Roux Botha Attorneys Inc

12/12/2025

10/09/2025

Kontak ons vir die opstel van jou gratis testament!

📞 018 004 0001
📧 [email protected]

05/09/2025

📝Wysiging van ’n Testament📝

’n Testateur het die reg om sy/haar testament enige tyd te wysig.

Vir die wysiging om geldig te wees, moet die volgende vereistes nagekom word:

🔹Die wysiging moet onderteken word deur die testateur self, of deur iemand anders in sy/haar teenwoordigheid en op sy/haar aanduiding.
🔹Die handtekening moet deur die testateur erken word, en indien iemand anders namens hom/haar teken, moet daardie persoon ook teken.
🔹Twee bevoegde getuies moet gelyktydig teenwoordig wees en die wysiging onderteken in die teenwoordigheid van die testateur, mekaar en (indien van toepassing) die ander persoon wat namens die testateur geteken het.

Kontak ons vir jou gratis testament of vir die wysiging van jou huidige testament.

📞 018 004 0001
📧 [email protected]

04/09/2025

📜Formaliteite vir die opstel van ’n testament📜

Om geldig te wees, moet ’n testament aan die volgende vereistes voldoen:

☑️ Die testament moet geskrewe wees.
☑️ Die testament moet aan die einde daarvan onderteken word deur die testateur, of deur iemand anders in sy/haar teenwoordigheid en op sy/haar versoek.
☑️ Die handtekening moet óf deur die testateur self gemaak word, óf erken word deur die testateur indien dit deur iemand anders gemaak is.
☑️ Indien iemand anders namens die testateur onderteken, moet dit in die teenwoordigheid van die testateur en twee bevoegde getuies geskied.
☑️ Die getuies moet die testament onderteken in die teenwoordigheid van die testateur en van mekaar.
☑️ Indien die testament uit meer as een bladsy bestaan, moet elke bladsy ook deur die testateur of die persoon wat namens hom/haar onderteken het, geteken word.
☑️ Indien die testateur die testament deur middel van ’n merk teken, of iemand anders namens hom/haar teken, moet ’n Kommissaris van Ede bevestig dat hy/sy die identiteit van die testateur vasgestel het en dat die testament wel dié van die testateur is. Die Kommissaris van Ede moet ook elke bladsy van die testament teken (behalwe die bladsy waar sy/haar sertifikaat verskyn).

Kontak ons vandag nog om vir jou ń geldige testament op te stel!

📞 018 004 0001
📧 [email protected]

03/09/2025

🚫MITES OOR TESTAMENTE🚫

🥷🏻Mite 1:
❌“As ek sonder ’n testament sterf, gaan alles na die Staat.”
✅Die Intestate Erfopvolgingswet bepaal jou erfgename – soos jou gade, kinders of ouers. Slegs as daar glad geen erfgename is nie, gaan dit na die Voogdyfonds en uiteindelik na die Staat.

👩🏼‍⚖️Mite 2:
❌“My testament kan maar ongeldig wees, die hof sal dit regmaak.”
✅As jou testament nie aan die vereistes van die wet voldoen nie, kan dit ongeldig wees. ’n Hof kan soms ingryp, maar dit is duur, tydrowend en nie gewaarborg nie.

🧍🏻‍♂️Mite 3:
❌“Ek is jonk, enkellopend en het niks – ek het nie ’n testament nodig nie.”
✅Jy het waarskynlik tog bates soos ’n bankrekening, motor of pensioen. Boonop verlig ’n testament die las vir jou ouers of familie as jy sou sterf.

👩🏼‍🤝‍👨🏻Mite 4:
❌“My huweliksmaat het my volmag – dit is genoeg.”
✅'n Volmag verval by die dood. Net jou eksekuteur wat deur die Meester aangestel is, kan dan jou boedel hanteer.

🤓Mite 5:
❌“Ek kan sommer self ’n testament opstel.”
✅Alhoewel dit nie onwettig is nie, kan ’n fout jou testament ongeldig maak of familiegeskille veroorsaak. Regshulp voorkom duur foute en verseker dat jou wense duidelik is.

👨🏼‍🦳Mite 6:
❌“Ek het jare terug ’n testament gemaak – dit is goed genoeg.”
✅Huwelike, egskeidings, geboortes, sterftes en nuwe wette kan jou testament verouder. Hersien dit minstens een keer per jaar.

