MGM Partners

21/05/2026

⚖️📖 Կարեն Չիլինգարյանի «ՊԱՏԱՌԻԿՆԵՐ ԱՆՑՅԱԼԻՑ․ ԳՈՂԸ ՈՐ ՏՆԻՑ ԼԻՆԻ, ԵԶԸ ԵՐԴԻԿԻՑ ԿԵԼՆԻ» հուշերի 32-րդ պատմության մեջ նախկին դատավորը պատմում է, թե ինչպես մորուքը դավաճանեց իրեն, ինչի համար արժանացավ մահապատժի․

📌«Արմենը դուրս եկավ սենյակից և գրեթե անմիջապես վերադարձավ մի քանի բժիշկների հետ: Նրանք արագ գործի անցան: Լայնածաված գործողություններ սկսելուց առաջ նրանք ինձ ջերմ իջեցնող դեղեր տվեցին, հետո կատարեցին գործիքային մի շարք հետազոտություններ և վերջում, երբ ջերմությունս կտրուկ իջել էր, ժպտալով նայեցին ինձ ու ասացին. «Անհանգստանալու կարիք չկա: Ոչ մի լուրջ բան չի հայտնաբերվել: Դուք պարզապես մրսել եք, և լավ է, որ մեզ դիմելու հարցում չեք հապաղել: Այս գիշեր կմնաք հիվանդանոցում` մեր հսկողության տակ, և կստանաք անհրաժեշտ ու արդյունավետ դեղամիջոցներ, որոնք ևս մի քանի օր կխմեք հիվանդանոցից դուրս գրվելուց հետո: Իսկ մեր ուշացման համար ներեցեք մեզ, մենք կարծում էինք, թե հիվանդը կին է, քանի որ մեր մոտ Ձեր անունը կանայք են կրում: Բայց կանայք մորուք չեն ունենում, իսկ Դուք մորուքով եք, և մենք վստահ էինք, որ փաստաթղթում նշված հիվանդը Դուք չեք»:

Ես կատարեցի բժիշկների ցուցումները և օրեր անց արդեն մոռացել էի բարձր ջերմության կտտանքները, բայց մորուքիս դավաճանությունը չեմ մոռացել մինչև հիմա: Հենց ինքն էր բժիշկներին վանում ինձնից, ուստի ապաքինվելուց հետո նրան մահապատժի դատապարտեցի` սափրեցի, որ այլևս չբուսնի իմ ու բժիշկների միջև և առողջությունս էլ սակարկության առարկա չդարձնի:

Ահա և վերջ: Մի դավաճանից էլ ազատվեցինք, այն էլ` տնեցի դավաճանից: Ճիշտ են ասում` գողը որ տնից լինի, եզը երդիկից կելնի, իսկ որ դավաճանը տնից լինի, բժիշկը երդիկից էլ չի մտնի»:

🔗Հուշն ամբողջությամբ կարող եք կարդալ այստեղ՝
https://mgmpartners.am/patariknyer-ancyalic%e2%80%a4-gvogheh-vor-tnic-lini-yezeh-yerdikic-kyelni/

#Պատառիկներանցյալից #հուշեր #ԿարենՉիլինգարյան #Հայաստան

18/05/2026

«Երդվյալ ատենակալների միջոցով արդարադատության իրականացումը, կարծում եմ, մինչև այսօր եղած ամենակարևոր և ընդունված մեխանիզմներից է։ Շատ կարևոր է, որ իշխանությունը քաղաքական կամք ունենա և ինստիտուտի ներդրման հարցը լուծի ոչ թե ձևական, այլ բովանդակային մոտեցմամբ»․ Factor.am-ի հետ զրույցում նշել է «Էմ Ջի Էմ Փարտներս» ընկերության հիմնադիր Գագիկ Խաչիկյանը։ ⚖️

Նրա խոսքով՝ ամերիկյան մոդելի ներդրումը Հայաստանի պայմաններում կարող է խնդրահարույց լինել։ Գագիկ Խաչիկյանն առաջարկում է դիտարկել ուկրաինական փորձը, որտեղ դատավորներն ու ժողովրդական ատենակալները համատեղ են որոշում կայացնում։ Այս տարբերակը կիրառվում է ծանր հանցագործությունների քննության ընթացքում։

