05/02/2025
Տալիս եմ ձեզ 5 խորհուրդ ամուսնալուծվելիս.
1. Ամուսնալուծության գործի շրջանակում դատարանը կարող է քննարկել, ալիմենտի, երեխաների բնակության վայրի, խնամքի և դատասիարա-կությունը ծողներից մեկից հանձնելու վերաբերյալ հարցեր, այդ թվում՝ համատեղ կյանքում ձեռք բերված գույքի բաժանման հարց, սակայն իմ խորհուրդն է ամուսնալուծության և երեխաների հետ կապված հարցը քննարկել առաձին պահանջով, իսկ համատեղ կյանքում ձեռք բերված գույքի բաժանման հարցը առանձին պահանջով, քանի որ գույքի բաժանման հետ կապված հարցերը կարող են տևել տարիներ
2. Եթե համատեղ կյանքի ընթացքում ձեռք եք բերել գույք (տուն, մեքենա, ոսկի և գումար), ապա հայցը ներկայացնելու փուլում, խնդրեք դատարանին, որպեսզի արգելանք կիրառի նշված գույքերի նկատմամբ, քանի որ պրակտիկան հուշում է, որ նման հայց ներկայացնելուց հետո անվանա-փոխում (օտարում) են տունը, մեքենան, իսկ գումարը բանկային հաշիվներից կանխիկացնում են
3. Ալիմենտի պահանջ ներկայացնելիս կարևոր է պարզել, թե ամուսինը ունի կանանավոր եկամուտ, թե ոչ, քանի որ հաճախ կանոնավոր եկամուտ ունենալու դեպքում անգամ ցանկալի է դատարանին խնդրել ալիմենտի չափը որոշել ամեն ամիս հստակ որոշված գումարի տեսքով
4. Ալիմենտի պահանջ դատարան ներկայացնելու փուլում, խնդրեք դատարանին, որ մինչև գործով վերջնական դատական ակտը կայացնելը պարտավորեցնի ալիմենտ վճարելու պարտավորություն ունեցող ծնողին վճարել ալիմենտ, այդ ժամանակ դուք ստիպված չեք լինել սպասել դատարանի վերջնական որոշման, քանի որ գործի քննության ընթացքում ալիմենտն արդեն իսկ կվճարվի
5. Եթե ամուսիների միջև առկա է վեճ երեխաների բնակության վայրի վերաբերյալ, ապա հայցի ներկայացման փուլում խնդրեք դատարանին, որպեսզի մինչև վերջնական դատական ակտի կայացումը երեխաները բնակվեն ձեզ հետ, այդ դեպքում մյուս ծնողը իրավունք չի ունենա երեխաներին առանձ ձեր համաձայնության տեսակցել, տանել և չվերադարձնել:
