19/04/2026
✅ETIAS po vjen – çfarë duhet të dini para se të udhëtoni në Europë
Nga fundi i këtij viti pritet të hyjë në fuqi sistemi ETIAS (European Travel Information and Authorisation System).
✅Në praktikë, kjo do të thotë që shumë shtetas që sot udhëtojnë pa vizë drejt zonës Schengen, do të duhet të marrin një autorizim paraprak online para se të nisen.
⚖️ Si do funksionojë?
– Aplikimi bëhet online.
– Tarifa është rreth 20 💶
– Në shumicën e rasteve përgjigja jepet brenda pak minutash 🕰️
– Autorizimi lidhet me pasaportën dhe ka vlefshmëri deri në 3 vite (ose deri në skadimin e pasaportës)
Por këtu fillon pjesa që shumë njerëz nuk e kuptojnë mirë 👇
ETIAS NUK është vizë
ETIAS NUK garanton hyrjen në Europë
Është thjesht një kontroll paraprak.
🔴 Sistemi kontrollon të dhënat e aplikantit në databaza europiane si Schengen Information System dhe sisteme të tjera sigurie. Nëse rezulton një problem (p.sh. ndalim hyrjeje, deportim i mëparshëm, refuzim në kufi), aplikimi mund të refuzohet.
Çfarë ndryshon në praktikë?
– Problemet do zbulohen para udhëtimit, jo më në kufi
– Refuzimet do jenë më të shpejta dhe automatike
– Udhëtarët do mendojnë se “aplikimi online e zgjidh gjithçka” – por nuk është kështu
Nëse ke pasur:
– deportim
– OQTF/espulsione
– refuzim hyrjeje
– dyshim për ndalim në SIS
atëherë aplikimi për ETIAS pa analizuar situatën mund të çojë thjesht në një refuzim tjetër.
Këshilla praktike
Mos apliko “në verbëri”.
Së pari kupto:
– a ekziston ende problemi?
– në cilin shtet është regjistruar?
– a ka skaduar apo duhet të fshihet?
Sepse ETIAS jep një përgjigje, por nuk zgjidh problemin pas saj.
Nëse ke histori të mëparshme me autoritetet e emigracionit dhe po planifikon të udhëtosh në Europë, është më mirë të analizosh situatën përpara aplikimit, jo pasi të refuzohesh.
