https://www.facebook.com/240865856008280/

Legal Minds Law Firm, Yerevan (2026)

27/06/2022

2022թվականի հուլիսի 1` անցում դեպի անկանխիկ գործարքներ /մաս2/ 📌📌📌

2022թվականի հուլիսի 1-ից՝
✅Ֆիզիկական անձանց միջև 300,000 դրամը գերազանցող փոխառությունների տրամադրումը և ստացումն իրականացվում են անկանխիկ ձևով։

✅Նոտարական գործողությունների իրականացման կամ նոտարի մատուցած ծառայությունների վճարների ընդունումն իրականացվում է անկանխիկ ձևով։ Նոտարական գործողություններ կատարելու համար պետական տուրքը նոտարը գանձում է անկանխիկ ձևով։

✅ՀՀ տարածքում ֆիզիկական անձանց միջև 500,000 դրամը գերազանցող վճարումը և վճարման ստացումը բոլոր այն գործարքների դիմաց, որոնց արդյունքում ծագող իրավունքները ենթակա են պարտադիր գրանցման, իրականացվում են անկանխիկ ձևով՝ անկախ վճարման կարգից։

✅Պետական կամ համայնքային բյուջեներից և այդ բյուջեներ կատարվող ցանկացած վճարում իրականացվում է անկանխիկ ձևով։

✅Օտարերկրյա կազմակերպությունների և ՀՀ անհատ ձեռնարկատերերի, նոտարների, փաստաբանների, կազմակերպությունների, ֆիզիկական անձանց միջև իրականացվող ցանկացած գործարքի դիմաց վճարումը և վճարի ստացումն իրականացվում են անկանխիկ ձևով` անկախ վճարման կարգից, եթե վճարումը կամ վճարի ստացումը կատարվում է ՀՀ տարածքում:

27/06/2022

2022թվականի հուլիսի 1` անցում դեպի անկանխիկ գործարքներ /մաս1/📌📌📌

2022թվականի հուլիսի 1-ից՝
✅Երևան քաղաքում գործունեություն իրականացնող բժշկական կազմակերպություններում (հաստատություններում) մատուցված բոլոր բժշկական ծառայությունների դիմաց կատարվող վճարներն ընդունվում են անկանխիկ ձևով:

✅Բանկերի, վարկային կազմակերպությունների կողմից տրամադրվող վարկերը և փոխառությունները տրամադրվում են բացառապես անկանխիկ ձևով:

✅Երևան քաղաքում գործունեություն իրականացնող ուսումնական հաստատություններում մատուցված բոլոր կրթական ծառայությունների դիմաց կատարվող վճարներն ընդունվում են անկանխիկ ձևով:

✅Փաստաբանական ծառայությունների, ինչպես նաև բոլոր խորհրդատվական՝ հաշվապահական, աուդիտորական, իրավաբանական, ֆինանսական, տեղեկատվական տեխնոլոգիաներ և այլն, ծառայությունների մատուցման վճարների ընդունումն իրականացվում է անկանխիկ ձևով։

✅Երևան քաղաքում գործունեություն իրականացնող կազմակերպությունների, անհատ ձեռնարկատերերի, փաստաբանների և նոտարների կողմից օրենքով կամ աշխատանքային պայմանագրով սահմանված աշխատավարձերը վճարվում են անկանխիկ ձևով։
Հաշմանդամության կարգ ունեցող անձի գրավոր դիմումի հիման վրա նրա աշխատավարձը կարող է վճարվել կանխիկ ձևով:

✅Երևան քաղաքում գործունեություն իրականացնող անհատ ձեռնարկատերերի և կազմակերպությունների կողմից կրթաթոշակները, ներկայացուցչական ծախuերի դիմաց կատարվող վճարումները, գործուղման նպատակով կատարվող վճարումները, պետական գնումների հետ կապված վճարումները կատարվում են անկանխիկ ձևով։

✅Ապահովագրական հատուցումները կատարվում են անկանխիկ ձևով:

23/06/2022

ՆԱԽԱՎՃԱՐ ԵՎ ԿԱՆԽԱՎՃԱՐ📌📌📌

Նախավճարը դա այն գումարն է, որը պայմանագրով հասանելիք վճարների հաշվին մի կողմը տալիս է մյուս կողմին` որպես պայմանագրի կնքման ապացույց և կատարման ապահովում: Այսինքն, նախավճարը հանդիսանում է պարտավորությունների կատարման ապահովման միջոց: Ընդ որում, անկախ գումարի չափից, նախավճարի պայմանագիրը պետք է կնքվի գրավոր:

Կանխավճարը դա այն գումարն է, որը պայմանագրով հասանելիք վճարների հաշվին մի կողմը վճարում է մյուս կողմին`կատարողին շահագրգռելու, կատարողի ապագա ծախսերը հատուցելու և այլ նպատակներով: Սակայն պետք է հիշել, որ կանխավճարը, ի տարբերություն նախավճարի, պարտավորությունների ապահովման միջոց չի հանդիսանում:

