02/05/2025
ՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ
14.04.2025թ. ք.Երևան
ԵՐԵՎԱՆ ՔԱՂԱՔԻ ԱՌԱՋԻՆ ԱՏՅԱՆԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ՔԱՂԱՔԱՑԻԱԿԱՆ ԴԱՏԱՐԱՆԸ
Նախագահությամբ դատավոր Ռուբեն Բունիաթյանի
Քարտուղարությամբ Մերի Ավետիսյանի
Lուսինե Հովհաննիսյանի
Վարդուհի Թադևոսյանի
Մասնակցությամբ
Սկզբնական հայցով հայցվոր,
հակընդդեմ հայցով պատասխանող
Լուսինե Ալեքսանյանի ներկայացուցիչ Հովիկ Վարդանյանի
(փաստաբանական գործունեության արտոնագիր՝ թիվ 774, լիազորագիր՝ տրված 20.03.2023 թվականին, երեք տարի ժամկետով)
Սկզբնական հայցով պատասխանող,
հակընդդեմ հայցով հայցվոր Միքայել Տերտերյանի
(անձնագիր՝ AR0464362, տրված՝ 25.09.2017թ., 008-ի կողմից)
Սկզբնական հայցով պատասխանող,
հակընդդեմ հայցով հայցվոր
Միքայել Տերտերյանի ներկայացուցիչ Արայիկ Պապիկյանի
(փաստաբանական գործունեության արտոնագիր՝ թիվ 970, լիազորագիր՝
տրված 19.09.2023 թվականին, երեք տարի ժամկետով)
Իրավասու մարմին Երևան քաղաքի
Մալաթիա-Սեբաստիա վարչական շրջանի
խնամակալության և հոգաբարձության
հանձնաժողովի ներկայացուցիչ Իռա Մարգարյանի
(լիազորագիր՝ տրված 05.12.2024 թվականին, երեք տարի ժամկետով)
դռնբաց դատական նիստում քննելով քաղաքացիական գործն ըստ հայցի Լուսինե Գերասիմի Ալեքսանյանի (անձնագիր՝ ___________, տրված՝ _________թվականին, ____-ի կողմից, հաշվառման հասցե՝ ______________________) ընդդեմ Միքայել Գրիգորի Տերտերյանի՝ ամուսնալուծության և ալիմենտի բռնագանձման պահանջների մասին, ըստ Միքայել Գրիգորի Տերտերյանի (հաշվառման հասցե՝ ______________________) հակընդդեմ հայցի ընդդեմ Լուսինե Գերասիմի Ալեքսանյանի, իրավասու մարմին Երևան քաղաքի Մալաթիա-Սեբաստիա վարչական շրջանի խնամակալության և հոգաբարձության հանձնաժողովի՝ տեսակցության կարգ սահմանելու պահանջի մասին,
………………………………………..
