ConSon Legal

27/05/2026

09/03/2026

Pas një pune të gjatë dhe intensive në rolin e ekspertit ligjor, për gati tre vjet, kam privilegjin të dorëzoj të përfunduar hartimin e projektligjit për krijimin e Dritares së Vetme Kombëtare për Doganat (DVKD) – një reformë e rëndësishme që synon modernizimin e administrimit kufitar dhe lehtësimin e tregtisë ndërkufitare në Shqipëri.

Ky projektligj vendos bazat ligjore për krijimin e një mjedisi të integruar elektronik, ku operatorët ekonomikë do të dorëzojnë të dhënat vetëm një herë dhe në një pikë të vetme, ndërsa institucionet shtetërore do të bashkëpunojnë në kohë reale për përmbushjen e formaliteteve doganore dhe jodoganore.

Përmes këtij sistemi synohet të reduktohen ndjeshëm koha dhe kostot e procedurave për biznesin, të rritet transparenca dhe efikasiteti i kontrollit shtetëror, si dhe të përmirësohet koordinimi ndërinstitucional në kufi.

Projektligji është i harmonizuar me Rregulloren (BE) 2022/2399 për Mjedisin e Dritares së Vetme të Bashkimit Europian për Doganat, duke përgatitur Shqipërinë për ndërveprim me sistemin europian EU Single Window Environment for Customs (EU CSW-CERTEX).

Besoj se kjo nismë përfaqëson një hap të rëndësishëm drejt tregtisë pa letra, drejt një administrate më moderne dhe një ekonomie më konkurruese për Shqipërinë.

18/06/2025

✅ SINGLE WINDOW për DOGANAT
‼️Një Hap përpara për Tregtinë Shqiptare

📦 Në rolin tim si eksperte ligjore, me përvojë të drejtpërdrejtë në hartimin e legjislacionit për krijimin dhe vënien në funksion të sistemit “Single Window” për Doganat, kam ndjekur nga afër këtë projekt ndër vite, në bashkëpunim me institucionet shqiptare dhe partnerët ndërkombëtarë.
Sot, kur ky projekt është më pranë se kurrë realizimit të tij, dua të sjell në vëmendje rëndësinë që ka për modernizimin e tregtisë dhe thjeshtimin e procedurave publike.

📑 “Single Window” nuk është vetëm një projekt teknologjik – është një transformim institucional që bashkon të gjitha institucionet publike që ofrojnë formalitete jo-doganore gjatë një procesi zhdoganimi në import, eksport apo tranzit.
Nga dokumente të printuara dhe dorëzim fizik, kalojmë te një platformë digjitale, ku shkëmbimi i informacionit ndodh në kohë reale, me vendimmarrje të shpejtë dhe të gjurmueshme.

🧩🧩 A mund ta bëjmë zhdoganimin aq të lehtë sa një transfertë bankare në celular? Po – me “Single Window” – Dritarja e Vetme Kombëtare për Doganat!

🔍 Çfarë është “Single Window”? Një platformë digjitale që lejon bizneset të dorëzojnë dokumentacionin për zhdoganim si licenca, certifikata dhe autorizime nga një pikë e vetme hyrëse, duke shmangur kontaktet e panevojshme me shumë agjenci.

⚙️ Si funksionon?
📤 Importuesi dorëzon aplikimin elektronik;
📡 Sistemi ndërvepron në kohë reale me institucionet publike ;
✅ Vendimi dhe lejet jepen përmes të njëjtit sistem 👉 një rrugë digjitale, pa letra dhe pa radhë.

📊 Çfarë ndryshon?
Sipas modeleve të zbatuara në vende si Turqia, Gjeorgjia apo Singapori, përfitimet janë të prekshme:
Para Pas “Single Window”
⏱️ Koha
20 orë për zhdoganim 8 orë për zhdoganim
💰 Kosto
100 € mesatare 40 € mesatare
(Të dhëna ilustrative bazuar në përvojat ndërkombëtare)

🧩 Kush përfiton?
🔺 Biznesi: Më pak kosto, më pak kohë
🔺 Sektori privat: Rritje dhe lehtesim i tregtisë, procedura të thjeshtuara
🔺 Administrata publike: Më pak burokraci, më shumë efikasitet
🔺 Ekonomia kombëtare: Rritje të ardhurash dhe konkurrueshmëri më e lartë

🇪🇺 Përtej teknologjisë, një hap drejt BE-së “Single Window” nuk është thjesht një sistem elektronik – është një model i ri administrimi që afron Shqipërinë me standardet e Bashkimit Europian dhe e bën më të lehtë lëvizjen e mallrave përtej kufijve. 🔗 Shqipëria digjitale nis me reformat që thjeshtojnë jetën reale. Sistemi “Single Window” është një nga ato hapa që duhet ndjekur me vendosmëri, transparencë dhe vizion.
.

12/02/2023

Dritarja e Vetme Kombëtare për Doganat (National Single Window) është një nga projektet ambicioze të qeverisë shqiptare e cila synon të digjitalizojë tërësisht proçesin e zhdoganimit të mallrave të destinuata për import, eksport apo tranzit.

ConSon Legal merr pjesë në këtë projekt përmes ekspertizes ligjore të ofruar për analizimin dhe hartimin e paketës së parë ligjore që do të duhet të miratohet për krijimin dhe venien në funksionim të Dritares së Vetme Kombëtare për doganat në Republikën e Shqipërisë.

Për këtë qëllim u zhvillua tryeza e parë konsultative me grupet e interesit, shoqatat e biznesit dhe përfaqësues të institucioneve shtetërore bashkërenduese, me pjesëmarrjen dhe nën monitorimin e Bankës Botërore, duke u prezantuar atyre në cilësinë e ekspertit ligjor draft paketën e parë ligjore për krijimin e “Single window” për Doganat në Republikën e Shqipërisë.

Në gjurmën e zhvillimeve të njëjta në Bashkimin Europian si dhe në vendet e Ballkanit Perëndimor, edhe Shqiperia po krijon mjedisin e saj “single window” për doganat duke synuar të cojë në një tjetër nivel shërbimet online ndaj biznesit si dhe lehtësimin e tregtisë.





***

The National Single Window for Customs is one of the ambitious projects of the Albanian government which aims to completely digitize the customs clearance process of goods destined for import, export or transit.

ConSon Legal participates in this project through the legal expertise provided for the analysis and drafting of the first legal framework that will have to be approved for the creation and operation of the National Single Window for customs in the Republic of Albania.

For this purpose, the first consultative round table was held with interest groups, business associations and representatives of coordinating state institutions, with the participation and under the monitoring of the World Bank, presenting to them in the capacity of a legal expert the draft of the first legal package for the creation of "Single window" for Customs in the Republic of Albania.

In the footsteps of the same developments in the European Union as well as in the countries of the Western Balkans, Albania is also creating its own "single window" environment for customs, aiming to bring online business services to another level as well as trade facilitation.

08/12/2022