Vəkil Çinar Kərəmov

07/03/2026

Dövlətin gücü qanunun aliliyində, cəmiyyətin sabitliyi isə ədalətin təmin olunmasındadır.

Hüquq sahəsində fəaliyyət göstərən bir vəkil kimi əsas məqsədim qanunun prinsiplərinə sadiq qalaraq vətəndaşların hüquq və qanuni mənafelərinin müdafiəsinə öz töhfəmi verməkdir.

Peşəkar məsuliyyət, obyektiv yanaşma və hüquqa hörmət bu fəaliyyətin əsas prinsiplərini təşkil edir.

Hüququn aliliyinə xidmət etmək və qanun çərçivəsində ədalətin təmin olunmasına töhfə vermək hər bir hüquqşünas üçün böyük məsuliyyətdir.

17/05/2025

Bir çox müəssisələr tərəfindən qabaqcadan ödəniş (avans) əsasında sonradan mallar ölkəyə idxal edilsə də, təəssüf ki, düzgün mühasibat uçotunun aparılmaması, əməkdaşların səhlənkarlığı və ya texniki səhvlər səbəbindən müvafiq sənədlər vaxtında banka təqdim olunmur. Bu halda, bank həmin qabaqcadan ödəniş əməliyyatına dair bütün sənədləri Azərbaycan Respublikasının Mərkəzi Bankına təqdim edir. Mərkəzi Bankın müraciəti əsasında məhkəmə, İnzibati Xətalar Məcəlləsinin 430.4-cü maddəsinə uyğun olaraq, müəssisəni təqsirli bilərək, inzibati xətanın bilavasitə obyekti olan vəsaitin 20-30 faizi məbləğində cərimə tətbiqi barədə qərar qəbul edir. Təbii ki, məhkəmədə işə baxılan zaman peşəkar hüquqi müdafiə nəticəsində mübahisə həllini tapa da bilər.

Azərbaycan Respublikasının Mərkəzi Bankının qaydalarına əsasən qabaqcadan ödəniş aparıldıqda banka ödənişin təyinatını, şərtlərini və məbləğini əks etdirən sənəd təqdim edilir. Qabaqcadan ödəniş müqabilində malların ölkəyə idxalını (xidmətlərin göstərilməsini) təsdiq edən gömrük bəyannaməsi (xidmətlərin göstərilməsini təsdiq edən sənəd) banka təqdim olunmalıdır və ya qabaqcadan ödənilmiş məbləğ geri qaytarılmalıdır. Müvafiq sənədlər ödənişin aparıldığı gündən ən geci 2 (iki) il müddətində banka təqdim edilmədikdə və ya qabaqcadan ödənilmiş məbləğ geri qaytarılmadıqda bank tərəfindən qabaqcadan ödəniş əməliyyatına dair bütün sənədlər 5 (beş) iş günü ərzində Azərbaycan Respublikasının Mərkəzi Bankına təqdim edilir.

Azərbaycan Respublikası İnzibati Xətalar Məcəlləsinin 430.4-cü maddəsinə əsasən Avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmamasına görə-vəzifəli şəxslər inzibati xətanın bilavasitə obyekti olmuş valyuta vəsaiti məbləğinin 10-20 faizinədək məbləğdə, hüquqi şəxslər inzibati xətanın obyekti olmuş valyuta vəsaiti məbləğinin20-30 faizinədək məbləğdə cərimə edilir.

Bizimlə əlaqə

📍Bakı, Mətbuat pr. 35E
📞 +994507443545
✉️[email protected]

23/01/2024

⚖️ Vəzifə: Köməkçi və ya Kargüzar

⭕️ Vəzifə öhdəlikləri:
✔️Gələn zənglərə və e-poçtlara cavab vermək;
✔️Daxil olan və göndərilən məktubların qeydiyyatını aparmaq;
✔️Vəkil tərəfindən təşkilatlara, dövlət orqanlarına göndərilən məktubların tərtib olunması və onların göndərilməsini təmin etmək;
✔️İşləri sistemləşdirmək və arxivləşdirmək;
✔️Exceldə hesabatları işləmək;
✔️Vəkil tərəfindən verilmiş gündəlik tapşırıqların vaxtında və dəqiq yerinə yetirilməsini təmin etmək.

