Liberty LLC - Law Firm

Liberty LLC - Law Firm Contact information, map and directions, contact form, opening hours, services, ratings, photos, videos and announcements from Liberty LLC - Law Firm, Lawyer & Law Firm, 59/9 Komitas Avenue, 2nd floor, Erevan.
(1)

ՀՀԿ ԷՋՄԻԱԾՆԻ ՇՐՋԱՆԱՅԻՆ ԽՈՐՀՐԴԻ ՆԱԽԱԳԱՀ (ԱՐՄԱՎԻՐԻ ՄԱՐԶՊԵՏԻ ՆԱԽԿԻՆ ՏԵՂԱԿԱԼ) ՄՈՎՍԵՍ ՔԱՐՏԱՇՅԱՆԻ ՆԿԱՏՄԱՄԲ ԿԻՐԱՌՎԱԾ ԿԱԼԱՆՔԸ Փ...
06/02/2026

ՀՀԿ ԷՋՄԻԱԾՆԻ ՇՐՋԱՆԱՅԻՆ ԽՈՐՀՐԴԻ ՆԱԽԱԳԱՀ (ԱՐՄԱՎԻՐԻ ՄԱՐԶՊԵՏԻ ՆԱԽԿԻՆ ՏԵՂԱԿԱԼ) ՄՈՎՍԵՍ ՔԱՐՏԱՇՅԱՆԻ ՆԿԱՏՄԱՄԲ ԿԻՐԱՌՎԱԾ ԿԱԼԱՆՔԸ ՓՈԽՎԵՑ

ՀՀ վերաքննիչ հակակոռուպցիոն դատարանը (նախագահությամբ՝ դատավոր Ժ. Մելիքսեթյան), բավարարելով Մովսես Քարտաշյանի պաշտպան Սլավիկ Պողոսյանի կողմից ներկայացված հատուկ վերանայման բողոքը, 05.02.2026 թվականի որոշմամբ բեկանեց առաջին ատյանի դատարանի 27.12.2025 թվականի դատական ակտը՝ Մովսես Քարտաշյանի նկատմամբ կիրառելով տնային կալանք և գրավ։

Հիշեցնենք, որ Վաղարշապատ համայնքում 2025 թվականի նոյեմբերի 16-ին կայացած ընտրությունների հետ կապված նախաձեռնված քրեական վարույթով Մովսես Քարտաշյանի նկատմամբ հանրային քրեական հետապնդում է հարուցվել և նրան մեղադրանք է ներկայացվել ՀՀ քրեական օրենսգրքի 46-219-րդ հոդվածի 2-րդ մասով (մի խումբ անձանց կողմից նախնական համաձայնությամբ ընտրողներին ընտրակաշառք առաջարկելուն և խոստանալուն օժանդակելը)։

Մովսես Քարտաշյանը չի ընդունում ներկայացված մեղադրանքը։

13/01/2026

ԴԱՏԱՐԱՆԻ ՕՐԻՆԱԿԱՆ ՈՒԺԻ ՄԵՋ ՄՏԱԾ ՎՃՌՈՎ ԱՆՎԱՎԵՐ Է ՃԱՆԱՉՎԵԼ «ՄԵԾ ԱՅՐՈՒՄԻ ՄԻՋՆԱԿԱՐԳ ԴՊՐՈՑ» ՊՈԱԿ-Ի ՈՒՍՈՒՑՉՈՒՀՈՒՆ ԱՇԽԱՏԱՆՔԻՑ ԱԶԱՏԵԼՈՒ ՄԱՍԻՆ ՀՐԱՄԱՆԸ

