أيوب عبدالله مصطفي - Ayoub Abdullah Mustafa

أيوب عبدالله مصطفي - Ayoub Abdullah Mustafa Contact information, map and directions, contact form, opening hours, services, ratings, photos, videos and announcements from أيوب عبدالله مصطفي - Ayoub Abdullah Mustafa, Lawyer & Law Firm, السوق العربي, Khartoum.

- محام ومستشار قانوني سوداني.
- خبير في النظام القانوني السوداني.

{ ⚖️ القانون بحر لا ساحل له ⚖️ }

اللهم اجعل هذا العمل مما يرضيك عنه، و رفيعا لدرجاته، ومضاعفا لحسناته ، اللهم لا تجعل فيه رياء ولا سمعه، واجعله ذخرا له و في ميزان حسناته.

آمين.

🔴 التأجيل...متى يصبح سلاحا ضدك في ساحة القضاء؟في عالم الدعاوى القضائية لا يخلو ملف من جلسة يرفع فيها الطلب:(نلتمس التأجي...
09/09/2026

🔴 التأجيل...متى يصبح سلاحا ضدك في ساحة القضاء؟

في عالم الدعاوى القضائية لا يخلو ملف من جلسة يرفع فيها الطلب:

(نلتمس التأجيل… لمزيد من الاطلاع أو تقديم مستند).

في الظاهر يبدو طلبا بريئا…
لكن الحقيقة؟
التأجيل المتكرر قد يصبح تكتيكا خطيرا يستخدم لإرهاق الطرف الآخر.

▪️كيف؟

• زيادة أتعاب المحاماة والمصروفات القضائية.
• إطالة أمد النزاع حتى يمل الخصم ويتنازل.
• ضياع أدلة أو وفاة شاهد مهم بمرور الزمن.

وفي بعض الحالات التأجيل المتعمد يفقد الدعوى قوتها أو يعقد مسارها.

▪️ هنا تأتي أهمية الخبرة القانونية:

• معرفة متى يجب الاعتراض على التأجيل.
• متى يمكن قبوله لمصلحة الدعوى.
• وكيفية تسريع الفصل في النزاع دون الإضرار بالحق.

في النهاية الخبره ليست في كسب الدعوى فقط… بل في كسبها سريعا دون تعطيل أو مماطلة...تضر بمصلحة موكليك.

ختاما

قضيتك اتأجلت كم مرة؟ واخر تأجيل كان بسبب شنو؟

إبن/ أيوب عبدالله مصطفي - Ayoub Abdullah Mustafa

🔴 المستأجر ما دفع الإيجار ؟ كتير من أصحاب العقارات بفتكروا إنو طالما المستأجر ما دفع الإيجار فمن حقهم يطلعوا المستأجر م...
08/09/2026

🔴 المستأجر ما دفع الإيجار ؟

كتير من أصحاب العقارات بفتكروا إنو طالما المستأجر ما دفع الإيجار فمن حقهم يطلعوا المستأجر من البيت طوالي.

لكن هل القانون فعلا بديك الحق تعمل كده؟

الإجابة هي لا .... ما من حقك تطرده من بيتك حتي لو ما دفع الإيجار.

🔴 لكن ليه؟

لأنو القانون بفرق بين حق الملكية وبين حيازة العقار المستأجر ده لما دخل البيت دخله بموجب عقد وأصبحت حيازته للعقار حيازة قانونية ومشروعة ومعترف بيها.

فلما يحصل إخلال بالسداد الحيازة دي ما بتسقط بمزاج المؤجر وإنما بتسقط بمسار قانوني محدد.

🔴 طيب القانون بقول شنو؟

القانون السوداني منعا باتا إنك تاخد حقك بيدك وتحديدا في المادة 11 من قانون ايجار المباني

وكمان القواعد العامة في قانون المعاملات المدنية بتوضح إنو في حال فشل المستأجر أو تأخره في سداد الأجرة المستحقة من حق المؤجر يطالب بالإخلاء والمتأخرات ... لكن عبر وين؟

عبر قاضي المحكمة المدنية وبدعوى إخلاء رسمية

فالمحكمة هي وحدها البتحكم بالإخلاء وهي البتنفذ الإخلاء برضو ومنعت المؤجر تماما إنو يتصرف بإيدو نهائيا مهما كانت الأسباب.

