تعمل محضر إثبات حالة، وتوثّق فيه إن المنقولات مش موجودة، وإنك ما كنتش حاضر وقت خروجها، وده بيبقى مهم جدًا في حالة النزاع على قائمة المنقولات أو لو الأمور وصلت للمحكمة.

كل دي مش شكاوى، لكن توثيق رسمي إن حاجة حصلت بالفعل… علشان لما تيجي تتكلم قدام محكمة أو نيابة، يبقى معاك دليل مش بس كلام.
---

💼 طب إيه فايدته؟
✔️ بيثبّت الواقعة رسميًا بالتاريخ والمكان
✔️ بيكون دليل قانوني ضد الإنكار أو التلاعب
✔️ يقوّي موقفك قدام أي جهة رسمية
✔️ وسيلة ردع للطرف التاني من غير تصعيد مباشر
---

📝 تعمله إزاي؟

1️⃣ تروح قسم الشرطة التابع لمكان الواقعة
2️⃣ تطلب تعمل محضر إثبات حالة
3️⃣ تحكي اللي حصل بدقة وهدوء

4️⃣ الشرطة هتسجله في دفتر الأحوال ويتخصص له رقم رسمي ⚖️

⚖️ الخلاصة:

محضر إثبات الحالة مش مجرد ورقة…
ده سلاح قانوني صامت
سجّل أي واقعة بتحس إنها ممكن تتقلب ضدك بعدين،
بدل ما تندم وقت ما يكون إثبات الحق صعب ⚖️
للاستفسار مكتب أحمد صبره المحامى بالأستئناف العالى ومجلس الدوله ت/ 010 09321734

30/01/2026

كان فريد الديب يجيد المرافعة؛ بإمتلاك ناصيّتيّ اللغة البليغة والقانون ؛ ومن قبلهما الكاريزما. وقد حصد الديب الأموال والمجد والنفوذ والشهرة. ومن وجهة نظري أنه كان شديد الإخلاص لمهنته كمحامى ؛ فلم تنجح السياسة فى استدراجه إلى ردهاتها ؛إذ لم يترشح لمجلس النواب؛ ولا مجلس النقابة ..ولم يزايد على أية مواقف سياسية ..ترافع فى أهم القضايا التى عاصرها وعاصرناها ..
ولم يتأثر بآراء ومواقف الرأي العام ..وبعد أن أنهى مرافعته بكل مهارة مات.. مات فريد الديب؛
ولم يتبقَ منه سوى سيرته الذاتية كمحامى بارع شديد المهنية؛ والتميز والشهرة.

22/12/2025

⚖️ لما الحق يبقى محتاج صوت قوي
يبقى الحل مع المحامي/ أحمد صبره 💼
مش بس دفاع…ده التزام، خبرة، وثقة 🤝
في كل قضية بنشتغل عليها بعقل قانوني واعي وقلب حريص على مصلحتك.
✔️ استشارات قانونية دقيقة
✔️ متابعة مستمرة لكل خطوة
✔️ وضوح وشفافية من أول كلمة
📌 مع أحمد صبره… القانون في صفك، والحق راجع لأصحابه.
📞 تواصل الآن وخلّي قضيتك في إيد أمينة 👌

09/11/2025

“مع بدء ماراثون انتخابات مجلس النواب… مهم نفتكر إن العملية الانتخابية مش مجرد أصوات، دى منظومة قانونية كاملة:
إجراءات… رقابة… طعون… ومراقبة أداء المرشحين بعد النجاح.
دور المحامي هنا مش بس كتابة مذكرة، لكن توعية الشارع بحقوقه، وضمان إن صوت المواطن يوصل بنزاهة.
قوانين الانتخابات بتتغير… واللى فاهمها هو اللى يقدر يحمي حقه وحق غيره.
ربنا يوفق الجميع لما فيه خير البلد.”

29/10/2025

"قبل ما تشتري أي حاجة… اعرف إن ليك حقوق محدش يقدر يسلبها منك!
قانون حماية المستهلك بيديك الحق إنك ترجع المنتج أو تبدّله خلال 14 يوم من غير ما تشرح سبب، ولو فيه عيب في المنتج يبقى خلال 30 يوم.
ما تسيبش حقك… القانون معاك بس لازم تكون عارفه."
⚖️

27/10/2025

بسم الله الرحمن الرحيم
"وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ"
صدق الله العظيم
انطلاقًا من حرصنا على اختيار من يمثلنا بصدق وكفاءة في مجلس النواب، وإيمانًا منا بأن المرحلة القادمة تحتاج إلى فكر جديد ونَفَس شبابي قادر على صناعة المستقبل،
فإننا نعلن بكل وضوح دعمنا الكامل وتأييدنا للمرشح الأستاذ عبد الرحمن رخا، المرشح عن الدائرة الثالثة – مركز بيلا والحامول والبرلس بمحافظة كفر الشيخ، رمز السفينة.
لقد أثبت عبد الرحمن رخا أنه نموذج للشباب الواعي، القادر على الجمع بين الطموح والعلم والعمل الميداني، وأنه الأقدر على تمثيل صوت الشباب وخدمة المواطنين بصدق وإخلاص.
نؤمن أنه الأجدر بتحقيق تطلعات أبناء الدائرة، لما يتمتع به من رؤية واضحة، وحماس حقيقي، وقدرة على التواصل مع الجميع دون تفرقة.
إن دعمنا له هو دعم لمستقبل أفضل، ولجيل جديد يؤمن بأن التغيير لا يأتي بالكلام، بل بالفعل والعمل.
وختامًا، نقولها بثقة:
مع عبد الرحمن رخا… هنسير بسفينة الأمل نحو غدٍ أفضل، ومستقبلٍ يستحقه أبناء بيلا.
والله ولي التوفيق.

27/10/2025

بيان هام بعد قليل...