10/11/2017
Մեր վստահորդները հաճախ են հարցնում, թե քրեական գործով պաշտպանը ինչպես կարող է օգտակար լինել , եթե մեղադրյալի դեմ դուրս են գալիս օպերատիվ ծառայությունները, քննչական մարմինները ,դատախազությունը, մի խոսքով պետական հարկադրանքի ապարատն իր տասնյակ ծառայողներով: Այս հարցի պատասխանը ստանալու համար պետք է ճիշտ հասկանալ պաշտպանի դերն ու գործառույթները քրեական գործերի քննության ընթացքում: Հիշեք, պաշտպանի կարգավիճակում կարող են հանդես գալ միայն փաստաբանները, ովքեր ունեն փաստաբանական գործունեության արտոնագիր և հանդիսանում եմ ՀՀ փաստաբանների պալատի անդամ: Պաշտպանը իրավական հարցերով անկախ խորհրդական է, Ձեր խորհրդականը, ով, պատկերավոր ասած, բռնելով մեղադրյալի, ամբաստանյալի ձեռքից նրան օգնելու է քայլել քրեական դատավարություն կոչվող ՝ խուսանավելով սև վանդակներից: Քրեական գործի հաջող ելքը երբեք չի կարող երաշխավորված լինել պաշտպանի գործողություններով: Պաշտպանության վրա դրական ու բացասական ազդեցություն են թողնում բազմաթիվ օբյեկտիվ և սուբյեկտիվ գործոններ: Մեղադրյալների միջև կոնֆլիկտներն ու համերաշխությունը, մեղադրանքի կողմի հակազդեցության աստիճանը, մեղադրանքի նկատմամբ մեղադրյալի վերաբերմունքը, վստահորդի՝ պաշտպանի նկատմամբ ունեցած վստահության աստիճանը, պաշտպանի բարեխղճությունը, տուժողների վարքագիծը, մեղադրյալի անձը և այլ բազմաթիվ գործոններ անկանխատեսելի են դարձնում քրեական գործի հեռանկարը: Չնայած ասվածին՝ պաշտպանը կարող է անփոխարինելի օգնություն ցուցաբերել՝ բացառելով Ձեր անձնատուր լինելը քրեական հետապնդման մարմնի