🔴 شنو يعني الكلام ده؟

يعني لو المستأجر ما دفع وتصرفت بعصبية ومشيت طردته بيدك أو رميت أثاثاته برة البيت أو قطعت عنه الكهرباء والموية إنت هنا بتتحول في نظر القانون من صاحب حق ومظلوم.

إلى معتدي ومخالف للقانون ومسؤول جنائيا ومدنيا عن أي ضرر يحصل لعفشه أو أسرته.

🔴 لانو

التصرف الأهوج بيدخلك في بلاغ تعدي جنائي أو إتلاف مال والمستأجر الما دفع الإيجار ده زاتو بيرفع ضدك دعوى استرداد حيازة وتعويض والمحكمة بترجعه البيت وتبقى إنت الخسرت زمنك وقروشك وراحة بالك.

🔴 بس

ده ما معناهو إنو القانون بحمي المماطل ولا معناهو إنك تسكت على حقك

فالمحاكم استقرت على إنو بمجرد ما تثبت المتأخرات قبل أو وقت رفع الدعوى دون عرض مبرئ للذمة المحكمة بتأمر بالإخلاء دون اعتبار للأعذار الشخصية للمستأجر.

🔴 في النهايه الحق الوراهو مطالب ما بضيع لكن المطالبة الصحيحه هي الافضل والأسلم ليك إنت شخصيا.

تابع الصفحة عشان تعرف حقوقك القانونية بالتفصيل قبل ما تتصرف تصرف يكلفك أكتر من حقك الأصلي بكتير.

إبن/ أيوب عبدالله مصطفي - Ayoub Abdullah Mustafa

🔴 في ناس مفلسين... وعندهم مليارات!جد والله...ممكن تلقى زول حالتو المادية تعبانة شديد ساكن بالإيجار وعندو التزامات ما قاد...
07/09/2026

🔴 في ناس مفلسين... وعندهم مليارات!

جد والله...

ممكن تلقى زول حالتو المادية تعبانة شديد ساكن بالإيجار وعندو التزامات ما قادر يغطيها وأحيانا محتاج أبسط الأساسيات...

لكن في نفس الوقت لو فتشت وراه تلقى عندو ورثة بمبالغ كبيرة من أبوه أو أمه

دكاكين... أراضي زراعية... بيوت وعمارات... دهب... أو حتى قروش.

🟣 فالمشكله

ما بتكون انو ما عندو حق ... حقو موجود لكن ما قادر يصل ليهو.

البيت موجود لكن أخوه ساكن فيهو.

الدكان موجود لكن واحد من الورثة شغال فيهو ومستفيد منو.

الأرض موجودة لكن وارث تاني متصرف فيها.

وهو؟

ساكت.

ما لأنه ما محتاج ... لكن لأنه خايف من كلام الناس.

🟠 طيب ليه السكوت ده خطير؟

لانو السكوت ما بحل المشكلة بل بضخمها وبعقدها لانو الجيل الأول بسكت خجلا .. و الجيل الأول بم*وت ... وبعدو حيجي الجيل الثاني وفجأة بنلقى نفسنا أمام تركة ما فيها 4 ورثة بل فيها 30 حفيد كلهم عايزين حقهم وهنا بالجد الاسره ح تتفرتق وتتحول المسألة من قسمة واضحة وميسرة إلى نزاع مرير يستحيل حله وديا.

⚫ وعشان كدة في حاجة لازم نفرق بينها.

في فرق بين إنك تطالب بحقك ... وبين إنك تطمع في حق غيرك.

و الطمع إنك تاخد حاجة ما حقك ... لكن إنك تكون داير تعرف نصيبي من تركة أبوي وتوحد حقك

دي ما سرقة لأهلك ولا خيانة لإخوانك ... دي محاولة لاخذ حقك الشرعي كوارث.

🔵 والغلط أحيانا ما بيكون في المطالبة... الغلط بيكون في التأجيل.

لأنو في أسر كتيرة بتقول خليها بعدين أو نحن أخوان ما بنختلف او الزمن بحلها.

لكن الزمن ما بحل الحقوق المعلقة ... الزمن أحيانا بزيد عدد أصحابها ويعقدها أكتر.

