𝐆𝐊 𝐏𝐚𝐫𝐭𝐧𝐞𝐫𝐬 𝐜𝐨𝐧𝐬𝐮𝐥𝐭𝐢𝐧𝐠 𝐜𝐨𝐦𝐩𝐚𝐧𝐲

  • Home
  • Armenia
  • Yerevan
  • 𝐆𝐊 𝐏𝐚𝐫𝐭𝐧𝐞𝐫𝐬 𝐜𝐨𝐧𝐬𝐮𝐥𝐭𝐢𝐧𝐠 𝐜𝐨𝐦𝐩𝐚𝐧𝐲

𝐆𝐊 𝐏𝐚𝐫𝐭𝐧𝐞𝐫𝐬 𝐜𝐨𝐧𝐬𝐮𝐥𝐭𝐢𝐧𝐠 𝐜𝐨𝐦𝐩𝐚𝐧𝐲 Contact information, map and directions, contact form, opening hours, services, ratings, photos, videos and announcements from 𝐆𝐊 𝐏𝐚𝐫𝐭𝐧𝐞𝐫𝐬 𝐜𝐨𝐧𝐬𝐮𝐥𝐭𝐢𝐧𝐠 𝐜𝐨𝐦𝐩𝐚𝐧𝐲, Lawyer & Law Firm, Yerevan.

Իրավաբանական և հաշվապահական ծառայություններ
Աութսորս լուծումներ փոքր և միջին բիզնեսի համար

Ձեր վստահելի և երկարաժամկետ գործընկերը իրավունքի ու ֆինանսների ոլորտում

Երկ.- շաբ.
10:00-17:00

𝟎𝟗𝟓 𝟔𝟏 𝟔𝟏 𝟏𝟕 | 𝟎𝟕𝟕 𝟔𝟑 𝟒𝟒 𝟐𝟐

💼 Նոր բիզնեսի հաջող մեկնարկի հիմքում՝ ճիշտ իրավական, հարկային և ֆինանսական լուծումներն են։Օրեր առաջ մեզ դիմել էր հաճախոր...
28/08/2026

💼 Նոր բիզնեսի հաջող մեկնարկի հիմքում՝ ճիշտ իրավական, հարկային և ֆինանսական լուծումներն են։
Օրեր առաջ մեզ դիմել էր հաճախորդ, ով արդեն որոշել էր իր բիզնեսը սկսել որպես ԱՁ…

Նախքան բիզնեսի գրանցումը մենք մանրամասն ուսումնասիրեցինք նախատեսվող գործունեությունը և իրականացրեցինք իրավական, հարկային և հաշվապահական վերլուծություն։

Արդյունքում պարզվեց, որ տվյալ գործունեությունը ենթակա է ծանուցման, իսկ գործող օրենսդրության համաձայն՝ այն կարող է իրականացվել միայն իրավաբանական անձի կողմից։

Այսինքն՝ հաճախորդի նախապես ընտրված տարբերակով բիզնեսի գրանցումը չէր համապատասխանի նախատեսվող գործունեության իրավական պահանջներին։ Եթե այդ հանգամանքը բացահայտվեր արդեն բիզնեսի գործունեության ընթացքում, հաճախորդը ստիպված կլիներ փոխել իր կազմակերպաիրավական ձևը՝ կրելով լրացուցիչ ժամանակային և ֆինանսական ծախսեր, իսկ որոշ դեպքերում կարող էր նաև ենթարկվել օրենքով նախատեսված պատասխանատվության։

Մենք այդ խնդիրը բացահայտեցինք դեռևս բիզնեսի մեկնարկից առաջ և օգնեցինք հաճախորդին ընտրել գործունեությանը համապատասխան իրավական և հարկային լուծում։

📌 Բիզնեսի ճիշտ մեկնարկը միայն գրանցվելը չէ։ Ճիշտ իրավական, հարկային և հաշվապահական որոշումները կարևոր են ինչպես բիզնեսը գրանցելուց առաջ, այնպես էլ դրա գործունեության ողջ ընթացքում՝ երկարաժամկետ կայունության, արդյունավետության և շահութաբերության ապահովման համար։