⚖️Թիվ ԼԴ2/0020/02/24 քաղաքացիական գործով 2024 թվականի սեպտեմբեր 12-ին կայացված վճռով Լոռու մարզի առաջին ատյանի ընդհանուր իրավասության դատարանը վճռել է անվավեր ճանաչել «Ռիտա Վասիլի Բաբայանին աշխատանքից ազատելու մասին» ՀՀ Լոռու մարզի «Մեծ Այրումի միջնակարգ դպրոց» ՊՈԱԿ-ի տնօրենի պաշտոնակատար Է. Խաչատրյանի 22.12.2023 թվականի թիվ 66 հրամանը և պարտավորեցնել ՀՀ Լոռու մարզի «Մեծ Այրումի միջնակարգ դպրոց» ՊՈԱԿ-ին Ռիտա Վասիլի Բաբայանին հարկադիր պարապուրդի ամբողջ ժամանակահատվածի համար վճարել հատուցում՝ միջին աշխատավարձի չափով՝ սկսած 25.12.2023 թվականից մինչև վճիռն օրինական ուժի մեջ մտնելը, ինչպես նաև աշխատանքում չվերականգնելու դիմաց հատուցում՝ միջին աշխատավարձի քառապատիկի չափով: Բացի այդ, Դատարանը վճռել է ՀՀ Լոռու մարզի «Մեծ Այրումի միջնակարգ դպրոց» ՊՈԱԿ-ից հօգուտ Ռիտա Վասիլի Բաբայանի բռնագանձել 300.000 (երեք հարյուր հազար) ՀՀ դրամ՝ որպես փաստաբանի խելամիտ վարձատրության գումար:

Դատարանի վճիռը օրինական ուժի մեջ է մտել 2025 թվականի հոկտեմբերի 22-ին։

❗Դատական ակտն ամբողջությամբ կատարվել է․ «Մեծ Այրումի միջնակարգ դպրոց» ՊՈԱԿ-ը Ռիտա Բաբայանին արդեն իսկ վճարել է հարկադիր պարապուրդի ամբողջ ժամանակահատվածի համար և աշխատանքում չվերականգնելու դիմաց ընդհանուր միջին աշխատավարձի 26-ապատիկի չափով հատուցումը, ինչպես նաև փաստաբանի խելամիտ վարձատրության գումարը։

ՓՈՐՁԱԳԵՏԻ ԵԶՐԱԿԱՑՈՒԹՅԱՄԲ ՀԱՍՏԱՏՎԵԼ Է՝ ՍԱՐԻԿ ՍԱՄՎԵԼԻ ՄԻՆԱՍՅԱՆՆ Է ՍՏՈՐԱԳՐԵԼ ԵՎ ԼՐԱՑՐԵԼ ՀՀԿ ԱՆԴԱՄԱԿՑՈՒԹՅԱՆ ԴԻՄՈՒՄԸ ԵՎ ԱՆՁՆԱ...
28/11/2025

ՓՈՐՁԱԳԵՏԻ ԵԶՐԱԿԱՑՈՒԹՅԱՄԲ ՀԱՍՏԱՏՎԵԼ Է՝ ՍԱՐԻԿ ՍԱՄՎԵԼԻ ՄԻՆԱՍՅԱՆՆ Է ՍՏՈՐԱԳՐԵԼ ԵՎ ԼՐԱՑՐԵԼ ՀՀԿ ԱՆԴԱՄԱԿՑՈՒԹՅԱՆ ԴԻՄՈՒՄԸ ԵՎ ԱՆՁՆԱԿԱՆ ԹԵՐԹԻԿԸ

ՀՀ ԱՆ «Հայաստանի Հանրապետության փորձագիտական կենտրոն» ՊՈԱԿ-ի փորձագետի կողմից թիվ ՇԴ/0424/02/25 քաղաքացիական գործի (Սարիկ Սամվելի Մինասյանն ընդդեմ Արտյոմ Գեորգիի Ղուկասյանի, երրորդ անձ՝ ««Առավոտ» օրաթերթ»» սահմանափակ պատասխանատվությամբ ընկերության՝ զրպարտություն համարվող փաստացի տվյալները հերքելուն պարտավորեցնելու պահանջի մասին) շրջանակում 2025 թվականի նոյեմբերի 21-ին կազմված թիվ 14642501 եզրակացությամբ հաստատվել է՝