🟢 طيب القانون بقول شنو؟

نص القانون علي أن الميراث حق عيني بيثبت للوارث بوفاة المورث وبدخل في ذمتو المالية بمجرد تحقق الوفاة...

القانون وضع ليك طرق وإجراءات قانونية واضحة ومحددة تقدر من خلالها تثبت حقك وتطالب بنصيبك حتي بدون موافقه الورثه

وتقدر تمنع استمرار التعدي أو الانتفاع بحقك بدون وجه حق.

⚫ في النهاية كتير بنسمع انو

الميراث فرق الإخوان.

لكن الحقيقة إنو الميراث ذاتو ما كان يوم سبب الفرقة... السبب الحقيقي هو الطريقة البنتعامل بيها معاهو وسكوتنا وحرجنا وبعض العادات البتخلي الحق يتأجل لحدي ما يتحول الخلاف الصغير لمشكلة كبيرة.

الحل الحقيقي إنو الحق يتعرف والأنصبة تتحدد وكل زول يستلم حقو بوضوح وعدل... عشان تفضل المحبة للأهل والحقوق لأصحابها.

🔴 سلمت زول شيك كضمان ... وبعد فترة لقيتو مقدم الشيك للمحكمة وفتح فيك بلاغ؟دي واحدة من أكتر المشاكل البتتكرر يوميا في الم...
06/09/2026

🔴 سلمت زول شيك كضمان ... وبعد فترة لقيتو مقدم الشيك للمحكمة وفتح فيك بلاغ؟

دي واحدة من أكتر المشاكل البتتكرر يوميا في المحاكم وأقسام الشرطة وبتخلي الزول يدخل في دوامة وتوتر شديد

خصوصا لما يلقى روحه مهدد بالحبس في ورقة هو أصلا كتبها بنية حسنة عشان يضمن حق الزول التاني وما كان متخيل إنه الورقة دي ممكن تدخله السجنظ

🟣طيب القانون بقول شنو؟

القانون الجنائي لسنة 1991م وتحديدا في المادة 179 عمل حماية قانونية صارمة للشيك عشان يحافظ على استقرار المعاملات التجارية.

فالقانون بشوف الشيك كأداة وفاء يعني زي الكاش تماما بتقبضه وتصرفه وما بشوفه كأداة ائتمان أو ضمان بمعنى أوضح الأصل إنه بمجرد ما وقعت شيك وسلمته لزول لازم يكون عندك رصيد بالمبلغ ده في حسابك فإذا طلع ما عنده رصيد كافي فالجريمة بتتحقق تلقائيا ما لم تثبت العكس.

🟡 لكن

المحكمة العليا في فرقت بوضوح شديد بين حالتين

1. شيك اتسلم عشان يندفع كقيمة بضاعة أو سداد دين حال وده شيك وفاء محمي بالمادة 179.

2. شيك اتسلم كأمانة أو رهن أو ضمان لتنفيذ عمل أو لحين تصفية حسابات وده شيك ضمان.

فإذا كان الاتفاق الحقيقي بينك وبين المستلم إنك سلمته الشيك ده كضمان فقط وممنوع يقدمه للصرف إلا إذا أخليت بشرط معين هنا الوضع القانوني بتغير تماما.

🟠 شنو يعني الكلام ده؟

يعني ببساطة المحكمة العليا استقرت على انو إعطاء الشيك بغرض الضمان أو الوديعة لا يعتبر إعطاء لصك بالمعنى القانوني لعدم وجود نية التخلي عنه نهائيا ودفعه للتداول والتعامل.

وبالتالي لا يشكل عنصرا للمساءلة الجنائية تحت المادة 179

يعني خروج الشيك من يدك ما كان بنية إنك تدفعه للسوق أو تصرفه كقروش وإنما كان محبوسا لغرض الحماية فقط واستغلال الشاكي ليه بتقديمه للمحكمة بكون مخالف لطبيعة التسليم.

🟢مثلا

أنت اشتريت عربية بنظام أقساط أو دخلت في مقاولة تشطيب بيتك وصاحب الشغل قال ليك أنا ما بعرفك أكتب لي شيك بالمبلغ الفلاني أخليه عندي ضمان ولمن تسلمني الشغل أو تسدد الأقساط بديك شيكك قمت كتبت الشيك واديته ليه.

هنا الشيك ما اتحرر عشان يصرفه بكرة الصباح ده اسمه شيك ضمان.