Նախքան բիզնեսը սկսելը անհրաժեշտ է հասկանալ՝

▪️ արդյո՞ք տվյալ գործունեությունը ենթակա է ծանուցման,
▪️ պահանջվո՞ւմ է արդյոք լիցենզիա,
▪️ առկա՞ են գործունեության իրականացման հատուկ սահմանափակումներ,
▪️ ի՞նչ կազմակերպաիրավական ձևով կարող է իրականացվել գործունեությունը,
▪️ ի՞նչ հարկային և հաշվապահական պարտավորություններ են առաջանում,
▪️ և ի՞նչ այլ իրավական ու ֆինանսական պահանջներ պետք է հաշվի առնել։

📑 Մեր մասնագետները կուսումնասիրեն Ձեր նախատեսվող գործունեությունը, կգնահատեն դրա իրավական, հարկային և հաշվապահական պահանջները, կօգնեն ընտրել համապատասխան ձևաչափը և անհրաժեշտության դեպքում կկազմակերպեն համապատասխան գործընթացները Ձեր փոխարեն։

Դուք զբաղվեք Ձեր բիզնեսով, իսկ իրավական, հարկային և հաշվապահական հարցերը վստահեք մասնագետներին։

⚖️ Իրավաբանական, հարկային և հաշվապահական խորհրդատվության համար՝
📞 𝟎𝟗𝟓 𝟔𝟏 𝟔𝟏 𝟏𝟕 | 𝟎𝟕𝟕 𝟔𝟑 𝟒𝟒 𝟐𝟐 կամ 𝐃𝐌 📩

ԱՆՎՏԱՆԳ • ԹԱՓԱՆՑԻԿ • ՎՍՏԱՀԵԼԻՎրաստանում անշարժ գույք ձեռք բերելը կարող է դիտարկվել ինչպե՛ս եկամուտների դիվերսիֆիկացման և...
16/08/2026

ԱՆՎՏԱՆԳ • ԹԱՓԱՆՑԻԿ • ՎՍՏԱՀԵԼԻ

Վրաստանում անշարժ գույք ձեռք բերելը կարող է դիտարկվել ինչպե՛ս եկամուտների դիվերսիֆիկացման և ներդրումային պորտֆելի ընդլայնման հնարավորություն, այնպե՛ս էլ՝ նոր կյանքի սկիզբ։

Սակայն, հատկապես օտար երկրում, անշարժ գույքի հետ կապված գործարքը պահանջում է ոչ միայն գույքի ճիշտ ընտրություն, այլև իրավական և կազմակերպչական գործընթացների մանրակրկիտ ուսումնասիրություն և վերահսկում։

𝐆𝐊 𝐏𝐚𝐫𝐭𝐧𝐞𝐫𝐬 𝐋𝐋𝐂-ի 𝐆𝐊 𝐏𝐚𝐫𝐭𝐧𝐞𝐫𝐬 𝐑𝐞𝐚𝐥 𝐄𝐬𝐭𝐚𝐭𝐞 նախագծի միջոցով Դուք ստանում եք ամբողջական իրավական և կազմակերպչական ուղեկցում՝ մեր գրասենյակի հայ և վրացի իրավաբանների համատեղ աշխատանքի շնորհիվ։

Մենք կարող ենք աջակցել Ձեզ՝

▪️ գույքի և կառուցապատողի վերաբերյալ իրավական ուսումնասիրության,
▪️ սեփականության իրավունքի և գույքի փաստաթղթերի ստուգման,
▪️ գործարքի իրավական կառուցվածքի և պայմանագրային պայմանների գնահատման, իրավական ռիսկերի բացահայտման,
▪️ անշարժ գույքի ձեռքբերման վարկավորման հնարավորությունների վերաբերյալ խորհրդատվության և գործընթացի կազմակերպման,
▪️ Վրաստանում անհրաժեշտ իրավական և վարչական գործընթացների կազմակերպման,
▪️ կացության իրավունքի ձեռքբերման և հարակից գործընթացների շրջանակում։

