Məcid Məmmədov

19/05/2026

Bu gün 19 may tarixində Azərbaycan Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev Ümumdünya Şəhərsalma Forumunun 13-cü sessiyası (WUF13) çərçivəsində keçirilən QHT forumunda çıxışı:
“Mən Azərbaycan QHT-lərinə Dövlət Dəstəyi Agentliyinə də təşəkkür edirəm. Şəxsən və komanda olaraq deyə bilərəm ki, bununla qürur duyuram”
🙏🇦🇿🇦🇿🇦🇿
Qeyri-Hökumət Təşkilatlarına Dövlət Dəstəyi Agentliyi

18/05/2026

18/05/2026

🌍 Dünya Şəhərsalma Forumunun 13-cü sessiyası — WUF13 çərçivəsində keçirilən tədbirdə iştirak etmək bizim üçün böyük qürur oldu.

Belə mötəbər beynəlxalq tədbirin Azərbaycanda keçirilməsi ölkəmizin artan nüfuzunu, təşkilatçılıq bacarığını və qlobal platformalarda güclü mövqeyini bir daha nümayiş etdirdi. Prezident İlham Əliyevin və Birinci vitse-prezident Mehriban Əliyevanın tədbirdə iştirakı forumun əhəmiyyətini və Azərbaycanın dayanıqlı inkişaf, müasir şəhərsalma və beynəlxalq əməkdaşlığa verdiyi önəmi bir daha vurğuladı.

Şəhərlərin gələcəyi, innovativ urban həllər və dayanıqlı inkişaf istiqamətində aparılan müzakirələr dəyərli təcrübə və yeni baxışlar qazandırdı. Dünyanın müxtəlif ölkələrindən olan iştirakçılarla fikir mübadiləsi aparmaq isə olduqca faydalı oldu. 🇦🇿

📍 WUF13, Azərbaycan


https://president.az/az/articles/view/72401

17/05/2026

Mayın 15-də Beynəlxalq Muğam Mərkəzində Azərbaycan-Türkiyə dostluq konserti təşkil olunub. Səfirliklərin nümayəndələri və millət vəkillərinin qonaq olduğu konsertdə Rotterdam Klassik Türk Musiqisi Xoru çıxış edib.
Xorun rəhbəri Burak Savaşın dirijorluğu ilə türkiyəli və azərbaycanlı musiqiçilər eyni səhnəni bölüşərək həm Anadolu, həm də Azərbaycanın zəngin musiqi xəzinəsindən seçilən əsərləri səsləndiriblər.
Tədbirdə Heydər Buka (zərb alətləri), Atilla Tektaş və Mirhüseyn Əsədullayev (tar), Elnur Mikayılov (kamança), Sidqi Savaş (ud), Yelda Dəmir (qaval), Əməkdar artist Çinarə Mütəllibova (qanun), Səbinə Məmmədova (piano), Rəfael Əsgərov (balaban) və Rəvanə Qurbanova (vokal) çıxış ediblər.
Tədbirin əsas mahiyyəti Azərbaycan və Türkiyə xalqları arasında ortaq mədəni dəyərlərin, musiqi ənənələrinin və qardaşlıq münasibətlərinin daha da möhkəmləndirilməsi, eləcə də bu zəngin irsin gələcək nəsillərə çatdırılmasıdır.
Tədbirin əsas təşkilatçısı Mayise Agamirzeyeva Gundogdu xanıma dəvətə görə Dayaq Vətən Müharibəsi Əlillərinə və Şəhid Ailələrinə Dəstək Təşkilatı adından xüsusi olaraq təşəkkürümü bildirirəm.

16/05/2026

Bu gün Bakıda Azərbaycan Respublikasının QHT Agentliyinin təşkilatçılığı və Türk Dövlətləri Təşkilatına üzv ölkələrin QHT Platformasının tərəfdaşlığı ilə Türk Dövlətləri Təşkilatına üzv ölkələrin QHT-lərinin II Həmrəylik Forumu keçirildi.
Forumda Azərbaycan, Türkiyə, Özbəkistan, Qazaxıstan, Qırğızıstan, Türkmənistan, Şimali Kipr Türk Cümhuriyyəti və Macarıstandan vətəndaş cəmiyyəti nümayəndələri iştirak etdilər.

