Arnold Law Company

11/08/2026

ԱՐԴԱՐԱՑՄԱՆ ՎԵՐԴԻԿՏ

Երկարատև և հետևողական աշխատանքի արդյունքում՝ 2026 թվականի օգոստոսի 10-ին, Երևան քաղաքի առաջին ատյանի ընդհանուր իրավասության քրեական դատարանը զինվորական ծառայությունից խուսափելու մեջ մեղադրվող մեր վստահորդի վերաբերյալ կայացրել է արդարացման վերդիկտ։

Դատաքննության ողջ ընթացքում մեր վստահորդի պաշտպանությունն իրականացրել է փաստաբան Առնոլդ Վարդանյանը։

Դատական վարույթի ընթացքում պաշտպանական կողմը ներկայացրել է իրավական հիմնավորումներ, ինչպես նաև մասնագիտական և փորձագիտական ապացույցներ՝ վիճարկելով մեղադրանքի հիմնավորվածությունը, մեղադրանքի հիմքում դրված նյութերի արժանահավատությունն ու ապացուցողական նշանակությունը։ Պաշտպանական կողմը հիմնվել է նաև համապատասխան միջազգային չափանիշների վրա։

Գործով իրականացված արտադատական միջոցառումների շրջանակում, փաստաբան Առնոլդ Վարդանյանի ներկայացրած դիմումի հիման վրա, Ստանդարտացման և չափագիտության ազգային մարմնի կողմից Հայաստանում գործողության մեջ են դրվել ակնաբուժական ռեֆրակտոմետրերին ներկայացվող միջազգային ISO տեխնիկական պահանջները՝ ազգային ստանդարտի կարգավիճակով։

Գործով բարձրացվել են նաև մի շարք կարևոր իրավական և ապացուցողական հարցեր, այդ թվում՝ դատաբժշկական փորձագետների՝ անձի տեսողության ցուցիչները գնահատելու իրավասության վերաբերյալ։

Շնորհակալ ենք մեր վստահորդին վստահության համար։

www.arnoldlawyer.com

21/07/2026

HelpCourt համակարգի արգելման նախաձեռնության մասին ստորև տեսանյութում ներկայացնում իր վերլուծությունները Առնոլդ Վարդանյանը

⚖️ Շաբաթ օրը հայտնի դարձավ, որ ՀՀ հակակոռուպցիոն կոմիտեն դիմել է ՀՀ Արդարադատության նախարարությանը՝ լուրջ ինստիտուցիոնալ մտահոգություններ ներկայացնելով HelpCourt դատավորների գնահատման ոչ ֆորմալ համակարգի վերաբերյալ և առաջարկելով քննարկել նաև դրա օրենքով արգելման հնարավորության հարցը։

📌 Ստորև ներկայացվող տեսանյութում մասնագիտական տեսանկյունից անդրադարձել եմ այս նախաձեռնության հիմնավորվածությանը՝ խոսելով այն մասին, թե՝

❓ ինչպե՞ս է այսօր պետությունը գնահատում դատավորների գործունեությունը, և ինչու՞ այդ գնահատման մասին հանրությանը հասանելի և թափանցիկ տեղեկատվություն գործնականում չի տրամադրվում,

❓ ինչու՞ HelpCourt համակարգը դատավորների անկախությանը միջամտություն չէ, այլ հանրային վերահսկողության այլընտրանքային ոչ ֆորմալ գործիք՝ ստեղծված մասնավոր հատվածում,

❓ ի՞նչ են իրականում սահմանում միջազգային չափանիշները. Եվրոպական դատավորների խորհրդատվական խորհրդի թիվ 17 կարծիքը վերաբերում է միայն պետության կողմից իրականացվող ֆորմալ գնահատմանը (կիրառելի չէ HelpCourt համակարգի նկատմամբ), իսկ թիվ 18-րդ կարծիքն ուղղակիորեն կարևորում է դատական իշխանության նկատմամբ հանրային վերահսկողությունը,

❓ դատավորների գնահատման ինչպիսի՞ համակարգեր են գործում աշխարհում, ի՞նչ է իրենից ներկայացնում Ամերիկայի Միացյալ Նահանգներում գործող The Robing Room հարթակն ու ինչպիսի՞ կիրառելիություն ունի,

❓ ինչու՞ HelpCourt համակարգի արգելումը կհանգեցնի խոսքի ազատության իրավունքի նկատմամբ անհամաչափ միջամտության՝ երաշխավորված ՀՀ Սահմանադրությամբ և Եվրոպական կոնվենցիայի 10-րդ հոդվածով

🎥 Ամբողջական վերլուծությունը՝ տեսանյութում 👇
https://youtu.be/9K4-dy8E5HI?si=vDkLVSdfmEkqF4rT

#փաստաբան See less

Այս անգամ տեսանյութում խոսել եմ ՀՀ հակակոռուպցիոն կոմիտեի նախաձեռնո...