1️⃣ Փորձաքննությանը տրամադրված Սարիկ Սամվելի Մինասյանի անունից 12․06․2017թ․ Հայաստանի Հանրապետական կուսակցության գործադիր մարմնին ներկայացված «Դիմում» վերնագրով փաստաթղթում «Դիմող՝» տպագիր և «Սարիկ Մինասյան Սամվելի» ձեռագիր գրառումների միջև տեղավորված ստորագրությունը և Սարիկ Սամվելի Մինասյանի անուն, հայրանուն, ազգանունը պարունակող, 12․06․2017թ․ լրացված «Անձնական թերթիկ» «համարը 06-01-2441» վերնագրերով փաստաթղթում, դարձերեսին, «Ստորագրություն» տպագիր բառի դիմաց տեղավորված ստորագրությունը կատարվել են իր՝ Սարիկ Սամվելի Մինասյանի կողմից։

2️⃣ Փորձաքննությանը տրամադրված վերոհիշյալ «Դիմում»-ում և «Անձնական թերթիկ»-ում տեղավորված ձեռագիր գրառումները, բացի «3»-րդ կետում նշված գրառումներից, կատարվել են Սարիկ Սամվելի Մինասյանի կողմից։

Ի գիտություն՝ 3-րդ կետում նշված գրառումները վերաբերում են անդամատոմսի համարին և անդամակցության տարեթվին, որոնք, բնականաբար, պետք է կատարվեին կուսակցության իրավասու անձանց կողմից։

Արտյոմ Ղուկասյանի ներկայացուցիչ՝
փաստաբան Սլավիկ Պողոսյան

ԱՐՑԱԽԻ ՀԱՆՐԱՊԵՏՈՒԹՅԱՆ ԱԶԳԱՅԻՆ ԺՈՂՈՎԻ ՊԱՏԳԱՄԱՎՈՐ ԴԱՎԻԹ ԳԱԼՍՏՅԱՆԻ ՆԿԱՏՄԱՄԲ ԿԻՐԱՌՎԵՑ ՎԱՐՉԱԿԱՆ ՀՍԿՈՂՈՒԹՅՈՒՆԵրևան քաղաքի առաջ...
20/11/2025

ԱՐՑԱԽԻ ՀԱՆՐԱՊԵՏՈՒԹՅԱՆ ԱԶԳԱՅԻՆ ԺՈՂՈՎԻ ՊԱՏԳԱՄԱՎՈՐ ԴԱՎԻԹ ԳԱԼՍՏՅԱՆԻ ՆԿԱՏՄԱՄԲ ԿԻՐԱՌՎԵՑ ՎԱՐՉԱԿԱՆ ՀՍԿՈՂՈՒԹՅՈՒՆ

Երևան քաղաքի առաջին ատյանի ընդհանուր իրավասության քրեական դատարանի (նախագահությամբ` դատավոր Կ․ Ֆարխոյան) 20.11.2025 թվականի որոշմամբ Արցախի Հանրապետության ԱԺ պատգամավոր Դավիթ Գալստյանի նկատմամբ կիրառված տնային կալանքը փոխվեց վարչական հսկողությամբ։

Հիշեցնենք, որ Դավիթ Գալստյանի նկատմամբ որպես խափանման միջոց կիրառված կալանքի դեմ պաշտպանության կողմից ներկայացված հատուկ վերանայման բողոքի քննության արդյունքում ՀՀ վերաքննիչ քրեական դատարանը (նախագահությամբ դատավոր՝ Մ․ Պապոյան) 09․10․2025 թվականին որոշում էր կայացրել վերջինիս նկատմամբ կիրառել տնային կալանք, գրավ և բացակայելու արգելք։

...🖊🚪🔓

Խմբի կազմում սպանության փորձ կատարելու (մեղադրանքն արհեստականորեն ուռճացված էր) մեջ մեղադրվող, արգելանքի տակ գտնվող մեր ...
07/11/2025

Խմբի կազմում սպանության փորձ կատարելու (մեղադրանքն արհեստականորեն ուռճացված էր) մեջ մեղադրվող, արգելանքի տակ գտնվող մեր պաշտպանյալի նկատմամբ ներկայացվել էր երկամսյա ժամկետով կիրառված կալանքը վերահաստատելու վերաբերյալ միջնորդություն։

Երևան քաղաքի առաջին ատյանի ընդհանուր իրավասության քրեական դատարանի (նախագահությամբ դատավոր՝ Գնել Գասպարյան) որոշմամբ մեր պաշտպանյալի նկատմամբ կիրառվեց վարչական հսկողություն և գրավ։