لو المقاول أو التاجر شال الشيك ده وطوالي جرى بيه للبنك وارتد وفتح بيك بلاغ هنا هو بيستغل الإجراءات الجنائية في التزام مدني بحت.

⚫ وهنا السوال؟

هل مجرد ما تقول للمحكمة أو للشرطة يا جماعة الشيك ده أنا مديهو ليه ضمان حيقوموا يشطبوا البلاغ ويخلوك تمشي بيتك؟

الجواب قطعا ... لا!

🟣 لانو المحكمة ما بتتعامل كدا

المحكمة بتتعامل بالبينات والأوراق والمستندات و عبء إثبات إنه الشيك كان للضمان بقع عليك أنت كمتهم كما هو مستقر في قضاء المحكمة لو ما عندك دليل يثبت إنه الشيك كان ضمان المحكمة حتعتبره شيك وفاء صادر لالتزام قائم وحتطبق عليك المادة 179 بكل حزم.

🟡 لكن

لو قدرت تثبت طبيعة المعاملة بالمستندات والشهود فالبلاغ الجنائي حيتشطب بموجب المادة 141 من قانون الإجراءات الجنائية لسنة 1991م ممكن كمان يتعرض الطرف التاني لمساءلة حول سوء استغلال الإجراءات القانونية إذا كان هناك غش أو احتيال بموجب المادة 178 من القانون الجنائي.

🟢 في النهايه

القانون لا يحمي المغفلين ... لكنه بالتأكيد يحمي الواعين بحقوقهم والملتزمين بتوثيق معاملاتهم احفظوا حقوقكم بالورقة والقلم واستشيروا قبل ما توقعوا.

ولو عندك شيك سلمتو كضمان وافتح فيك بلاغ؟

اكتب (شيك ضمان) في التعليقات ونوضح ليك أهم حاجة لازم تثبتها.

🔴 طليقتك اتزوجت... هل كده خلاص نفقتك على أولادك انتهت؟طليقتك اتزوجت؟ كويس… لكن قبل ما تقول خلاص أنا بعدا ما عندي علاقة ب...
05/09/2026

🔴 طليقتك اتزوجت... هل كده خلاص نفقتك على أولادك انتهت؟

طليقتك اتزوجت؟ كويس… لكن قبل ما تقول خلاص أنا بعدا ما عندي علاقة بالنفقة لازم تنتبه لحاجة مهمة جدا.

زواج الأم ما معناه تلقائيا انتهاء نفقة الأولاد.

🟡 المشكله

إنو الناس بتفتكر النفقة دي بتسقط إذا الأم اتزوجت وكدا خلاص الأب اتحل من النفقة تماما.

لكن الاعتقاد ده غير صحيح قانونا والاعتماد عليه قد يسبب لك مشاكل كبيرة.

🟢 فالماده 18 من قانون الأحوال الشخصية

تقرر واجب الأب في الإشراف والإنفاق والتربية .... والانفاق هنا يقصد به النفقة التي تدفعها لأولادك من طعام و لبس و علاج و تعليم.

و النفقه دي مرتبط بكونك انته الأب ولا تسقط منك ابدا ... ولا علاقة له بمن تزوجت طليقتك أو أين تعيش.

كما أن القانون لا يلزم زوج الأم بالإنفاق على أولاد زوجته من رجل آخر فالمسؤولية تظل كاملة على عاتقك أنت كأب.

🟠 فإذا امتنعت عن دفع النفقه بحجة انها اتزوجت

حتبقى النفقه دي دين بيتراكم عليك شهر ورا شهر وده بيعتبر دين ممتاز لا بسقط مع الزمن ولا حتي بالإفلاس

وإذا رفعت الأم أو من ينوب عن الصغار أمر تنفيذ عليك هنا انته لو ما دفعت مصيرك سيكون الحبس الإجباري بموجب أمر التنفيذ الي حين السداد.

⚫ ختاما

هل تعتقد أن القوانين الحالية تنصف الأب في قضايا الحضانة والنفقة؟ شاركنا برأيك في التعليقات..

أو اكتب (تجربة) ذا كنت قد مررت بموقف مشابه لتستفيد من نقاشات المتابعين حول كيفية التعامل مع هذه المواقف.

