Consilium Grande

30/08/2026

⚖️ Մեր վստահորդը պահպանեց մեքենա վարելու իրավունքը դատական պրոցեսի ընթացքում։

🛑 Մեր վստահորդին Ոստիկանության (Պարեկային ծառայության) որոշմամբ զրկել էին վարորդական իրավունքից 1 տարի ժամկետով՝ ոչ սթափ վիճակում մեքենա վարելու հիմնավորմամբ։ Քանի որ ակտը կազմվել էր ընթացակարգային և իրավական կոպիտ խախտումներով, մենք այն բողոքարկեցինք դատական կարգով։
🎯 Մինչ դատարանը քննում է գործը և կկայացնի վերջնական դատական ակտ, վարորդը կանգնած էր 1 տարի մեքենա չվարելու և դրա հետևանքով լուրջ խնդիրների առաջ կանգնելու ռիսկի առաջ։ Մենք ՀՀ վարչական դատարան ներկայացրինք միջնորդություն՝ հայցի ապահովման միջոց կիրառելու մասին՝ մատնանշելով վստահորդի սոցիալական ու կենսական կարևորագույն հանգամանքները.Վստահորդը զինծառայող է, և մեքենա վարելու իրավունքը ծառայողական պարտականությունների համար անհրաժեշտություն է։ Նրա խնամքին են գտնվում երկու անչափահաս երեխաներ։ Նա խնամում է նաև հաշմանդամություն ունեցող մորը։ Հիմնավորեցինք, որ Ոստիկանության որոշման անհապաղ կիրառումը կհանգեցներ անդառնալի և ծանր սոցիալական հետևանքների ողջ ընտանիքի համար, քանի դեռ դատարանը վերջնական վճիռ չի կայացրել։
🎉 Արդյունքը.ՀՀ վարչական դատարանը բավարարեց մեր միջնորդությունը։ Դատարանի որոշմամբ Ոստիկանության ակտի գործողությունը կասեցվել է։ Սա նշանակում է, որ մեր վստահորդը օրինական հիմքերով շարունակում է վարել իր մեքենան ողջ դատական պրոցեսի ընթացքում, շարունակում է կատարել իր հայրենանվեր ծառայությունը և հոգալ ընտանիքի կարիքները։

Եթե ձեզ կամ ձեր մտերիմներին սպառնում է վարորդական իրավունքից զրկում, դիմե՛ք մեզ, և մենք կպաշտպանենք ձեր իրավունքները։
📞 [+374 93 607 673 ]📍 [Ք․Երևան, Բուզանդ 7 շենք, 3 տարածք]
#ՎարչականԴատարան #ՎարորդականԻրավունք #ԽմածությանԱկտ #ՎարորդներիՊաշտպանություն

30/08/2026

🚗 Ոստիկանությունը վերացրել է առանց ապացույցների կազմված արագության ակտը։

Շատ վարորդներ կարծում են, որ եթե Պարեկային ծառայությունը տեղում կանգնեցնում և արձանագրում է արագության գերազանցում, ապա այդ որոշումն անվիճելի է, սակայն միայն ոստիկանի սուբյեկտիվ կարծիքը կամ ենթադրությունը բավարար չէ քաղաքացուն պատասխանատվության ենթարկելու համար։

⚖️ Մեր վստահորդին ճանապարհին կանգնեցրել էին և տեղում կազմել վարչական ակտ՝ արագության գերազանցման համար, սակայն խախտումը չէր արձանագրվել ո՛չ տեսանյութով, ո՛չ լուսանկարով և ո՛չ էլ սահմանված կարգով ստուգաչափված որևէ սարքով։

🎯 Մեր ռազմավարությունը. Նշված ակտը բողոքարկվեց վերադասության կարգով։ Շեշտադրեցինք վարչարարության հիմնարար սկզբունքը. պատասխանատվություն սահմանող ակտի հիմքում պետք է դրվեն անհերքելի ապացույցներ, իսկ բոլոր կասկածները պետք է մեկնաբանվեն հօգուտ քաղաքացու։

🎉 Արդյունքը.Վերադաս մարմինը (Ոստիկանությունը) ամբողջությամբ ընդունեց մեր իրավական փաստարկները և կայացրեց որոշում՝ վերացնել արագության գերազանցման վերաբերյալ ակտը և կարճել վարչական վարույթը։

💡 Հիշե՛ք, ցանկացած տուգանք պետք է լինի հիմնավորված։ Եթե ձեզ նշանակել են տուգանք առանց հստակ ապացույցների, մի՛ վճարեք, դիմե՛ք մեզ՝ ձեր իրավունքները պաշտպանելու համար։📞 [+374 93 607 673] 📍Ք․Երևան, Բուզանդ 7 շ․, 3 տարածք։

24/08/2026

❗ Ինքնակամ կառույցների քանդման նոր, խիստ կարգ. Ի՞նչ է փոխվում օգոստոսի 30-ից

Հարգելի՛ հետևորդներ, տեղեկացնում ենք, որ այս տարվա օգոստոսի 30-ից ուժի մեջ են մտնում օրենսդրական արմատական փոփոխություններ, որոնք կտրուկ խստացնում են անօրինական շինությունների դեմ պայքարը։
Ինչ պետք է իմանալ.