Նա համոզված է, որ ինստիտուտի ներդրումը կարող է միայն դրական ազդեցություն ունենալ դատական համակարգի վրա, եթե այն կրի ոչ թե ձևական, այլ իրական բովանդակային բնույթ։ 📚⚖️

🎥 Մանրամասները՝ տեսանյութում։
https://www.youtube.com/watch?v=qGMnTMHUbNM

#ԷՄՋԻԷՄՓարտներս #ԳագիկԽաչիկյան #Փաստաբան #Արդարադատություն #ԵրդվյալԱտենակալներ #ԴատականՀամակարգ #Իրավունք #Հայաստան

1 like. "Ժողովրդի դատարան․ ՀՀ-ում ներդրվելու է երդվյալ ատենակալների ինստիտուտը"

14/05/2026

⚖️📖Կարեն Չիլինգարյանի «ՊԱՏԱՌԻԿՆԵՐ ԱՆՑՅԱԼԻՑ․ ՄԱՅԻՍԸ ՎԱՐԴԱԲՈՒՅՐ ՉԻ ԼԻՆՈՒՄ» հուշերի 31-րդ պատմության մեջ նախկին դատավորը գրում է․
📌«Շուրջ 20-25 տարի չտեսա նաև Արթուրին:
Ես արդեն վաղուց ՀՀ վերաքննիչ քաղաքացիական դատարանի դատավոր էի: Դատական նիստերի հերթական օրը մտա դահլիճ, և աչքիս զարնեց մի շատ ծանոթ դեմք. Արթուրն էր, սպիտակած ու կնճռոտված: Սկզբում նա ձև արեց, թե չի ճանաչում ինձ, բայց երբ ես նրան դիմեցի անունով, անմիջապես հանձնվեց: Պարզվեց, որ եկել էր դատական նիստի` եղբոր հետ ունեցած ժառանգական վեճով: Ի՞նչ եք կարծում, ես քննեցի՞ այդ գործը: Իհարկե, ոչ, և պատճառը ոչ թե անաչառությանս հարցում կասկածն էր, այլ աններելի և տխուր հիշողությունները: Ես ինքաբացարկ հայտնեցի ու հեռացա դահլիճից` Արթուրի մեղայական ու զղջացող, բայց խեղճուկրակ հայացքի ուղեկցությամբ:
Ահա և վերջ: Մայիսը ծնվել էր վարդաբույր Վարդենիսում, բայց ինքը վարդաբույր չէր և վարդի բույրի փոխարեն էլ որդիներին փոխանցել էր ընդամենը ժառանգական վեճ:
Այո, Մայիսը վարդաբույր չէր, և թող մյուս բոլոր Մայիսները դասեր քաղեն նրանից ու իրենց կյանքն ապրեն մայիսի նման»:

🔗Հուշն ամբողջությամբ կարող եք կարդալ այստեղ՝

https://mgmpartners.am/patariknyer-ancyalic%e2%80%a4-mayiseh-vardabvo%d6%82yr-chi-linvo%d6%82m/

#Պատառիկներանցյալից #հուշեր #ԿարենՉիլինգարյան #Հայաստան

07/05/2026

⚖️📖 Կարեն Չիլինգարյանի «ՊԱՏԱՌԻԿՆԵՐ ԱՆՑՅԱԼԻՑ․ ԿԵՆԴԱՆԱԿԱՆ ԱՇԽԱՐՀԻ ԴԵՍՊԱՆԸ» հուշերի 30-րդ պատմության մեջ նախկին դատավորը պատմում է դատական գործերից մեկով լիազորագրում կատարված ստորագրությանը։