⭕️ Tələblər:
▪️Ali təhsili;
▪️Ən az 1 il tələb olunan sahədə təcrübə;
▪️Yaş həddi – 22-30;
▪️Rus və İngilis dili bilənlərə üstünlük verilir.
▪️Ofis proqramlarından (Microsoft Office, Word, Excell) sərbəst istifadə etmək qabiliyyəti.

Əmək haqqı: 500 AZN
İş qrafiki: bazar ertəsi-cümə, saat 10:00-dan 18:00-dək

Namizədlər CV-lərini [email protected] e-poçt ünvanına göndərə bilər.

QEYD: Tələblərə cavab verməyən namizədlərin müraciətinə baxılmayacaq.

28/12/2023

Azərbaycan Respublikası Vəkillər Kollegiyasının bütün vəkillərini 28 dekabr "Vəkil Günü" peşə bayramı münasibətilə təbrik edirirəm. Hər birinizə fəaliyyətinizdə uğurlar arzulayıram.

08/11/2023

Zəfər Günü tariximizə qızıl hərflərlə yazılan şanlı səhifədir!🇦🇿

Xalqımızı Zəfər Günü münasibətilə səmimi qəlbdən təbrik edirəm.

🇦🇿

14/06/2023

12/02/2023

⚖️ Vəzifə: Vəkil köməkçisi

Vəzifə öhdəlikləri:
Müqavilələrin, vəsatətlərin, ərizələrin, şikayətlərin, iddia ərizələrinin apellyasiya və kassasiya şikayətlərinin layihələrini tərtib etmək;
Vəkil tərəfindən təşkilatlara, dövlət orqanlarına göndərilən məktubların tərtib olunması və onların göndərilməsini təmin etmək;
İşləri sistemləşdirmək və arxivləşdirmək;
Vəkil tərəfindən verilmiş gündəlik tapşırıqların vaxtında və dəqiq yerinə yetirilməsini təmin etmək.

Tələblər:
Ali hüquq təhsili;
1 ilədək hüquq sahəsində təcrübə;
Yaş həddi – 22-30;
Ofis proqramlarından (Microsoft Office, Word, Excell) sərbəst istifadə etmək qabiliyyəti.

Əmək haqqı: 500 AZN
İş qrafiki: bazar ertəsi-cümə, saat 10:00-dan 18:00-dək

Namizədlər CV-lərini [email protected] e-poçt ünvanına göndərə bilər.

QEYD: Tələblərə cavab verməyən namizədlərin müraciətinə baxılmayacaq.

14/08/2022

Bəzən işçilər işdən çıxan zaman iş yerindən işdənçıxarma müavinəti (kompensasiya) tələb edirlər. Nəzərə almaq lazımdır ki, işdənçıxarma müavinəti yalnız əmək məcəlləsində nəzərdə tutulmuş hallarda ödənilir.

Azərbaycan Respublikasının Əmək Məcəlləsinin 70-ci maddədinə görə a) müəssisə ləğv edildikdə; b) işçilərin sayı və ya ştatları ixtisar edildikdə; əmək müqaviləsi işəgötürən tərəfindən ləğv edilə bilər.