ՎՃՌԵՑ
1. Լուսինե Գերասիմի Ալեքսանյանի հայցն ընդդեմ Միքայել Գրիգորի Տերտերյանի` ամուսնալուծության և ալիմենտի բռնագանձման պահանջների մասին, բավարարել։
1.1 Լուծել Միքայել Գրիգորի Տերտերյանի և Լուսինե Գերասիմի Ալեքսանյանի՝ Երևան քաղաքի Մալաթիա-Սեբաստիա ՔԿԱԳ տարածքային բաժնում 17.04.2009 թվականին գրանցված ամուսնությունը (գրանցում՝ թիվ 269, ամուսնության վկայական՝ ԱԱ 120851):
1.2 Միքայել Գրիգորի Տերտերյանից հօգուտ Լուսինե Գերասիմի Ալեքսանյանի խնամքին գտնվող իրենց անչափահաս երեխաների՝ 09.01.2010 թվականին ծնված Էդգար Միքայելի Տերտերյանի և 03.03.2015 թվականին ծնված Գրիգոր Միքայելի Տերտերյանի բռնագանձել ապրուստի միջոց՝ ալիմենտ, կայուն դրամական գումարով՝ յուրաքանչյուր երեխայի համար ամսական 25.000-ական (քսանհինգ հազար) ՀՀ դրամ ամենամսյա վճարումներ կատարելու միջոցով՝ բռնագանձման ենթակա ալիմենտի գումարից հաշվանցելով դատարանի 22.05.2023 թվականի որոշմամբ կիրառված հայցի ապահովման միջոցի արդյունքում փաստացի բռնագանձված գումարները։
1.3 Ալիմենտի բռնագանձումը կատարել սկսած 11.05.2023 թվականից մինչև Էդգար Միքայելի Տերտերյանի և Գրիգոր Միքայելի Տերտերյանի չափահաս դառնալը:
2. Միքայել Գրիգորի Տերտերյանի հայցն ընդդեմ Լուսինե Գերասիմի Ալեքսանյանի, իրավասու մարմիններ Երևան քաղաքի Մալաթիա-Սեբաստիա վարչական շրջանի խնամակալության և հոգաբարձության հանձնաժողովի, Արմավիր համայնքի խնամակալության և հոգաբարձության հանձնաժողովի՝ տեսակցության կարգ սահմանելու պահանջի մասին, բավարարել:
2.1 Սահմանել Միքայել Գրիգորի Տերտերյանի և անչափահասներ 09.01.2010 թվականին ծնված Էդգար Միքայելի Տերտերյանի և 03.03.2015 թվականին ծնված Գրիգոր Միքայելի Տերտերյանի տեսակցության հետևյալ կարգը. յուրաքանչյուր երեքշաբթի և հինգշաբթի օրերին, ժամը 15.00-ից մինչև 21.00-ն, ինչպես նաև շաբաթ՝ ժամը 09.00-ից մինչև կիրակի ժամը 09.00-ն:
3. Միքայել Գրիգորի Տերտերյանից հօգուտ Հայաստանի Հանրապետության բռնագանձել 18.000 (տասնութ հազար) ՀՀ դրամ՝ որպես պետական տուրքի գումար։
4. Դատական ծախսերի հարցը, այդ թվում՝ պետական տուրքի հարցը մնացած մասով համարել լուծված:
5. Վճռի օրինական ուժի մեջ մտնելու պահից վերացնել սկզբնական հայցով Երևան քաղաքի առաջին ատյանի ընդհանուր իրավասության քաղաքացիական դատարանի 22.05.2023 թվականի որոշմամբ կիրառված հայցի ապահովման միջոցը:
6. Վճռի օրինական ուժի մեջ մտնելու պահից վերացնել հակընդդեմ հայցով Երևան քաղաքի առաջին ատյանի ընդհանուր իրավասության քաղաքացիական դատարանի 12.12.2023 թվականի որոշմամբ կիրառված հայցի ապահովման միջոցը:
7. Վճիռն ալիմենտի բռնագանձման պահանջի մասով օրինական ուժի մեջ է մտնում հրապարակման պահից և հրապարակման պահից մեկամսյա ժամկետում կարող է բողոքարկվել ՀՀ վերաքննիչ քաղաքացիական դատարան:
8. Վճիռն ամուսնալուծության և տեսակցության կարգ սահմանելու պահանջների մասով օրինական ուժի մեջ է մտնում հրապարակման պահից մեկ ամիս հետո և նույն ժամկետում կարող է բողոքարկվել ՀՀ վերաքննիչ քաղաքացիական դատարան:
9. Վճիռը կամովին չկատարելու դեպքում այն կկատարվի դատական ակտերի հարկադիր կատարումն ապահովող ծառայության միջոցով՝ պարտապանի հաշվին:
ՆԱԽԱԳԱՀՈՂ ԴԱՏԱՎՈՐ Ռ.Մ.ԲՈՒՆԻԱԹՅԱՆ
14.04.2025թ․