❌ Օգոստոսի 30-ից իրավասու մարմիններն իրավունք են ստանում առանց դատարանի որոշման քանդել ինքնակամ կառույցները։
⏱️ 1-ամսյա վերջնաժամկետ. Համայնքի ղեկավարի գրավոր պահանջից հետո սեփականատերը պարտավոր է 1 ամսվա ընթացքում իր միջոցներով քանդել շինությունը։
⚖️ Դատարանների կողմից կասեցումների չեղարկում. Այլևս հնարավոր չի լինի դատական հայցերով կիրառված հայցի ապահովման որոշումների միջոցով տարիներով ձգձգել կամ կասեցնել պետական կամ համայնքային հողերի վրա գտնվող շինությունների քանդման ընթացքը։
💡 .Եթե Ձեր ինքնակամ շինությունը կառուցվել է մինչև 2021 թվականի դեկտեմբերի 16-ը, Դուք դեռ ունեք ժամանակ մինչև 2026 թվականի դեկտեմբերի 31-ը՝ այն Կադաստրում հաշվառելու և օրինականացնելու համար։
💡 Մի՛ սպասեք վերջնաժամկետին, դիմե՛ք խորհրդատվության համար մեր մասնագետներին։
Հեռ․ 093 -607-673, 055-955-959:
Ք.Երևան, Բուզանդի 7 շենք, 3-րդ տարածք։

05/08/2026

2026 թվականի հուլիսի 12-ից ուժի մեջ են մտել «Սնանկության մասին» օրենքում փոփոխություններ և լրացումներ կատարելու մասին» դրույթները:

03/07/2026

📢 ԿԱՐԵՎՈՐ ԻՐԱԶԵԿՈՒՄ. Փոփոխություններ «Սնանկության մասին» ՀՀ օրենքում

Հարգելի՛ հետևորդներ, «Սնանկության մասին» ՀՀ օրենքում կատարվել են զգալի փոփոխություններ, որոնք ուժի մեջ են մտնելու սույն թվականի հուլիսի 12-ից:

Փոփոխություններով նախատեսվել են մի շարք առանցքային դրույթներ, որոնք վերաբերում են ֆիզիկական անձանց սնանկությանը։
📌 Այսպես․ պարտապան ֆիզիկական անձը կարող է սնանկ ճանաչվել՝ հարկադրված կամ կամավոր սնանկության դիմումի հիման վրա՝ եթե թույլ է տվել օրենքով սահմանված նվազագույն աշխատավարձի երկուհազարապատիկը գերազանցող անվիճելի վճարային պարտավորությունների 30-օրյա կամ ավելի ժամկետով կետանց։

Պարտավորությունը պետք է ճանաչված լինի օրինական ուժի մեջ մտած դատարանի կամ արբիտրաժային տրիբունալի ակտով կամ կողմերի համար պարտադիր դարձած նոտարի կարգադրությամբ, ինչպես նաև կատարողական վարույթը պետք է ավարտված լինի պարտատիրոջ համար բացասական ելքով։

⚠️ Եթե պատրաստվում եք դատարան ներկայացնել սնանկության դիմումներ, հորդորում ենք նախապես ծանոթանալ նոր կարգավորումներին՝ հետագա իրավական խնդիրներից ու բարդություններից խուսափելու համար:

⚖️ Մեր թիմը ուշադիր հետևում է օրենսդրական բոլոր նորություններին և պատրաստ է աջակցել ձեզ ցանկացած իրավական հարցում:Մանրամասն խորհրդատվության համար կարող եք գրել մեր էջին կամ կապ հաստատել մեզ հետ:

19/06/2026

Consilium Grande դառնում է ավելի հասանելի իր հետևորդների համար!

Այսուհետ մեր էջում պարբերաբար կհրապարակվեն.
🏆 Մեր հաղթանակները․ կիսվելու ենք մեր թիմի հաջողված դատական գործերով, հաղթանակներով և իրավական բարդ խնդիրների իրական լուծումներով, որոնք փոխել են մեր հաճախորդների կյանքը։
⚖️ Օրենսդրական նորություններ․ ամենակարևոր փոփոխություններն ու դրանց ազդեցությունը Ձեր կամ Ձեր բիզնեսի վրա։
💡 Գործնական խորհուրդներ․ օգտակար և կիրառելի քայլեր՝ Ձեր իրավունքներն ամենօրյա կյանքում պաշտպանելու համար։

Սեղմե՛ք Follow (Հետևել) և միացրե՛ք ծանուցումները, որպեսզի բաց չթողնեք ոչ մի թարմացում և տեսնեք, թե ինչպես ենք մենք պաշտպանում Ձեր շահերը։

Մենք պատրաստ ենք նոր հաղթանակների: 📩

11/03/2026

Ի՞նչ է սնանկությունը և ի՞նչ հետևանքներ կարող է ունենալ մարդու համար։Շատերի համար սնանկությունը ընկալվում է որպես վերջնական ֆինանսական ձախողում, սակայն իրավակ...

30/12/2025