17/09/2026
🇦🇺 AUSTRALIA MIGRATION – ШИНЭ ӨӨРЧЛӨЛТҮҮД
Австралийн Home Affairs Minister Tony Burke өнөөдөр live-р нэг цаг гаруй цагаачлалын системд хийх хэд хэдэн шинэ өөрчлөлтийг танилцууллаа.
Сайдын хэлснээр энэ бодлого 2026 оны 2-р сард засгийн газар дотроо батлагдсан, сүүлийн үеийн улс төрийн шахалтын хариу биш гэнэ. Үүнээс Монголчуудад хамгийн их хамаатай байж магадгүй хэсгүүдийг хураангуйлан хүргэж байна:
1️⃣ ОЮУТНЫ (500) БОЛОН ТӨГСӨГЧИЙН (485) ВИЗЭЭР ГЭР БҮЛЭЭ ДАГУУЛАХ БОЛОМЖ ХААГДАНА
Шинээр мэдүүлэх оюутны болон төгсөгчийн визэнд эхнэр/нөхөр, хүүхдээ "дагалдан" (secondary applicant) хавсаргах боломжгүй болно.
Чөлөөлөгдөх нь: PhD суралцагчид, Номхон далайн болон АСЕАН-ы орнуудын иргэд.
⚠️ Монгол Улс АСЕАН-ы гишүүн биш. Тиймээс энэ чөлөөлөлт Монголын оюутнуудад (докторантуудаас бусад) үйлчлэхгүй.
✅ Одоо Австралид гэр бүлтэйгээ байгаа хүмүүст хамаарахгүй. Сайд "хил дотор байгаа гэр бүлийг салгахгүй" гэж илтгэлдээ тодорхой хэлсэн.
📊 Хэмжээ нь: өнгөрсөн жил 337,000 оюутны виз олгосноос 45,000 нь гэр бүлийн гишүүдэд очжээ.
2️⃣ ЖУУЛЧНЫ (600) ВИЗЭЭР ИРЭЭД ДОТООДООСОО ӨӨР ВИЗ МЭДҮҮЛЭХ ЗАМ ХААГДАНА
Цаашид олгогдох бүх жуулчны визэнд "No Further Stay" (8503) нөхцөл тавигдана. Энэ нь хилээр орж ирснийхээ дараа Австралид байхдаа оюутны, хамтрагчийн гэх мэт ихэнх төрлийн виз мэдүүлэх боломжгүй гэсэн үг (орогнолын виз үүнд хамаарахгүй).
Одоо хүчинтэй жуулчны визтэй, эсвэл жуулчны визээр Австралид байгаа хүмүүст хамаарахгүй — зөвхөн шинээр олгогдох визэнд.
💑 Хамтрагчийн виз хүлээж байгаа хүмүүст нэг сайн тал: сайдын хэлснээр энэ нөхцөл орсноор хилийн гадна байгаа хамтрагчид Австралид байгаа хайртай хүнтэйгээ хамт байхаар урт хугацааны жуулчны виз авах нь илүү хялбар болно гэнэ. Харин хамтрагчийн визний удаан шийдвэрлэлтийн талаар асуухад сайд ямар нэг төлөвлөгөө хэлээгүй.
3️⃣ СУРГАЛТЫН ВИЗИЙГ "ШАТ ДАМЖИН" СУНГАХ БОЛОМЖ ХААГДАНА
Сайд үүнийг "виз хоппинг" гэж нэрлэсэн. Дүрэм нэг л: зөвхөн дээшээ. Бакалавр дуусгасан бол магистр руу ахиж болно. Түвшин буулгах, эсвэл ижил түвшний өөр сургалтад дахин элсэж визээ сунгах боломж хаагдана.
Тодруулга: доод түвшний сургалт руу шилжихэд шинэ виз мэдүүлэх шаардлага өмнө нь ч байсан (8202 нөхцөл). Шинэ нь — тэр визийг доош буюу ижил түвшинд олгохгүй болж байгаа явдал.
