Salyan 1 saylı Mediasiya Təşkilatı

28/07/2026

Dəyərli qardaşım Musa müəllim!

Səni ad günün münasibətilə ürəkdən təbrik edirəm. Uca Allah sənə möhkəm can sağlığı, uzun ömür, ruzi-bərəkət və hər iki dünyada xoşbəxtlik nəsib etsin. Ailənlə birlikdə həmişə sevinc, əmin-amanlıq və firavanlıq içində yaşa. Elminlə, əxlaqınla və xeyirxahlığınla daim hörmət qazanasan. Bütün arzuların gerçəkləşsin, yeni yaşın sənə daha böyük uğurlar və gözəl günlər gətirsin.

Ad günün mübarək olsun, əziz qardaşım!

22/07/2026

Milli Mətbuat və Jurnalistika Günü münasibətilə ölkəmizdə obyektiv və operativ informasiya təminatının inkişafına töhfə verən bütün media nümayəndələrini səmimi qəlbdən təbrik edir, onlara möhkəm cansağlığı, yaradıcılıq uğurları və peşə fəaliyyətlərində yeni nailiyyətlər arzulayırıq.

Cəmiyyətin düzgün məlumatlandırılması, şəffaflığın təşviqi və ictimai etimadın möhkəmləndirilməsi istiqamətində göstərdiyiniz əzmkar fəaliyyət yüksək dəyərə layiqdir.

Milli Mətbuat və Jurnalistika Günü münasibətilə bütün media nümayəndələrinin peşə bayramı mübarək!

22/07/2026

Hörmətli media nümayəndələri,

Sizi 22 İyul - Milli Mətbuat və Jurnalistika Günü münasibətilə Azərbaycan Vəkil Korpusu adından səmimi-qəlbdən təbrik edir, ən xoş arzularımızı çatdırırıq!

19/07/2026

19/07/2026

🔒 Mediasiya prosesində konfidensiallıq necə qorunur?

Konfidensiallıq mediasiyanın əsas prinsiplərindən biridir. Ayrı-ayrılıqda keçirilən danışıqlar zamanı açıqlanan məlumatlar qanunvericiliyin tələblərinə uyğun olaraq qorunur və tərəfin razılığı olmadan üçüncü şəxslərə açıqlanmır.

Bu yanaşma tərəflər arasında etimadın möhkəmlənməsinə, fikirlərin sərbəst ifadəsinə və mediasiya prosesinin daha səmərəli aparılmasına şərait yaradır.

📞 012 1927
📱 055 444 81 65

19/07/2026

19/07/2026

⚖️ Mediasiya prosesinin tərəfləri kimlərdir və onların hüquqları nələrdir?

Mediasiya prosesinin tərəfləri fiziki və hüquqi şəxslər, habelə inzibati orqanlar ola bilər. Qanunvericiliyə uyğun olaraq, onlar mediatoru və ya mediasiya təşkilatını seçmək, nümayəndə vasitəsilə iştirak etmək, proses və onun nəticələri barədə məlumat almaq, habelə təkliflərini sərbəst şəkildə irəli sürmək hüququna malikdirlər.

Tərəflərin hüquq və vəzifələrinin müəyyən edilməsi mediasiya prosesinin şəffaf, bərabərhüquqlu və səmərəli şəkildə həyata keçirilməsinə xidmət edir.

📞 012 1927
📱 055 444 81 65