عايز المال ؟ ادخل بزنس عايز المكانه ؟ ادخل طب بشري عايز العلم ؟ ادخل علوم عايز الهيبه ؟ ادخل حربيهعايزهم كلهم ؟ ادخل كلي...
04/09/2026

عايز المال ؟ ادخل بزنس
عايز المكانه ؟ ادخل طب بشري
عايز العلم ؟ ادخل علوم
عايز الهيبه ؟ ادخل حربيه

عايزهم كلهم ؟

ادخل كلية القانون ⚖️.

🔴 كارثة التناسب في القانون الجنائيفي أروقة المحاكم نجد أنفسنا أمام مفارقة قانونية وأخلاقية مرعبة تكشفها السوابق القضائية...
03/09/2026

🔴 كارثة التناسب في القانون الجنائي

في أروقة المحاكم نجد أنفسنا أمام مفارقة قانونية وأخلاقية مرعبة تكشفها السوابق القضائية.

ووجدت نفسي أمام سؤال لا أستطيع تجاهله هل يفهم القانون الإنسان كما هو فعلا أم كما يفترض أن يكون؟

🟡 كيف ؟

فوفقا لما استقر عليه قضاء المحكمة العليا في سوابق تاريخية حاسمة مثل سابقه (حكومة السودان ضد سنوسي على بله - م ع/م ك/50/1988).

إذا وجه شخص لك إهانة بالغة تمس كرامتك أو رجولتك أو تفاجأت به في موقف خيانة مع زوجتك فقمت واستللت سلاحا وطعنته عدة طعنات قاتلة في الصدر والقلب فإن القانون لا يحاسبك ولا يوقع عليك الاعدام استنادا لمبدا ( الاستفزاز الشديد والمفاجئ - المادة 249 )

فالقانون لا يشترط التناسب في الاستفزاز مستندا إلى حجة أن الإنسان المثار يفقد صوابه ويسقط عنه التمييز ولا يعقل إلزامه بأن يتصرف بتهذيب في مثل هذا الظروف.

🟤 لكن ... وللاسف

إذا تهجم عليك نفس شخص السابق يريد قتلك بسلاح وأردت حماية روحك وتستخدم حقك في الدفاع الشرعي الذي اباحه لك الشرع نفسه.

تجد أن القانون في المادتين 55 و 249 يقف لك بالمرصاد ويشترط عليك التناسب الصارم بين الرد والعدوان فإذا سددت للمعتدي ضربة دفاعية أسقطته أرضا ولكنك ( من فرط رعبك وخشيتك أن يعود للفتك بك ) واصلت ضربه لتأمين حياتك يعتبرك القانون فورا متجاوزا للحق ويسقط عنك البراءة ويدينك بالقتل وتدخل السجن لسنوات طويلة!

🟢 لكن ... لماذا؟

لماذا يعفي الفقه والقضاء الجنائي الشخص (المستفز) من شرط التناسب بمبرر أنه فقد السيطرة على أعصابه ويرفض ذات المبرر للشخص (المعتدى عليه المذعور) الذي يوشك علي الموت و يدافع عن حياته؟

كيف يمنح القانون (المستفز) البراءة من شرط التناسب لأنه فقد عقله بينما يطالب (المذعور) الذي يواجه الموت بأن يكون حكيما وهادئا ويحسب ضرباته بدقة؟

أليس الخوف من الموت أقوى قهرا للإرادة من الغضب الناتج عن مجرد شتيمة؟

🟣 أعتقد أن الحل

للخروج من هذا المأزق القانوني يتطلب من المشرع و القضاء السوداني الانتقال من فلسفة الجمود الإجرائي إلى الواقعية النفسية

ليكون في الحكم علي الاقل شيء من العدل و الرحمه.

⚫ في النهايه

هل تؤيدون تعديل القانون ليساوي بين المستفز و المذعورفي أم ترون أن التشدد مع المدافع ضروري لمنع تحول الدفاع الشرعي إلى ذريعة للانتقأيوب عبدالله مصطفي - Ayoub Abdullah Mustafastafastafa

.السكران دة يا جماعة في العرف بنقول عليهو (مسكين وما واعي) وبنحاول نلملم ليهو الموضوع ونقول (ربنا يهديه ويخلي البعمل في...
02/09/2026

.

