Hüquqi Xidmətlər Vəkil

29/10/2024

29.10.2024 - Daha bir QƏLƏBƏ: Deməli iddiaçı alqı-satqı müqaviləsinin etibarsız hesab edilməsinə dair ərizə ilə məhkəməyə müraciət etmişdi. Cavabdeh mənə müraciət edəndə haqlı olduğu halda əlində olan sübut çatışmazlığı üzündən narahatlıq keçirirdi. Məhkəməyə verdiyimiz vəsatətlərimiz və məhkəmə tərəfindən verilən sorğularla sübutlar əldə etdik. Yekunda məhkəmə təmsil etdiyim cavabdehin xeyrinə ədalətli və qərəzsiz qətnamə qəbul etdi. İddia rədd edildi.
Bəzən uğurlu məhkəmə işləri vəkildən razı qalmış müştəridən əlavə insana yaxşı dost qazandırır.

15/10/2024

Vətəndaş CM-in 333.4-cü maddəsi ilə təqsirləndirilirdi və şəxsi 2 ildən 5 ilədək azadlıqdan məhrum etmə cəzası gözləyirdi. Bu gün nəhayət şəxsin barəsində CM-in 62-ci maddəsinin tətbiq olunmasına, cərimə cəzası təyin edilməsinə nail olduq və vətəndaşı evə yola saldıq. Bakı Hərbi Məhkəməsində son zamanlar ədalətli və humanist qərarlara tez-tez rast gəlmək olur.

28/09/2024

28 sentyabr 2024-cü il tarixdə Oğuz rayonu üzrə Azərbaycan Respublikası Vəkillər Kollegiyasının təşəbbüsü və Oğuz rayon icra hakimiyyətinin təşkilatçılığı ilə “Mərkəz” Vəkil Bürosu olaraq pulsuz hüquqi yardım aksiyasında iştirak etdik.

17/09/2024

Qaradağ rayon İcra Hakimiyyətinə qarşı QƏLƏBƏ Bakı İnzibati Məhkəməsində: Artıq 1 il müddət idi ki, Qaradağ rayon İcra Hakimiyyəti ilə öz sərəncamlarına əsasən verilmiş torpaq sahəsinə dair yerləşmə sxeminin verilməsi ilə bağlı mübahisə gedirdi. Yekunda 16.09.2024-cü il tarixdə Bakı İnzibati Məhkəməsi tərəfindən çıxarılmış qərarla vətəndaşın xeyrinə nəticə əldə edə bildik.
“Bazı kahramanlar pelerin takmaz, cübbe giyer” 😎

11/09/2024

10.09.2024 QƏLƏBƏ: Yasamal Rayon Məhkəməsində daha bir vətəndaşın azadlıqda saxladıq. Belə ki, Cinayət Məcəlləsinin 185-ci maddəsi ilə təqsirləndirilirdi və şəxsi azadlıqdan məhrum etmə cəzası gözləyirdi. Məhkəmə gedişatında dəfələrlə zərərçəkmiş şəxslə danışıqlar apardıq, barışıq əldə edə bildik və nəticədə cinayət məsuliyyətindən azad edilməklə şəxsi evinə yola saldıq.

20/08/2024

Yay fəsli mənə düşərli oldu. Daha bir QƏLƏBƏ:

Belə ki, bu gün - 20.08.2024-cü il tarixdə pul tələbi üzrə iddia tələbimiz təmin olunmuş, Xəzər Rayon Məhkəməsi tərəfindən cavabdeh V.N-dən hüquqlarını təmsil etdiyim iddiaçı M.Məmmədovanın xeyrinə 10.000 manat pul vəsaiti tutulması barədə qətnamə çıxarılmışdır.
İzləmədə qalın 😎

06/08/2024

06.08.2024. Daha bir uğurlu NƏTİCƏ:

Belə ki, təqsirləndirilən şəxs A.Ə. Sabunçu Rayon Məhkəməsinin 17 may 2024-cü il tarixli hökmü ilə Cinayət Məcəlləsinin 179.2.3 və 179.2.4-cü maddələri üzrə 2 il 6 ay müddətə azadlıqdan məhrum edilmə cəzasına məhkum edilmişdi. Bakı Apellyasiya Məhkəməsində şəxsin cəzasının cərimə ilə əvəz edilməsinə və məhkəmə iclas zalından azadlığa buraxılmasına nail olduq. Təcrübəli vəkil Məhərrəmov Polad müəllimin çıxışı işdə həll edici rol oynadı.

22/07/2024

12/07/2024

Vəkil ədalətin sağ qoludur.

09/07/2024

Daha bir uğurlu nəticə! 💪🏼
• Müvəkkilim Abşeron rayonunda yerləşən torpaq sahəsinə mülkiyyət hüququnun təsdiq olunması ilə bağlı DƏDKR Publik Hüquqi şəxsinə müraciət etmiş, lakin mənfi cavab almış və çıxarış (kupça) verilməsindən imtina edilmişdir.
• Yekunda isə sözügedən çıxarışın hüquq və mənafelərini təmsil etdiyim şəxsin adına verilməsi barədə məhkəmə qərarının çıxarılmasına nail ola bildim.

16/05/2024

Köhnə iş yerinə vəkil kimi gəlməkdən daha gözəl şey oradakı dostlarını görməkdir.
Photo by .davidova

15/05/2024

Müdafiə hüququ müqəddəsdir. Bizlər sadəcə müqəddəs bir məfhumu qorumaqla mükəlləfik!