Մեր պաշտպանյալն անհապաղ ազատ արձակվեց դատական նիստերի դահլիճում։

...🖊🚪🔓

27/10/2025

ՀՀ ՈՍՏԻԿԱՆՈՒԹՅԱՆ ԿՈՂՄԻՑ ԴԵՄԻՐՃՅԱՆ ՓՈՂՈՑԻ ՄՈՒՏՔԸ ՓԱԿԵԼՈՒ ԵՎ «ԴԻՄԱԴՐՈՒԹՅՈՒՆ» ՇԱՐԺՄԱՆ ԵՐԹԻ ԸՆԹԱՑՔՆ ԱՐԳԵԼԵԼՈՒ ԳՈՐԾՈՂՈՒԹՅՈՒՆՆԵՐԸ ՃԱՆԱՉՎԵԼ ԵՆ ՈՉ ԻՐԱՎԱՉԱՓ

✅ 2022 թվականի հունիսի 3-ին՝ ժամը 19։10-ին, «Դիմադրություն» շարժման մասնակիցները Հանրապետության հրապարակից երթով շարժվել են դեպի Պարոնյան փողոց։ Երթի մասնակիցները ժամը 20։10-ին կանգ են առել Պարոնյան-Դեմիրճյան փողոցների հատման տարածքում, որտեղ ՀՀ ոստիկանության ծառայողների կողմից արդեն իսկ արգելափակված են եղել կառավարական առանձնատներ տանող մուտքը և Դեմիրճյան փողոցը։ Ժամը 20։31-ին հավաքի մասնակիցները բարձրախոսով հայտարարել են, որ երթը շարունակվում է և Դեմիրճյան փողոցով շարժվելու է դեպի ՀՀ Ազգային ժողով՝ կոչ անելով ՀՀ ոստիկանությանը չխոչընդոտել երթի խաղաղ ընթացքը և բացել Դեմիրճյան փողոցը։ ՀՀ ոստիկանության աշխատակիցները ոչ միայն չեն կատարել հավաքի մասնակիցների օրինական պահանջը, այլ նաև սկսել են բերման ենթարկել երթը շարունակել ցանկացող քաղաքացիներին, ֆիզիկական ուժ և հատուկ միջոցներ կիրառել նրանց նկատմամբ, ինչ արդյունքում բազմաթիվ քաղաքացիներ ստացել են տարբեր աստիճանի մարմնական վնասվածքներ։

📩 2022 թվականի հունիսի 30-ին երթի մասնակից, ՀՀ Ազգային ժողովի պատգամավոր Հայկ Մամիջանյանի անունից ՀՀ վարչական դատարան ներկայացվել է հայց՝ ՀՀ ոստիկանության կողմից խաղաղ երթի ընթացքը դեպի Դեմիրճյան փողոց արգելափակելը ոչ իրավաչափ ճանաչելու պահանջի մասին։

👨‍⚖️ ՀՀ վարչական դատարանի կողմից թիվ ՎԴ/4041/05/22 վարչական գործով 2024 թվականի ապրիլի 11-ին կայացված և 2025 թվականի հոկտեմբերի 8-ին օրինական ուժի մեջ մտած վճռով Հայկ Ռուբենի Մամիջանյանի հայցը բավարարվել է․ ոչ իրավաչափ է ճանաչվել 2022 թվականի հունիսի 3-ին, ժամը 20։10-ից սկսած Երևան քաղաքի Դեմիրճյան-Պարոնյան փողոցների հատման տարածքում տեղի ունեցած ՀՀ ոստիկանության գործողությունները՝ Դեմիրճյան փողոցի մուտքը փակելը և երթի ընթացքն արգելելը։

⚠️ Հաշվի առնելով այն հանգամանքը, որ տվյալ դեպքում հայցը ներկայացվել էր ՀՀ վարչական դատավարության օրենսգրքի 69-րդ հոդվածի 3-րդ մասի 1-ին կետով սահմանված հիմքով, այն է՝ առկա է նմանատիպ իրավիճակում նմանատիպ միջամտող ակտ կրկին ընդունելու կամ գործողություն կրկին կատարելու վտանգ, ակնկալում ենք, որ ՀՀ ոստիկանությունը ՀՀ վարչական դատարանի վճիռը կընդունի որպես ի գիտություն և հետագայում ձեռնպահ կմնա նմանատիպ գործողություններ կատարելուց։