السكران دة يا جماعة في العرف بنقول عليهو (مسكين وما واعي) وبنحاول نلملم ليهو الموضوع ونقول (ربنا يهديه ويخلي البعمل فيهو ده).

؟

القانون ما عندو حاجة اسمها كنت سكران ما عارف نفسي سويت شنو السكر ده ما حصانة ولا هو عذر يخليك تكتل أو تسرق أو تضرب وتقول كنت سكران...والقانون بقول ليك شلتها بيدك؟ يلا شيل شيلتك.

؟

عشان القانون السوداني في المادة (10) من قانون الجنائى 1991م، فرق بين حالتين:
#أولا: الحالة البتخارجك (ودي نادرة):

لو إنت كنت ماشي في أمان الله وزول كتفك وأداك مادة مسكرة بـ #الإكراه أو كنت في حالة #ضرورة (علاج مثلا) أو أدوك ليها (ختوها ليك في عصير).. هنا لو ارتكبت جريمة وإنت في الحالة دي القانون بيقول إنت ما مسؤول جنائيا لأنك ما كنت قاصد تفقد عقلك.

#ثانياً: الحالة البتوديك (ودي الواقعية):

لو مشيت برجيلك واشتريت بقروشك وقعدت و شربت أو بلعت أو شميت لحدي ما فقدت عقلك.. هنا إنت مسؤول مسؤولية كاملة عن أي جريمه أو فعل عملتو والقانون بيعتبرك كأنك كنت واعي ومدرك تماما لنتائج أفعالك.

؟

إنه كونك تسكر عشان تكتل قلبك وتعمل جريمة وتفتكر إنك كدة لقيت ثغرة ده فهم غلط وبوديك السجن طوالي لانو القانون السوداني شايف انك إنت الجنيت على عقلك وعشان كدا إنت المسؤول عن أفعالك.

.

لو السكران ده ارتكب جريمة وجا وقف قدام مولانا القاضي وقال: (والله يا مولانا أنا كنت سكران وما عارف السكين دي دخلت في الزول ده كيف).
هنا مولانا ما بشتغال بي كلاموا ده نهائى وبشتغال بنص المادة (10) الفقرة (ج):
(فإذا كان ذلك باختياره وعلمه وبغير ضرورة يعد مسؤولا عن فعله كما لو صدر منه الفعل بغير إسكار أو تخدير).

؟

يعني السجن السجن ي الحبيب والقصاص هو القصاص حتي لو كنت سكران وكمان السكر ده بيبقى عليك جنايتين جناية السكر (لو كنت مسلم) وجناية الفعل الارتكبتو.

#ختاما

كتير من الشباب مفتكرين إنو السكر بيخفف الحكم.. وده فهم غلط تماما زي ما شفنا قبل شويه.
فما تضيع مستقبلك ومستقبل غيرك بكاسة أو حبة وتفتكر إنو القانون حيقول ليك معليش كنت سكرا.....لالالا القانون ح يصحيك في الحراسة وحيوعيك في السجن اعرف حدودك واعرف مصلحتك .. وأهم شي خليك عارف إنو السكر ساعات لكن السجن سنوات.

ربنا يصلح الحال.

إبن/ أيوب عبدالله مصطفي - Ayoub Abdullah Mustafa

🔴 أنا منفصل عن زوجتي وعندي أولاد مانعني أشوفهم.دي جملة بنسمعها كتير وبقت تتكرر في مجتمعنا بصورة واضحه وبتعكس أزمة حقيقية...
31/08/2026

🔴 أنا منفصل عن زوجتي وعندي أولاد مانعني أشوفهم.

دي جملة بنسمعها كتير وبقت تتكرر في مجتمعنا بصورة واضحه وبتعكس أزمة حقيقية بتمر بيها بيوت كتيرة بعد الانفصال.

🟣 لكن ليه؟

السبب في الغالب بكون إنه بعد الطلاق بتتحول مشاعر الخصومة والزعل بين الزوجين لمعركة تكسير عظام وبيتحولوا الأولاد لوسيلة ضغط أو نوع من العقاب للطرف التاني.

فالأب بحس إنه اتحرم من عياله والأم بتشوف إنها بتحمي أولادها أو بتنتقم لنفسها والنتيجة الحتمية هي قطع صلة رحم ربنا أمر إنها توصل.

