What are the opening hours?

Monday 08:30 - 05:00 Tuesday 08:30 - 17:00 Wednesday 08:30 - 17:00 Thursday 08:30 - 14:00 Saturday 09:00 - 17:00 Sunday 08:30 - 17:00

https://www.facebook.com/721636237903427/

Anwari Tax Consulting Services انوري مالیاتي مشورتي خدمتونه, میااسلم پلازې ترڅنګ، فیصل کاکړ پلازه، درېیم منزل، لومړی نمبر دفتر، جلال آباد, Jalalabad (2026)

02/11/2024

په کاروبار کې د مالیاتو او دولتي ادارو تحویلي
ډېرې سوداګر چې نوي کاروبارونه يې پېل کړي وي، جواز يې اخیستی وي، کله يې چې جواز پای ته ورسیږي، او د نوې کېدو لپاره ځي نو مربوطه ادارې ترې د مالیاتو د تصفیې مکتوب غوښتنه کوي.
کله چې دوی مستوفیت ته مراجعه وکړي، هغوی ترې د فعالیت په اړه معلومات غواړي او د معلوماتو په اساس ورته مالیاتي حسابونه جوړوي.
زیاتره داسې شوي چې شخص کاروبار پېل کړی وي د کال یو نیم په تېرېدو چې دمالیاتي تصفیې لپاره مراجعه وکړي، د هغه مبلغ ګټې چې دی يې په کاروبار کې کوي او ورته حساب کوي، له هغې زیاته پرې مالیه راځي، نو کله هم چې یو کاروبار پېل کوئ، د مالیاتو او د دولت د ټولو تحویلئ په اړه ځان مطمئن کړئ.
د یو کاروبار له پیل وړاندې په لاندې برخو کې معلومات حاصلول او اړونده اسنادونه له ځان سره ساتلو په اړه باید تاسو پوه اوسئ:
په ناخالصو عوایدو څومره مالیه ده؟
۱- د کارمندانو دمعاشاتو مالیه څومره ده؟
۲- د کرایې د مالیاتو نورمونه او اندازه څومره ده؟
۳- د قراردادونو مالیه څومره او څه وخت اخیستل کیږي؟
۴- د ګټې مالیه څومره ده او کله تحویلیږي؟
۵- کوم اسنادونه باید له ځانه سره وساتل شي؟
۶- د جواز مصارفات څومره دي او له کومې ادارې جواز واخېستل شي؟
۷-د تصفیې مکتوب کله اخیستل کیږي؟
۸- د اسنادونو ترتیب او راپورونه څنګه ترتیب او مصارف يې څومره دي؟
دا دې ته ورته پوښتنې باید تاسو د کاروبار له پېل وړاندې ځواب او د خپلو خرڅلاو په اجناسو حساب کړئ، تر څو په ګټور کاروبار کې زیان ونه کړئ.

