Sirius Vəkil Bürosu

25/07/2026

🏆 QÜRURUMUZ, UĞURUMUZ!

Büromuzun dəyərli vəkili Fidan Abbasova “Yüksəliş” müsabiqəsinin VI mövsümünün qalibi olub! 🎉🇦🇿
Bu möhtəşəm uğur münasibətilə Fidan xanımı ürəkdən təbrik edir, ona daim yüksələn peşəkar karyera və yeni uğurlar arzulayırıq! ✨
Fidan Abbasovanın bu qələbəsi yalnız onun şəxsi uğuru deyil, eyni zamanda Sirius Vəkil Bürosunun kollektivi üçün böyük qürur və sevinc mənbəyidir.
İnanırıq ki, bu uğur qarşıdakı daha böyük nailiyyətlərin başlanğıcıdır.
Sizinlə qürur duyuruq!

🌟 Uğurlarınız daim yüksəlişdə olsun!

Qürurumuz Uğurumuz Təbriklər

17/07/2026

Bakı Dövlət Universitetinin SABAH qruplarında bakalavr pilləsində, Konstitusiya hüququ kafedrasında magistratura pilləsində təhsil almış, hazırda inzibati hüquq ixtisası üzrə doktoranturada elmi tədqiqatlarını davam etdirən və yaxın zamanda hüquq üzrə fəlsəfə doktoru elmi dərəcəsini əldə edəcək Zərifə Məmmədova vəkil andı içərək Sirius Vəkil Bürosunun vəkilləri sırasına qoşulmuşdur.

Tələbəlik illərindən yüksək akademik göstəriciləri, peşəkarlığı və məsuliyyətli yanaşması ilə seçilən Zərifə Məmmədova, eyni zamanda Ədliyyə Nazirliyi və Dövlət Sosial Müdafiə Fondu kimi mühüm dövlət qurumlarında fəaliyyət göstərərək zəngin praktiki təcrübə qazanmışdır.

Zərifə Məmmədovanı bu əlamətdar gün münasibətilə səmimi qəlbdən təbrik edir, vəkillik fəaliyyətində uğurlar arzulayırıq. Sirius Vəkil Bürosu ailəsinə xoş gəlmisiniz!

10/07/2026

Qürurverici bir xəbəri sizinlə bölüşürük!
Büro rəhbərimiz Subhan Aliyev “Azərbaycan Respublikası Konstitusiyasının 30 illiyi (1995–2025)” Azərbaycan Respublikasının yubiley medalının təsis edilməsi ilə əlaqədar “Azərbaycan Respublikasının orden və medallarının təsis edilməsi haqqında” Azərbaycan Respublikasının Qanununa görə, Azərbaycan Respublikası Konstitusiyasının aliliyinin təmin edilməsində olan xidmətləri ilə əlaqədar medalla təltif olundu.
Bu mükafat yalnız böyük zəhmətin deyil, həm də peşəkarlığın, ədalətə sədaqətin yüksək qiymətləndirilməsinin bariz nümunəsidir.

26/05/2026

Sirius Vəkil Bürosunun vəkili Pərvin Musayev tərəfindən Bakı Dövlət Universiteti və UNEC tələbələri üçün keçirilən mühazirələr. Vəkillik Təhsil Mühazirə GəncHüquqşünaslar

21/05/2026

2009-cu ildə BDU-nun hüquq fakültəsində təhsil alan Rübabə xanım, 2011-ci ildə Almaniyada magistraturada təhsilini davam etdirib. Daha sonra müxtəlif sahələrdə işləyən, BDU-da müəllim olan, hal-hazırda SOCAR-da departament rəhbəri olan, Rübabə xanım, vəkil kimi Sirius Vəkil Bürosunda fəaliyyət göstərəcəkdir. Rübabə xanıma vəkillik fəaliyyətində uğurlar arzu edirik!

14/05/2026

2022-ci ildə universitetin 4-cü kursunda təhsil alarkən Fidan Xəlilova təcrübə keçmək üçün Sirius Vəkil Bürosu ailəsinə qoşuldu. Vəkillik imtahanlarını uğurla başa vurduqdan sonra peşə fəaliyyətini məhz Siriusda davam etdirmək istədiyini bildirdi.
Bizə göstərdiyi etimada və Sirius ailəsinin bir parçası olmağı seçdiyinə görə Fidan xanıma təşəkkür edir, gələcək fəaliyyətində uğurlar arzulayırıq.

12/05/2026

Sirius Vəkil Bürosunun rəhbəri III Beynəlxalq Türk Dünyası Gənc Akademisyenlər Konqresində iştirak etmişdir.

09/05/2026

07/05/2026

Azərbaycan Respublikası Konstitusiya Məhkəməsində Azərbaycan xalqının Ümummilli Lideri Heydər Əliyevin anadan olmasının 103-cü ildönümünə həsr olunmuş “İnsan hüquq və azadlıqlarının qorunması üçün milli mexanizmlərin effektivliyi: Konstitusiya hüquq sisteminin əsası kimi” mövzusunda keçirilən dəyirmi masada büromuzun rəhbəri çıxış etmişdir.

“İnsan hüquq və azadlıqlarının qeyri-dövlət orqanları tərəfindən müdafiəsinin konstitusion əsasları” mövzusuna toxunan rəhbərimiz, insan hüquqlarının müdafiəsində hüquqi institutların və vətəndaş cəmiyyətinin rolunu xüsusi vurğulamışdır.

24/04/2026

Bu gün büromuz üçün də qürurverici bir gündür!
Büromuzun dəyərli rəhbəri Sübhan müəllimin Milli Aviasiya Akademiyasında elmi rəhbəri olduğu Həmid Mehdiyev fəlsəfə doktoru elmi dərəcəsini qazanmışdır.
Həmid Mehdiyevi bu münasibətilə təbrik edir, gələcək elmi fəaliyyətində daha böyük uğurlar, yeni nailiyyətlər və daim yüksəliş arzulayırıq!