📌««Լավ», ասացի ես նրան, «Դուք ընդունու՞մ եք, որ ստորագրությունը կազմված է դրա հեղինակի անվան և ազգանվան սկզբնատառերից միայն»: Ամեն ինչ ակնհայտ էր, և երիտասարդը լուռ գլխով արեց. նա համաձայն էր ինձ հետ:
«Այդ դեպքում նույն սկզբունքով պատկերացրեք և կարդացեք այն ստորագրությունը, որը միայն անվան և ազգանվան սկզբնատառերի նշումով կկատարեր հարկային տեսչության պետը», ամենայն լրջությամբ դարձյալ դիմեցի երիտասարդին:
«ԵԶ», հազիվ լսելի ձայնով հնչեց պատասխանը:
Դահլիճում ներկաները, որ մինչ այդ հազիվ էին զսպում իրենց ծիծաղը, այլևս չդիմացան:
Երիտասարդն ինքն էլ հասկացավ, թե ինչ թակարդն է գցել ինքն իրեն, բայց արդեն շատ ուշ էր:
Մնում էր իմ վերջին խոսքը, բայց կատարվածի համատեքստում, ու ես չկարողացա այն պահել իմ մտքում. «Այս լիազորագրով Դուք կարող եք ներկայացնել կենդանաբանական այգու շահերը, եթե Ձեզ բախտ վիճակվի առնչվել այդ այգու մասնակցությամբ գործի: Իսկ սույն գործով վեճը կապված չէ կենդանիների իրավունքների կամ բնապահպանական այլ խնդիրների հետ: Դուք կարող եք մնալ դահլիճում` առանց խոսելու իրավունքի, կամ հեռանալ, ինքներդ որոշեք: Միայն թե դատարանին վերադարձրեք լիազորագիրը, այդ գանձը պետք է կարվի գործում»:
Երիտասարդը վերադարձրեց լիազորագիրը և ճողոպրեց դահլիճից: Թերևս, նա հասկացավ, որ կենդանական աշխարհի դեսպանի առաքելություն էր ստանձնել, չիմանալով, որ դատարանում համապատասխան դեսպանատուն չկա»:

🔗Հուշն ամբողջությամբ կարող եք կարդալ այստեղ՝
https://mgmpartners.am/patariknyer-ancyalic%e2%80%a4-kyendanakan-ashxarhi-dyespaneh/

#Պատառիկներանցյալից #հուշեր #ԿարենՉիլինգարյան #Հայաստան

06/05/2026

Այսօր շնորհավորում ենք «Էմ Ջի Էմ Փարտներս» ընկերության Կորպորատիվ իրավական սպասարկման ծառայության ղեկավար, իրավաբանական գիտությունների թեկնածու, դոցենտ Արմեն Եզեկյանին տարեդարձի առթիվ։

Պարոն Եզեկյանը առանձնանում է խորքային մասնագիտական գիտելիքներով, գիտական մտածողությամբ և ընդգծված կազմակերպչական կարողություններով՝ արդյունավետորեն ղեկավարելով կարևոր ուղղություն և ձևավորելով հստակ ու կայուն աշխատանքային միջավայր։

Նրա դասախոսական և գիտակրթական գործունեությունը կարևոր դեր ունի երիտասարդ իրավաբանների մասնագիտական կայացման գործում․ նա այն մասնագետներից է, ում փորձն ու գիտելիքը փոխանցվում են ոչ միայն տեսական, այլև կիրառական մակարդակով։

Մաղթում ենք պարոն Եզեկյանին քաջառողջություն, անսպառ եռանդ և շարունակական առաջընթաց բոլոր նախաձեռնություններում։

01/05/2026

Շնորհավոր Մայիսի 1

🤝Աշխատանքն է ստեղծում արժեքներ, իսկ իրավունքը՝ պաշտպանում դրանք։
Մենք վստահ ենք՝ յուրաքանչյուր հաջողության սկիզբը աշխատասիրությունն է։ Աշխատանքը պատիվ է, իսկ պաշտպանված աշխատանքը՝ երաշխավորված հաջողություն։ 💼

Այսօր մենք շնորհավորում ենք բոլոր նրանց, ովքեր իրենց ամենօրյա նվիրումով ու եռանդով նոր որակ ու արժեք են հաղորդում մեր կյանքին։ Թող ձեր մասնագիտական ուղին լինի հարթ ու ձեռքբերումներով լի, իսկ ստեղծագործական միտքը՝ անսպառ։