24/06/2022

د معاشاتو موضوعي مالیه

پرعایداتو د مالیاتو قانون (۴) مادې (۳) بند له مخې د حقیقي اشخاصو پرعایداتو مالیات دا ډول محاسبه کیږي.
که چېرې معاش پنځه زره افغانۍ او یا له دې څخه کم وي، مالیات پرې نشته او له مالیې څخه معاف ګڼل کیږي.
که چېرې معاش (۵۰۰۱) افغانۍ او له دې څخه لوړ وي، تر (۱۲۵۰۰) افغانيو پورې د پنځه زره افغانۍ لوړ مبلغ د (۲٪) مالیې تابع کیږي، یعنې ۵۰۰۰ افغانۍ ترې منفي کيږي او پاتې مبلغ په ۲٪ کې ضربیږي لاسته راغلی مبلغ د ماليې څخه عبارت دی.
که چېرې معاش ۱۲۵۰۱ افغانۍ او له دې څخه لوړ تر ۱۰۰۰۰۰ افغانۍ پورې وي، پنځه افغانۍ معاف، له ۱۲۵۰۰ افغانيو پورې ۲٪ او له هغې پورته مبلغ له ۱۰٪ فیصده مالیې تابع کیږي.
په همدې ترتیب که چېرې معاش ۱۰۰۰۰۱ افغانۍ او یا له دې څخه لوړ وي له ۱۰۰۰۰۰ افغانیو پورته مبلغ د ۲۰٪ فیصده مالیې تابع کیږي.
دا باید په یاد ولرو چې د يوه په افغانستان کې مېشت افغان معاش او اوجوره داستخدام كوونكي د هويت په پام كې نيولو څخه پرته د مالياتو تابع دي، یعنې کله چې د افغانستان یو وګړی په افغانستان کې عواید ترلاسه کوي، بې له دې چې وکتل شي چې دا معاش يې له کومې سرچینې ترلاسه کړی دی، د مالیې تابع دی. لکه هغه افغان مېشت شخص چې د بهرنيو نمایندګیو او شرکتونو لخوا په افغانستان كې استخداميږي، معاش يا اوجوره يې په افغانستان كې د ماليې وړ دي.
بېلګه: که چېرې یو شخص په یوه خصوصي شرکت کې کار کوي، او میاشتنی معاش يې (۱۲۰۰۰۰) افغانۍ وي، شرکت مکلف دی د هغه د معاش مالیه په دا ډول محاسبه او دولت ته تحویل کړي:
لومړی تر (۵۰۰۰) معافیت منفي کوو، ورپسې د دوه فیصده نورم مطابق (۷۵۰۰) ترې منفي کوو چې (۲٪) مالیه يې (۱۵۰) افغانۍ کیږي، له دې وروسته د (۱۰٪) نورم چې دا تر یو لکو پورې دی، په پورته مثال کې مبلغ د یو لکو پورته دی نو له (۱۲۵۰۰) نه تر یو لکو پورې (۸۷۵۰۰) افغانۍ کيږي چې (۱۰٪) مالیه (۸۷۵۰) کیږي بیا د (۲۰٪) نورم چې په پورته مثال کې د دې نورم مبلغ (۲۰۰۰۰) افغانۍ دی چې (۲۰٪) مالیه يې (۴۰۰۰) افغانۍ کيږي، اوس ټولې محاسبه شوې مالیې سره جمع کوو، (150+8750+400 چې ټول مبلغ (۱۲۹۰۰) افغانۍ کیږي، شرکت مکلف دی هر میاشت د خپل کارمند د خپل معاش (۱۲۰۰۰۰) څخه پورته مبلغ مالیه منفي کړي او د دولت حساب ته يې تحویل کړي، نو په دې حالت کې کارمند ته د ورکړې وړ مبلغ (۱۰۷۱۰۰) او (۱۲۹۰۰) مالیه شوه.
که چېرې د معاش یا اجورې ورکړه په ورځني، هفته وار، پنځلس ورځنی او یا هم میاشتې ډول وي په ټولو حالتونو کې د نورمونو مطابق د مالیې تابع دي، چې محاسبه يې په لاندې جدولونو کې ورکړل شوې ده.

که په دې برخه کې ستونزې لرئ او یا هم د مالیاتو په نورو کې مرستې ته اړ یاست، مونږ مو په خدمت کې یو.
ادرس: درمسال چوک، فیصل کاکړ پلازه، درېیم منزل، لومړی نمبر دفتر، جلال اباد ښار
اړیکشمېرې: 0602001505 / 0788967888 / 0766668917