Հայկ Մամիջանյանի ներկայացուցիչ,
փաստաբան Սլավիկ Պողոսյան

ԳՈՌ ՄԻՆԱՍՅԱՆԻ ՆԿԱՏՄԱՄԲ ԿԻՐԱՌՎԱԾ ԿԱԼԱՆՔԸ ՓՈԽՎԵՑՀՀ Սյունիքի մարզի առաջին ատյանի ընդհանուր իրավասության դատարանի (նախագահու...
18/10/2025

ԳՈՌ ՄԻՆԱՍՅԱՆԻ ՆԿԱՏՄԱՄԲ ԿԻՐԱՌՎԱԾ ԿԱԼԱՆՔԸ ՓՈԽՎԵՑ

ՀՀ Սյունիքի մարզի առաջին ատյանի ընդհանուր իրավասության դատարանի (նախագահությամբ դատավոր Գ․ Գասպարյան) որոշմամբ ՀՀ Սյունիքի մարզի Տաթև համայնքի Տաթև բնակավայրի վարչական ղեկավար Գոռ Մինասյանի նկատմամբ կիրառված կալանքը փոխվեց տնային կալանքով և գրավով։

ԴԱՎԻԹ ԳԱԼՍՏՅԱՆԻ ՆԿԱՏՄԱՄԲ ՈՐՊԵՍ ԽԱՓԱՆՄԱՆ ՄԻՋՈՑ ԿԻՐԱՌՎԱԾ ԿԱԼԱՆՔԸ ՎԵՐԱՑՎԵՑՀՀ վերաքննիչ քրեական դատարանը (նախագահությամբ դատ...
09/10/2025

ԴԱՎԻԹ ԳԱԼՍՏՅԱՆԻ ՆԿԱՏՄԱՄԲ ՈՐՊԵՍ ԽԱՓԱՆՄԱՆ ՄԻՋՈՑ ԿԻՐԱՌՎԱԾ ԿԱԼԱՆՔԸ ՎԵՐԱՑՎԵՑ

ՀՀ վերաքննիչ քրեական դատարանը (նախագահությամբ դատավոր՝ Մ․ Պապոյան) 09․10․2025 թվականին, բավարարելով պաշտպանության կողմից ներկայացված հատուկ վերանայման բողոքը, Արցախի Հանրապետության ԱԺ պատգամավոր Դավիթ Գալստյանի նկատմամբ կիրառեց տնային կալանք, գրավ և բացակայելու արգելք։

Հիշեցնենք, որ Դավիթ Գալստյանը մեղադրվում է ՀՀ քրեական օրենսգրքի 43-308-րդ հոդվածի 1-ին մասով (ահաբեկչության նախապատրաստություն) և 43-419-րդ հոդվածի 1-ին մասով (իշխանությունը յուրացնելու նախապատրաստություն) նախատեսված արարքները կատարելու մեջ։ Ներկայացված մեղադրանքի վերաբերյալ Դավիթ Գալստյանի և նրա պաշտպանների դիրքորոշումը ներկայացված է նախորդիվ հրապարակներում։

...🖊🚪🔓

Խմբի կազմում սպանության փորձ կատարելու (մեղադրանքն արհեստականորեն ուռճացված էր) մեջ մեղադրվող, հետախուզման մեջ գտնված և ...
08/10/2025

Խմբի կազմում սպանության փորձ կատարելու (մեղադրանքն արհեստականորեն ուռճացված էր) մեջ մեղադրվող, հետախուզման մեջ գտնված և արգելանքի վերցված մեր պաշտպանյալի նկատմամբ ներկայացվել էր երկամսյա ժամկետով կիրառված կալանքը վերահաստատելու վերաբերյալ միջնորդություն։

