03/06/2020
KUSH MBROHET NGA LIGJI?
Ligji mbron një person mbi të cilin është ushtruar dhunë, e cila ndodh midis tij dhe personave që janë ose kanë qenë në lidhje familjare me të. Mbron gjithashtu pjesëtarë të tjerë të familjes së këtij personi ose të afërmit e tjerë të tij, kur ata vetë bëhen viktima të dhunës në familje. Sipas ligjit, anëtarë të familjes janë:
• bashkëshortët ose partnerët bashkëjetues, ose ish-bashkëshortë ose ish- partnerë bashkëjetues;
• vëllezërit, motrat, gjinia në vijë të drejtë, përfshirë prindërit adoptues dhe fëmijët e adoptuar; fëmijët dhe bashkëshortët e këtyre personave;
• gjinia në vijë të drejtë, përfshirë prindërit dhe fëmijët e adoptuar të bashkëshortëve ose partnerëve bashkëjetues;
• vëllezërit dhe motrat e bashkëshortëve nëse këta kanë jetuar bashkë gjatë 3 muajve të fundit;
• fëmijët e bashkëshortëve ose partnerëve bashkëjetues;
SI MUND TË MË MBROJË LIGJI NGA DHUNA NË FAMILJE?
Sipas ligjit të ri kundër dhunës në familje, gjykatat civile mund të vendo- sin masa mbrojtëse për viktimat përmes një procedure të shpejtë, të përbal- lueshme dhe të thjeshtë. Urdhrat e mbrojtjes ju japin juve mundësi për të marrë masa dhe për të mbrojtur veten nga dhuna. Ata mund t’ju sigurojnë lehtësim, duke e urdhëruar personin që ju ka abuzuar që të bëjë ose të mos bëjë gjëra të caktuara.
Ka dy lloje urdhrash mbrojtjeje:
Një urdhër mbrojtjeje: është një vendim gjykate dhe përcakton një sërë masash mbrojtëse për viktimën/viktimat e dhunës në familje. Gjykata lëshon urdhrin e mbrojtjes nëse gjen prova të mjaftueshme për të besuar se dhunuesi mund të kryejë një veprim dhune në familje ose kur lëshimi i urdhrit të mbrojtjes është i domosdoshëm për të mbrojtur sigurinë, shënde-
tin dhe mirëqenien e viktimës ose anëtarëve të familjes.
Një urdhër i menjëhershëm mbrojtjeje: është një urdhër i përkohshëm gjykate i vlefshëm deri në lëshimin e një urdhri mbrojtjeje. Mund të lëshohet nëse abuzuesi paraqet një “rrezik të drejtpërdrejtë dhe të menjëhershëm ndaj sigurisë, shëndetit ose mirëqenies së viktimës ose anëtarëve të familjes së saj/tij”. Atëherë kur personi i dëmtuar nga dhuna është i mitur, gjykata ka vetëm 24 orë për të marrë një vendim nga paraqitja e kërkesës.
MOS HESHT
DENONCO
