Av. Sonila Velo

12/10/2026

Përshëndetje,

Ju informoj se aktualisht numri 0682054293 nuk është në përdorim. Çështja është në proces zgjidhje nga institucionet përkatëse dhe shume shpejt numri do jete serish në dispozicion.

Ndërkohë për cdo komunikim apo nevojë, mund të kontaktoni në numrin alternativ 0693837694

Ju falenderoj Av.Sonila Velo!

28/09/2026

Çështja Vlora Hyseni–Agasi, përtej dimensionit personal dhe vëmendjes mediatike, kërkon një vështrim më të gjerë mbi përgjegjësinë institucionale dhe besimin e publikut te institucionet shtetërore.

📍TOP News

05/08/2026

01/07/2026

👩🏼‍💼🎓Sot pata privilegjin të përmbyll me sukses një çështje familjare me ndjeshmëri dhe kompleksitet të veçantë, në ushtrimin e detyrës sime si avokate.

Në çështjet e së drejtës familjare, fitorja nuk matet vetëm me rezultatin juridik. Ajo merr vlerë të vërtetë kur arrin të mbrojë atë që është më e shtrenjtë: interesin më të lartë të fëmijës. Me përkushtim, integritet profesional dhe këmbëngulje, u arrit një zgjidhje që vendosi në qendër të vendimmarrjes të drejtat, mirëqenien dhe të ardhmen e fëmijës.

Çdo çështje mbart historinë e saj, por ato që ndikojnë drejtpërdrejt në jetën e një fëmije lënë gjurmën më të thellë në ndërgjegjen profesionale dhe njerëzore.

Një falënderim i veçantë shkon edhe për gjyqtaren e çështjes, e cila e trajtoi procesin me profesionalizëm të lartë, paanshmëri dhe ndjeshmërinë që kërkojnë çështje të kësaj natyre.👩🏼‍⚖️

Për mua, drejtësia nuk është thjesht zbatimi i ligjit. Ajo është përgjegjësi, integritet dhe përkushtim për t’i shërbyer njeriut me dinjitet e humanizëm.

Çdo çështje e përfunduar me integritet përforcon besimin se drejtësia ndërtohet me punë, përkushtim dhe profesionalizëm. Me të njëjtat vlera, vijoj përpara drejt sfidave të reja.😊🙌🏻

17/06/2026

. “Disa mendojnë se mund të zëvendësojnë opozitën duke bërë opozitën e opozitës”, thotë Sali Berisha.

Por problemi nuk qëndron tek ata që kritikojnë opozitën; problemi qëndron tek një opozitë që prej vitesh kërkon monopolin e pakënaqësisë qytetare, sikur revolta publike të ishte pronë private e partive politike.

Në një demokraci funksionale, protesta nuk është privilegj i opozitës parlamentare, por e drejtë sovrane e qytetarëve. Kur qytetarët dalin në shesh për të ngritur zërin kundër padrejtësive, korrupsionit, varfërisë apo kapjes së institucioneve, ata nuk po bëjnë “opozitën e opozitës”; ata po bëjnë atë që opozita shpesh ka harruar ta bëjë: përfaqësimin e interesit publik.

Ironia qëndron në faktin se ata që për dekada kanë ndërtuar karrierat mbi kundërshtimin e pushtetit, sot ndihen të kërcënuar nga vetë kundërshtimi. Duket se disa e duan protestën vetëm kur flamuri është i tyre dhe mikrofoni është në duart e tyre.

Historia politike na mëson se asnjë forcë nuk fiton legjitimitet duke kërkuar heshtjen e zërave kritikë. Përkundrazi, një opozitë e vërtetë do të duhej ta mirëpriste çdo mobilizim qytetar që sfidon arrogancën e pushtetit, e jo ta trajtonte atë si konkurrencë elektorale.

Prandaj protesta nuk është kundër opozitës. Protesta është kundër indiferencës, kundër konformizmit dhe kundër idesë së rrezikshme se qytetarët duhet të presin leje nga partitë për të shprehur zemërimin e tyre.

Sheshi nuk i përket askujt. u përket qytetarëve.

08/06/2026

QYTETARËT NDIHEN TË TRADHËTUAR

Një nga arsyet kryesore për të cilat qytetarët i besuan dhe votuan këtë maxhorancë ishte premtimi për mbrojtjen e interesit publik, forcimin e shtetit të së drejtës dhe mbështetjen ndaj drejtësisë. Sot, shumë prej tyre ndihen të zhgënjyer dhe të tradhtuar.

