PRIAM-Avokati dhe Keshillim Ligjor

PRIAM-Avokati dhe Keshillim Ligjor Misioni ynë është këshillimi më i mirë ligjor, mbrojtja dhe një shërbim personal për çdo k

16/06/2026

E vërteta nuk duhet të jetë fakultative në detyrën publike.

Uellsi po ecën drejt miratimit të një ligji që mund të çojë në përgjegjësi penale dhe madje në humbje mandati për politikanët që bëjnë qëllimisht deklarata të rreme ose çorientuese gjatë fushatave zgjedhore.

Mbështetësit thonë se demokracia nuk mund të funksionojë kur gënjeshtra publike nuk sjell asnjë pasojë. Sipas tyre, qytetarët meritojnë llogaridhënie dhe besimi te institucionet mund të rikthehet vetëm kur e vërteta bëhet standard, jo zgjedhje.

Kritikët, nga ana tjetër, paralajmërojnë se një ligj i tillë duhet formuluar me shumë kujdes, për të mos u kthyer në instrument politik apo në kufizim të lirisë së shprehjes.

Në fund, debati shtron një pyetje të rëndësishme për çdo demokraci:

A mundet ligji t’i detyrojë njerëzit me pushtet të thonë të vërtetën, apo llogaridhënia nis kur shoqëria nuk e toleron më pandershmërinë?

07/04/2026

Qeveria shqiptare ka miratuar Vendimin nr. 226, datë 1.4.2026, duke vendosur për herë të parë një mekanizëm të strukturuar për shqyrtimin e investimeve të huaja direkte në sektorë që prekin sigurinë kombëtare dhe rendin publik.
Ky zhvillim shënon një kthesë të rëndësishme në trajtimin rregullator të investimeve me element të huaj, veçanërisht në fusha si media, infrastruktura kritike, teknologjia kritike, të dhënat sensitive dhe industria e mbrojtjes.
Rregullorja nuk kufizohet vetëm te investitorët nga vende jashtë Bashkimit Evropian, por në rrethana të caktuara shtrihet edhe mbi subjekte të BE-së që kontrollohen, ndikohen ose financohen nga vende të treta.
Për investimet që hyjnë në fushën e këtij regjimi kërkohet autorizim paraprak, ndërsa mosrespektimi i këtij detyrimi mund të sjellë pasoja të rënda juridike, përfshirë pavlefshmëri të marrëveshjeve, pengim të lejeve/licencave dhe deri në çbërjen e investimit.
Për investitorët, shoqëritë tregtare dhe këshilltarët ligjorë, ky është një sinjal i qartë se struktura e transaksionit, pronësia përfituese dhe nevoja për clearance rregullator duhet të analizohen që në fazat e para të transaksionit.

19/03/2026

Gjykata Kushtetuese Federale e Gjermanise, ka vendosur një kufi të qartë ndaj masave të fshehta të hetimit.

Ajo shpalli antikushtetuese dispozitat që lejonin përgjimin e telekomunikimeve për vepra penale me dënim maksimal deri në 3 vjet burgim, duke theksuar se një ndërhyrje kaq e rëndë në të drejtat themelore mund të justifikohet vetëm për vepra penale veçanërisht të rënda, pra për ato që dënohen me të paktën 5 vjet burgim.

Po ashtu, gjykata vlerësoi si formalisht antikushtetuese edhe dispozitat për kontrollet online, me arsyetimin se ligji nuk parashikonte shprehimisht kufizimin e fshehtësisë së telekomunikimeve, e cila gëzon mbrojtje kushtetuese.

Pra, lufta kundër kriminalitetit nuk mund të zhvillohet jashtë kufijve të shtetit të së drejtës dhe të mbrojtjes së lirive themelore.

14/12/2025

❗ A e dini sa po na kushton “jeta pa cash”? ❗

Në Shqipëri po shtyhemi gjithnjë e më shumë drejt përdorimit të detyrueshëm të parasë elektronike: karta, transferta, ATM, POS. Në letër quhet “modernizim”. Në realitet, është kosto e heshtur për qytetarët dhe fitim i garantuar për bankat.

📌 Një shembull i thjeshtë:
Një qytetar që shpenzon rreth 150,000 lekë në muaj (ushqim, karburant, shërbime), humbet mesatarisht:
➡️ rreth 40,000 lekë në vit nga komisione të fshehura dhe tarifa bankare.
➡️ Pra, gati një rrogë minimale në vit, vetëm sepse nuk paguan më me cash.

📌 Nëse e shumëzojmë këtë me 2 MILION qytetarë:
➡️ Bankat përfitojnë rreth 80 MILIARDË LEKË NË VIT
➡️ Mbi 800 milionë euro, ose rreth 4% e PBB-së së Shqipërisë.

💰 Këto para NUK janë investime,
NUK janë taksa për shtetin,
NUK janë paga për qytetarët.

Janë kosto transaksioni, që i paguan populli çdo ditë, pa e kuptuar.

❓ Pyetja që duhet të bëjmë si shoqëri:
• Pse pagesat elektronike nuk janë falas për qytetarin?
• Pse një shërbim që po bëhet i detyrueshëm, paguhet nga xhepi i qytetarëve?
• A është kjo luftë ndaj informalitetit apo monopol financiar i heshtur?

📢 Askush nuk është kundër teknologjisë.
Por pa cash + pa kufij komisionesh = qytetar më i varfër, banka më e pasur.

🧠 Duhet debat publik.
⚖️ Duhet transparencë.
💬 Duhet zgjedhje reale mes cash dhe pagesës elektronike.

Address

Rruga Brigada VIII
Tirana

Opening Hours

Monday 09:00 - 18:00
Tuesday 09:00 - 18:00
Wednesday 09:00 - 18:00
Thursday 09:00 - 18:00
Friday 09:00 - 18:00
Saturday 09:00 - 14:00

Website

Alerts

Be the first to know and let us send you an email when PRIAM-Avokati dhe Keshillim Ligjor posts news and promotions. Your email address will not be used for any other purpose, and you can unsubscribe at any time.

Contact The Business

Send a message to PRIAM-Avokati dhe Keshillim Ligjor:

Shortcuts

Share

Category