Մեր նպատակն է, որպեսզի Վրաստանում անշարժ գույք ձեռք բերելու գործընթացը լինի ոչ միայն հարմար, այլև իրավական տեսանկյունից առավել անվտանգ և կանխատեսելի։

🇦🇲 Հայաստանից դեպի 🇬🇪 Վրաստան
մեկ համակարգված թիմ՝ 𝐆𝐊 𝐏𝐚𝐫𝐭𝐧𝐞𝐫𝐬 𝐋𝐋𝐂

📩 Գործարքի վերաբերյալ խորհրդատվության համար՝ գրեք 𝐃𝐢𝐫𝐞𝐜𝐭/𝐖𝐡𝐚𝐭𝐬𝐀𝐩𝐩 կամ զանգահարեք՝
+𝟯𝟳𝟰 𝟵𝟱 𝟲𝟭𝟲𝟭𝟭𝟳։

ՄԵՐ ԹԻՄԸ ՓՆՏՐՈՒՄ Է ԱՆԳԼԵՐԵՆԻ ՊՐՈՖԵՍԻՈՆԱԼ ԹԱՐԳՄԱՆԻՉ՝ ՄԻՋԱԶԳԱՅԻՆ ԲԱՆԱԿՑՈՒԹՅՈՒՆՆԵՐԻ ՀԱՄԱՐՄենք փնտրում ենք մասնագետի, ով միջ...
13/08/2026

ՄԵՐ ԹԻՄԸ ՓՆՏՐՈՒՄ Է ԱՆԳԼԵՐԵՆԻ ՊՐՈՖԵՍԻՈՆԱԼ ԹԱՐԳՄԱՆԻՉ՝ ՄԻՋԱԶԳԱՅԻՆ ԲԱՆԱԿՑՈՒԹՅՈՒՆՆԵՐԻ ՀԱՄԱՐ

Մենք փնտրում ենք մասնագետի, ով միջազգային գործընկերների հետ բանակցությունների ընթացքում կկարողանա ոչ միայն թարգմանել խոսքը, այլև ճշգրիտ փոխանցել դրա բովանդակությունը, իմաստը և մասնագիտական նշանակությունը՝ պահպանելով լիարժեք չեզոքություն։

Թեև առաջնահերթությունը տրվում է փորձառու՝ Senior մակարդակի մասնագետներին, անհրաժեշտ գիտելիքներ և բարձր մասնագիտական ներուժ ունեցող ուսանողի թեկնածությունը նույնպես կարող է դիտարկվել՝ մեր թիմում մասնագիտական աճի և Senior մակարդակի հասնելու հեռանկարով։

