Hasa Avocats Albania

19/06/2026

Kanadaja në 5 vendet e para në botë për arsimin e lartë. Çfarë tregojnë statistikat e fundit të pranimit në universitete

Sistemi arsimor kanadez vazhdon të renditet ndër më të mirët në botë, duke konfirmuar reputacionin e tij si një destinacion elitar për studimet e larta. Sipas analizës së publikuar nga MeasuresHE për vitin 2026, Kanadaja renditet e pesta në botë për kërkimin shkencor dhe arsimin e lartë me 87.8 pikë, duke u pozicionuar menjëherë pas Mbretërisë së Bashkuar, Holandës, Shteteve të Bashkuara dhe Suedisë. Institucionet kanadeze morën vlerësimin maksimal për integritetin akademik dhe rezultate shumë të larta për reputacionin ndërkombëtar, çka dëshmon besueshmërinë dhe cilësinë e diplomave të fituara në këtë vend.
Një nga karakteristikat më të forta të arsimit kanadez është niveli i lartë i kërkimit shkencor dhe bashkëpunimi ndërkombëtar. Kanadaja rezultoi më e fortë se SHBA-ja në fusha si kërkimi shkencor, integrimi ndërkombëtar dhe standardet etike në akademi. Gjithashtu, shtatë universitete kanadeze janë renditur mes 200 universiteteve më të mira në botë, duke u ofruar studentëve mundësinë të studiojnë në institucione me reputacion global, laboratorë modernë dhe programe të avancuara akademike. Përveç arsimit të lartë, Kanadaja shquhet edhe për cilësinë e sistemit të saj parauniversitar.
Megjithatë, të ndjekësh studimet e larta në Kanada po bëhet gjithmonë e më e vështirë. Të dhënat më të fundit për pranimet e studentëve të huaj në Kanada tregojnë një rënie të ndjeshme të numrit të aplikimeve të miratuara krahasuar me periudhat e mëparshme. Në prill 2026 janë regjistruar vetëm 4,940 studentë të rinj ndërkombëtarë, një nivel shumë më i ulët se ai i viteve të kaluara.
Kjo tregon se autoritetet kanadeze po zbatojnë kritere më të rrepta për shqyrtimin e aplikimeve dhe po i kushtojnë vëmendje më të madhe dokumentacionit, qëllimit të studimeve dhe aftësisë financiare të aplikantëve. Në këtë situatë, studentët shqiptarë duhet të tregojnë kujdes të shtuar përpara se të nisin procesin e aplikimit.
Konsultimi me një konsulent ligjor ose ekspert të licencuar të emigracionit mund të ndihmojë në shmangien e gabimeve që shpesh çojnë në refuzim. Shumë aplikime refuzohen për shkak të dokumenteve të paplota, deklarimeve të pasakta, mungesës së provave financiare ose pamundësisë për të bindur autoritetet se studenti do të largohet nga Kanadaja pas përfundimit të studimeve megjithëse mundësia për të aplikuar për rezidencën e përhershme ekziston gjithmonë.
Një profesionist i specializuar mund të analizojë dosjen e aplikantit, të identifikojë dobësitë e mundshme dhe të sigurojë që çdo dokument të përgatitet sipas kërkesave aktuale të qeverisë kanadeze.
Për studentët shqiptarë, një refuzim nuk përkthehet vetëm në humbje kohe dhe parash, por mund të ndikojë edhe në aplikimet e ardhshme për vizë. Për këtë arsye, përgatitja profesionale e dosjes është bërë më e rëndësishme se kurrë.
Në një periudhë kur Kanadaja po kufizon numrin e studentëve ndërkombëtarë dhe po rrit kontrollin mbi aplikimet, marrja e këshillimit ligjor para aplikimit mund të rrisë ndjeshëm shanset për sukses dhe të shmangë problemet që mund të pengojnë realizimin e planeve akademike dhe profesionale të studentëve.
Hasa Avocats – një emër i besuar për shërbime ligjore emigracioni në Kanada.
Për udhëzime specifike për dosjen tuaj, ju lutemi kontaktoni avokatin Gjergji Hasa ose përfaqësuesin ligjor pranë “Hasa Avocats Albania”, Noel Dedja:
[email protected]
[email protected]
+355 68 300 7061 (WhatsApp)

14/06/2026

A jeni të pranueshëm në Kanada nëse keni kryer një vepër penale ose keni një dosje kriminale në Shqipëri apo në ndonjë shtet tjetër?

