29/08/2025
«Ալիմենտը պարտք չէ, այլ պատասխանատվություն»
Բաժանումը չի վերացնում ծնողի պարտականությունը.
Երբ ծնվում է երեխա, ծնվում է նաև մեր կյանքի ամենամեծ պարտավորությունը։
Պարտավորություն, որը չի չափվում միայն գումարով, այլ սիրով, հոգատարությամբ և պատասխանատվությամբ։ Ալիմենտը գումար չէ, որը պարզապես «վճարում ենք ու մոռանում»։ Այն մեր մասնակցությունն է մեր իսկ արյան ու մսի ապագային։
Ոչ մի դատարան չի կարող մեզ պարտադրել սիրել մեր երեխային։ Բայց դատարանը կարող է հիշեցնել, որ նրա սնունդը, կրթությունը, առողջությունը կախված է նաև մեր որոշումներից։ Ալիմենտը միայն իրավական պահանջ չէ․ դա արժանապատիվ հոր կամ մոր անձնական խոստումն է, որ ասում է. «Ես քեզ չեմ թողնի միայնակ, նույնիսկ եթե մենք այլևս միասին չենք»։
Մի՛ մտածեք, թե ալիմենտը ձեր երեխային օգնելու միջոց է։ Ո՛չ, դա Ձեր երեխային է հասնում, Ձեր արյանը, Ձեր շարունակությանը։ Նրա աչքերը կպայծառանան ոչ թե փողից, այլ այն գիտակցությունից, որ Դուք նրա կողքին եք, թեկուզ հեռվից։
Հիշեք՝ ընտանիքը կարող է բաժանվել, բայց ծնող լինելու պարտականությունը բաժանման չի ենթարկվում։ Եթե նույնիսկ հարաբերությունները վերջացել են, սիրո ժառանգությունը շարունակվում է։
👉 Երբեմն կյանքի ճանապարհները տանում են տարբեր կողմեր, և բաժանումը դառնում է անխուսափելի։ Այդ դեպքում կարևոր է իրավունքի ու արդարության ճանապարհով ապահովել երեխայի լավագույն շահերը։
Եթե նման իրավիճակում եք, կարող եմ օգնել Ձեզ գտնել օրինական և արդար լուծումներ։
📩 Գրեք կամ զանգահարեք ինձ, եթե խորհրդի կարիք ունեք
📞 Հեռ.: 094 41 68 89
🏢 Հասցե: ք. Վանաձոր, Տիգրան Մեծի 20, «Գուգարք» հյուրանոց, 404 սենյակ
✉ Էլ. փոստ: [email protected]
⚖ Արսեն Սերոբյան – Փաստաբան