Թեկնածուից պահանջվում է՝

✔️ Բարձրագույն կրթություն՝ անգլերեն լեզու և գրականություն, թարգմանություն, լեզվաբանություն կամ հարակից ոլորտներում։ Կարող են դիմել նաև համապատասխան ոլորտներում սովորող ուսանողները՝ անգլերենի գերազանց իմացության դեպքում՝ առնվազն C1–C2 մակարդակով,
✔️ Հայերեն ↔ անգլերեն բանավոր և գրավոր թարգմանության գերազանց հմտություններ, ներառյալ բանակցությունների ընթացքում արագ լսելու, ընկալելու և ճշգրիտ փոխանցելու կարողությունը,
✔️ Իրավական և բիզնես տերմինաբանության վարժ տիրապետում, ինչպես նաև պաշտոնական և գործարար հաղորդակցության առանձնահատկությունների իմացություն,
✔️ Խոսողի մտքի, տոնի, մասնագիտական և իրավական նշանակության առավելագույն ճշգրտությամբ փոխանցում՝ առանց սեփական մեկնաբանության, դիրքորոշման կամ գնահատականի ավելացման,
✔️ Թվերի, պայմանների, ժամկետների, իրավական դրույթների և այլ էական տվյալների անթերի փոխանցման և մանրուքների նկատմամբ բարձր ուշադրության ունակություն,
✔️ Բիզնես էթիկայի և գործնական հաղորդակցության բարձր չափանիշների պահպանում, տարբեր մասնագիտական ոլորտների ներկայացուցիչների հետ արդյունավետ հաղորդակցվելու և թիմում աշխատելու կարողություն,
✔️ Մասնագիտական չեզոքության, գաղտնիության և պատասխանատվության բարձր գիտակցում, ներառյալ գաղտնի տեղեկատվության հետ պատշաճ և անվտանգ աշխատելու կարողությունը,
✔️ Սթրեսային, կոնֆլիկտային, զգայուն և բարձր ճնշման պայմաններում ինքնատիրապետումը պահպանելու և արդյունավետ աշխատելու կարողություն,
✔️ Արագ կողմնորոշվելու, անսպասելի իրավիճակներում ադեկվատ արձագանքելու և բանակցությունների ընթացքում առաջացող փոփոխություններին արագ հարմարվելու ունակություն,
✔️ Առաջնահերթությունները ճիշտ դասակարգելու և միաժամանակ մի քանի հանձնարարություն արդյունավետ կառավարելու կարողություն,
✔️ Ակտիվ լսելու, խոսակցի իրական միտքը արագ և ճշգրիտ ընկալելու կարողություն,
✔️ Բանակցության բովանդակությանը չմիջամտելու և թարգմանչի մասնագիտական չեզոքությունը ցանկացած իրավիճակում պահպանելու կարողություն,
✔️ MS Office և Google Workspace գործիքների իմացությունը կդիտարկվի որպես առավելություն։

Եթե Դուք կարծում եք, որ կարող եք լինել այն մասնագետը, ում վստահությամբ կարելի է ներգրավել միջազգային բանակցությունների սեղանի շուրջ, սպասում ենք Ձեր դիմումին։
Հետաքրքրված անձինք մինչև սեպտեմբերի 20-ը ներառյալ կարող են իրենց ինքնակենսագրականը հայերեն և անգլերեն լեզուներով, ինչպես նաև կարճ մոտիվացիոն նամակով՝ «Ինչո՞ւ պետք է միջազգային բանակցություններին որպես թարգմանիչ ընտրեք ինձ» վերնագրով, ուղարկել՝

📩 [email protected]

Հարցազրույցի կհրավիրվեն ինքնակենսագրականների և մոտիվացիոն նամակների հիման վրա նախնական հավանության արժանացած թեկնածուները։
Հարցազրույցը կիրականացվի 2 փուլով, որոնց մանրամասները թեկնածուներին կներկայացվեն համապատասխան փուլից առաջ։

09/08/2026

📚 ՀԱՇՎԱՊԱՀԱԿԱՆ ՏԵՐՄԻՆՆԵՐ

Ձեր բիզնեսի ֆինանսական վիճակն ավելի լավ պատկերացնելու համար կարևոր է հասկանալ հաշվապահական հիմնական տերմինները։

🤔 Երբեմն դրանք կարող են բարդ թվալ, սակայն իրականում շատ պարզ բացատրություն ունեն։

Այսօր ներկայացնում ենք 3 հիմնական հաշվապահական տերմին՝

1️⃣ Ակտիվներ 💰

Ակտիվը կազմակերպությանը պատկանող այն ռեսուրսն է, որի օգտագործումից կազմակերպությունն ակնկալում է տնտեսական օգուտ։

Ակտիվների օրինակներ են՝
💵 դրամական միջոցները
📦 ապրանքները
🖥️ սարքավորումները
🏢 անշարժ գույքը
📋 այլ ակտիվներ։

2️⃣ Պարտավորություններ 💳

Պարտավորությունը կազմակերպության առկա պարտքն է կամ պարտականությունը, որը կազմակերպությունը պետք է մարի կամ կատարի։

Պարտավորությունների օրինակներ են՝
🏦 վարկերը
💰 փոխառությունները
📌 այլ պարտավորություններ։

