Vəkil Qanqa İbrahimov

27/12/2019

Əziz həmkarlar!
Vəkil günü - peşə bayramımız münasibətilə hər birinizi ürəkdən təbrik edirəm! Şərəfli işimizdə daim müvəffəq olaq və Azərbaycan vəkili adını həmişə uca tutaq!
Günümüz mübarək!

27/12/2019

E L A N
28 dekabr “Vəkil günü” peşə bayramı münasibətilə, AR Vəkillər Kollegiyası Rəyasət Heyətinin təşəbbüsünə qoşularaq, sabah saat 11:00-dan 15:00-dək Bakı şəhəri, Xan Şuşinski küçəsi, 49, "Green Plaza" ünvanında aztəminatlı əhaliyə ödənişsiz hüquqi yardım göstərəcəm.
Telefon: 070 333 33 10

20/03/2018

Dostlar, bəşəriyyətin ən qədim bayramlarından biri olan Novruz bayramı münasibəti ilə hər birinizi təbrik edirəm. Sizə Novruzun əsas mahiyyəti olan yenilənməni, dəyişilməni arzu edirəm. Qoy bu dəyişiklik özü ilə sizlərə sağlıq, səadət, sevgi, xoşbəxtlik, səbir və firavanlıq gətirsin. Gələn Novruza qədər bayram yumurtaları kimi günləriniz rəngbərəng və bayram əhval-ruhiyyəsində olsun.
BAYRAMINIZ MÜBARƏK!

31/12/2017

Əziz dostlar! Sizi Dünya azərbaycanlılarının həmrəyliyi günü və Yeni il bayramı münasibətilə ürəkdən təbrik edir, hər birinizə sağlıq, firavanlıq və işlərinizdə uğurlar arzu edirəm!

14/10/2017

Məhkəmə-Hüquq Şurasının təkliflərini nəzərə alaraq, Azərbaycan Respublikası Konstitusiyasının 109-cu maddəsinin 9-cu və 32-ci bəndlərini rəhbər tutaraq qərara alıram:

05/10/2017

Ədalət mühakiməsini həyata keçirən (əslində keçirməli olan) məhkəmələr təəssüf ki, bəzi hallarda siyasi və iqtisadi gücün cəzalandıran "dəyənəyi" ola bilirlər.

05/10/2017

Türkiyədə, Diyarbəkirdə 4 uşaq atası, evə gec gələn oğluna əsəbiləşərək, ona plastik su qabını atıb. Uşağın şikayəti əsasında başlanılmış işdə həmin plastik su qabı "silah", atanın əməli isə "qəsdən yaralanma" kimi qiymətləndirilərək, ataya azadlıqdan məhrumetmə cəzası təyin edilmişdir.

05/10/2017

Avropa Parlamentinin növbəti iclasında həbsxanalardakı vəziyyət müzakirə edilmiş, həbsxanalarda məhkumların sayının çox olmasının və onların sağlanılma şəraitlərinin p*s olmasının məhkumların cinayətə meyilli olmalarına və radikallaşmalarına şərait yaratdığına və həbsin ən sonda seçilməli olmasına dair fikirlər səsləndirilmiş, cəmiyyətin təhlükəsizliyinə ciddi mənada təhdid (təhlükə) olmayan məhkumlar barəsində həbsin əvəzinə ev dustaqlığ, ictimai işlər və elektron cihazla nəzarət seçilməsinə dair tövsiyələr verilmişdir.

30/09/2017

"Avropa vəkillərinin davranış Kodeksi"ndən çıxarış:
2.3. Konfidensiallıq
2.3.1. Vəkillik peşəsinin təbiəti etibarilə müştəri tərəfindən vəkilə başqa şəxslərə deyilməyən məlumatlar verilir ki, bu da
məhz konfidensiallıq şəraitində baş verir. Konfidensiallıq təmin olunmayan yerdə etimad haqqında danışmaq olmaz. Ona görə dəkonfidensiallıq vəkilin başlıca və əsas hüquq və vəzifəsidir.Vəkilin konfidensiallığı təmin etmək vəzifəsi həm ədalət mühakiməsinin həyata keçirilməsinə, həm də ki, müştərinin maraqlarına xidmət edir. Bu səbəbdən, konfidensial məlumatlar dövlətin xüsusi mühafizəsi altındadır.
2.3.2. Vəkil öz peşə funskiyalarının icrası ilə bağlı daxil olmuş məlumatların konfidensiallığına hörmət etməlidir.
2.3.3. Məlumatların konfidensiallığının təmin edilməsi ZAMANLA MƏHDUDLAŞDIRILMAMIŞDIR .
2.3.4. Vəkil hüquqi xidmətin göstərilməsinə cəlb edilmiş istənilən əməkdaş və şəxslərdən konfidensiallıqla bağlı öhdəliklərə riayət
edilməsini tələb etməlidir".
Beləliklə, vəkilin müştərisi qarşısındakı məsuliyyəti onlar arasında bağlanılmış müqavilə qüvvədən düşdükdən sonra da davam edir.

30/09/2017

1 oktyabr - Azərbaycan Respublikasında prokurorluq əməkdaşlarının peşə bayramı günüdür.
Bu günün qeyd olunması tarixi zərurətdən yaranmışdır: Azərbaycan Xalq Cümhuriyyətinin Nazirlər Şurasının 1 oktyabr 1918-ci il tarixli qərarı ilə Bakı Dairə Məhkəməsinin tərkibində prokurorluq orqanlarının fəaliyyətə başlamasını əsas tutaraq, Azərbaycan Respublikasının Prezidenti Heydər Əliyev hər il oktyabr ayının 1-nin Azərbaycan Respublikası Prokurorluğu işçilərinin peşə bayramı günü kimi qeyd edilməsi barədə 17 iyul 1998-ci il tarixli sərəncam imzalamışdır.
Bütün prokurorluq əməkdaşlarını bayramları münasibətilə təbrik edir, hər birinə can sağlığı və qanunun aliliyinin, insan hüquq və azadlıqlarının təmin olunmasına, cinayətkarlıqla mübarizəyə, qanunçuluğun qorunmasına xidmət edən peşə fəaliyyətlərində şərəfli xidmət arzu edirəm.

05/07/2017

15/03/2017

Bəraət hökmü!
İbtidai istintaqının Baş Mütəşəkkil Cinayətkarlıqla Mübarizə İdarəsi tərəfindən aparılmış cinayət işi üzrə hüquqlarını müdafiə etdiyim təqsirləndirilən şəxsə AR CM-nin 234.1-ci (satış məqsədi olmadan qanunsuz olaraq narkotik vasitələri və ya psixotrop maddələri şəxsi istehlak miqdarından artıq miqdarda əldə etmə və ya saxlama) maddəsi ilə verilmiş ittiham bu gün Nəsimi rayon məhkəməsində qanunsuz hesab edildi və təqsirləndirilən şəxsə bəraət verildi!