Vardanyan & Partners law firm

16/09/2020

՛՛Վարդանյան և գործընկերներ՛՛ իրավաբանական գրասենյակը մատուցում է բարձրակարգ իրավաբանական ծառայություններ` փորձառու իրավաբանների (փաստաբանների) միջոցով:

Մեր հիմնական սկզբունքներն են պրոֆեսիոնալությունը, բարեխղճությունը և ազնվությունը:

09/10/2019

ՀԱՂԹԱՆԱԿ ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵՈՒՄ (1,848,500 ՀՀ դրամի չափով տուգանքի որոշումն ամբողջությամբ վերացվեց)

2019թ.-ի սեպտեմբերի 27-ին ՀՀ ԿԱ պետական եկամուտների կոմիտեի (այսուհետ՝ ՊԵԿ) հարկային և մաքսային մարմինների բողոքարկման հանձնաժողովը հրապարակային կարգով քննեց անհատ ձեռնարկատեր Ա. Գ.-ի համար ՙՙՎարդանյան և գործընկերներ՚՚ իրավաբանական գրասենյակի կազմած դիմում-բողոքը և բավարարեց այն՝ անվավեր ճանաչելով ՊԵԿ իրավաբանական վարչության կողմից անհատ ձեռնարկատեր Ա. Գ.-ի նկատմամբ 31.07.2019թ.-ին կայացված ՙ՛տուգանքի գումարը հաշվարկելու և գանձման առաջադրելու վերաբերյալ՛՛ համապատասխան որոշումը:

Որոշ մանրամասներ
Նշված որոշմամբ անհատ ձեռնարկատիրոջը ՊԵԿ իրավաբանական վարչությունը տուգանել էր 1,848,500 ՀՀ դրամի չափով՝ համաձայն ՀՀ Հարկային օրենսգրքի 422-րդ հոդվածի 1-ին մասի 4-րդ կետի (Չօգտագործված կամ վնասված ակցիզային դրոշմանիշների և (կամ) դրոշմապիտակների վերադարձը): Ըստ նշված հոդվածի՝ տնտեսվարող սուբյեկտների նկատմամբ իրենց կողմից ստացած, սակայն ճօգտագործված դրոշմապիտակները ՀՀ հարկային օրենսգրքի 396-րդ հոդվածով սահմանված ժամկետից (6 ամիս) ուշ վերադարձվելու դեպքում հաշվարկվում է տուգանք ըստ ստացված դրոշմապիտակների քանակի: Մեր գրասենյակի հաճախորդի մոտ առկա էր եղել մի քանի օր ուշացում:

Սակայն ՊԵԿ իրավաբանական վարչությունը վարչական ակտը (նշված տուգանքի որոշումը) կայացնելիս թույլ էր տվել օրենքի խախտումներ.

1) սխալ էր մեկնաբանվել և կիրառվել ՀՀ հարկային օրենսգրքի 422-րդ հոդվածը

Հարկային մարմինը (ի դեմս ՊԵԿ իրավաբանական վարչության) տուգանքի որոշումը կայացնելիս պետք է դիտարկեր դրոշմապիտակները ստանալուն նախորդող հարկային տարվա ընթացքում ստացված դրոշմապիտակների քանակությունը և ըստ այդմ հաշվարկեր տուգանքի չափը: Սակայն տուգանքի չափը հաշվարկելիս հիմք էր ընդունվել հենց դրոշմապիտակների ստացման տարում ստացված դրոշմապիտակների քանակը:

Այս կետի կապակցությամբ ներկայացվել էին նաև փաստարկներ առ այն, որ եթե հարկային հարաբերությունները կարգավորող՝ հավասար իրավական ուժ ունեցող իրավական ակտերի դրույթները պարունակում են հակասություններ, երկիմաստություննեևր, տարընթերցումներ, ապա դրանք մեկնաբանվում և կիրառվում են հարկ վճարողի օգտին: Նման կանոն սահմանված է ՀՀ հարկային օրենսգրքի 2-րդ հոդվածում:

2) միաժամանակ խախտվել էր նաև ՀՀ հարկային օրենսգրքի 398-րդ հոդվածը (Հարկային իրավախախտումների արձանագրումը)

Հարկային մարմինը (ի դեմս ՊԵԿ իրավաբանական վարչության) տուգանքի որոշումը կայացնելուց առաջ համապատասխան վարչական վարույթը հարուցել էր օրենքով պահանջվող ժամկետի էական խախտմամբ (խախտման արձանագրությունը կազմվել էր դեպքից շուրջ 5-6 ամիս անց):

Մեր կողմից ներկայացվել էր նաև փաստարկ այն մասին, որ կատարված արարքը, թեև պարունակում է հարկային իրավախախտման հատկանիշներ, սակայն իր բնույթով ունի ցածր նշանակություն և որևէ ֆինանսական անբարենպաստ հետևանքներ ՀՀ պետական բյուջեի համար չեն առաջացել (ստացված, սակայն չօգտագործված թվով 3697 հատ դրոշմապիտակները հանգամանքների բերումով վերադարձվել էին սահմանված ժամկետի ավարտից ընդհամենը մի քանի օր անց):