3️⃣ Սեփական կապիտալ 📊

Սեփական կապիտալն այն արժեքն է, որը մնում է կազմակերպության ակտիվներից՝ պարտավորությունները հանելուց հետո։

Պարզ բանաձևով՝

Սեփական կապիտալ = Ակտիվներ − Պարտավորություններ

📌 Այս 3 տերմինները հասկանալը կօգնի ավելի լավ պատկերացնել Ձեր բիզնեսի ֆինանսական վիճակը և հաշվապահական գործընթացները։

💬 Մեկնաբանություններում նշեք, թե հաջորդիվ որ հաշվապահական տերմիններին կցանկանայիք, որ անդրադառնանք։

06/08/2026

Մեր ընկերությունը իրավաբանական խորհրդատվություն է տրամադրում հետևյալ ձևաչափերով՝

💻📝 Առցանց խորհրդատվություն — տեսազանգի կամ գրավոր հաղորդակցության միջոցով։

📍 Անձնական հանդիպմամբ խորհրդատվություն — մեր գրասենյակում կամ գործնական հանդիպումների համար նախատեսված գործընկեր սրճարաններից մեկում։ Սրճարանների ցանկին ծանոթանալու համար կարող եք կապվել մեզ հետ հեռախոսազանգով կամ հաղորդագրությամբ, և մենք կուղարկենք համապատասխան տարբերակները։ Հանդիպման ընթացքում ընկերության կողմից տրամադրվում է հյուրասիրություն՝ Ձեր նախընտրությամբ (սուրճ, թեյ, հյութ, զովացուցիչ ըմպելիքներ և թեթև հյուրասիրություն)։

💰 Խորհրդատվության արժեքը

Նշված բոլոր ձևաչափերով մինչև 1 ժամ տևողությամբ խորհրդատվության արժեքը կազմում է 25,000 ՀՀ դրամ։

Սակայն, եթե խորհրդատվությունը ներառում է մեծածավալ իրավական ուսումնասիրություն, բազմաթիվ կամ բարդ իրավական հարցեր, ինչպես նաև գրավոր իրավական կարծիքի, եզրակացության կամ այլ փաստաթղթի պատրաստում, ծառայության վերջնական արժեքը կարող է փոփոխվել՝ կախված կատարվող աշխատանքի ծավալից, բարդությունից և պահանջվող ժամանակից։

📅 Խորհրդատվությունն իրականացվում է բացառապես նախնական գրանցման և ծառայության արժեքի նախնական վճարման հիման վրա։

04/08/2026

Ժամանակավոր անաշխատունակության նպաստ․ այն ամենը, ինչ պետք է իմանա յուրաքանչյուր աշխատող

Եթե հիվանդության կամ վնասվածքի պատճառով ժամանակավորապես չեք կարողանում աշխատել, ապա դիմեք Ձեր բուժող բժշկին, որպեսզի նա դուրս գրի ժամանակավոր անաշխատունակության թերթիկ։

⚖️ ՀՀ օրենսդրությունը երաշխավորում է աշխատողի աշխատանքային իրավունքների պաշտպանությունը, այդ թվում՝
▪️ աշխատանքի վայրի պահպանումը,
▪️ ժամանակավոր անաշխատունակության նպաստի տրամադրումը։

✔️ Նպաստի հաշվարկման հիմքում դրվում է աշխատողի միջին ամսական աշխատավարձը, որի վերաբերյալ տվյալները օրենքով սահմանված կարգով ստացվում են հարկային մարմնից։
✔️ Առաջին 7 օրացուցային օրերի համար նպաստը վճարում է գործատուն՝ իր միջոցների հաշվին՝ առաջիկա աշխատավարձի հետ միասին։
✔️ 8-րդ օրացուցային օրվանից նպաստը վճարվում է պետական բյուջեի միջոցներից և փոխանցվում աշխատողի՝ նախապես տրամադրված բանկային հաշվեհամարին։