Əmək müqaviləsi Əmək Məcəlləsinin 70-ci maddəsinin “a” və “b” bəndləri ilə ləğv edilərkən işçiyə işəgötürən tərəfindən həmin işəgötürənlə bağlanmış əmək müqaviləsinə (əmək müqavilələrinə) uyğun olaraq müəyyən olunan əmək stajından asılı olaraq aşağıdakı məbləğlərdə işdənçıxarma müavinəti ödənilir:

✅bir ilədək əmək stajı olduqda – orta aylıq əməkhaqqı miqdarında;
✅bir ildən beş ilədək əmək stajı olduqda – orta aylıq əməkhaqqının azı 1,4 misli miqdarında;
✅beş ildən on ilədək əmək stajı olduqda – orta aylıq əməkhaqqının azı 1,7 misli miqdarında;
✅on ildən çox əmək stajı olduqda – orta aylıq əməkhaqqının azı iki misli miqdarında.

Bundan başqa, işçilərin sayı və ya ştatları ixtisar edildikdə işəgötürən işçinin razılığı ilə xəbərdarlıq müddətinin əvəzini ödəyə bilər.

Əmək müqaviləsinə Əmək Məcəlləsinin 68-ci maddəsinin ikinci hissəsinin «c» (əmək şəraitinin şərtlərinin dəyişdirilməsi), 74-cü maddəsinin birinci hissəsinin «a» (işçi hərbi və ya alternativ xidmətə çağırıldıqda) və «c» (qanunvericiliklə daha uzun müddət müəyyən edilməyibsə, əmək qabiliyyətinin fasiləsiz olaraq altı aydan çox müddətə tam itirilməsi ilə əlaqədar işçi əmək funksiyasını yerinə yetirə bilmədikdə) bəndləri ilə xitam verildikdə, işəgötürən işçiyə orta aylıq əmək haqqının azı iki misli miqdarında müavinət ödəyir.

İşçinin vəfatı ilə əlaqədar əmək müqaviləsinə xitam verildikdə isə vəfat edənin vərəsələrinə orta aylıq əmək haqqının azı üç misli miqdarında müavinət ödənilir.

Əmək müqaviləsinə Əmək Məcəlləsinin 68-ci maddəsinin ikinci hissəsinin "ç" (müəssisənin mülkiyyətçisinin dəyişməsi ilə əlaqədar) bəndi ilə xitam verildikdə, işəgötürən işçiyə orta aylıq əmək haqqının azı üç misli miqdarında müavinət ödəyir.

03/07/2022

Bəzi ailə münaqişələri zamanı qadın və ya kişi evi tərk edir və ayrı yaşamağa başlayırlar. Belə hallarda bəzən boşanmağa qərar verənə kimi bir neçə ay və ya il ötür. Bu ayrılıq zamanı ana(və ya ata), yanında qalan uşaq üçün aliment tələb edə bilərmi?

Qeyd edək ki, İstər məhkəmədən kənar, istərsə də məhkəmə qaydasında boşanmadan da (nikah pozulmadan) aliment almaq mümkündür.

Belə ki, valideynlər uşaqlarını saxlamağa borcludurlar. Uşaqlarını saxlamağın qayda və formasını valideynlər müstəqil müəyyən edirlər.

İlkin Mediasiya prosesində valideynlər yetkinlik yaşına çatmayan uşaqlarını saxlamaq barədə saziş (aliment ödənilməsi barədə saziş) bağlamaq hüququna malikdirlər.

Valideynlər uşaqlarını saxlamadıqda və ya aliment ödənilməsi ilə bağlı saziş bağlamaqdan imtina etdikdə uşaqların saxlanması üçün aliment valideynlərdən məhkəmə qaydasında tutulur.

Nəzərinizə çatdırırıq ki, nikahın pozulub-pozulmaması alimentin miqdarına təsir etmir.

===================

Bizimlə əlaqə

📍Bakı, İnşaatçılar pr. 6
📞 +99412 537 22 52
📞 +99450 744 35 45
✉️ [email protected]

05/03/2022

https://twitter.com/cinarkaramov?s=21

The latest Tweets from Vəkil Çinar Kərəmov (). Azərbaycan Respublikası Vəkillər Kollegiyasının üzvü. Azerbaijan