15/07/2026

Բջջային հեռախոսների միջազգային նույնականացուցիչների (IMEI կոդերի) գրանցման մասին օրենսդրական նախաձեռնությունն ու դրա վերաբերյալ միջազգային փորձը տեսանյութում ներկայացնում է Առնոլդ Վարդանյանը

Այս անգամ տեսանյութում խոսել եմ բջջային հեռախոսների IMEI միջազգային...

11/02/2026

👇

Ինչ փուլում է մեր դիմումների հիման վրա ընդունված ՀՀ Սահմանադրական դատարանի որոշումների կատարումը 2025 թ. հուլիսի 1-ին ՀՀ Սահմանադրական դատարանը թիվ ՍԴՈ-1789 որոշմամբ բ....

30/01/2026

📌 Ինչ փուլում է մեր դիմումների հիման վրա ընդունված ՀՀ Սահմանադրական դատարանի որոշումների կատարումը

⚖️ 2025 թվականի հուլիսի 1-ին ՀՀ Սահմանադրական դատարանը թիվ ՍԴՈ-1789 որոշմամբ բավարարել է մեր կողմից կողմից ներկայացված դիմումը։

🔹 ՍԴ-ն արձանագրել է, որ դիմող Անդրանիկ Մանուկյանը սեփականազրկվել է ՀՀ Սահմանադրության 60-րդ հոդվածի խախտմամբ։

🔹 Միաժամանակ ՍԴ-ն արձանագրել է, որ ՀՀ քաղաքացիական օրենսգրքի 187-րդ հոդվածը և 397-րդ հոդվածի 1-ին մասը՝ համապատասխանում են ՀՀ Սահմանադրությանն այն մեկնաբանությամբ, որ ձեռքբերման վաղեմության իրավահարաբերությունների դեպքում դատավարական իրավահաջորդության փաստով չեն կարող փոխանցվել փոխանցման պահին գոյություն չունեցող նյութական իրավունքներն ու պահանջները։

➡️ Ի՞նչ է տեղի ունեցել ՍԴ որոշումից հետո

📅 2025 թվականի նոյեմբերի 11-ին ՀՀ վճռաբեկ դատարանը վարույթ է ընդունել նոր հանգամանքի հիմքով մեր կողմից ներկայացված վճռաբեկ բողոքը՝ ուղղված Անդրանիկ Մանուկյանի իրավունքների խախտման վերացմանը։

⚖️ 2025 թվականի նոյեմբերի 11-ին ՀՀ Սահմանադրական դատարանը թիվ ՍԴՈ-1802 որոշմամբ բավարարել է մեր կողմից ներկայացված մեկ այլ դիմումը։

🗓 ՍԴ-ն արձանագրել է, որ դիմող Ալեքսանդր Սահակյանի դատարանի մատչելիության իրավունքը խախտվել է։

🔹 Միաժամանակ ՍԴ-ն գտել է, որ ՀՀ քաղաքացիական դատավարության օրենսգրքի 361-րդ հոդվածի 1-ին մասի 3-րդ կետը համապատասխանում է Սահմանադրությանը՝ այն մեկնաբանությամբ, որի համաձայն՝ հայցի ապահովման մեկ միջոցը մեկ այլ միջոցով փոխարինելու կամ այն ձևափոխելու միջնորդությունը մերժելու մասին որոշումը ենթակա է բողոքարկման վերաքննության կարգով։

➡️ Ի՞նչ է տեղի ունեցել ՍԴ որոշումից հետո

📅 2025 թվականի դեկտեմբերի 10-ին ՀՀ վճռաբեկ դատարանը վարույթ է ընդունել նոր հանգամանքի հիմքով ներկայացված մեր վճռաբեկ բողոքը՝ ուղղված Ալեքսանդր Սահակյանի իրավունքների խախտման վերացմանը։

📅 2026 թվականի հունվարի 9-ին ՀՀ Վճռաբեկ դատարանի քաղաքացիական պալատը վերանայել է իր կողմից նախկինում կայացված՝ վճռաբեկ բողոքը վարույթ ընդունելը մերժելու մասին որոշումը և վարույթ ընդունել մեր կողմից նախկինում ներկայացված վճռաբեկ բողոքը։

⚖️ Դիմողների խախտված իրավունքների վերականգնումը դեռևս ընթացքի մեջ է, մենք շարունակելու ենք հետամուտ լինել ՀՀ Սահմանադրական դատարանի որոշումների պատշաճ և ամբողջական կատարմանը՝ այն պահելով մեր ուշադրության կենտրոնում։

www.arnoldlawyer.com

31/12/2025

✨ Շնորհավոր Ամանոր և Սուրբ ծնունդ, թող 2026 թվականը լինի արդարության, իրավունքի գերակայության և խաղաղության տարի…

Կհանդիպենք հաջորդ տարի նոր նախաձեռնություններով և մեր վստահորդների իրավունքների խախտումներն արձանագրող դատական ակտերով…
____

✨ Wishing you a Happy New Year and a Merry Christmas, may 2026 be a year of justice, the rule of law, and peace…

See you next year with new initiatives and court decisions affirming the violations of our clients’ rights…