❗️Եղե՛ք իրազեկ ձեր աշխատանքային իրավունքների մասին։

📞 Հարցերի դեպքում զանգահարեք՝
095 61 61 17 | 077 63 44 22:

Այսուհետ 𝐆𝐊 𝐏𝐚𝐫𝐭𝐧𝐞𝐫𝐬-ը հանդես է գալիս նաև նոր երկարաժամկետ նախագծով՝ 𝐆𝐊 𝐏𝐚𝐫𝐭𝐧𝐞𝐫𝐬 𝐑𝐞𝐚𝐥 𝐄𝐬𝐭𝐚𝐭𝐞։Համագործակցելով Վրաստանի վս...
30/07/2026

Այսուհետ 𝐆𝐊 𝐏𝐚𝐫𝐭𝐧𝐞𝐫𝐬-ը հանդես է գալիս նաև նոր երկարաժամկետ նախագծով՝ 𝐆𝐊 𝐏𝐚𝐫𝐭𝐧𝐞𝐫𝐬 𝐑𝐞𝐚𝐥 𝐄𝐬𝐭𝐚𝐭𝐞։

Համագործակցելով Վրաստանի վստահելի կառուցապատողների և իրավաբան գործընկերների հետ՝ առաջարկում ենք.

✅ վստահելի կառուցապատողի և անշարժ գույքի ընտրություն,

✅ անշարժ գույքի ձեռքբերման գործընթացի ամբողջական իրավական ուղեկցում՝ հայ և վրացի իրավաբանների համատեղ աջակցությամբ,

✅ աջակցություն հայկական և վրացական բանկերի կողմից անշարժ գույքի ֆինանսավորման հնարավորությունների ուսումնասիրման և կազմակերպման գործընթացում։

Ինչո՞ւ 𝐆𝐊 𝐏𝐚𝐫𝐭𝐧𝐞𝐫𝐬 𝐑𝐞𝐚𝐥 𝐄𝐬𝐭𝐚𝐭𝐞:

✔️ Մենք պարզապես չենք ներկայացնում անշարժ գույք կամ կառուցապատող, այլ օգնում ենք, որպեսզի գործարքը լինի իրավական և ֆինանսական տեսանկյունից անվտանգ, թափանցիկ և հնարավորինս կանխատեսելի։

✔️ Դուք շփվում եք մեկ թիմի հետ, որը համակարգում է ամբողջ գործընթացը՝ սկսած անշարժ գույքի ընտրությունից, բանակցությունների կազմակերպումից և փաստաթղթերի իրավական ուսումնասիրությունից մինչև սեփականության իրավունքի պետական գրանցումը, իսկ անհրաժեշտության դեպքում՝ նաև իրավական աջակցություն է տրամադրում վարձակալության, գույքի օտարման կամ այլ իրավական հարցերի շրջանակում։

✔️ Մեր նպատակը ոչ միայն անշարժ գույք գտնելն է, այլ ապահովել, որ դրա ձեռքբերման ամբողջ գործընթացը լինի վստահելի, հասկանալի և հնարավորինս հարմար Ձեզ համար։

Եթե երբևէ մտածել եք Վրաստանում անշարժ գույք ձեռք բերելու մասին, սիրով կպատասխանենք Ձեր բոլոր հարցերին։

Հետևեք մեր էջին՝ ավելին իմանալու և նախագծի հետագա զարգացումներին ծանոթանալու համար։
Վրաստանում անշարժ գույքի ձեռքբերման վերաբերյալ խորհրդատվության համար՝
📞𝟎𝟗𝟓 𝟔𝟏𝟔𝟏𝟏𝟕 | 𝟎𝟕𝟕 𝟔𝟑𝟒𝟒𝟐𝟐

27/07/2026

⏳ 20 օր։

Հենց այսքան ժամանակ ունեք ձեր բիզնեսի համար հարկման համակարգ ընտրելու։

Եթե հաշվառվել եք որպես Անհատ ձեռնարկատեր կամ գրանցել եք ընկերություն և ցանկանում եք աշխատել շրջանառության հարկի կամ միկրոձեռնարկատիրության հարկման համակարգում, ապա պետական գրանցումից հետո 20 օրվա ընթացքում պետք է Պետական եկամուտների կոմիտե ներկայացնեք համապատասխան հայտարարությունը։