Protestat që po zhvillohen tregojnë se shqetësimi nuk është vetëm për një territor apo për një pasuri natyrore të caktuar. Shqetësimi është më i thellë: a po respektohet ligji, interesi publik dhe e drejta e qytetarëve për t’u dëgjuar?

Natyra nuk është thjesht një burim ekonomik. Ajo është një pasuri e përbashkët dhe një e drejtë e mbrojtur nga Kushtetuta dhe legjislacioni në fuqi. Çdo vendimmarrje që prek mjedisin, burimet natyrore dhe trashëgiminë e përbashkët duhet të jetë transparente, e argumentuar ligjërisht dhe e bazuar në interesin publik.

Interesi privat nuk mund të prevalojë mbi interesin publik. Zhvillimi ekonomik nuk matet me sa beton hidhet, por me sa respektohet ligji, sa mbrohen të drejtat e qytetarëve dhe sa ruhet trashëgimia natyrore që u përket edhe brezave që do të vijnë.

Një zhvillim që sakrifikon natyrën, anashkalon procedurat ligjore dhe injoron zërin e qytetarëve nuk është zhvillim i qëndrueshëm. Është një humbje e pakthyeshme për shoqërinë.

Natyra nuk është për sh*tje.

Sot qytetarët po protestojnë për natyrën. Nesër mund të jetë tepër vonë.

21/05/2026

Të nderuar kolegë,

Këto ditë kam zgjedhur të flas për një Dhomë më të pranishme, më dinjitoze dhe më afër realitetit të avokatëve. Për një përfaqësim që nuk kufizohet tek titulli, por matet me përgjegjësinë për të dëgjuar, për të mbrojtur dhe për të vepruar.

Kam besuar gjithmonë se Dhoma e Avokatisë duhet të jetë më shumë sesa një institucion administrativ. Ajo duhet të ketë zë, prezencë dhe forcën për të qëndruar realisht pranë avokatëve dhe sfidave të tyre të përditshme.

Nesër, çdo votë është një qëndrim për drejtimin që duam t’i japim avokatisë.

Për një Dhomë që nuk ndjek ndryshimin, por e udhëheq atë.

Av. Sonila Velo

19/05/2026

Të nderuar kolegë,

E ardhmja e profesionit tonë nuk ndërtohet vetëm mbi eksperiencën dhe kontributin e atyre që kanë krijuar emër në avokati, por edhe mbi mënyrën se si ne zgjedhim të mbështesim brezin e ri që i bashkohet sot këtij profesioni.

Shumë avokatë të rinj përballen me sfida reale në hapat e parë të karrierës së tyre, si mungesa e orientimit profesional, vështirësitë për përfshirje dhe një distancë gjithnjë e më e ndjeshme mes institucionit dhe problematikave të përditshme të ushtrimit të profesionit. Ata nuk kanë nevojë për mbështetje vetëm në letër apo premtime formale. Kanë nevojë për një institucion që i dëgjon, i përfshin dhe i trajton si pjesë reale të së ardhmes së avokatisë.

Dhoma e Avokatisë duhet të jetë më shumë sesa një strukturë administrative. Ajo duhet të jetë një derë e hapur për përfaqësim, mbështetje dhe mundësi reale për çdo avokat të ri që kërkon të ndërtojë me dinjitet rrugën e tij profesionale.

Sepse një sistem që nuk investon tek profesionistët e rinj, rrezikon të humbasë gradualisht forcën, zërin dhe autoritetin e tij.

Për një Dhomë që nuk ndjek ndryshimin, por e udhëheq atë.

Av. Sonila Velo

18/05/2026

Në prag të zgjedhjeve për Kryetarin e Dhomës së Avokatisë Tiranë, them me bindje se ky proces nuk është thjesht një rotacion drejtuesish, por një moment reflektimi mbi drejtimin që duhet të marrë vetë profesioni ynë dhe forca që duhet të ketë përballë realitetit institucional.

Në një kohë kur profesioni ynë përballet me sfida gjithnjë e më të ndërlikuara dhe pritshmëri gjithnjë e më të larta, zgjedhja e përfaqësimit nuk është më një formalitet, por është një qëndrim i qartë për drejtimin që duam të marrë.

Dhoma nuk është thjesht një strukturë institucionale. Është zëri ynë i përbashkët, pesha jonë profesionale dhe mënyra se si kërkojmë të respektohemi në sistemin e drejtësisë.

Për një Dhomë që nuk ndjek ndryshimin, por e udhëheq atë.

Av. Sonila Velo