16/05/2026
Böyük qürur hissi ilə bildiririk ki, komandamızın üzvü Fidan Xəlilova Azərbaycan Respublikasının Vəkillər Kollegiyasına üzv qəbul olunmuşdur ⚖️
Fidan bizim komandaya universitetin 4-cü kursundan qoşulub və artıq 4 ilə yaxındır ki, peşəkar fəaliyyətini bizimlə davam etdirir. Bu müddət ərzində o, yüksək məsuliyyət hissi, hüquqa olan marağı, daim öz üzərində çalışması və inkişaf istəyi ilə seçilərək gənc və perspektivli hüquqşünas kimi formalaşıb.
Bütün mərhələləri uğurla keçərək vəkillik fəaliyyətinə başlaması onun zəhmətinin, əzmkarlığının və peşəsinə olan bağlılığının nəticəsidir.
Fidan Xəlilovanı bu əlamətdar nailiyyət münasibətilə ürəkdən təbrik edir, gələcək peşə fəaliyyətində yeni uğurlar arzulayırıq.