⚠️ Եթե բաց թողնեք այս ժամկետը, օրենքով նախատեսված դեպքերում ստիպված կլինեք գործել ընդհանուր հարկման համակարգում՝ դառնալով ԱԱՀ վճարող։

Հիշեք՝ երբեմն ընդամենը մեկ բաց թողնված ժամկետը կարող է բիզնեսի համար շատ թանկ արժենալ:

🤝 Մենք ձեր կողքին ենք բիզնեսի առաջին իսկ օրվանից՝ պետական գրանցումից մինչև հարկային և հաշվապահական ամբողջական սպասարկում։
Համագործակցության համար՝
📞 095 61 61 17 | 077 63 44 22

23/07/2026

Հանգիստ վստահե՛ք Ձեր իրավական խնդիրների լուծումը մեր մասնագետներին։

Մեր իրավաբանները յուրաքանչյուր գործ մանրակրկիտ վերլուծում են, գնահատում են դրա իրավական հեռանկարները, հաճախորդին ներկայացնում են հնարավոր լուծումները և տեղեկացնում, թե որքանով են գնահատում դրանցից յուրաքանչյուրի հաջողության հավանականությունը։

Այս մոտեցումը հնարավորություն է տալիս խուսափել ավելորդ ժամանակի և ֆինանսական ծախսերից, ինչպես նաև կայացնել տեղեկացված և հավասարակշռված որոշում՝ օրինակ՝ դիմել դատարան, թե ընտրել վեճի լուծման այլ, ավելի արդյունավետ տարբերակ։

Իրավաբանական խորհրդատվության գրանցման համար՝
📞 095 616117 | 077 634422

Կտակի դեպքում սեփականության իրավունքը փոխանցվում է կտակարարի (ժառանգատուի) մահից հետո։Ընդ որում, կտակարարը ցանկացած ժամա...
22/07/2026

Կտակի դեպքում սեփականության իրավունքը փոխանցվում է կտակարարի (ժառանգատուի) մահից հետո։
Ընդ որում, կտակարարը ցանկացած ժամանակ իրավունք ունի վերացնել, փոփոխել կամ լրացնել կտակը՝ առանց պատճառներ նշելու։

Նվիրատվության դեպքում սեփականության իրավունքը փոխանցվում է գործարքից հետո։
Հիշե՛ք, որ անշարժ գույքի նվիրատվության պայմանագիրը ենթակա է նոտարական վավերացման, իսկ սեփականության իրավունքի փոխանցումը՝ պետական գրանցման։
Ամենակարևորը՝ նվիրատվությունը վերացնելու համար օրենքով նախատեսված են խիստ սահմանափակ հիմքեր։

Ունե՞ք հարց։ Մենք պատրաստ ենք օգնել։
Կտակի կամ նվիրատվության հետ կապված ցանկացած իրավական հարցի դեպքում դիմե՛ք մեզ՝ մասնագիտական խորհրդատվություն և արդյունավետ իրավական աջակցություն ստանալու համար։

Խորհրդատվության գրանցման համար՝
📞 095 616117 | 077 634422

Address

Yerevan
0038

Opening Hours

Monday 10:00 - 20:00
Tuesday 10:00 - 20:00
Wednesday 10:00 - 20:00
Thursday 10:00 - 20:00
Friday 10:00 - 20:00
Saturday 10:00 - 20:00

Website

Alerts

Be the first to know and let us send you an email when 𝐆𝐊 𝐏𝐚𝐫𝐭𝐧𝐞𝐫𝐬 𝐜𝐨𝐧𝐬𝐮𝐥𝐭𝐢𝐧𝐠 𝐜𝐨𝐦𝐩𝐚𝐧𝐲 posts news and promotions. Your email address will not be used for any other purpose, and you can unsubscribe at any time.

Shortcuts

Share

Category