Հանձնաժողովի նիստին հաճախորդի անունից վերջինիս իրավունքների և օրինական շահերի պաշտպանության համար մասնակցել և վարչական վերադասության կարգով ներկայացված դիմում-բողոքի փաստարկները ներկայացրել է փաստաբան Վարուժան Վարդանյանը:

Շնորհակալություն ենք հայտնում ՊԵԿ հարկային և մաքսային մարմինների բողոքարկման հանձնաժողովին՝ գործի հանգամանքների լրիվ, օբյեկտիվ և բազմակողմանի պարզման և կայացված որոշման համար:

ՀԱՂԹԱՆԱԿ ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵՈՒՄ ( 1,848,500 ՀՀ դրամի չափով տ ուգանքի որոշումն ամբողջությամբ վերացվեց) 2019թ.-ի սեպտեմբերի 27-ին...

17/07/2019

Փաստաբան Վահե Սիմոնյան

Վահե Սիմոնյանը արտոնագրված փաստաբան է Հայաստանում (2015թ.-ից):

Իրավագիտության դիպլոմավորված մասնագետի աստիճան է ստացել Հայաստանում Ֆրանսիական Համալսարանից (2006թ.):

Մինչև «Վարդանյան և Գործընկերներ» գրասենյակին միանալը և փաստաբանական գործունեությամբ զբաղվելը աշխատել է տարբեր ընկերություններում, ինչպես նաև վարչական մարմիններում:
Վահե Սիմոնյանը զգալի փորձ ունի վարչական իրավունքի ոլորտում:

Տիրապետում է անգլերեն, ռուսերեն և ֆրանսերեն լեզուներին

Փաստաբան Վահե Սիմոնյան

11/07/2019

It does matter if you win or lose.
It also matters how you play the game.

WSHB

29/06/2019

՛՛Վարդանյան և գործընկերներ՛՛ իրավաբանական գրասենյակը իր հաճախորդներին մատուցում է բարձրակարգ և հուսալի իրավաբանական ծառայություններ:

Գրասենյակում աշխատում են բազմամյա փորձ ունեցող իրավաբաններ, ովքեր միաժամանակ նաև փաստաբաններ են և իրավունք ունեն հաճախորների իրավունքների պաշտպանության համար հանդես գալ ՀՀ բոլոր դատարաններում:

Մեր հիմնական սկզբունքներն են պրոֆեսիոնալությունը, բարեխղճությունը և ազնվությունը:

Մինչև այժմ գրասենյակի իրավաբանական ծառայություններից օգտվել են և գոհ են մնացել տասնյակ կազմակերպություններ և հարյուրավոր քաղաքացիներ:

27/06/2019

Ո՞վ է փաստաբանը:

Փաստաբանի հասկացությունը սահմանված է ''Փաստաբանության մասին՛՛ ՀՀ օրենքի 17-րդ հոդվածի 1-ին մասում:

Փաստաբան է այն անձը, որն ունի իրավաբան բակալավրի կամ իրավաբան դիպլոմավորված մասնագետի որակավորում և ստացել է համապատասխան արտոնագիր` փաստաբանական գործունեություն իրականացնելու համար:

Իրավաբանական օգնություն ցույց տալու ժամանակ փաստաբանը`

1) խորհրդատվություն է տրամադրում իրավական հարցերով ինչպես բանավոր, այնպես էլ գրավոր.

2) կազմում է դիմումներ, բողոքներ, գանգատներ, միջնորդություններ և իրավական բնույթի այլ փաստաթղթեր, ինչպես նաև դրանց նախագծեր.

3) որպես վստահորդի ներկայացուցիչ մասնակցում է քաղաքացիական և վարչական դատավարությանը, մասնակցում է գործի քննությանը Հայաստանի Հանրապետության սահմանադրական դատարանում.

4) որպես ներկայացուցիչ կամ պաշտպան մասնակցում է քրեական դատավարությանը և վարչական իրավախախտումների գործերով վարույթին.

5) որպես վստահորդի ներկայացուցիչ մասնակցում է գործերի քննությանը արբիտրաժային տրիբունալում կամ վեճեր լուծող այլ մարմիններում.

6) ներկայացնում է վստահորդի շահերը պետական և տեղական ինքնակառավարման մարմիններում, հասարակական միավորումներում և այլ կազմակերպություններում, օտարերկրյա պետությունների պետական իշխանության մարմիններում, դատարաններում, հետաքննության կամ նախաքննության մարմիններում, միջազգային դատական մարմիններում, օտարերկրյա պետությունների ոչ կառավարական մարմիններում, եթե այլ բան նախատեսված չէ տվյալ երկրի օրենսդրությամբ, միջազգային դատական մարմինների և այլ միջազգային կազմակերպությունների կանոնադրային փաստաթղթերով կամ Հայաստանի Հանրապետության միջազգային պայմանագրերով:

Փաստաբանն իրավունք ունի ցույց տալու օրենքով չարգելված իրավաբանական այլ օգնություն։

11/06/2019

30/05/2019

ՎԱՐԴԱՆՅԱՆ ԵՎ ԳՈՐԾԸՆԿԵՐՆԵՐ իրավաբանական գրասենյակը մատուցում է նաև հետևյալ իրավաբանական ծառայությունները.