Përgjigjja është komplekse dhe kërkon domosdoshmërisht një analizë të detajuar të çdo rasti individual. Pasojat mund të ndryshojnë nga rasti në rast, duke filluar nga konsiderimi si person i rehabilituar ose i falur, deri te shpallja e papranueshmërisë së përhershme për të hyrë aponqëndruar në Kanada.

Prandaj, është e rëndësishme që çdo situatë të vlerësohet në bazë të natyrës së veprës penale, kohës së kaluar që nga kryerja e saj, dënimit të marrë dhe faktorëve të tjerë relevantë sipas legjislacionit kanadez të emigracionit.

Hasa Avocats – një emër i besuar për shërbime ligjore emigracioni në Kanada.

Për udhëzime specifike për dosjen tuaj, ju lutemi kontaktoni avokatin Gjergji Hasa ose përfaqësuesin ligjor pranë “Hasa Avocats Albania”, Noel Dedja:
[email protected]
[email protected]
+355 68 300 7061 (WhatsApp)

11/06/2026

Super Viza Kanadeze ose alternativa e bashkimit familjar: kushtet dhe kriteret për një aplikim të suksesshëm

Super Viza është një kategori e posaçme vize e parashikuar nga sistemi i emigracionit kanadez, e dedikuar ekskluzivisht për prindërit dhe gjyshërit e shtetasve kanadezë ose rezidentëve të përhershëm në Kanada. Kjo kategori nuk aplikohet për anëtarë të tjerë të familjes dhe as për vizitorë të zakonshëm.
Një nga përfitimet kryesore të Super Vizës, krahasuar me vizën standarde turistike, është mundësia për qëndrime afatgjata në Kanada (deri në 5 vjet rrjesht nëse aplikimi është bërë pas datës 22 qershor 2023), në përputhje me kushtet e përcaktuara nga autoritetet e emigracionit. Kjo e bën atë një instrument të rëndësishëm për ribashkimin familjar në periudha më të gjata kohore, sidomos në një moment kur procedurat e bashkimit familjar në Kanada mbeten të pezulluara.

Dokumentacioni dhe kushtet për tu përmbushur nga ftuesi në Kanada
-Të jetë fëmija/nipi (mbesa) biologjik(e) ose i(e) adoptuar i aplikuesit;
-Të jetë shtetas Kanadez ose Rezident i përhershëm (PR);
-Të jetë mbi 18 vjeç dhe të banojë në Kanada;
-Të nënshkruajë një letër ftese në të cilën fton aplikuesin të vijë në Kanada, dhe e cila duhet të përmbajë disa pika përputhur me kërkesat e autoriteteve kanadeze.

Për më tepër, qeveria kanadeze vlerëson nëse ftuesi përmbush nivelin minimal të të ardhurave të kërkuara sipas madhësisë së familjes. Ky vlerësim bazohet në të ardhurat vjetore dhe numrin e personave në ngarkim:
1-30,526$
2-38,002$
3-46,720$
4-56,724$
5-64,336$
6-72,560$
7-80,784$

Nëse janë më shumë se tetë persona në ngarkim, duhet të shtohet shuma prej $8,224 për çdo familjar ekstra.

Shuma e të ardhurave mund të kompletohet me të ardhurat e aplikuesit nëse ftuesi ka minimalisht 75% të shumës minimale sipas personave në ngarkim. Pragu ndryshon periodikisht dhe përditësohet nga autoritetet federale të Kanadasë. Për këtë arsye, rekomandohet verifikimi i kritereve aktuale në momentin e aplikimit.

Për sa i përket personit të ftuar, duhet theksuar se aplikimi duhet bërë kur ky i fundit ndodhet jashtë territorit kanadez.
Gjithashtu, një nga kushtet themelore për aplikimin për Super Vizë është pajisja me një paketë sigurimi shëndetësor nga një kompani e autorizuar nga ministria kanadeze.