Ի տարբերություն կանխավճարի, նախավճարի մասին համաձայնությունը` անկախ գումարի չափից, կնքվում է գրավոր:
Նախավճարը, ի տարբերություն կանխավճարի, հանդիսանում է պարտավորության կատարման ապահովման միջոց:

Նախավճարի և կանխավճարի տարբերություններն առավել ցայտուն ի հայտ են գալիս պարտավորության չկատարման դեպքում: Այսպես, եթե կանխավճարի դեպքում գործարքը տեղի չի ունենում, ապա վճարված գումարը պարզապես վերադարձվում է այն վճարած կողմին: Կողմը, որի մեղքով գործարքը չի կայացել, որևէ այլ պարտավորություն չի կրում՝ բացառությամբ պայմանագրով հատուկ նախատեսված դեպքերի:
Մինչդեռ, նախավճարի պարագայում, եթե պայմանագիրը չկատարելու համար պատասխանատու է նախավճար տված կողմը, ապա վճարված գումարը մնում է մյուս կողմին: Իսկ եթե պայմանագրի չկատարման համար պատասխանատու է նախավճար ստացած կողմը, ապա վերջինս պարտավոր է մյուս կողմին վճարել նախավճարի գումարի կրկնապատիկը:

22/06/2022

ՎԱՐՁԱԿԱԼՈՒԹՅՈՒՆ📌📌📌

Վարձակալության պայմանագրով վարձատուն պարտավորվում է վճարի դիմաց վարձակալի ժամանակավոր տիրապետմանը հանձնել գույք:

Գույքը վարձակալության կարող է հանձնվել դրա սեփականատիրոջ կողմից։

Վարձակալության պայմանագիրը կնքվում է գրավոր:

Անշարժ գույքի վարձակալության պայմանագիրը ենթակա է նոտարական վավերացման, իսկ այդ պայմանագրից ծագող իրավունքները ենթակա են պետական գրանցման:
Նոտարական վավերացման և պետական գրանցման բացակայության պարագայում պայմանագիրն առոչինչ է։

Վարձակալության պայմանագիրը կնքվում է պայմանագրով որոշված ժամկետով: Եթե ժամկետ պայմանագրում նշված չէ, ապա վարձակալության պայմանագիրը կնքված է համարվում անորոշ ժամկետով: Այդ դեպքում կողմերից յուրաքանչյուրն իրավունք ունի ցանկացած ժամանակ հրաժարվելու վարձակալության պայմանագրից, այդ մասին մյուս կողմին 3 ամիս առաջ տեղեկացնելով, եթե այլ բան նախատեսված չէ օրենքով:

Անորոշ ժամկետով կնքված վարձակալության պայմանագիրը դադարեցնելու համար պայմանագրով կարող են սահմանվել տեղեկացման այլ ժամկետ:

Վարձակալը պարտավոր է ժամանակին մուծել գույքն օգտագործելու համար վճարը՝ վարձավճարը: Վարձավճար մուծելու կարգը, պայմանները և ժամկետները որոշվում են վարձակալության պայմանագրով:

Վարձավճարի չափը կարող է փոփոխվել կողմերի համաձայնությամբ՝ պայմանագրով նախատեսված ժամկետներում:

Վարձակալության պայմանագիրը դադարելու դեպքում վարձակալը պարտավոր է վարձատուին վերադարձնել գույքն իր կողմից ստացված վիճակում` բնականոն մաշվածության հաշվառմամբ կամ պայմանագրով նախատեսված վիճակում: Եթե վարձակալը չի վերադարձրել վարձակալած գույքը կամ այն վերադարձրել է ժամկետի խախտմամբ, վարձատուն իրավունք ունի վարձավճար պահանջել կետանցի ամբողջ ժամկետի համար։

#վարձակալություն #պեկ #փաստաբան

09/06/2022

ԱՄՈՒՍՆՈՒԹՅԱՆ ԸՆԹԱՑՔՈՒՄ ՁԵՌՔ ԲԵՐՎԱԾ ԳՈՒՅՔԻ ԲԱԺԱՆՈՒՄ📌📌📌

Օրենսդրության համաձայն ամուսնության ընթացքում ամուսինների ձեռք բերած գույքը համարվում է նրանց ՀԱՄԱՏԵՂ ՍԵՓԱԿԱՆՈՒԹՅՈՒՆԸ: Այսինքն՝ նշված գույքը հավասար չափով պատկանում է ամուսիններից յուրաքանչյուրին: Տվյալ պարագայում որևէ նշանակություն չունի, թե ամուսիններից որ մեկի միջոցների հաշվին է ձեռք բերվել գույքը, կամ ամուսիններից որ մեկի անունով է գրանցված գույքի նկատմամբ սեփականության իրավունքը:

Նշված ընդհանուր կանոնից բացառություն է կազմում ամուսնության ընթացքում ամուսիններից մեկի ՆՎԵՐ ԿԱՄ ԺԱՌԱՆԳՈՒԹՅՈՒՆ ՍՏԱՑԱԾ ԳՈՒՅՔԸ, որը հանդիսանում է տվյալ ամուսնու ՄԻԱՆՁՆՅԱ ՍԵՓԱԿԱՆՈՒԹՅՈՒՆԸ: Ամուսնու միանձնյա սեփականությունն է հանդիսանում նաև ամուսնության ընթացքում ձեռք բերված ԱՆՀԱՏԱԿԱՆ ՕԳՏԱԳՈՐԾՄԱՆ ԳՈՒՅՔԸ (հագուստ, կոշիկ և այլն): Բացառություն են կազմում թանկարժեք իրերն ու պերճանքի առարկաները:

Համաձայն ՀՀ ընտանեկան օրենսգրքի ճանաչվում է միայն գրանցված ամուսնությունը: Այսինքն, ներկայացված կարգավորումները չեն տարածվում փաստացի ամուսնական հարաբերություններում գտնվող, թեկուզև երկար տարիներ շարունակ համատեղ կյանք վարող անձանց հարաբերությունների վրա:

Դրանք կարող են չկիրառվել նաև այն դեպքում, եթե ամուսինների միջև առկա է ամուսնական պայմանագիր: Այսինքն, պայմանագրի հիման վրա ամուսինները կարող են սեփական հայեցողությամբ որոշել ինչպես արդեն առկա, այնպես էլ հետագայում ձեռք բերվելիք գույքի կարգավիճակը և ճակատագիրը:

Ամուսնական պայմանագիրը կնքվում է գրավոր և ենթակա է նոտարական վավերացման: Այն կարող է կնքվել ինչպես մինչև ամուսնության պետական գրանցումը, այնպես էլ ամուսնության ցանկացած ժամանակահատվածում: Ամուսնության պետական գրանցումից առաջ կնքված ամուսնական պայմանագիրն ուժի մեջ է մտնում ամուսնության գրանցման պահից։

09/06/2022

ԱԼԻՄԵՆՏ📌📌📌

Ալիմենտի վճարումը կարող է տեղի ունենալ ծնողների փոխադարձ համաձայնությամբ կամ դատարանի կողմից սահմանված կարգով և չափով:

ԱԼԻՄԵՆՏԻ ՎՃԱՐՈՒՄԸ ԾՆՈՂՆԵՐԻ ՓՈԽԱԴԱՐՁ ՀԱՄԱՁԱՅՆՈՒԹՅԱՄԲ

Իրենց անչափահաս երեխայի ապրուստը հոգալու վերաբերյալ ծնողները կարող են կնքել ալիմենտ վճարելու վերաբերյալ համաձայնություն, որը կնքվում է գրավոր ձևով և ենթակա է նոտարական վավերացման: Համաձայնությամբ կողմերը որոշում են՝

✅ալիմենտի ամենամսյա վճարի չափը, որը չի կարող պակաս լինել երեխայի համար դատական կարգով բռնագանձվող ալիմենտի չափից,
✅ալիմենտ վճարելու ձևը ու կարգը:

Համաձայնությունը ցանկացած ժամանակ կարող է փոփոխվել կամ լուծվել ամուսինների փոխադարձ համաձայնությամբ` նոտարական վավերացմամբ, իսկ համաձայնության բացակայության դեպքում՝ դատական կարգով:

ԱԼԻՄԵՆՏԻ ԲՌՆԱԳԱՆՁՈՒՄԸ ԴԱՏԱԿԱՆ ԿԱՐԳՈՎ

Երեխայի համար ալիմենտ վճարելու վերաբերյալ ծնողների միջև համաձայնության բացակայության դեպքում ալիմենտի բռնագանձումը կատարվում է դատական կարգով՝ հետևյալ չափերով ամենամսյա վճարումներ կատարելու միջոցով`
✅մեկ երեխայի համար ծնողների եկամտի ¼-ը;
✅երկու երեխաների համար՝ 1/3-ը;
✅երեք և ավելի երեխաների համար՝ կեսը։

Նշված բաժինների չափերը կարող են դատարանով նվազեցվել կամ ավելացվել` հաշվի առնելով կողմերի գույքային ու ընտանեկան դրությունը և ուշադրության արժանի շահերը:
Այդուհանդերձ պետք է նկատի ունենալ, որ ցանկացած դեպքում նշանակված ալիմենտի չափը մեկ երեխայի համար չի կարող պակաս լինել 10.000 ՀՀ դրամից:

Դատարանն իրավունք ունի բռնագանձվող ալիմենտի ամենամսյա չափը սահմանել կայուն դրամական գումարով կամ միաժամանակ և' դրամական կայուն գումարով, և' բաժիններով: Սա այն դեպքում, երբ`
✅ալիմենտ վճարելու պարտականություն ունեցող ծնողի եկամտից բաժնային հարաբերակցությամբ ալիմենտի բռնագանձումն անհնար կամ դժվար է;
✅ստանում է ոչ կանոնավոր կամ փոփոխվող եկամուտ;
✅եկամուտ է ստանում բնամթերքի տեսքով կամ արտարժույթով;
✅կամ եկամուտ չի ստանում:

Ընդ որում անհրաժեշտ է նաև իմանալ, որ ալիմենտի վճարումից չարամտորեն խուսափելու հետևանքով ծնողը կարող է զրկվել ծնողական իրավունքներից: Ավելին՝ ծնողի նման վարքագիծը կարող է առաջացնել նաև քրեական պատասխանատվություն:

05/06/2022

Ի՞ՆՉ ԱՆԵԼ ԵԹԵ ՀԱՐԵՎԱՆԸ ՋՐԵԼ է ՁԵԶ📌📌📌

Նման իրավիճակում հայտնվելուց հետո լավագույն տարբերակն իհարկե հարևանի հետ ՎՆԱՍՆԵՐԻ ՀԱՏՈՒՑՄԱՆ ՀԱՐՑՈՒՄ ՀԱՄԱՁԱՅՆՈՒԹՅԱՆ գալն է: Խնդրի նման լուծումը շահավետ կլինի կողմերից երկուսի համար էլ` թե′ ժամանակի, թե′ ֆինանսական առումներով:

Սակայն, հնարավոր է նաև, որ Ձեր հարևանը հրաժարվի խնդրին որևէ լուծում տալ: Այս պարագայում Ձեր խախտված իրավունքները կարող եք վերականգնել ԴԱՏԱԿԱՆ ԿԱՐԳՈՎ: Դատարան դիմելուց առաջ անհրաժեշտ է դիմել համապատասխան փորձագետներին՝ Ձեր բնակարանին ՊԱՏՃԱՌՎԱԾ ՎՆԱՍԻ ՉԱՓԸ ԳՆԱՀԱՏԵԼՈՒ և ՀԱՄԱՊԱՏԱՍԽԱՆ ԵԶՐԱԿԱՑՈՒԹՅՈՒՆ ՏԱԼՈՒ ՀԱՄԱՐ:

Ստանալով եզրակացությունը, նախքան դատարան դիմելը, ցանկալի է գրավոր կերպով դիմել հարևանին, վերջինիս տրամադրել եզրակացության պատճենը և հայտնել՝ խնդրին որոշակի ժամկետում լուծում չտալու դեպքում, դատարան դիմելու Ձեր մտադրության մասին:

Գրության մեջ անհրաժեշտ կլինի նշել նաև, որ դատարան դիմելու դեպքում, վերջինս՝ բնակարանին պատճառված վնասի հատուցումից բացի, ստիպված է լինելու նաև հատուցել Ձեր կողմից դատարան դիմելու համար վճարվելիք պետական տուրքի գումարը, ինչպես նաև փորձագետին և փաստաբանին վճարվելիք գումարները:

Եթե, այդուհանդերձ վնասների հատուցման հարցում համաձայնություն ձեռք չի բերվում, ապա խնդրին լուծում կարող է տրվել դատական կարգով՝ ԳՈՒՄԱՐԻ ԲՌՆԱԳԱՆՁՄԱՆ ՊԱՀԱՆՋՈՎ։

01/06/2022

ՓՈԽՆԱԿ (ՍՈՒՐՈԳԱՏ) ՄԱՅՐ📌📌📌

Փոխնակ կամ սուրոգատ մայրը դոնորական սաղմն իր արգանդում կրած կինն է, որից ծնված երեխան չի կրում նրա գենոտիպը։ Սա նշանակում է, որ երեխան ժառանգական որևէ կապ չի կարող ունենալ փոխնակ մոր հետ։

Փոխնակ մայր լինելու իրավունք ունեն նախկինում առնվազն մեկ անգամ ծննդաբերած 20-35 տարեկան այն կանայք, ովքեր սահմանված կարգով ենթարկվել են բժշկագենետիկական հետազոտության, որի արդյունքում չեն հայտնաբերվել փոխնակ մայր լինելու հակացուցումներ:

Փոխնակ մայր լինելու իրավունք ունեն նաև վերարտադրողական տարիքի՝ նախկինում առնվազն մեկ անգամ ծննդաբերած 20 տարեկանից սկսած, այն կանայք ովքեր ցանկանում են կրել հարազատների կողմից տրամադրված սաղմով հղիությունը։ Այս դեպքում ևս կինը պետք է անցնի պարտադիր բժշկագենետիկական հետազոտություն՝ փոխնակ մայր լինելու հակացուցումները բացառելու նպատակով։

Փոխնակ մայրը միաժամանակ չի կարող լինել ձվաբջջի դոնոր:

Գրանցված ամուսնության մեջ գտնվող կինը կարող է փոխնակ մայր լինել ամուսնու համաձայնությամբ:

Կինը չի կարող հանդես գալ որպես փոխնակ մայր, եթե`
❌առկա է հաստատված բժշկական որևէ հակացուցում կամ
❌նախկինում առնվազն 2 անգամ հանդես է եկել որպես փոխնակ մայր:

Ծնողի և փոխնակ մոր միջև փոխհարաբերությունները կարգավորվում են գրավոր պայմանագրով, որը ենթակա է նոտարական վավերացման:

Փոխնակ մայրը պարտավոր է բժշկական հաշվառման կանգնել հղիության վաղ ժամկետներում՝ մինչև հղիության 12 շաբաթը, մշտապես գտնվել բժշկի հսկողության տակ։

Փոխնակ մայրն իրենից ծնված երեխայի նկատմամբ չունի որևէ իրավունք և չի կրում որևէ պարտականություն՝ երեխային հանձնելու պահից:

Փոխնակ մայրը հղիություն կրելու և ծննդաբերելու համար կարող է ստանալ դրամական հատուցում՝ նախապես կնքված պայմանագրով սահմանված կարգով:

Որպես փոխնակ մայր հանդես գալու ցանկություն ունեցող անձինք կարող են դիմել համապատասխան առողջապահական հաստատություններ:

Այդ հաստատություններում հաշվառվում են այն փոխնակ մայրերի տեղեկությունները, ովքեր ենթարկվել են բժշկագենետիկական հետազոտության և չունեն փոխնակ մայր լինելու հակացուցումներ: Փոխնակ մայրության հետ կապված տեղեկությունները համարվում են բժշկական գաղտնիք և հրապարակման ենթակա չեն:

31/05/2022

ԱՊՐԱՆՔԱՅԻՆ ՆՇԱՆ📌📌📌

Ի՞ՆՉ Է ԱՊՐԱՆՔԱՅԻՆ ՆՇԱՆԸ
Ապրանքային նշանը դա նիշ է, որն օգտագործվում է մեկ անձի ապրանքները կամ ծառայություններն այլ անձի ապրանքներից կամ ծառայություններից տարբերելու համար։

Ո՞Վ ԿԱՐՈՂ Է ԴԻՄԵԼ ԱՊՐԱՆՔԱՅԻՆ ՆՇԱՆԻ ԳՐԱՆՑՄԱՆ ՀԱՄԱՐ
Ապրանքային նշանը կարող է գրանցվել իրավաբանական անձի, ֆիզիկական անձի կամ անհատ ձեռնարկատիրոջ անունով:

ՈՐՔԱ՞Ն Է ԱՊՐԱՆՔԱՅԻՆ ՆՇԱՆԻ ԳՐԱՆՑՄԱՆ ԳՈՐԾՈՂՈՒԹՅԱՆ ԺԱՄԿԵՏԸ
Ապրանքային նշանի գրանցման գործողության ժամկետը 10 տարի է՝ հայտի ներկայացման թվականից հաշված։ Այն կարող է բազմակի անգամ երկարաձգվել՝ յուրաքանչյուր անգամ տասը տարի ժամկետով։

ԻՆՊԵ՞Ս ԳՐԱՆՑԵԼ ԱՊՐԱՆՔԱՅԻՆ ՆՇԱՆԸ ԵՎ ՍՏԱՆԱԼ ՎԿԱՅԱԳԻՐ
Ապրանքային նշանի պետական գրանցումն իրականացվում է ներկայացված հայտի հիման վրա, որը ներկայացվում է Մտավոր սեփականության գործակալություն:
Ներկայացված հայտով փորձաքննությունն անցկացվում է երկու փուլով՝
✅հայտի նախնական փորձաքննություն և
✅հայտի ըստ էության փորձաքննություն:
Նախնական փորձաքննությունն անցկացվում է 10 աշխատանքային օրվա ընթացքում, իսկ հայտի ըստ էության փորձաքննությունն անցկացվում է՝ եռամսյա ժամկետում։ Ըստ էության փորձաքննության արդյունքների հիման վրա որոշում է կայացվում ապրանքային նշանը գրանցելու կամ գրանցումը մերժելու մասին։

Ի՞ՆՉ ՏՈՒՐՔԵՐ ԵՆ ԳԱՆՁՎՈՒՄ ԱՊՐԱՆՔԱՅԻՆ ՆՇԱՆ ԳՐԱՆՑԵԼԻՍ

Ապրանքային նշան գրանցելիս գանձվում են հետևյալ պետական տուրքերը՝
✅Հայտ ներկայացնելու համար՝ 30000 դրամ
✅Փորձաքննություն անցկացնելու համար՝ 40000 դրամ
✅Մեկից ավել յուրաքանչյուր դասի համար՝ 15000 դրամ

ԱՊՐԱՆՔԱՅԻՆ ՆՇԱՆԻ ՎԿԱՅԱԳԻՐ ՍՏԱՆԱԼՈՒ ԺԱՄԿԵՏՆԵՐԸ
Ապրանքային նշանի հայտ ստանալու, գրանցելու, քննարկելու և վկայագիր տրամադրելու առումով ընդհանուր ժամկետը հինգ ամիս է:

Ի՞ՆՉ ՓԱՍՏԱԹՂԹԵՐ Է ԱՆՀՐԱԺԵՇՏ ՆԵՐԿԱՅԱՑՆԵԼ ԱՊՐԱՆՔԱՅԻՆ ՆՇԱՆԸ ԳՐԱՆՑԵԼԻՍ
Հայտը պետք է պարունակի`
✅տեղեկություններ, որոնք նույնականացնում են հայտատուին և նրա ներկայացուցչին
✅հայտարկված նիշի հստակ պատկերը և նկարագրությունը.
✅այն ապրանքների և կամ ծառայությունների ցանկը, որոնց համար հայտարկվում է ապրանքային նշանի գրանցումը,
✅նշում, որ հայտարկված նիշը եռաչափ է.
✅նշում, որ հայտարկված նիշը հոլոգրաֆիկ է.
✅նշում, որ հայտարկված նիշը ձայնային է.
✅նշում, որ գունային համակցությունը ապրանքային նշանի տարբերակիչ հատկանիշ է.
✅նշում հայտարկված նիշի այն տարրերի մասին, որոնք համարվում են չպահպանվող.
✅նիշի կամ դրա բառային տարրերի տառադարձությունը և դրանց հայերեն թարգմանությունը.
✅ նշում, որ հայտարկված նիշը կոլեկտիվ նշան է.
✅ նշում, որ հայտարկված նիշը հավաստագրային նշան է.
✅ նշում խնդրարկվող առաջնության թվականի և դրա հիմքերի մասին։

Ի՞ՆՉ ՓԱՍՏԱԹՂԹԵՐ ԵՆ ԿՑՎՈՒՄ ՀԱՅՏԻՆ
Հայտին կցվում են հետևյալ փաստաթղթերը՝
✅հայտ ներկայացնելու և փորձաքննություն անցկացնելու համար օրենքով սահմանված պետական տուրքի վճարման անդորրագիրը, ինչպես նաև մեկից ավել դասի առկայության դեպքում յուրաքանչյուր դասի համար՝ լրացուցիչ պետական տուրքի վճարման անդորրագիրը
✅հայտատուի ներկայացուցչի իրավասությունները հաստատող փաստաթուղթը, եթե հայտը ներկայացվել է ներկայացուցչի միջոցով։

Ի՞ՆՉ ԼԵԶՎՈՎ Է ՆԵՐԿԱՅԱՑՎՈՒՄ ՀԱՅՏԸ ԵՎ ՀԱՅՏԻՆ ԿՑՎՈՂ ՓԱՍՏԱԹՂԹԵՐԸ
Հայտը պետք է վերաբերի մեկ ապրանքային նշանի և ներկայացվի հայերեն, հայտին կցվող փաստաթղթերը կարող են ներկայացվել այլ լեզվով: Այդ դեպքում ՀՀ հայտատուները պարտավոր են դրանց հայերեն թարգմանությունը ներկայացնել հայտի հետ, իսկ օտարերկրյա հայտատուները՝ հայտը ներկայացնելու օրվանից հետո` երկամսյա ժամկետում:

29/05/2022

ԵՐԵԽԱՅԻ ԾՆՆԴՅԱՆ ՄԻԱՆՎԱԳ ՆՊԱՍՏ

Երեխայի ծննդյան միանվագ նպաստի իրավունք ունեն երեխայի՝

❤️ծնողը
❤️որդեգրողը կամ
❤️խնամակալը:

ԵՐԵԽԱՅԻ ԾՆՆԴՅԱՆ ՄԻԱՆՎԱԳ ՆՊԱՍՏԸ ՆՇԱՆԱԿՎՈՒՄ ԵՎ ՎՃԱՐՎՈՒՄ Է, ԵԹԵ՝

✅ծնողը և նոր ծնված երեխան հաշվառված են ՀՀ-ում բնակության վայրի հասցեով
✅նոր ծնված երեխայի ծննդի պետական գրանցումն իրականացրել է ՀՀ իրավասու մարմինը,
✅նպաստի դիմելու օրվա դրությամբ գտնվում են ՀՀ-ում:

ԵՐԵԽԱՅԻ ԾՆՆԴՅԱՆ ՄԻԱՆՎԱԳ ՆՊԱՍՏԻ ՉԱՓԵՐԸ՝

🌸Առաջին և երկրորդ երեխայի ծննդյան դեպքում՝ 300,000 ՀՀ դրամ
🌸Երրորդ և չորրորդ երեխայի ծննդյան դեպքում՝ 1,000,000 ՀՀ դրամ
🌸Հինգերորդ և հաջորդ յուրաքանչյուր երեխայի դեպքում՝ 1,500,000 ՀՀ դրամ:

ԵՐԵԽԱՅԻ ԾՆՆԴՅԱՆ ՄԻԱՆՎԱԳ ՆՊԱՍՏԸ ՆՇԱՆԱԿՎՈՒՄ Է, ԵԹԵ՝

Դիմումն ու անհրաժեշտ փաստաթղթերը ներկայացվել են նոր ծնված երեխայի ծննդյան ամսվանից հետո՝ 12 ամսվա ընթացքում՝ մինչև երեխայի 1 տարին լրանալը:

ԵՐԵԽԱՅԻ ԾՆՆԴՅԱՆ ՄԻԱՆՎԱԳ ՆՊԱՍՏ ՍՏԱՆԱԼՈՒ ՀԱՄԱՐ ԱՆՀՐԱԺԵՇՏ ՓԱՍՏԱԹՂԹԵՐԸ՝

Երեխայի ծննդյան միանվագ նպաստ ստանալու համար անհրաժեշտ է միասնական սոցիալական ծառայության ցանկացած տարածքային կենտրոն ներկայացնել՝
✅անձնագիր
✅հանրային ծառայության համարանիշ
✅երեխայի ծննդյան վկայական
✅երեխայի հանրային ծառայության համարանիշ:

Երեխայի ծննդյան միանվագ նպաստ ստանալու համար հնարավոր է դիմել նաև առցանց՝ socservice.am կայքի միջոցով, եթե նոր ծնված և մյուս երեխաների ծնունդը գրանցվել է ՀՀ ՔԿԱԳ կողմից:

29/05/2022

ԳՈՐԾԱՏՈՒԻ ՆԱԽԱՁԵՌՆՈՒԹՅԱՄԲ ԱՇԽԱՏԱՆՔԱՅԻՆ ՊԱՅՄԱՆԱԳՐԻ ԼՈՒԾՄԱՆ ԱՐԳԵԼՔԸ

Աշխատանքային պայմանագրի լուծումը գործատուի նախաձեռնությամբ արգելվում է`
✅աշխատողի ժամանակավոր անաշխատունակության ժամանակահատվածում:
Բացառություն է կազմում աշխատողի երկարատև անաշխատունակության դեպքերը՝ երբ աշխատողը անաշխատունակության պատճառով աշխատանքի չի ներկայացել ավելի քան 120 օր անընդմեջ կամ վերջին 1 տարվա ընթացքում՝ ավելի քան 140 օր:

✅աշխատողի արձակուրդում գտնվելու ժամանակահատվածում

✅հղի կանանց հետ` հղիության մասին գործատուին տեղեկանք ներկայացնելու օրվանից մինչև հղիության և ծննդաբերության արձակուրդի ավարտման օրվանից հետո 1 ամիսը լրանալը

✅երեխային փաստացի խնամող՝ արձակուրդում չգտնվող անձի՝ մինչև մեկ տարեկան երեխա խնամելու ամբողջ ժամանակահատվածում:

Նշված ժամանակահատվածում գործատուն կարող է լուծել աշխատանքային պայմանագիրը, եթե՝
👉կազմակերպությունը լուծարվում է
👉աշխատողի կողմից աշխատանքային պայմանագրով կամ ներքին կարգապահական կանոններով իրեն վերապահված պարտականությունները առանց հարգելի պատճառի պարբերաբար չկատարելու դեպքում
👉աշխատողի նկատմամբ վստահությունը կորցնելու դեպքում
👉աշխատողի կողմից ոգելից խմիչքների, թմրամիջոցների կամ հոգեներգործուն նյութերի ազդեցության տակ աշխատավայրում գտնվելու դեպքում
👉պարտադիր բժշկական զննությունից աշխատողի հրաժարվելու կամ խուսափելու դեպքում

✅գործադուլ հայտարարելու մասին որոշումն ընդունելուց հետո և գործադուլի ընթացքում, եթե աշխատողն այդ գործադուլին մասնակցում է օրենքով սահմանված կարգով

✅պետական կամ տեղական ինքնակառավարման մարմինների կողմից աշխատողի վրա դրված պարտականությունների կատարման ժամանակահատվածում

✅տարերային աղետների, տեխնոլոգիական վթարների, համաճարակների, դժբախտ պատահարների, հրդեհների և արտակարգ բնույթ կրող այլ դեպքերի կանխարգելման կամ դրանց հետևանքների անհապաղ վերացման ժամանակահատվածում, եթե, այդ դեպքերով պայմանավորված, աշխատողը չի ներկայացել աշխատանքի.