19/06/2022

د ماليه ورکوونکي د پېژندنې گڼې (TIN) پېژندنه
د پېژندنې گڼه یا TIN (Tax Identification Number) هغه لس گڼيزه پرلپسې واحده گڼه ده چې د ماليه ورکوونکي د پېژندنې په موخه صادره او د استفادې وړ گرځي.
پر عايداتو باندې د مالياتو قانون د (۸۶) مادې پر بنسټ هغه انفرادي اشخاص، شرکتونه او مؤسسې چې د دغه قانون يا د گمرکونو قانون د حکمونو له مخه د ماليې يا د گمرکي محصول پر ورکولو مکلف دي او هغه غيرانتفاعي ټولنيز سازمانونه او مرستندويې مؤسسې چې د خپلو اړوندو کارکوونکيو له تنخوا يا مزد څخه ماليې وضع کوي او يا هغه اشخاص چې په بانکونو يا نورو مالي مؤسسو کې اکاونټ ولري او يا يې پرانېځي، بايد د ماليه ورکوونکي د پېژندنې گڼه تر لاسه کړي. هغه کارکوونکي چې عوايد يې د مالياتي قوانينو د حکمونو له مخه د ماليې د وضع کېدو تابع گرځي، هم تر دغه حکم لاندې راځي.
د پېژندنې گڼه د مالياتو له ملاتړو (حمايوي) اسنادو څخه شمېرل کېږي چې د سازمان د لغو کولو، د احصائيې د تغيير، د مالکينو د تغيير، د سازمان د نامه د بدلولو او… لپاره کارول کېږي.
د پېژندنې گڼه ماليه ورکوونکی اړ کوي چې خپله د پېژندنې گڼه په مالياتي اظهارليک، اطلاعيې، مکتوبونو او د ماليه ورکوونکي په نورو اړوندو سندونو کې د مالياتي قوانينو او د گمرکونو قانون له مخه وليکي.
د پېژندنې گڼه په مالياتي ادارې کې د ماليه ورکوونکي د لا ښې پېژندنې لکه د ماليې د ډول او د ماليې د ورکړې، د دقيقې پتې، له ماليه ورکوونکي سره د اړيکې، احصائيې او د فعاليت د ډول د معلومولو لپاره کارول کېږي.
د پېژندنې گڼه د ټولو دولتي او خصوصي کارکوونکيو لپاره اړينه ده او په دې اړه اړوندې ادارې مکلفې دي چې د خپلو کارکوونکيو لپاره د پېژندنې گڼه واخلي.
د پېژندنې گڼې د نه غوښتنې اضافي ماليه
د مالياتي چارو د ادارې قانون د (۴۲) مادې پر بنسټ، هغه اشخاص چې د مالياتي قوانينو د حکمونو له مخه د پېژندنې گڼې پر تر لاسه کولو مکلف دي، مگر له کوم مؤجه دليل پرته يې د تر لاسه کولو لپاره غوښتنه کړې نه وي، حقيقي شخص د پېنځو زرو (۵۰۰۰) افغانيو او حکمي شخص د شلو زرو (۲۰۰۰۰) افغانيو د اضافي ماليې پر ورکړې مکلف دي؛ که د اړتيا پر مهال شخص د پېژندنې گڼې د تر لاسه کولو لپاره رجوع وکړي، داوطلبانه گام نه گڼل کېږي.
(TIN) نمبر له کومه ځایه څنګه ترلاسه کړو
ددې لپاره د عوایدو عمومي ریاست په اډانه کې یو امریت رامنځته شوی دی چې د ۱۳۸۳کال راپدېخوا دغه نمبر توزیع کوي، په کابل کې هم څانګې لري او د ولایاتو په ځینو مستوفیتونو کې هم د معلوماتو د راټولولو لپاره شعبې لري چې د مرکز له تائیدۍ وروسته نمبر صادروي.
ددې لپاره چې تاسو دغه نمبر ترلاسه کړئ، لومړۍ خو هغه مکتوب یا استعلام چې تاسو بانک یا بلې کومې ادارې درکړی دی واخلئ اوس تاسو دوه لارې لرئ، یوه يې انلاین فورمه ډکول دي او بله هم په همغه مربوطه اداره په فزیکي توګه د فورمو ډکول دي، که غواړئ خپله فورمه انلاین ډکه کړئ دې ادرس (http://tin.ard.gov.af/Registra....tion/TINRegistration ته ولاړ شئ او فورمه په دقیقه توګه ډکه کړئ او خپله تذکره او هغه سند په سکین ډول همدې فورمه کې پورته کړئ، دغه فورمه د همدې ادرس نه تاسو تقیبولای شئ، کله هم چې طی مراحل شوه تاسو ته لیکي چې پېژندنې ګڼه مو صادره شوي او د نږدې مرکز نه يې ترلاسه کړئ.
خو که چېرې تاسو غواړئ فورمه په فزیکي ډول ډکه کړئ، نږدې مرکز ته ولاړ شئ او فورمه د دقیق ډکولو څخه وروسته کارمند ته وسپارئ، هغوی يې سیستم ته پورته کوي او تاسو ته وخت درکوي تر څو په همغه وخت ادارې ته ورشئ او د پېژندنې شمېرې سند ترلاسه کړئ او د مربوطه شعبو نه لاسلیک او مهر کړئ.
د پېژندنې ګڼه اوس وخت د اسنادو یو برخه کرځېدلې، هر هغه شخص چې غواړي دنده واخلي، باید دغه نمبر ترلاسه کړي او د خپلو اسنادو ضمیمه يې وګرځوي، خو په یاد ولرئ چې ددغه سند اصلي يې په هېڅ ځای کې مه ورکوئ بلکې له ځانه سره يې وساتئ او هرچېرې چې تاسو نه دا سند غوښتل کیږي کاپي يې وکاروئ.
که په دې برخه کې کوم مشکل لرئ، انوري مالیاتي مشورتي خدمتونو دفتر مو په خدمت کې دی
پته: جلال آباد ښار، درمسال چوک، فیصل کاکړ پلازه، درېیم منزل، لومړی نمبر دفتر.
اړیکشمېرې: 0788967888- 0766668917