Sigurimi duhet të ketë, ndër të tjera:
· vlefshmëri minimale prej 1 viti
· mbulim jo më pak se 100,000 CAD
· mbulim për shpenzime mjekësore, hospitalizim dhe riatdhesim

Ekzaminimi mjekësor
Përpara miratimit të Super Vizës, aplikuesi duhet t’i nënshtrohet një kontrolli mjekësor pranë mjekëve të autorizuar nga autoritetet kanadeze të emigracionit. Ky vlerësim synon të sigurojë që aplikuesi përmbush standardet shëndetësore të kërkuara për hyrje në Kanada.

Vlerësimi i besueshmërisë së aplikuesit
Përmbushja e kushteve formale dhe financiare nuk garanton automatikisht miratimin e vizës. Çdo aplikim trajtohet në mënyrë individuale nga autoritetet kanadeze.
Një nga faktorët kyç në vendimmarrje është bindja e oficerit të emigracionit se aplikuesi do të respektojë kushtet e vizës dhe do të kthehet në vendin e origjinës pas përfundimit të periudhës së lejuar të qëndrimit. Në këtë kuadër, lidhjet familjare, qëllimi i vizitës, si dhe situata ekonomike dhe profesionale në vendin e origjinës luajnë rol të rëndësishëm.
Një aplikim i përgatitur në mënyrë profesionale, i shoqëruar me dokumentacion të plotë dhe prova të qarta financiare e familjare, rrit ndjeshëm mundësinë për një vendim pozitiv nga autoritetet kanadeze të emigracionit.

Hasa Avocats – një emër i besuar për shërbime ligjore emigracioni në Kanada.
Për udhëzime specifike për dosjen tuaj, ju lutemi kontaktoni avokatin Gjergji Hasa ose përfaqësuesin ligjor pranë “Hasa Avocats Albania”, Noel Dedja:
[email protected]
[email protected]
+355 68 300 7061 (WhatsApp)

INFORMACIONI I PLOTE PER VIZAT TURISTIKE
https://www.facebook.com/share/p/1CqwfejFNF/

Cabinet d'avocats spécialisé en droit de l'immigration, droit pénal et droit criminel. Notre équipe expérimentée est là pour vous guider à travers les aspects les plus complexes de la loi. Contactez-nous pour des conseils personnalisés et des solutions efficaces.

06/06/2026

E dini cilat janë 10 fushat profesionale që ofrojnë mundësi më të mira për Rezidencën e Përhershme (PR) në Kanada?

• Njohuri të gjuhës frënge
• Profesione në sektorin e shëndetësisë dhe shërbimeve sociale
• Profesione në fushat e Shkencës, Teknologjisë, Inxhinierisë dhe Matematikës (STEM)
• Profesione të zanateve dhe profesione teknike
• Profesione në sektorin e arsimit
• Profesione në sektorin e transportit
• Mjekë me përvojë pune në Kanada
• Drejtues të lartë me përvojë pune në Kanada
• Studiues dhe kërkues shkencorë me përvojë pune në Kanada
• Rekrutë të kualifikuar ushtarakë (Forcat e Armatosura) me aftësi dhe përvojë profesionale të specializuar

Për udhëzime specifike për dosjen tuaj, ju lutemi kontaktoni avokatin Gjergji Hasa ose përfaqësuesin ligjor pranë “Hasa Avocats Albania”, Noel Dedja:
[email protected]
[email protected]
+355 68 300 7061 (WhatsApp)

03/06/2026

Hasa Avocats – një emër i besuar për shërbime ligjore emigracioni në Kanada.
Për udhëzime specifike për dosjen tuaj, ju lutemi kontaktoni avokatin Gjergji Hasa ose përfaqësuesin ligjor pranë “Hasa Avocats Albania”, Noel Dedja:
[email protected]
[email protected]
+355 68 300 7061 (WhatsApp)

01/06/2026

Viza turistike për në Kanada: Aspekte të rëndësishme për një aplikim të suksesshëm