Երևան քաղաքի առաջին ատյանի ընդհանուր իրավասության քրեական դատարանի (նախագահությամբ դատավոր՝ Էդուարդ Մկրտչյան) որոշմամբ մեր պաշտպանյալի նկատմամբ կիրառվեց տնային կալանք, գրավ և բացակայելու արգելք, և նա անհապաղ ազատ արձակվեց դատական նիստերի դահլիճում։

...🖊🚪🔓

12/07/2025

ԴԱՎԻԹ ԳԱԼՍՏՅԱՆԻ ՈՒՂԵՐՁԸ ԱՐՑԱԽԻՑ ԲՌՆԻ ՏԵՂԱՀԱՆՎԱԾ ՀԱՅՐԵՆԱԿԻՑՆԵՐԻՆ

Սիրելի՛ հայրենակիցներ,

Թեպետ այսօր իմ ձայնը ձեզ չի հասնում անմիջականորեն, սակայն հոգով ու գիտակցությամբ ձեզ հետ եմ՝ ամեն պահի, ամեն ցավի ու արդար պայքարի մեջ։ Այս օրերին, երբ մեր ժողովուրդը կանգնած է իր պատմության ամենածանր ու անարդար պահերից մեկի առաջ, երբ Արցախի մեր հազարավոր որդիներ ու դուստրեր զրկված են իրենց հայրենի հողից, արժանապատիվ ապրելու հնարավորությունից, և ամեն օր ստիպված են պայքարել նույնիսկ տարրական պայմանների համար՝ ես խոնարհվում եմ ձեր դիմադրության, ձեր համառության և ձեր հավատքի առաջ։
Իմ կալանքը ոչ թե անհատական հաշվեհարդար է, այլ քաղաքական բախում մեր բոլորի արժանապատվության, մեր իրավունքների և մեր սուրբ հիշողության դեմ։ Ինձ մեղադրում են ոչ թե հանցանքի, այլ խոսքի, գաղափարի և ժողովրդի կողքին լինելու համար։ Բայց որքան էլ փորձեն լռեցնել իմ և իմ ընկերների ձայները, որքան էլ ճնշեն՝ արդարության պահանջը անխուսափելի է։ Ձեր ներկայությունը այս հրապարակում դրա վառ ապացույցն է։
Այս պայքարը սոսկ սոցիալական չէ։ Սա ազգային է, մարդասիրական է և պատմական պատասխանատվություն։ Մենք պահանջում ենք ոչ թե ողորմություն, այլ օրինական պաշտպանություն։ Մենք չենք աղերսում, մենք հիշեցնում ենք՝ մեր հողը, մեր տունը, մեր ապագան չենք լքել սեփական կամքով։ Մեզանից խլել են դրանք՝ բռնությամբ ու անարդարությամբ։ Ուստի մեր պահանջները արդար են, օրինական են և պետք է կատարվեն։
Ես կոչ եմ անում ձեզ՝ միաբան մնալ, չթուլանալ, չհանձնվել։ Ձեր ներկայությամբ դուք փոխանցում եք հստակ ուղերձ՝ մենք կանք, մենք չենք մոռանում ոչ մեր հայրենիքը, ոչ միմյանց։
Իմ ձայնը՝ թեև պատերի ներսում է, բայց իմ կամքը ազատ է, ինչպես ձեր պայքարն է։
Ձեր արդար ձայնը պիտի հնչի մինչև արդարություն։
Ես՝ այստեղից, դուք՝ հրապարակում, մենք՝ մեկ պայքար։ Մինչև հաղթանակ։

Ձեզ հետ՝
Դավիթ Գալստյան
Արցախի ԱԺ պատգամավոր
Քաղբանտարկյալ
Հուլիս 12 2025թ.

