Qëndra SUI JURIS me kontributin e anëtarëve të bordit të drejtorëve, si dhe juristëve të rinj me kontributivullnetar vihet në dispozicion të qytetarëve shqiptarë në mbrojtje të drejtave të tyre përballë administratës publike të shtetit shqiptar. Qëndra SUI JURIS angazhohet në këto drejtime:
• Është një organizatë e pavarur, jo fitimprurëse që synon të kontribuojë në përmirësimin e cilësisë së drej
tësisë dhe avancimin e reformave për konsolidimin e shtetit të së drejtës, qeverisjes së mirë dhe zhvillimin e një shoqërie civile pjesëmarrëse.
• Synon të angazhohet në studime ligjore dhe të sistemit të drejtësisë, në ndërtimin e kapaciteteve në sektorin publik e media dhe për fuqizimin e një shoqërie civile aktive, nëpërmjet kërkimit dhe analizës së bazuar në evidenca për krijimin e zgjidhjeve dhe alternativave të qëndrueshme dhe afat-gjata të politikave publike.
• Angazhohet në marrjen e iniciativave ligjore dhe me bazë qytetare dhe në advokimin aktiv për çështje që janë në interes të publikut dhe që luajnë një rol kyç për funksionim e demokracisë.
• Ka në fokusin e tij kryesor krijimin e një qendre të trajnimit ligjor vazhdues për aktorët kyç socialë bazuar në njohuri të avancuara në fushën ligjore si dhe përhapjen edukimit ligjor qytetar për publikun e gjerë.
• Është e angazhuar të veprojë në drejtim të modernizimit dhe forcimit të sistemit gjyqësor shqiptar për një reformë të qëndrueshme të tij. Për konsolidimin e një sistemi gjyqësor kompetent, transparent, të drejtë dhe efikas, i cili është njëkohësisht efektivisht i përgjegjshëm dhe garanton akses të barabartë për të gjithë qytetarët.
• Synon të angazhohet në veprimtaritë kryesore të mëposhtme:
- Monitorimin e sistemit gjyqësor,
- Trajnimi ligjor për aktorët e sistemit gjyqësor:
• Do të përfshij vëzhgimin e proçeseve dhe monitorimin e cilësisë së vendimeve gjyqësore, verifikimin e zbatimit në praktikë të rregullave për funksionimin dhe organizimin e gjyqësorit, observimin e zbatimit dhe efektshmërisë së masave anti- korrupsion në sektorin e drejtësisë dhe monitorimin e aksesit në drejtësi në përgjithësi. Në fokus të veçantë të veprimtarive tona është edhe promovimi gjerësisht i alternativave jashtë-gjyqësore për zgjidhjen e mosmarrëveshjeve ligjore.
• Është e angazhuar të kontribuojë në ndërtimin e njohurive dhe promovimin e kompetencës ligjore të fortë tek aktorët e sistemit gjyqësor, përfshirë gjyqtarët, prokurorët, avokatët mbrojtës, dhe aktorë të tjerë kyç, bazuar në praktikat më të mira europiane dhe ndërkombëtare, duke angazhuar ekspertë me përvojë të fushës dhe në bashkëpunim të ngushtë me institucionet e edukimit ligjor dhe organizatat profesionale në fushën e ligjit.
• Synon të krijojë qendre të trajnimit ligjor vazhdues me fokus të veçantë trajnimin për Shkathtësinë e Përfaqësimit në Gjykim, bazuar në ekspertizë ndërkombëtare në këtë fushë.
• Synon të ofrojë trajnime të avancuara ligjore për nëpunësit civile të administratës publike në të gjitha nivelet. Çështje të tjera kyçe si integrimit i vendit në Bashkimin Europian, respekti efektiv për të drejtat e njeriut, përfshirë eliminimin e diskriminimit, promovimi i të rinjve, përmirësimi i cilësisë së arsimit, mbrojtja e të drejtave të konsumatorëve, mbrojta e mjedisit, avancimi i grave në shoqëri, mbrojtja e të drejtat e fëmijëve, përfshirë krijimin e një sistemi për drejtësinë për të miturit dhe integrimin e fëmijëve të grupeve sociale të margjinalizuara, përbëjnë gjithashtu një fokus të veçantë të veprimtarisë sonë që ne do t’i adresojmë nëpërmjet kërkimeve dhe advokimit të politikave si dhe fushatave aktive për rritjen e ndërgjegjësimit të të gjithë aktorëve.
• Dotë pasqyrojë veprimtarinë e saj nëpërmjet botimit të periodikut “Status Libertatis / Status Civitati”, duke paraqitur aty rezultatet e arritura në formën e informacionit, analizës, dhe duke paraqitur histori suksesi si përvojë dhe shembuj për t’u ndjekur. Përveç revistës për realizimin e objektivave të veta, Qëndra “ SUI JURIS“, do të përgatisë dhe prezantojë edhe materiale të tjera informuese të marra nëpërmjet analizave, studimeve dhe sondazheve të realizuara nga të tjerë në përputhje me qëllimet e saj. Nisur nga sa më sipër :
Ftohen të gjithë qytetarët shqiptarë të cilët hasin vështirësi në komunikimin me administratën publike ose përballen me shkelje të të drejtave të tyre të cfarëdo fushe dhe nëse dëshirojnë të konsultohen si dhe të përfaqëesohen përpara administratës publike nga bashkëpuntorët e qëndrës SUI JURIS.