“2nd Solidarity Forum of NGOs from OTS Member Countries” 🇦🇿🇹🇷🇰🇿🇸🇱🇭🇺🇹🇲🇰🇬

15/05/2026

Benilüks Azərbaycanlıları Konqresi/Benelux Azerbaijanis Congress nin dəstəyi Dayaq Vətən Müharibəsi Əlillərinə və Şəhid Ailələrinə Dəstək Təşkilatı nın təşkilatçılığı ilə Vətən uğrunda canından keçərək şəhidlik zirvəsinə ucalmış qəhrəman Şəhid Elvin İsmayılovun ailəsini ziyarət etdik. Bu görüş zamanı şəhidimizin əziz xatirəsini dərin ehtiramla yad etdik, ailə üzvləri ilə səmimi söhbətlər apararaq onların qayğı və düşüncələri ilə maraqlandıq.
Ziyarət çərçivəsində ailəyə müxtəlif sovqatlar təqdim olundu, maddi və mənəvi dəstəyimiz göstərildi. Şəhid ailələrinin hər zaman dövlətimizin və xalqımızın diqqət mərkəzində olması, onların yalnız olmadıqlarını hiss etmələri hər birimizin mənəvi borcudur. Çünki bu müqəddəs ailələr Vətənimizin azadlığı və torpaqlarımızın bütövlüyü uğrunda ən əziz varlıqlarını fəda ediblər.
Şəhid Elvin İsmayılovun qəhrəmanlığı və Vətənə bağlılığı gənc nəsillər üçün örnəkdir. Onun əziz xatirəsi daim qəlbimizdə yaşayacaq və göstərdiyi şücaət heç zaman unudulmayacaq. Allah bütün şəhidlərimizə rəhmət eləsin, ailələrinə səbir və güc versin.
Şəhid ailələrinə diqqət və qayğı göstərmək həm insanlıq borcu, həm də milli-mənəvi dəyərlərimizin ayrılmaz hissəsidir. Bu istiqamətdə həyata keçirilən hər bir təşəbbüs birlik və həmrəyliyimizin bariz nümunəsidir.

14/05/2026

Mayın 13-də Qərbi Azərbaycan İcmasında “Modern İnkişaf və Ailə” İctimai Birliyinin sədri, Yeni Azərbaycan Partiyası Veteranlar Şurasının üzvü, həkim, yazıçı-publisist Zərifə Quliyevanın qələmə aldığı “Heydər Əliyev irsi”, “Xarüqələr yaradan qətiyyətli lider” və “Zəfər tariximizin fatehləri” kitablarının təqdimat mərasimi keçirilib.

13/05/2026

bp şirkətinin maliyyə dəstəyi və Azərbaycan Gənc Alim, Doktorant və Magistrlər Cəmiyyətinin sədri, dəyərli alim dr. İlqar Orucovun rəhbərliyi ilə ərsəyə gələn üç yeni kitabın təqdimat mərasimində iştirak etmək mənim üçün olduqca qürurverici və yaddaqalan oldu.
Müxtəlif istiqamətləri əhatə etməsinə baxmayaraq, hər üç nəşri birləşdirən əsas xüsusiyyət onların müasir dövrün qlobal çağırışlarına cavab verməsi, aktual problemlərə elmi yanaşma sərgiləməsi və gələcəyə yönəlik həll yollarını təşviq etməsidir. Bu cür əsərlərin ərsəyə gəlməsi ölkəmizdə elmi düşüncənin inkişafı, gənc tədqiqatçıların stimullaşdırılması və beynəlxalq elmi mühitə inteqrasiyanın gücləndirilməsi baxımından xüsusi əhəmiyyət daşıyır.
Təqdimat mərasimi yalnız kitabların təqdimatı deyil, eyni zamanda elmə, maariflənməyə və intellektual inkişafın təşviqinə xidmət edən mühüm bir platforma idi. Tədbirdə səsləndirilən fikirlər, aparılan müzakirələr və nümayiş olunan elmi yanaşmalar gələcək fəaliyyətimiz üçün də motivasiya mənbəyi oldu.
Bu dəyərli təşəbbüsə, səmimi dəvətə və göstərilən yüksək təşkilatçılığa görə hörmətli dr. İlqar Orucova dərin təşəkkürümü bildirir, gələcək elmi fəaliyyətində yeni uğurlar və nailiyyətlər arzulayıram. İnanıram ki, bu kimi layihələr ölkəmizin elmi potensialının daha da inkişafına mühüm töhfələr verməyə davam edəcək.