Իրավաբանական անձանց ամսական իրավական սպասարկում ֆիքսված վճարի դիմած

-Իրավաբանական խորհրդատվություն կազմակերպության տնօրենին և այլ ղեկավար աշխատողներին՝ կազմակերպության ընթացիկ գործունեության ընթացքում ծագող իրավական հարցերի կապակցությամբ (նաև անգլերեն, ռուսերեն, ֆրանսերեն լեզուներով),

-Կազմակերպության ներքին կամ անհատական իրավական ակտերի կազմում (նաև անգլերեն, ռուսերեն, ֆրանսերեն լեզուներով), այդ թվում`
տնօրենի հրամանների, կարգադրությունների, աշխատանքային կանոնակարգերի կազմում, բաժնետերերի կամ մասնակիցների ժողովի որոշումների կազմում, տնօրենների խորհրդի որոշումների կազմում

-Պայմանագրերի կազմում, պայմանագրերի վերանայում (նաև անգլերեն, ռուսերեն, ֆրանսերեն լեզուներով),

-Աջակցություն կազմակերպությանը պարտքերի դատական բռնագանձման, խախտված իրավունքների վերականգնման գործում

-Կազմակերպության իրավունքների և օրինական շահերի պաշտպանություն` պետական և տեղական ինքնակառավարման մարմինների հետ հարաբերություններում, դիմումների, բողոքների, պատասխան-գրությունների կազմում

- Եվ այլն

Պատվիրատու կազմակերպության համար տվյալ իրավաբանական ծառայության առավելություններից մեկը կարող է լինել այն, որ վերջինս իրավաբանի հետ չի մտնում աշխատանքային հարաբերության մեջ, հետևաբար նաև հարկադրված չէ վերջինիս գրանցել որպես աշխատող, կրել գործատուի պարտականություններ (ստեղծել աշխատանքային պայմաններ, կատարել աշխատավարձից եկամտային հարկի պահումներ, արձակուրդային վճարումներ և այլն): Փոխարենը կազմակերպությունը կնքում է իրավաբանական ծառայությունների պայմանագիր իրավաբանական գրասենյակի հետ, վերջինիս վճարում է ամսական կարգով իրավաբանական ծառայության ֆիքսված վճար (համաձայնեցված կողմերի միջև ըստ նախատեսվող ծառայությունների ծավալի), չի ստեղծում որևէ աշխատատեղ, չի կատարում որևէ հարկի պահումներ: Իրավաբանական գրասենյակը, որպես հարկատու, ինքն է հաշվարկում և վճարում իր հարկերը ծառայության վճարի գումարից: Նման դեպքում իրավաբանական ծառայությունները նաև մատուցվում են ոչ թե միայն մեկ իրավաբանի կողմից, այլ` բազմամյա փորձ ունեցող իրավաբանների (փաստաբանների) կողմից:
Իսկ պատվիրատու կազմակերպությունն, ի տարբերություն աշխատանքային պայմանագրի, ըստ օրենքի իրավունք ունի ցանկացած պահի լուծել իրավաբանական ծառայությունների մատուցման պայմանագիրը, եթե այլևս անհրաժեշտ չլինի իրեն տվյալ ծառայությունը:

15/05/2019

՛՛Տոների եվ հիշատակի օրերի մասին՛՛ ՀՀ օրենքի 8.1. հոդվածի համաձայն այսօր՝ մայիսի 15-ին, Հայաստանի Հանրապետությունում նշվում է ընտանիքի օրը:

14/05/2019

Իրավունքն ուսումնասիրման բավականին բարդ օբյեկտ է և նրա մեջ խորամուխ լինելու համար անհրաժեշտ է տարիների քրտնաջան աշխատանք:

Ժան Կարբոնյե (1908-2003)
Ֆրանսիացի իրավաբան-գիտնական, դասախոս
Քաղաքացիական իրավունքի և իրավունքի սոցիոլոգիայի պրոֆեսոր:

22/04/2019

Իրավական պարզաբանումներ շինարարության թույլտվության տրամադրման ընթացքում ծագող որոշ խնդրահարույց հարցերի վերաբերյալ:

Հայաստանի Հանրային հեռուստատեսության "Մեկ պատուհան" հաղորդաշար:

Փաստաբան Vahe Simonyan

Public TV Company of Armenia 2018 http://www.1tv.am Facebook: https://www.facebook.com/ArmPublicTV Instagram: https://www.instagram.com/ArmPublicTV #ԱռաջինԱլիք