Electric Yerevan, Էլեկտրիկ Երևան

11/12/2024

«Էլեկտրիկ Երևան» հակակոռուպցիոն ծրագրերի և համակարգային բարեփոխումների հասարակական կազմակերպությունը իրազեկում է հանրությանը՝ մեր կազմակերպության անվան բացառիկությունը, արժեքներն ու գործունեությունը պաշտպանելու նպատակով:

«Էլեկտրիկ Երևան» անվանումը ծնվել է 2015 թվականի Մ. Բաղրամյան պողոտայում քաղաքացիական ինքնակազմակերպված շարժման արդյունքում՝ նպատակ ունենալով պաշտպանել ՀՀ քաղաքացիների իրավունքները, պայքարել կոռուպցիայի դեմ և խթանել համակարգային բարեփոխումները: Այն գրանցվել է որպես հասարակական կազմակերպության անվանում՝ մեզ հնարավորություն տալով շարունակելու շարժման նպատակները և բարձր պահել արժեքները նաև ինստիտուցիոնալ ձևաչափով:

Վերջերս մենք տեղեկացել ենք, որ «Էլեկտրիկ Երևան» անվանումը օգտագործվում է երկու հայտնի լրագրողների կողմից՝ որպես հաղորդաշարի անվանում, որը ներկայացնում է էլեկտրական մեքենաների վերաբերյալ տեղեկատվություն: Չնայած մեր խնդրանքին, որ մեզ խնդրի առաջ չկանգնեցնեն՝ վերանայեն անվանման օգտագործումը, նրանք իրականացրել են հրապարակումը մեր անվան տակ:

«Էլեկտրիկ Երևան» անվանումը իրավաբանորեն պատկանում է մեր կազմակերպությանը՝ գրանցված Պետական ռեգիստրում (գրանցման համար՝ 211.171.875910, 2015-10-20): Մենք դեռևս բաց ենք խաղաղ և փոխադարձ հարգանքի վրա հիմնված քննարկման համար՝ խնդիրը իրավական քայլերից զերծ լուծելու նպատակով։

Տեղեկացնում ենք մեր հետևորդներին, աջակիցներին, զանգվածային լրատվամիջոցներին, պետական և միջազգային կառույցներին չնույնականացնել մեզ այդ հաղորդման հետ։ Ցանկանում ենք ընդգծել, որ հաղորդաշարը կապ չունի մեր կազմակերպության հետ, և դրա բովանդակությունը որևէ առնչություն չունի մեր հակակոռուպցիոն և բարեփոխումների ուղղվածությանը:

Մեր կազմակերպությունը հավատարիմ է իր նպատակներին՝ խթանելու ՀՀ-ի ինքնիշխանությունը, ժողովրդավարական արժեքները, սոցիալական արդարությունը և իրավունքի գերակայությունը: Մենք շարունակելու ենք մեր գործունեությունը՝ քաղաքացիական պատասխանատվության բարձրացման, թափանցիկ կառավարման խթանման և հասարակական բարիքի ստեղծման ուղղությամբ:

Հավատարիմ ենք մեր արժեքներին և վճռական ենք մեր անվանումն ու հեղինակությունը պաշտպանելու հարցում:

Խնդրում ենք տարածել այս հաղորդագրությունը։ Շնորհակալություն աջակցության համար։

Հարգանքով,
Նարեկ Այվազյան
Հիմնադիր տնօրեն
«Էլեկտրիկ Երևան» ՀԿ

[email protected]
https://electricyerevan.com

15/04/2024

«Բռունցքդ բեր» նախաձեռնությունը գտնում է, որ ստի, վախի, ատելության ու բռնության տարածման խոսույթն ու գործողությունները, ինչպես նաև տարածքների ու իրավունքների միակողմանի զիջումները տեղ չպետք է ունենան ՀՀ պետական քաղաքականությունում: Ուստի նախաձեռնությունը որպես խորհրդարանական երկրի գլխադասային մարմին՝ ՀՀ ԱԺ Պաշտպանության և անվտանգության հանձնաժողովից պահանջում է հանդես գալ հայտարարությամբ՝ առաջնորդվելով հետևյալ քաղաքական ուղենիշերով.

«Բռունցքդ բեր» նախաձեռնության բաց նամակը ՀՀ ԱԺ Պաշտպանության և անվտանգության հանձնաժողովին «Բռունցքդ բեր» նախաձեռնությունը, որը կազմավորվել է «Բացում» քաղաքացի....

14/08/2023

30/07/2023

14/12/2022

Լաչինի միջանցքի խաթարման փորձը սկսեց Լաչինի միջանցքի ճանապարհի փոփոխությունից, որը ամրագված էր նոյեմբերի 9-ի հակաիրավական հայտարարությունում։ Այս կետը Ադրբեջանը ...