25 saylı Vəkil Bürosu

12/06/2026

ELAN: Ödənişsiz Hüquqi Yardım Aksiyası
Milli Qurtuluş günü münasibətilə 25 saylı Vəkil Bürosu tərəfindən “Açıq qapı” günü elan edilir.
​Aksiya çərçivəsində aztəminatlı və sosial həssas qruplardan olan vətəndaşlara peşəkar vəkillər tərəfindən ödənişsiz hüquqi yardım göstəriləcəkdir.
​Məlumatlar:
​Tarix: 12 iyun 2026-cı il
​Saat: 09:00-dan 18:00-dək
​Ünvan: 25 saylı Vəkil Bürosu
​Əlaqələndirici şəxs:
​Asif Mədətov – Büro müdiri
📞 Tel: (055) 639 89 98

10/05/2026

ELAN: Ödənişsiz Hüquqi Yardım Aksiyası

​Ümummilli Lider Heydər Əliyevin anadan olmasının 103-cü ildönümü münasibətilə 25 saylı Vəkil Bürosu tərəfindən “Açıq qapı” günü elan edilir.

​Aksiya çərçivəsində aztəminatlı və sosial həssas qruplardan olan vətəndaşlara peşəkar vəkillər tərəfindən ödənişsiz hüquqi yardım göstəriləcəkdir.

​Məlumatlar:
​Tarix: 11 may 2026-cı il
​Saat: 09:00-dan 18:00-dək
​Ünvan: 25 saylı Vəkil Bürosu

​Əlaqələndirici şəxs:
​Asif Mədətov – Büro müdiri
📞 Tel: (055) 639 89 98

24/04/2026

2026-cı il 12 iyun tarixdə Ali Məhkəmənin Elmi-məsləhət şurasının növbəti iclasının keçirilməsi nəzərdə tutulur.

✅ İclasda “Məhkəmələr tərəfindən mübahisələrə baxılarkən inzibati praktikada bərabər yanaşma və etimad hüququnun qorunması prinsiplərinin tətbiqi məsələləri" mövzusunda müzakirələrin təşkili planlaşdırılıb.

✅ Müzakirə ediləcək mövzuların əhəmiyyəti nəzərə alınaraq, bu sahələr üzrə ixtisaslaşmış hüquqşünas ekspertlərin ad-hoc üzv kimi Elmi-məsləhət şurasının təşkil edəcəyi müzakirələrdə iştiraka və yazılı mülahizələrini təqdim etməyə dəvət edilir.

✅ Qeyd olunan mövzulara dair elmi müzakirələrdə iştirak etmək istəyən hüquqşünas ekspertlərin 5 iyun 2026-cı il tarixədək aşağıdakı elektron ünvana müraciət etmələri (CV əlavə olunmaqla) təklif olunur. ([email protected])

Ətraflı: https://supremecourt.gov.az/az/media/elanlar

31/01/2026

31/01/2026

Azərbaycan Respublikası Ali Məhkəməsi Plenumunun “Şəxsiyyət hüquqlarının müdafiəsi” haqqında 24 dekabr 2025-ci il tarixli qərarının qəbul olunması ilə əvvəllər məhkəmə mübahisələrinin tənzimlənməsində geniş tətbiq olunan “Şərəf və ləyaqətin müdafiəsi barədə qanunvericiliyin məhkəmələr tərəfindən tətbiq edilməsi təcrübəsi haqqında” 1999-cu il 14 may tarixli plenum qərarı qüvvədən düşmüşdür.

Əvvəlki plenum qərarından fərqli olaraq yeni qərarla şərəf, ləyaqət, işgüzar nüfuz bir-birindən və şəxsi toxunulmazlıq hüququndan ayrılmaqla yeni anlayışlarla əhatə olunmuşdur.

Ətraflı:https://supremecourt.gov.az/storage/pages/2312/media-seref-leyaqet-ve-isguzar-nufuzun-mudafiesi-huququ.pdf

31/01/2026

Azərbaycan Respublikası Vəkillər Kollegiyası 2025-ci ilin yekunlarına dair VK üzvlərinin Konfrasını keçirir.