4️⃣ WORK AND HOLIDAY (462) — 2, 3 ДАХЬ ЖИЛ СУГАЛААГААР
Хоёр дахь жилийн визэнд 45,000, гурав дахь жилд ердөө 5,000 хүн сугалаагаар (ballot) сонгогдоно. Өнгөрсөн жил 57,000 ба 31,000 байсан. Хөдөө орон нутагт ажилласан байх шаардлага хэвээр (2 дахь жилд 88 хоног, 3 дахь жилд 6 сар) — эхлээд ажиллана, дараа нь сугалаанд орно. Шаардлагаа хангасан хүмүүсийн визийг хэвийн хурдаар шийдвэрлэж, нийт хугацааг 3 сард тогтворжуулна. Эхний жилийн 462 визний талаар өнөөдөр юу ч зарлаагүй.
5️⃣ ВИЗ ХЭТРҮҮЛСЭН ХҮМҮҮС — 2015 ОНООС ӨМНӨХ ДЭГЛЭМ ЭРГЭЖ ИРЖ БАЙНА
Визгүй үлдсэн хүнийг саатуулах төвд авч, хэдхэн долоо хоногийн дотор өөрөө гарч явахад хүргэнэ. Сайдын хэлснээр 2015 оноос хойш саатуулах төвүүд гэмт хэрэг үйлдсэн хүмүүсээр дүүрсэн тул энгийн виз хэтрүүлсэн хүмүүсийг тэдэнтэй хамт байлгахгүйн тулд тусдаа байр (Мельбурн дэх хуучин карантины байр) ашиглахаар судалж байна. Нэмэлт 100 хяналтын ажилтан, 250 ор.
Мөн: үндэслэлгүй өргөдөл өгөхийг зөвлөдөг агентуудыг бүртгэлээс хасах хүртэл хариуцлага тооцно.
🟢 САЙН МЭДЭЭ — АЖЛЫН ВИЗЭНД ӨӨРЧЛӨЛТ ГАРААГҮЙ
Ажил олгогчийн ивээн тэтгэлэгтэй 482 / 186 визэнд ямар ч өөрчлөлт зарлаагүй. Гэр бүлээ дагуулах эрх хэвээр. Сайд бүр эсрэгээр нь хамгаалж хэлсэн: эмч, барилгачдын тал нь, сувилагчдын гуравны хоёр нь гэр бүлтэйгээ ирдэг, тэднийг ганцаараа ир гэвэл ирэхгүй гэсэн.
Эрүүл мэнд, барилга, боловсролын салбар аль хэдийн тэргүүлэх салбар байсан; одоо дээр нь хөдөө аж ахуй, уул уурхай, загас агнуур нэмэгдэнэ. Барилгын мэргэжлийн үнэмлэх их сургуулийн дипломтой адил оноо авдаг болно.
Хамгийн гол нь: сайд оюутан → төгсөгч → ажил олгогчийн виз → байнгын оршин суух → иргэншил гэсэн замыг "виз хоппинг биш, систем хамгийн сайнаараа ажиллаж байгаа нь" гэж тодорхой хэлсэн. Энэ замаар явж байгаа хүмүүст өнөөдрийн өөрчлөлт саад биш.
Эдгээр өөрчлөлт нь бүх виз эзэмшигчид болон бүх улсын иргэдэд адилхан үйлчлэхгүй. Visa subclass, passport country, course, family circumstances болон тухайн өөрчлөлт хүчин төгөлдөр болох хугацаа зэргээс шалтгаалан нөхцөл өөр байна.
Албан ёсны эцсийн мэдэгдэл гарсаны дараагаар бид дараа дараагийн постоор эцсийн байдлаар ямар шийдвэр гарч, хэзээнээс хэрэгжиж эхлэхийг мэдээллэх болно.
