13/09/2021
🔷 სტატისტიკური მონაცემების თანახმად, მსოფლიოს მოსახლეობის 70%-ს მიწა საკუთრებაში რეგისტრირებული არ აქვს, რაც მსოფლიო ეკონომიკის განვითარების პროცესს მნიშვნელოვნად აფერხებს. მიწის რეგისტრაციის პროცესში მთლიანი მოსახლეობის ჩართვა სახელმწიფოსთვის მნიშვნელოვან გამოწვევას წარმოადგენს.
▶️ მსოფლიო ბანკის ხელშეწყობით, 50-ზე მეტ ქვეყანაში მიწის ნაკვეთებზე უფლებათა სისტემური რეგისტრაციის პროექტები მიმდინარეობს.
უძრავი ქონების კადასტრისა და მიწის რეგისტრაციის პროექტის (RECRP) ფარგლებში, მსოფლიო ბანკის დახმარებით, მაკედონიის მთავრობამ საკუთრების კანონები და რეგულაციები შეცვალა, რის შედეგადაც ჩრდილოეთ მაკედონიის რესპუბლიკაში რეგისტრაციის პროცესი 10-ჯერ დაჩქარდა და არსებული მიწის ნაკვეთების 50%-ზე მეტი, ანუ 1.37 მილიონი ჰექტარი ოფიციალურ საკუთრებაში დარეგისტრირდა.
➩ თუ გაქვთ დაურეგისტრირებელი მიწის ნაკვეთი, საჯარო რეესტრის ეროვნული სააგენტო, მსოფლიო ბანკის მიერ დაფინანსებული პროექტის ფარგლებში, მფლობელობაში არსებული მიწის ნაკვეთების რეგისტრაციას სრულიად უფასოდ აწარმოებს.
➡ ნუ გადადებთ!
თქვენი მონაწილეობა მიწის სისტემური რეგისტრაციის პროექტში მნიშვნელოვანია ქვეყნის განვითარებისთვის.
წყარო: https://www.worldbank.org