23/05/2022

د مالیاتي جرایمو د معافیت خبرتیا
د افغانستان اسلامي امارت په راتګ سره د ۱۴۰۰ کال د اسد میاشتې له ۲۵ نېټې څخه تر حوت وروستۍ نیټې پورې جرایم معاف وه، چې د ۱۴۰۱ کال د حمل میاشتې څخه د تاخیر او د مالیې اضافه جرایم بیا ځل لپاره د تطبیق وړ وه، چې اوس د ۱۴۰۱ کال د ثور میاشتې د ۳۱ نېټې مکتوب په اساس دغه معافیت د اسد میاشتې تر (۲۳) مې نېټې وغزېد.
دغه معافیت د ۱۴۰۰ مالی کال په شمول په تېرو کلونو هم د تطبیق وړ دی خو تېرو کلونو جرایم به د ۱۴۰۰ کال د اسد تر (۲۵) مې نېټې پورې سیستم محاسبه کوي، چې مخکینې جرایم د تحویلۍ وړ او وروستني ورځو جریمه معاف ده.
که چېرې مو د ۱۴۰۰ مالي کال او مخکې کلونو تصفیه نه وي کړي کولای شئ تر یادې نېټې له دې معافیت څه مستفید شئ.
او که په دې برخو کې ستونزې لرئ، انوري مالیاتي خدمتونو مرکز مو په چوپړ کې دی.
ادرس: میااسلم پلازې ترڅنګ، فیصل کاکړ پلازه، درېیم منزل، لومړی نمبر دفتر، جلال آباد ښار
اړیکشمېرې: 0602001505 - 0788967888 - 0766668917

