15/05/2024
Si fillim, dua t'ju falenderoj pafund për ftesën që më bëtë për të ndjekur programin "Jurist për Shoqëritë Tregtare".
Në atë kohë isha në gjendje shëndetësore të pa rikuperuar plotësisht pas ndërhyrjes kirurgjikale, pasi kam një jetë të dytë dhe ishte koha në të cilën nuk mendoja asgjë tjetër veç shëndetit. E pranova ftesën me ngurim pasi gjithmonë e kam parë si program të vështirë dhe të pa arritshëm për mua.
Ndjekja e programit, "Jurist për Shoqëritë Tregtare" pas super programit "Asistent Ligjor", më bëri të rifilloj një jetë të dytë aktive, profesionale, me dëshirën për jetën dhe vijimësinë.
Për mua, programi "Asistent Ligjor" është një tjetër "Master Shkencor" ndërsa programi "Jurist për Shoqëritë Tregtare" është "Doktoraturë".
Gjatë kohës kur ndiqja kursin e parë dhe profesori na jepte ndonjë rast praktik të thjeshtë nga shoqëritë tregtare, më dukej shumë e vështirë dhe e pa arritshme për të zhvilluar këtë program. Në momentin që u bëra pjesë e programit me ftesën e profesorit (për të mbushur ditën time me Jetë), konstatova që ky program është shumë i bukur, pasi arrita të mësoja shumë gjëra që më parë as që e mendoja se do e gjeja veten të zonjën për ti mësuar dhe praktikuar. Përveç trajnimit për programin "Jurist për Shoqëritë Tregtare", profesori na motivon, na mëson gjithmonë për të patur besim në vete dhe guximin për tu ngritur edhe kur gabojmë.
"Sa më shumë gabojmë aq më shumë mësojmë"- thotë profesor Ledio.
Në përditshmëri, rast pas rastit, më vijnë në mendje këshillat e profesorit të cilat gjithmonë zënë vend. Njohja dhe përvetësimi i programit "Jurist për Shoqëritë Tregtare" më ka ndihmuar shumë edhe në zgjidhjen e rasteve të ndryshme praktike në punën time të përditshme si juriste në sektorin e Kadastrës.
Ky program më dha njohuritë e duhura teorike dhe praktike, për tu rritur dhe për të guxuar të aplikoj e të jem pjesë e shoqërive tregtare. Sot, jam me besim të plotë për të dhënë kontributim tim në rritjen dhe zhvillimin e kompanive të ndryshme private.
Një element tjetër i rëndësishëm që dua të përmend është fakti se profesori na ka trajnuar për të prezantuar veten për punën që bëjmë dhe të guxojmë të kërkojmë pagesë të mirë për shërbimin që ofrojmë.
Për ata që e lexuan deri tani, ju them të mos nguroni (si unë në fillim), por të aplikoni një nga programet sa më parë për të fituar kohën e humbur.
Gjithmonë falenderuese profesor, për punën tuaj të palodhur që bëni me secilin pjesëmarrës duke mos u kursyer me këshilla edhe pas përfundimit të trajnimit.
Ndihem me fat që keni qenë për mua udhëheqës karriere.
Me respekt, L.....
