15/05/2025
➡️ ÇFARË ËSHTË DREJTËSIA RESTAURUESE?
Drejtësia restauruese është një qasje ndaj zgjidhjes së konflikteve që fokuson vëmendjen tek riparimi i dëmeve të shkaktuara nga konflikti, jo thjesht tek ndëshkimi i një pale. Ajo synon rivendosjen e marrëdhënieve, rikthimin e respektit dhe rivendosjen e balancave sociale.
➡️ PSE NDËRMJETËSIMI ËSHTË DREJTËSI RESTAURUESE?
• Rikthen marrëdhëniet, jo thjesht zgjidh konfliktin
Ndërmjetësimi nuk është thjesht një proces për të “mbyllur çështje”, por për të restauruar marrëdhëniet mes palëve. Ai kërkon mirëkuptim, ndjeshmëri dhe marrëveshje të pranueshme për të dyja palët.
• Fokus të dëgjojë dhe të riparojë dëmet
Në ndërmjetësim, secila palë dëgjohet dhe ka mundësi të shprehë emocionet dhe dëmet e pësuara. Kjo është një hap restaurues, pasi ndihmon në shërimin e plagëve emocionale apo morale.
• Fuqizon përgjegjësinë personale
Drejtësia restauruese thekson përgjegjësinë e personit për të riparuar dëmet. Në ndërmjetësim, palët vetë arrijnë marrëveshje, pa e lënë në dorë të një gjyqtari.
• Zgjidhjet janë konsensuale dhe vullnetare
Si në drejtësinë restauruese, ashtu edhe në ndërmjetësim, palët vetë vendosin për zgjidhjen, duke e bërë marrëveshjen më të qëndrueshme dhe të sinqertë.
• Fokus te procesi i pajtimit dhe paqes sociale
Përtej rezultatit ligjor, ndërmjetësimi synon paqësimin e marrëdhënieve dhe shmangien e përplasjeve të mëtejshme, gjë që është thelbi i drejtësisë restauruese.