08/08/2021

پر قرارداد موضوعي مالیه:
هغه حکمي او حقيقي اشخاص چې د يو قرارداد لاندې مواد، لوازم، ساختماني خدمتونه او نور خدمتونه وړاندې کوي، د ١٣٨٧ کال عايداتو باندې مالياتو قانون د ٧٢ مادې سره سم قراردادي ته د ورکړې وړ مبلغ د سرجمع څخه د موضوعي ماليې په وضع کولو مکلف دي. هغه حقيقي اشخاص چې د دې قانون د ١٧ مادې ١ فقرې د احکامو سره سم د مالیې وړ معاش لاسته راوړي، ددې حکم څخه مستثنى دي، ځکه چې هغوى کارکوونکي ګڼل کیږي او پر معاش باندې د موضوعي مالیې تابع دي.
قرارداد څه ته وايي؟
قرارداد د دوه او څو اړخونو ترمنځ توافق دى،چې د قانون له مخې پلي کيږي. دخدمتونو یا مالونو دخرڅولو او اخېستلو اړوند سوداګریزه معامله د خرڅوونکي او اخېستونکي ترمنځ یو قرارداد دى، د سوداګریزو معاملو وړاندیز او منل او یا د مالونو او خدمتونو عرضه کول او وړاندې کول قراردادي معامله منځته راوړي (د تعلیماتنامې ۷۲ مادې ۱ فقره) دغه ډول معامله کیدای شي به لیکلي او یا هم په شفاهي بڼه وي او ورکړه په نغدي یا د اعتبار په بڼه صورت ونیسی، سوداګریزه معامله یو قرارداد دی او د ۱۳۸۷ کال پر عایداتو باندې د مالیاتو قانون د (۷۲) مادې په اساس د موضوعي مالیې حکمونه پرې د تطبیق وړ دي.
د مالیاتو قانون د ۷۲ مادې مطابق د قراردادي موضوعي مالیې لپاره تعین شوی حد لږ تر لږه (۵۰۰۰۰۰) پنځه لکه افغانۍ دی، تر دغه مبلغ څخه کم د موضوعي مالیې نه تابع کیږي، مګر که چېرې یو حقیقي یا حکمي شخص ته په یو مالي کال کې د یو جنس یا سره ورته جنسونو ټولې ورکړې چې له یوه خرڅوونکي څخه يې اخېستې وي له دغه تعین شوي حد څخه واوړي په دې صورت کې باید د ټولو ورکړو څخه مالیه وضع شي.
ب: د موضوعي مالیې نورمونه:
دا مالیه دوه نورمونه لري، (۲٪) او (۷٪)، د ١٣٨٧ کال عايداتو باندې مالياتو قانون ٧٢ ماده، دولتي ادارې، ښاروالۍ. دولتي نهادونه، د خصوصي سکتور ادارې او تشبثات او نور اشخاص مکلف دي ترڅو د ټولو حقيقي او حکمي اشخاصو څخه که چېرې د سوداګرۍ جواز ولري د تادیاتو د سرجمع څخه (۲٪) مالیه وضع کړي چې دغه مالیه د جواز لرونکي شخص په مالیاتي اظهارنامه کې د مجرايي وړ ګڼل کیږي او په انتفاعي مالیه کې حسابیږي، یعنې کله چې دغه شخص ربعوار انتفاعي مالیات ورکوي، د څلور فیصدو پرځای ددې مبلغ چې اخېستونکي ترې (۲٪) مالیه ګرځولې که اسناد وړاندې کړي، هغه (۲٪) د انتفاعي مالیې په (۴٪) کې د مجرا وړ ده.
که چېرې قراردادي د سوداګرۍ جواز ونه لري په دې صورت کې موضوعي مالیه (۷٪) ده، د هغو قراردادونو موضوعي مالیه چې سوداګرۍ جواز ونه لري وروستۍ مالیه ګڼل کیږي ځکه چې دوی د کلني اظهارلیک په وړاندې کولو مجبور نه دي او پر عایداتو مالیه کې حسابیږي.
د ١٣٨٧ کال پر عايداتو باندې دمالياتو قانون د اظهارلیک په وړاندې کوونکي او د مالياتو په ورکړه کې د تاخير په صورت کې د جريمو په اړه صراحت لري. په دې اړه مالياتي نورمونه د ماليه ورکوونکي ډول او شرایطو پورې اړه لري.
هغه شخص چې قرارداد يې ترسره کړی مکلف دی چې مالیه دولت ته تحویل کړي او قراردادي ته د اظهارلیک د آبي ورقې په ورکړې سره اطمنان ورکړي.
قراردادي مالیه په هغه میاشت کې چې قرارداد ترسره شوی د بلې میاشتې تر (۱۰) نېټې پورې د تحویل وړ ده، د نه ورکړې په صورت کې د جرایمو تابع کرځي.
نو بیا.....

ادرس: شهرنو، الکوزی ټاور، لسم منزل، (E9) کابل-افغانستان
ادرس: زراعت ریاست ترڅنګ، بسم الله صحت پلازه، دویم منزل، ۶-۷ نمبر دوکانونه، جلال آباد ښار

Address

میااسلم پلازې ترڅنګ، فیصل کاکړ پلازه، درېیم منزل، لومړی نمبر دفتر، جلال آباد
Jalalabad
2601

Opening Hours

Monday	08:30 - 05:00
Tuesday	08:30 - 17:00
Wednesday	08:30 - 17:00
Thursday	08:30 - 14:00
Saturday	09:00 - 17:00
Sunday	08:30 - 17:00

Website

facebook.com

Alerts

Be the first to know and let us send you an email when Anwari Tax Consulting Services انوري مالیاتي مشورتي خدمتونه posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Anwari Tax Consulting Services انوري مالیاتي مشورتي خدمتونه:

Anwari Tax Consulting Services انوري مالیاتي مشورتي خدمتونه