Viza turistike për të vizituar Kanadanë u jepet shtetasve të huaj që synojnë të vizitojnë vendin për qëllime turizmi, vizita familjare, takime biznesi ose aktivitete të tjera të përkohshme. Është e rëndësishme të kuptohet se kjo kategori vize nuk ofron status të përhershëm emigrimi dhe nuk përbën bazë ligjore për vendosje të përhershme në Kanada.
Megjithatë, gjatë qëndrimit të ligjshëm në Kanada, një vizitor mund të krijojë kontakte profesionale me punëdhënës kanadezë, të cilët, në rrethana të caktuara dhe në përputhje me legjislacionin kanadez të emigracionit, mund të ndërmarrin procedurat për sponsorizimin e një leje pune.
Faktorët që ndikojnë në miratimin e vizës turistike
Autoritetet kanadeze të emigracionit vlerësojnë çdo aplikim mbi bazën e besueshmërisë së aplikantit dhe lidhjeve të tij me vendin e origjinës. Një nga elementët më të rëndësishëm është bindja e oficerit të emigracionit se aplikanti do të largohet nga Kanadaja përpara përfundimit të periudhës së autorizuar të qëndrimit.
Në përgjithësi, një vizitor mund të autorizohet të qëndrojë deri në gjashtë muaj për çdo hyrje në Kanada, ndërsa në rastin e Super Visa-s, periudha e qëndrimit mund të jetë më e gjatë, sipas kushteve të përcaktuara nga autoritetet kanadeze.
Elementë që zakonisht konsiderohen si tregues të lidhjeve të forta me vendin e origjinës dhe të besueshmërisë së aplikantit përfshijnë:
• Pronësinë e pasurive të paluajtshme;
• Zotërimin ose administrimin e një biznesi;
• Gjendjen e qëndrueshme financiare dhe kursimet bankare;
• Marrëdhëniet familjare dhe përgjegjësitë në vendin e rezidencës;
• Punësimin e rregullt dhe burimet e qëndrueshme të të ardhurave;
• Udhëtime jashtë Shqipërisë drejt shteteve të zhvilluara si p.sh. USA

Sa më të shumtë të jenë këta elementë, aq më të larta janë mundësitë që aplikimi për vizë turistike të vlerësohet pozitivisht.

Rëndësia e letrës së ftesës
Një dokument që mund të mbështesë aplikimin për vizë turistike është letra e ftesës nga një shtetas kanadez ose rezident i përhershëm i Kanadasë.
Duhet theksuar se letra e ftesës nuk përbën garanci ligjore për miratimin e vizës dhe personi që e lëshon atë nuk merr përsipër detyrime ligjore ndaj autoriteteve të emigracionit vetëm për shkak të lëshimit të ftesës.
Një letër ftese e përgatitur siç duhet duhet të përmbajë:
• Marrëdhënien ndërmjet ftuesit dhe aplikantit;
• Qëllimin dhe kohëzgjatjen e vizitës;
• Statusin ligjor të ftuesit në Kanada;
• Informacion mbi punësimin dhe burimet e të ardhurave të ftuesit;
• Adresën e banimit dhe detajet e akomodimit të vizitorit gjatë qëndrimit në Kanada.
Në rastet kur aplikanti ka burime financiare të kufizuara, ftuesi mund të deklarojë se do të mbulojë një pjesë ose të gjitha shpenzimet e vizitorit gjatë qëndrimit në Kanada. Një deklarim i tillë mund të konsiderohet element mbështetës në procesin e vlerësimit të aplikimit.
Megjithëse refuzimi i vizës nuk sjell pasoja ligjore për personin që ka lëshuar ftesën, historiku i refuzimeve ndaj personave të ftuar mund të merret në konsideratë në vlerësime të ardhshme vizash. Në qoftë se një aplikant ka më shumë se një vizë turistike të refuzuar dhe aplikon për leje pune apo studimi, qëllimi i ardhjes në Kanada mund të duket i dyshimtë dhe të ndikojë negativisht në marrjen e vendimit.
Për këtë arsye, rekomandohet që personi që lëshon ftesën të ketë status të qëndrueshëm në Kanada, të ardhura të mjaftueshme dhe integrim të mirë ekonomik, pasi këta faktorë mund të kontribuojnë pozitivisht në forcimin e aplikimit për vizë turistike.
Hasa Avocats – një emër i besuar për shërbime ligjore emigracioni në Kanada.
Për udhëzime specifike për dosjen tuaj, ju lutemi kontaktoni avokatin Gjergji Hasa ose përfaqësuesin ligjor pranë “Hasa Avocats Albania”, Noel Dedja:
[email protected]
[email protected]
+355 68 300 7061 (WhatsApp)

21/05/2026

E dini cilat janë disa nga gabimet që mund të refuzojnë aplikimin e një vize në KANADA?