01/07/2025

ԴԱՎԻԹ ԳԱԼՍՏՅԱՆԻ ՀԱՅՏԱՐԱՐՈՒԹՅՈՒՆԸ ԱԶԱՏԱԶՐԿՄԱՆ ՎԱՅՐԻՑ

Իմ նկատմամբ իրականացվող այս քաղաքական դրդապատճառով կալանավորումը ոչ թե իրավական, այլ բացահայտ հաշվեհարդար է՝ ուղղված իմ՝ որպես Արցախի Հանրապետության ժողովրդի օրինական ներկայացուցչի ձայնը լռեցնելու նպատակով։ Այս իշխանությունը ժողովրդավարություն է քարոզում, բայց վարվում է բռնապետի պես։ Երբ ձերբակալվում են ոչ միայն քաղաքական գործիչներ, այլև Հայ Առաքելական Եկեղեցու երկու սրբազաններ՝ դառնում է պարզ. սա ընդհանրական հարձակում է մեր ինքնության, հավատքի և արժանապատվության դեմ։ Սա միայն իմ դեմ չէ։ Սա հարված է մեր պետությանը, մեր եկեղեցուն, մեր հոգևոր և ազգային հիմքերին։
Բանտով դուք կարող եք սահմանափակել մարմինը, բայց ոչ միտքը, ոչ կամքը։ Ես տեսել եմ պատերազմ։ Ապրել եմ շրջափակման մեջ։ Բռնի տեղահանվել եմ իմ հայրենիքից։
Եվ դուք կարծում եք՝ բանտով ինձ կլռեցնե՞ք։ Չեք կարող։ Մեր պայքարը չի կարող ավարտվել բանտային պատերով։ Ավելին՝ այստեղ, փակ տարածքում, առավել պարզ են երևում մեր իրականության աղաղակող հակասությունները։ Կոչ եմ անում բոլոր նրանց, ովքեր դեռ պայքարում են, ովքեր դեռ հիշում են արժանապատվության և ազգային արժեքների իմաստը՝ չլռել։ Այսօր լռությունը հանցակցություն է։ Ես ազատ եմ՝ նույնիսկ անազատության մեջ։ Քանի դեռ կան մտածող մարդիկ, կանգուն ժողովուրդ և արդարություն պահանջող սերունդներ՝ մենք պարտվելու իրավունք չունենք։

Դավիթ Գալստյան

Արցախի Հանրապետության Ազգային ժողովի պատգամավոր, «Արդարություն» խբակցության ղեկավար

30/06/2025

ՀԱՅՏԱՐԱՐՈՒԹՅՈՒՆ ԱՐՑԱԽԻ ԱԺ ՊԱՏԳԱՄԱՎՈՐ ԴԱՎԻԹ ԳԱԼՍՏՅԱՆԻ ՆԿԱՏՄԱՄԲ ՀԱՐՈՒՑՎԱԾ ՀԱՆՐԱՅԻՆ ՔՐԵԱԿԱՆ ՀԵՏԱՊՆԴՄԱՆ ՎԵՐԱԲԵՐՅԱԼ

2025 թվականի հունիսի 25-ին Դավիթ Գալստյանի նկատմամբ ՀՀ քրեական օրենսգրքի 43-308-րդ հոդվածի 1-ին մասով (ահաբեկչության նախապատրաստություն) և 43-419-րդ հոդվածի 1-ին մասով (իշխանությունը յուրացնելու նախապատրաստություն) հարուցվել է հանրային քրեական հետապնդում, և վերջինիս ներկայացվել է մեղադրանք, որի փաստական նկարագրությունը համընկնում է ՀՀ քննչական կոմիտեի 25.06.25 թվականի հայտարարության բովանդակությանը:

Թե´ մեղադրանք ներկայացնելու, թե´ Դ. Գալստյանի նկատմամբ կալանքը որպես խափանման միջոց կիրառելու վերաբերյալ նախաքննական մարմնի կողմից ներկայացված միջնորդության դատական քննության ընթացքում պաշտպանության կողմը փաստարկել է այն մասին, որ Դ. Գալստյանին ներկայացված մեղադրանքն անորոշ է, մեղադրանքի փաստական նկարագրությունից պարզ և հասկանալի չէ, թե Դ. Գալստյանին կոնկրետ ի˚նչ գործողություն(ներ) է վերագրվում, որը կարող էր որակվել որպես ահաբեկչության կամ իշխանությունը յուրացնելու նախապատրաստություն: Այդուհանդերձ, Դ. Գալստյանին ներկայացված մեղադրանքը չի որոշակիացվել, մեղադրանքի էությունը պատշաճ չի պարզաբանվել, ինչը պետք է դիտարկել որպես վերջինիս պաշտպանության նախապատրաստության և պաշտպանության իրավունքների խախտում:

Դ. Գալստյանի նկատմամբ կալանքը որպես խափանման միջոց կիրառելու վերաբերյալ միջնորդությանը կից ներկայացված ծավալուն նյութերի ուսումնասիրւթյունից պարզ է դարձել, որ վերջինս Բագրատ Սրբազանին հանդիպել է 2 անգամ` 2025 թվականի մարտի 3-ին և նույն թվականի մարտի 11-ին, մինչդեռ այդ հանդիպումների ընթացքում հակաօրինական, այդ թվում` մեղադրանքում նշված, որևէ գործողություն պլանավորելու, կազմակերպելու կամ իրականացնելու վերաբերյալ որևէ խոսակցություն, քննարկում տեղի չի ունեցել: Առհասարակ, միջնորդությանը կից նյութերում առկա չեն եղել այնպիսի փաստական տվյալներ, որոնք անաչառ դիտորդի մոտ կառաջացնեին այն համոզումը, որ Դ. Գալստյանը հնարավոր է մասնակցել է մեղադրանքում նշված ենթադրյալ գործողությունների պլանավորմանը, կազմակերպմանը կամ գոնե տեղյակ է եղել դրանց մասին: Հետևաբար, բացակայել է Դ. Գալստյանի նկատմամբ խափանման միջոց, այդ թվում` կալանք, կիրառելու համար անհրաժեշտ իրավաչափության պայմանը` հիմնավոր կասկածը:

Մինչդեռ, Երևան քաղաքի առաջին ատյանի ընդհանուր իրավասության քրեական դատարանը, պարզապես հղում կատարելով վարույթի նյութերում առկա փաստաթղթերի վերնագրերին, չանդրադառնալով դրանց վերաբերելիությանը, առանց բացահայտելու և նկարագրելու դրանց բովանդակությունը, առանց մատնանշելու, թե կոնկրետ ո˚ր փաստաթղթում առկա ո՞ր փաստական տվյալներն են վկայում հիմնավոր կասկածի առկայության մասին, եզրահանգել է, որ քննության այս փուլում առկա են բավարար շեմով փաստեր և ապացույցներ առ այն, որ Դ. Գալստյանն առնչություն ունի իրեն վերագրվող ենթադրյալ հանցանքի կատարմանը` որոշում կայացնելով նախաքննական մարմնի միջնորդությունը բավարարելու մասին: Այլ կերպ, առաջին ատյանի դատարանի որոշման մեջ արտացոլված չեն այն կայացնելու համար անհրաժեշտ և բավարար փաստական հիմքերը, դրանում արտացոլված չեն փաստաթղթերի գնահատման, փաստերի հաստատման և իրավունքի կիրառման գործընթացի կապակցությամբ դատարանի դատողությունների ընթացքը և դրանից բխող եզրահանգումները, ինչը վկայում է այդ որոշման չհիմնավորված և չպատճառաբանված լինելու մասին: Հետևաբար, խախտվել են նաև Դ. Գալստյանի անձնական ազատության և անձեռնմխելիության, ինչպես նաև պատճառաբանված դատական ակտ ստանալու իրավունքները:

Տեղեկացնենք նաև, որ Երևան քաղաքի առաջին ատյանի ընդհանուր իրավասության քրեական դատարանի վերը նշված որոշման դեմ ներկայացվել է հատուկ վերանայման բողոք:

Դավիթ Գալստյանի պաշտպաններ՝
Սլավիկ Պողոսյան
Արտակ Նավասարդյան

Address

59/9 Komitas Avenue, 2nd Floor
Erevan
0014

Opening Hours

Monday 09:00 - 22:00
Tuesday 09:00 - 22:00
Wednesday 09:00 - 22:00
Thursday 09:00 - 22:00
Friday 09:00 - 22:00
Saturday 09:00 - 22:00
Sunday 09:00 - 22:00

Telephone

+37455703773

Website

Alerts

Be the first to know and let us send you an email when Liberty LLC - Law Firm posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Liberty LLC - Law Firm:

Shortcuts

Share

Category