28/01/2024
28 Janari është Dita e Mbrojtjes së të Dhënave Personale!
Kjo ditë shënon përvjetorin e miratimit nga Këshilli i Evropës të Konventës “Për mbrojtjen e individëve në lidhje me përpunimin automatik të të dhënave personale” (e njohur si “Konventa 108”). Konventa është akti ligjor i parë detyrues ndërkombëtar, në lidhje me të drejtat e individëve për mbrojtjen e të dhënave të tyre personale.
Sot, të gjithë ne e njohim rolin e rëndësishëm dhe jetësor që ka mbrojtja e të dhënave personale në botën digjitale, që është gjithnjë e më e lidhur përmes teknologjisë.
Revolucioni dixhital ka sjellë padyshim përfitime të jashtëzakonshme, por gjithashtu edhe përgjegjësi të mëdha, që lidhen me rrisqet sa i përket mbrojtjes së të dhënave personale.
28 Janari është gjithashtu një ditë reflektimi për të gjithë.
Çdo individ duhet të reflektojë mbi faktin se sa të sigurta janë të dhënat e tij personale, masat që duhet të marrë dhe ku duhet të drejtohet nëse konstaton një shkelje të të dhënave personale dhe të drejtave të tij.
Çdo kompani private apo organizatë duhet të reflektojë mbi faktin se sa të sigurta janë të dhënat personale që përpunojnë gjatë aktivitetit të tyre, për klientët dhe qytetarët, çfarë masa organizative dhe teknike duhet të marrin për të qenë në përputhje me legjislacionin e mbrojtjes së të dhënave.
Në këtë situatë ngrihen disa pyetje kritike:
A jemi ne, vërtet në kontroll të të dhënave tona?
A mundet që inovacioni të zhvillohet përkrah garantimit të privatësisë individuale?
Sfida dhe zhvillime të reja na presin në dritën ndryshimeve të shpejta teknologjike dhe ligjore, sa i përket mbrojtjes së të dhënave personale.
DPO Albania mbetet gjithmonë e gatshme tju asistojë dhe mbështesë duke ofruar një nivel të lartë ekspertize, si dhe shërbime cilësore, profesionale dhe inovatore.
DPO Albania është partenri juaj më i sigurtë, në mbrojtjen e të dhënave personale dhe sfidat që do të vijnë