19/05/2026

Përse procesi ligjor për të emigruar në Kanada sugjerohet të kalojë përmes nje avokati?

IRCC (Immigration, Refugees and Citizenship Canada) përmes një fushate të nisur online tërheq vëmendjen e kandidatëve aplikantë emigrues në Kanada për të mos kontaktuar patjetër një avokat që ti asistojë në rrugëtimin e tyre.
Kjo është e vërtetë, aplikantët nuk e kanë detyrim përzgjedhjen e një avokati ose zyre ligjore.
Por puna e një avokati/ zyre ligjore nuk fillon e mbaron me plotësimin e një aplikimi.
Çfarë bëjnë avokatët më shumë?
👉Askush nuk është i përditësuar më shumë se një avokat për ndryshimet e fundit në legjislacionin për emigrimin;
👉Individi pa eksperiencën e duhur juridike nuk i kushton rëndësi detajeve të vogla, që mund të çojnë deri në refuzimin e aplikimit;
👉 Planifikimi i rrugës së emigrimit që nga leja e punës ose viza e studimit e deri te rezidenca e përhershme Kanadeze dhe nënshtetësia Kanadeze;
👉 Identifikimi i fakteve që mund t'ju nxjerrin te papranueshëm në Kanada;
👉Dhe më e rëndësishmja: vlerësim i background-it të aplikantit për t’i thënë atij se sa mundësitë që aplikimi të pranohet, cilat janë avantazhet dhe disavantazhet e tij;
Sërish, puna e avokatit nuk përfundon këtu.
Ajo që askush nuk e thotë është:
Çfarë ndodh nëse aplikimi refuzohet?
Një avokat mund t’ju vijë në ndihmë duke:
Apeluar vendimin!
Si konkluzion:
Ti NUK JE i detyruar të konsultohesh me një avokat për të aplikuar për emigrim të ligjshëm në Kanada;
POR,
Ti e ke të nevojshme dhe jetike në disa raste, përmes analizës profesionale, të rrisësh shanset që aplikimi yt të pranohet.
Hasa Avocats – një emër i besuar për shërbime ligjore emigracioni në Kanada.
Për udhëzime specifike për dosjen tuaj, ju lutemi kontaktoni avokatin Gjergji Hasa ose përfaqësuesin ligjor Noel Dedja pranë Hasa Avocats Albania:
[email protected]
[email protected]
+355 68 300 7061 (WhatsApp)

19/02/2026

Kanadaja shpall numrin e pranimit të aplikimeve për leje studimi për vitin 2026

Për vitin kalendarik nga 1 janari deri më 31 dhjetor 2026, Immigration, Refugees and Citizenship Canada (IRCC) ka vendosur një maksimum prej 309 670 aplikimesh për leje studimi që do të pranohen për shqyrtim, me disa përjashtime në disa kategori specifike.

Kanadaja po i shpërndan 309 670 vendet ndërmjet provincave dhe territoreve. Çdo rajon merr një pjesë të caktuar të vendeve të aplikimit bazuar në nevojën e parashikuar dhe normat e mëparshme të miratimit.

Pasi kuota e një province të caktuar të plotësohet, për shembull 104 780 në Ontario dhe 93 069 në Québec, nuk do të pranohen më aplikime për leje studimi të destinuara për atë provincë, edhe nëse rajone të tjera ende kanë vende të papërdorura.

Për aplikantët, kjo do të thotë se duhet të planifikoni me kujdes afatin kohor të aplikimit dhe zgjedhjen e provincës, sepse kufizimet provinciale kanë po aq rëndësi sa totali kombëtar.

Pasi të arrihet ky numër aplikimesh, nuk do të pranohen më aplikime për pjesën e mbetur të vitit. Çdo aplikim i pranuar pas kësaj pike nuk do të shqyrtohet dhe tarifat do t’u rimbursohen aplikantëve.