✅ուսումնական հաստատությունների (այդ թվում՝ նախադպրոցական) համար նախատեսված արձակուրդների չպլանավորված տեղափոխման կամ չպլանավորված տրամադրման ժամանակահատվածում, եթե մինչև 12 տարեկան երեխայի խնամքը կազմակերպելու նպատակով աշխատողը չի ներկայացել աշխատանքի:

11/05/2022

ԻՆՉՊԵ՞Ս ԴԱՌՆԱԼ ԱՆՀԱՏ ձեՌՆԱՐԿԱՏԵՐ 📌📌📌

Ո՞Վ ԿԱՐՈՂ Է ԼԻՆԵԼ ԱՆՀԱՏ ՁԵՌՆԱՐԿԱՏԵՐ
Անհատ ձեռնարկատեր կարող է լինել ցանկացած գործունակ անձ՝
✅ՀՀ քաղաքացին
✅օտարերկրյա քաղաքացին
✅քաղաքացիություն չունեցող անձը:

Պարտադիր նախապայման է, որ նշված անձանց ձեռնարկատիրական գործունեությամբ զբաղվելու իրավունքը օրենքով սահմանափակված չլինի և վերջիններս ունենան պետական հաշվառում:

Անձը չի կարող հաշվառվել որպես անհատ ձեռնարկատեր, եթե՝
✅նա դատական կարգով զրկվել է ձեռնարկատիրական գործունեությամբ զբաղվելու իրավունքից,
✅դատվածությունը սահմանված կարգով հանված կամ մարված չէ
✅անձը դատական կարգով ճանաչվել է սնանկ, և պետական հաշվառման դիմում տալու պահին չի կատարել սնանկ ճանաչելու համար հիմք հանդիսացած իր պարտավորությունները:

Ի՞ՆՉ ՓԱՍՏԱԹՂԹԵՐ ԵՆ ԱՆՀՐԱԺԵՇՏ ՊԵՏԱԿԱՆ ՀԱՇՎԱՌՈՒՄ ԿԱՏԱՐԵԼՈՒ ՀԱՄԱՐ

Հաշվառման համար պետք է ներկայացնել
✅անձնագիր
✅պետական տուրքի վճարումը հավաստող փաստաթուղթ
✅դիմում:

Դիմումը պատրաստվում է Գործակալության աշխատակցի կողմից՝ հիմք ընդունելով անձի կողմից ներկայացված տեղեկությունները և փաստաթղթերը:
Եթե անձն ունի էլեկտրոնային ստորագրություն, ապա հաշվառումը կարող է կատարվել համացանցի օգնությամբ՝ https://www.e-register.am պաշտոնական կայքի միջոցով:

Ո՞Ր ՄԱՐՄԻՆՆ Է ԿԱՏԱՐՈՒՄ ՊԵՏԱԿԱՆ ՀԱՇՎԱՌՈՒՄ
Անհատ ձեռնարկատիրոջ պետական հաշվառումը կատարվում է իրավաբանական անձանց պետական ռեգիստրի գործակալության ցանկացած սպասարկման գրասենյակի կողմից՝ անկախ անհատ ձեռնարկատիրոջ գործունեության վայրից:

ՈՐՔԱ՞Ն Է ԿԱԶՄՈՒՄ ՊԵՏԱԿԱՆ ՏՈՒՐՔԻ ՉԱՓԸ
Պետական հաշվառման տուրքը կազմում է 3,000 ՀՀ դրամ: Այն անհրաժեշտ է վճարել հետևյալ հաշվեհամարին՝ 900005160750:

Ի՞ՆՉ ԺԱՄԿԵՏՆԵՐՈՒՄ Է ԿԱՏԱՐՎՈՒՄ ՀԱՇՎԱՌՈՒՄԸ
Հաշվառումն իրականացվում է անմիջապես անհրաժեշտ փաստաթղթերը ներկայացնելու պահին:
Անձը համարվում է որպես անհատ ձեռնարկատեր հաշվառված անձ պետական միասնական գրանցամատյանում օրենքով սահմանված տեղեկությունների գրառումը կատարելու պահից:

ՈՐՈ՞ՆՔ ԵՆ ԱՆՀԱՏ ՁԵՌՆԱՐԿԱՏԵՐ ԼԻՆԵԼՈՒ ԱՌԱՎԵԼՈՒԹՅՈՒՆՆԵՐԸ
Դրական կողմերն են՝ հաշվառման գործընթացի արագ կատարումը՝ փաստաթղթային նվազագույն պահանջներով, հաշվեկշիռ չունենալը, տարեկան եկամտահարկով հարկվելը և այլն:

ՈՐՈ՞ՆՔ ԵՆ ԱՆՀԱՏ ՁԵՌՆԱՐԿԱՏԵՐ ԼԻՆԵԼՈՒ ԲԱՑԱՍԱԿԱՆ ԿՈՂՄԵՐԸ
Անհատ ձեռնարկատեր լինելու թերությունը կայանում է նրանում, որ վերջինս իր պարտավորությունների համար պատասխանատու է սեփականության իրավունքով իրեն պատկանող գույքով:

Legal Minds Law Firm

27/06/2022

27/06/2022

23/06/2022

22/06/2022

09/06/2022

09/06/2022

05/06/2022

01/06/2022

31/05/2022

29/05/2022

29/05/2022

11/05/2022

Address

Telephone

Website

Alerts

Contact The Business

Shortcuts

Share

Category