11/05/2026

Faşizm üzərində Qələbənin 81-ci ildönümü münasibətilə Sovet Ereveld Fondu tərəfindən təşkil olunmuş anım mərasimində iştirak etdik.
Tədbirdə Azərbaycan Respublikasının Niderland Krallığındakı fövqəladə və səlahiyyətli səfiri Məmməd Əhmadzadə, Leusden və Amersfoort şəhərlərinin merləri, diplomatik korpusun nümayəndələri, eləcə də Benilüks Azərbaycanlılarının Koordinasiya Şurasının üzvləri iştirak edirdilər.

Mərasim çərçivəsində Niderlandın azadlığı uğrunda qəhrəmancasına həyatını qurban vermiş və Amersfoort qəbiristanlığında uyuyan soydaşlarımızın əziz xatirəsi dərin ehtiramla anıldı.

10/05/2026

Müasir Azərbaycanın memarı, Ümummilli Lider Heydər Əliyevin anadan olmasının 103-cü ildönümü münasibətilə Niderlandda keçirilmiş tədbir haqda Real TV-nin reportajı.

Azərbaycan Respublikasının Diasporla İş üzrə Dövlət Komitəsi

Embassy of the Republic of Azerbaijan to the Kingdom of the Netherlands

Benilüks Azərbaycanlıları Konqresi/Benelux Azerbaijanis Congress

Qarabag Idman Klubu Hollandiya

10/05/2026

Heydər Əliyev – 103
Azərbaycan xalqının taleyində silinməz iz qoymuş böyük dövlət xadimi, uzaqgörən siyasətçi və müdrik rəhbər Heydər Əliyev xalqımızın yaddaşında daim yaşayır. Onun zəngin və şərəfli həyat yolu Vətənə sonsuz sədaqətin, xalqa xidmətin və dövlətçilik məfkurəsinin parlaq nümunəsidir. Bu gün də onun adı hörmət və ehtiramla çəkilir, əziz xatirəsi dərin sevgi ilə anılır.
Heydər Əliyev Azərbaycanın ən çətin və taleyüklü dövrlərində xalqının yanında olmuş, ölkəmizin müstəqilliyinin möhkəmlənməsi, dövlətçiliyimizin qorunması və inkişafı naminə misilsiz xidmətlər göstərmişdir. Onun rəhbərliyi ilə Azərbaycan sabitlik, tərəqqi və inkişaf yoluna qədəm qoymuş, milli birlik və həmrəylik daha da güclənmişdir. Ulu Öndərin müəyyən etdiyi siyasi kurs bu gün də ölkəmizin uğurlu inkişafının əsasını təşkil edir.
Dahi şəxsiyyətin həyata keçirdiyi uzaqgörən siyasət nəticəsində Azərbaycanın beynəlxalq nüfuzu yüksəlmiş, iqtisadi inkişafın təməli qoyulmuş, milli-mənəvi dəyərlərimiz qorunaraq gələcək nəsillərə ötürülmüşdür. O, hər zaman xalqına arxalanmış, xalq da öz böyük liderinə sonsuz sevgi və etimad göstərmişdir.
Heydər Əliyev yalnız siyasi lider deyil, həm də yüksək insani keyfiyyətlərə malik böyük şəxsiyyət idi. Onun müdrik fikirləri, zəngin idarəçilik təcrübəsi və Vətənə bağlılığı hər bir azərbaycanlı üçün örnəkdir. Ulu Öndərin əziz xatirəsi milyonlarla insanın qəlbində yaşayır və yaşayacaqdır.
Bu gün biz böyük ehtiram hissi ilə Heydər Əliyevin 103-cü ildönümünü yad edir, onun müqəddəs ruhu qarşısında baş əyirik. Dahi rəhbərin nurlu xatirəsi daim qəlbimizdə yaşayacaq, adı Azərbaycan tarixində əbədi olaraq qalacaqdır.
Xatirimizdədir, sevgi ilə anırıq.