Մեր թիմը միշտ ձեր կողքին է՝ պաշտպանելու ձեզ և ձեր իրավունքները։

Շնորհավորում ենք բոլորին Աշխատանքի օրվա առթիվ: ✨

#ԷՄՋԻԷՄՓարտներս #Մայիսի1 #ԱշխատանքիՕր #ԻրավաբանականՕգնություն

30/04/2026

⚖️📖 Կարեն Չիլինգարյանի «ՊԱՏԱՌԻԿՆԵՐ ԱՆՑՅԱԼԻՑ․ ՈՏՔԴ ՎԵՐՄԱԿԻԴ ՉԱՓ ՄԵԿՆԻՐ» հուշերի 29-րդ պատմության մեջ ներկայացվում է, թե ինչպես մի գործով որոշումից հետո Վճռաբեկ դատարանը այն բեկանեց, իսկ այն ժամանակվա Արդարադատության նախարար Հրայր Թովմասյանի կողմից դատավորների դեմ կարգապահական վարույթ հարուցվեց․

📌«Խորհրդի անդամներից մեկը` ՀՀ վճռաբեկ դատարանի քրեական պալատի դատավոր, կանգ առավ դռան բացվածքում և, Հրայր Թովմասյանի աչքերին նայելով, բարձրացրեց աջ ձեռքի բութ մատը: Այս ժեստի նշանակությունը հանրահայտ ու անվիճելի է: Խորհրդի դատավոր անդամը չկարողացավ համբերել մի քանի վարկյան` մինչև կայացված որոշման հրապարակումը, և Հրայր Թովմասյանին հասկացրեց, որ ամեն ինչ արվել է նրա սրտով, և նա գոհ կմնա խորհրդից: Հրայր Թովմասյանը հաճույքով ընդունեց խորհրդի անդամ դատավորի ժեստը, իսկ քիչ անց որոշման հրապարակմամբ հավաստիացավ, որ այդ ժեստը խաբկանք չէր: Ահա այսպես բթամատը և բթամիտը գտան իրար:
Խորհուրդը վերաքննիչ դատարանի երեք դատավորներիս հայտարարեց նկատողություն, քանի որ արդարադատության նախարար Հրայր Թովմասյանն այդպես էր ցանկացել: Ուրիշ ոչինչ:
Այստեղ մենք հասկացանք, որ Արդարադատության խորհրդի վերմակն էլ սահմաններ չունի, էլ ու՞մ ասես ոտքդ վերմակիդ չափ մեկնիր: Չէ, ժամանակն է վերախմբագրել այս կոչը` վերմակդ կարել տուր ոտքերիդ չափ և ոտքերդ աջուձախ շարժիր որքան և ինչպես ուզում ես»:

🔗Հուշն ամբողջությամբ կարող եք կարդալ այստեղ՝
https://mgmpartners.am/patariknyer-ancyalic%e2%80%a4-votkhd-vyermakid-chaph-myeknir/

#Պատառիկներանցյալից #հուշեր #ԿարենՉիլինգարյան #Հայաստան

24/04/2026

Այսօր Ապրիլի 24-ն է՝ Հայոց ցեղասպանության զոհերի հիշատակի օրը։

Հիշում և խոնարհվում ենք։

23/04/2026

⚖️📖Կարեն Չիլինգարյանի «ՊԱՏԱՌԻԿՆԵՐ ԱՆՑՅԱԼԻՑ․ ԼԻԱԶՈՐՈՒԹՅՈՒՆ ՉՈՒՆԵ՞Ս, ԼՌԻ՛Ր ԵՎ ՆՍՏԻ՛Ր» հուշերի 28-րդ պատմության մեջ ներկայացվում է տնտեսավարող Ընկերության և հարկային տեսչության միջև ծագած վեճի վերաբերյալ քաղաքացիական գործից մի դրվագ։

📌«Ակնթարթորեն հավաստիանալով իրեն հետաքրքրող հարցում, ու համոզվելով, որ ինքը չի սխալվել, Դատավորը խիստ տոնով ու հեգնանքով հարկային տեսչության աշխատակցին ուղղեց հետևյալ հանդիմանական խոսքերը. «Բավական չէ, որ Ձեր լիազորությունները ճանաչված չլինելու պայմաններում զբոսնում եք դահլիճում, Ձեզ թույլ եք տալիս նաև բարձրաձայն մենախոսել` խանգարելով դատական նիստի կարգը: Լուռ նստեք դահլիճում կամ հեռացեք»:

🔗Հուշն ամբողջությամբ կարող եք կարդալ այստեղ՝
https://mgmpartners.am/patariknyer-ancyalic-liazvorvo%d6%82thyvo%d6%82n-chvo%d6%82nye%d5%9es-lri%d5%9br-yev-nsti%d5%9br/

21/04/2026

2026 թվականի ապրիլի 27-ից Արդարադատության նախարարության կողմից գործարկվում է սնանկության նոր էլեկտրոնային համակարգը։
Փոփոխության արդյունքում՝ սնանկության գործերով դատարան ներկայացվող դատավարական փաստաթղթերը ներկայացվելու են բացառապես էլեկտրոնային եղանակով՝ սահմանված կարգին համապատասխան։
Խորհուրդ է տրվում գործընթացում ներգրավված անձանց նախապես ծանոթանալ համակարգի կիրառման կարգին և պահանջներին։

Ապրիլի 27-ից Արդարադատության նախարարության կողմից կգործարկվի սնանկության նոր էլեկտրոնային համակարգը և այդ պահից սկսած՝ դատարան ներկայացվող նոր դատական գործերով բոլոր դատավարական փաստաթղթերը (դիմում, պահանջ, առարկություն, դիրքորոշում, միջնորդություն, հայցադիմում, բողոք և այլն) պետք է կազմվեն և ներկայացվեն համակարգի միջոցով՝ համակարգի կողմից տրամադրվող գործիքակազմին և առաջադրվող պահանջներին համապատասխան (բացառությամբ պետական գաղտնիք կազմող տեղեկությունների, որոնք ներկայացվում են միայն նյութական եղանակով) հետևյալ սուբյեկտների կողմից՝
📌իրավաբանական անձինք, անհատ ձեռնարկատերերը, պետական և տեղական ինքնակառավարման մարմինները, ներկայացուցիչ հանդիսացող փաստաբանները, սնանկության գործով կառավարիչները, նոտարները և արտոնագրված հաշտարարները.
📌ֆիզիկական անձինք, ովքեր սնանկության գործի շրջանակներում առնվազն մեկ անգամ էլեկտրոնային համակարգի միջոցով կատարել են որևէ գործողություն կամ սնանկության գործով կառավարչին ուղղված դիմումի հիման վրա գրանցվել են էլեկտրոնային համակարգում և հետագայում գործը քննող դատարանին տեղյակ չեն պահել էլեկտրոնային համակարգից օգտվելու անհնարինության մասին:

🔍Հիշեցնենք, որ Բարձրագույն դատական խորհուրդը ս․ թ․ ապրիլի 16-ին հրապարակել է հայտարարություն՝ սնանկության էլեկտրոնային համակարգի գործարկման վերաբերյալ https://court.am/hy/news/2084 :

18/04/2026

🎉 Սրտանց շնորհավորում ենք իրավաբանական գիտությունների դոկտոր, պրոֆեսոր, ՀՀ վաստակավոր իրավաբան Գևորգ Դանիելյանին՝ տարեդարձի առթիվ։

Պարոն Դանիելյանի անցած մասնագիտական ուղին իրավական մտքի զարգացման, պետականության ամրապնդման և սկզբունքային ծառայության օրինակ է։ Նրա նշանակալի ներդրումը պետական պաշտոններում, ինչպես նաև օրենսդրության մշակման և կատարելագործման գործընթացներում, կարևոր դեր է ունեցել իրավական համակարգի կայացման գործում։

Որպես գիտնական և պրոֆեսոր՝ Գևորգ Դանիելյանը ձևավորել է իրավաբանների սերունդներ՝ փոխանցելով խորքային գիտելիք և իրավունքի հանդեպ պատասխանատու վերաբերմունք։ Նրա վաստակն ու հեղինակությունը բարձր գնահատանքի են արժանի մասնագիտական հանրության շրջանում։

Մաղթում ենք մեր հարգարժան գործընկերոջը քաջառողջություն, երկարամյա արդյունավետ գործունեություն և նոր ձեռքբերումներ՝ ի նպաստ իրավական պետության զարգացման։