31/01/2026

Vəkillər Kollegiyası xəbərdarlıq edir: “Vəkil” sözündən və onun tərcüməsindən qanunsuz istifadə məsuliyyətə səbəb olur

Məlum olduğu kimi, “Vəkillər və vəkillik fəaliyyəti haqqında” Qanuna əsasən, Vəkillər Kollegiyasının üzvü olmayan şəxs tərəfindən özünə münasibətdə və ya təşkilatının adında “vəkil” sözündən və bu sözün istifadə edildiyi ifadələrdən, eyni zamanda onların başqa dillərə tərcüməsindən istifadə olunması qadağandır.

Eyni zamanda Azərbaycan Respublikasının İnzibati Xətalar Məcəlləsinin 399-cu maddəsinə edilən 30.12.2025-ci il tarixli dəyişikliyə əsasən, Vəkillər Kollegiyasının üzvü olmayan şəxslərin gəlir əldə etmək məqsədilə “vəkil” sözündən istifadə etməsi inzibati məsuliyyətə səbəb olacaq.

Belə ki, Vəkillər Kollegiyasının üzvü olmayan şəxs tərəfindən gəlir əldə etməklə özünə münasibətdə və ya təşkilatının adında “vəkil” sözündən və bu sözün istifadə edildiyi ifadələrdən, eyni zamanda onların başqa dillərə tərcüməsindən istifadə olunmasına görə fiziki şəxslər iki yüz manatdan üç yüz manatadək məbləğdə, vəzifəli şəxslər altı yüz manatdan səkkiz yüz manatadək məbləğdə cərimə edilir.

Diqqətə çatdırılır ki, “Vəkil” adından yalnız qanunla müəyyən edilmiş qaydada vəkil statusu əldə etmiş və Vəkillər Kollegiyasının üzvü olan şəxslər istifadə edə bilərlər.

Vəkillər Kollegiyası vətəndaşlardan bu cür qanunazidd hallarla qarşılaşdıqları təqdirdə müvafiq hüquq-mühafizə orqanlarına müraciət etmələrini xahiş edir.

10/12/2025

10 dekabr Ümumdünya İnsan Hüquqları Günüdür. Bu gün 1948-ci ildə BMT Baş Assambleyasının İnsan Hüquqları üzrə Ümumi Bəyannaməsini qəbul etdiyi tarixdə qeyd edilir. Bəyannamə insan ləyaqətinə və hüquqlarının müdafiəsinə əsaslanır və hər il bu gün dünya miqyasında qeyd olunur.

Tarixçəsi: 10 dekabr 1948-ci ildə Birləşmiş Millətlər Təşkilatı (BMT) Baş Assambleyası tərəfindən qəbul edilmiş İnsan Hüquqları üzrə Ümumi Bəyannaməyə həsr olunub.
Qeyd edilməsi: 1950-ci ildən bəri hər il dekabrın 10-u bütün dünyada İnsan Hüquqları Günü kimi qeyd edilir.
Əsas məqsədi: Bu gün, bütün insanların irqindən, cinsindən, dilindən, dinindən və ya digər fərqlərindən asılı olmayaraq eyni hüquqlara malik olduğunu vurğulamaq üçün qeyd olunur.
BMT-nin rolu: BMT-nin təməl prinsiplərindən biri insan hüquqlarının qorunmasıdır və bu missiya təşkilatın yarandığı gündən davam edir.

Enjoy the videos and music you love, upload original content, and share it all with friends, family, and the world on YouTube.

10/12/2025

ELAN

10 dekabr - Beynəlxalq İnsan Hüquqları Günü münasibətilə dekabrın 10-da Azərbaycan Respublikası Vəkillər Kollegiyası tərəfindən pulsuz hüquqi yardımla bağlı respublika ərazisində fəaliyyət göstərən vəkil qurumlarında “Açıq qapı" günü keçiriləcək.

Belə ki, respublika üzrə aztəminatlı şəxslər pulsuz hüquqi yardım almaq üçün 25 Saylı Vəkil Bürosuna müraciət edə bilərlər.

Aksiya saat 09:00-dan 18:00-dək davam edəcək.
Əlaqədar şəxs: Asif Mədətov 055 639-89-98
25 saylı Vəkil Bürosu

17/06/2024

https://barassociation.az/news/1406