💸Mite 7:
❌“’n Testament is net vir ryk mense.”
✅’n Testament gaan nie net oor geld nie – dit bepaal ook sorg vir jou kinders of troeteldiere en maak die proses makliker vir jou geliefdes.

💰Mite 8:
❌“My skuld word afgeskryf as ek sterf.”
✅Skulde word eers betaal voordat erfgename enigiets kry.

📽️Mite 9:
❌"’n Video waarin ek my laaste wense deurgee geld as ń geldige testament."
✅Sonder ’n bykomende geskrewe testament wat aan al die wetlike formaliteite voldoen, is ’n “video-testament” ongeldig.

👶🏻 Mite 10
❌“Ek hoef nie my kinders se voogde in my testament aan te wys nie, hulle weet wie hulle is.”
✅As jou testament nie aanwys wie die voogde van jou kinders sal wees met jou afsterwe nie sal die hof bepaal wie hulle versorg – en hul erfgeld gaan in die Voogdyfonds.

’n Geldige testament beskerm jou geliefdes en verseker dat jou laaste wense gerespekteer word. Kontak ons vandag nog om jou testament op te stel.

📞 018 004 0001
📧 [email protected]

02/09/2025

🤔Wat jy moet weet van testamente:🤔

’n Testament is ’n geskrewe dokument waarin jy bepaal wat met jou bates gebeur ná jou afsterwe.

’n Testament is slegs geldig as dit:
✅voldoen aan die vereistes van die Wet op Testamente, 1953; en
✅vrywillig en met duidelike bedoeling opgestel is.

✔️Die beginsel van “testamentêre vryheid” beteken jy kan self kies aan wie jy jou bates wil nalaat.

Testaat: 📃
Indien jy ’n geldige testament het wat oor al jou bates beskik, sterf jy testaat – jou boedel word volgens jou testament afgehandel.

Intestaat:🚫
Sonder ’n geldige testament (of huweliksvoorwaardekontrak met testamentêre bepalings) sterf jy intestaat – jou boedel word ingevolge die Wet op Intestate Erfopvolging afgehandel.

✔️As jou testament net oor ’n deel van jou bates beskik, word jou boedel gedeeltelik testaat en gedeeltelik intestaat afgehandel.

✔️ Twee of meer testateurs kan saam ’n gesamentlike testament opstel.

Kontak ons gerus vir verdere inligting en navrae.
📞018 004 0001

01/09/2025

📜September is Testamente Maand!📜

Ter viering van Testamente Maand bied ons GRATIS opstel van testamente aan. Moet dit nie mis nie!

Hou ons Facebook-blad dop vir waardevolle wenke en inligting oor testamente, sodat jy jou wense en jou geliefdes se toekoms kan beskerm.

26/08/2025

🌸 Dis amper lente en troukoors gaan binnekort begin!
💍 Aandag alle voornemende egpare – weet julle watter huweliksgoederebedeling die beste vir julle is?

Wanneer jy trou, bepaal die Matrimonial Property Act 88 van 1984 watter stelsel op jou van toepassing is. Dit raak jou bates, skulde en selfs wat gebeur by egskeiding of dood.

Jou 3 opsies:

1️⃣ In gemeenskap van goedere (outomaties as daar geen kontrak is nie)
➡️ Alles – bates én skulde – word gesamentlik besit.
➡️ Risiko: Een gade se skuld kan die ander benadeel.

2️⃣ Buite gemeenskap van goedere (sonder aanwas)
➡️ Elke party hou sy/haar eie bates en skulde.
➡️ Geen verdeling van groei of winste.
➡️ Veilig teen skulde, maar kan onbillik wees.

3️⃣ Buite gemeenskap van goedere (met aanwas)
➡️ Elke party hou sy/haar eie bates/skulde.
➡️ Aan die einde van die huwelik word die groei (aanwas) gedeel.
➡️ Billik én beskermend.

⸻

👉 Hoekom belangrik?
Jou keuse raak jou finansiële sekuriteit vir die res van jou lewe. ’n Huweliksvoorwaardekontrak (ANC) voor die troue kan jou baie probleme later spaar.

💡 Raad: Raadpleeg altyd ’n prokureur/notaris om die regte stelsel vir jou omstandighede te kies.

12/08/2025

🏠 Huis te koop
📍 Geleë te Wolmaransstad.
📞 Kontak vir meer inligting: 079 904 7700

24/06/2025

🔵Vakante tydelike pos by Roux Botha Prokureurs🔵