18/11/2025
Në Tiranë, Sarandë dhe Lezhë me Qendrën për Nisma Ligjore Qytetare (QNL), në kuadër të projektit:
“Përmirësimi i cilësisë së drejtësisë me qasje të orientuar nga mbrojtja dhe mbështetja e viktimave të dhunës seksuale, duke përdorur monitorimin dhe ndërgjegjësimin si mjete ndryshimi.”
🔎 Në këto tryeza u prezantuan gjetjet e monitorimit të vendimeve gjyqësore për krimet seksuale dhe për veprën penale të përndjekjes, si dhe sfidat e gjykatave të juridiksionit të përgjithshëm në trajtimin e këtyre rasteve.
Diskutimet u fokusuan në:
• nevojën për qasje gjithëpërfshirëse dhe bashkërendim institucional,
• mekanizmat e mbrojtjes së viktimave,
• boshllëqet në zbatimin e legjislacionit,
• praktikat e mira që mund të forcojnë reagimin e sistemit të drejtësisë.
🤝 Pjesëmarrës në këto aktivitete ishin profesionistë të sistemit të drejtësisë, punonjës socialë, prokurorë, avokatë, oficerë policie, përfaqësues të Shërbimit Social Shtetëror (SHSSH), të Avokatit të Popullit, si dhe organizata të shoqërisë civile dhe institucione vendore që luajnë rol kyç në parandalimin dhe trajtimin e rasteve të dhunës seksuale.
Ky projekt zbatohet nga QNL si pjesë e një nën-granti të dhënë nga Komiteti Shqiptar i Helsinkit (KShH) dhe financohet nga Bashkimi Evropian në kuadër të programit “Shoqëria Civile Kundër Korrupsionit: Nga një Sfidë e Brendshme në një Përgjigje Evropiane.”
🌱 Faleminderit QNL, KShH dhe të gjithë aktorët institucionalë e lokalë për angazhimin dhe bashkëpunimin. Këto tryeza janë një hap i rëndësishëm drejt një sistemi drejtësie më të përgjegjshëm, më të ndjeshëm dhe më të orientuar nga viktimat.