⚫ طيب القانون بقول شنو؟

اقر القانون بأن حق الرؤية والزيارة حق أصيل لا يسقط فلا يجوز للحاضنه ابدا منع الطرف الآخر من رؤية ولده

وحتى وجود خلافات أو نزاعات زوجية لا يسقط هذا الحق بل يمكن للمحكمة في حال الامتناع أن تتدخل وتحدد زمانا ومكانا مناسبين للرؤية ويكون أمر القاضي في ذلك مشمولا بالنفاذ المعجل أي أنه واجب التنفيذ فورا.

🟠 شنو يعني الكلام ده؟

يعني ببساطة ما في حاجة اسمها (ما بتشوفهم نهائي) حقك في الرؤية مضمون بالقانون وما بيسقط حتى لو أسقطت الحضانة لأي سبب كان ولكن طريقة الرؤية ومواعيدها بتتنظم من قبل القضاء بحيث ما تخل بحياة الأطفال واستقرارهم.

🔵 لكن في حاجه

في ناس بفتكروا إنه التنفيذ بتم بالقوة الجبرية وهنا القضاء السوداني كان حكيم جدا ومنع ذالك

فالمحاكم بتشوف إن القوة الجبرية بتتنافى مع غاية صلة الرحم وبتسيب أثر نفسي سيء على الأطفال عشان كدا القاضي عنده سلطات تانية للتعامل مع الطرف الممتنع بدون عذر

زي الإنذار والجزاءات التقديرية وفي المقابل لو المحكوم له تأخر بدون عذر أو استغل الاستصحاب للكيد القاضي برضه بحرمه مؤقتا لضبط التنفيذ.

🟡 عموما

المحضون محتاج حنان أمه ورعايتها اليومية وفي نفس الوقت محتاج هيبة أبوه وتوجيهه وسنده.

لذلك حرمان الطفل من أبوه بطلع طفل مشوه نفسيا وحرمان الأب من ابنه ظلم بين ما برضاه لا دين ولا قانون ولا عرف سوداني أصيل.

🟤 في النهايه

القانون بحميك وبديك حقك كامل متى ما لجأت ليه عبر دعوى رؤية وزيارة واستصحاب لكن الوعي الأخلاقي والإنساني هو الضمانة الحقيقية لتربية جيل معافى

ربنا يصلح الحال ويهدي النفوس لما فيه خير .

🔴 سلفت زول مبلغ كبير وقال لي حيرجعو بعد شهر ... مرت سنة ولي هسي ما رجعوا؟ الموضوع ده حاصل في بيوت كتيرة وبين ناس قريبين ...
30/08/2026

🔴 سلفت زول مبلغ كبير وقال لي حيرجعو بعد شهر ... مرت سنة ولي هسي ما رجعوا؟

الموضوع ده حاصل في بيوت كتيرة وبين ناس قريبين من بعض ... زول دين زول مبلغ كبير عشان يساعدو في ظرف معين.

واتفقوا من البداية انو القروش دي حترجع بعد شهر ... لكن الشهر انتهى والقروش ما رجعت و جاء الشهر التاني وانتهى ... والقروش برضو ما رجعت.

صاحب القروش يمشي يسأل بأدب ... يا فلان القروش محتاجنها
يقول ليهو اصبر علي شوية وصاحب القروش يقول ما مشكلة.

ومرت الشهور و كل مرة يسأل يقول ليهو اصبر.

🔴 لكن ليه؟

ليه بقينا بنتعامل مع أموال الناس وحقوقهم كأنها حاجة ثانوية بتعتمد على المزاج؟

الزول السلفك دا ما سلفك عشان عنده قروش زايدة سلفك لأنه قدر موقفك ووثق فيك وربما حرم نفسه أو أسرته من التزامات تانية عشان يقيف معاك في لحظة حرجة.

فليه المقابل يكون المماطلة وتأجيل السداد من شهر لشهر لحدي ما السنة تكتمل؟

🔴 المشكلة الحقيقية ما في تعثر الظروف

لأن الدنيا فعلا فيها تقلبات والزمن دا ضاغط على الجميع لكن المشكلة في أسلوب التعامل بعد التعثر يعني الزول بدل ما يبادر يعتذر أو حتى يدفع جزء من المبلغ ولو بسيط عشان يثبت حسن نيته

بيكتفي بس بكلمة اصبر وكأنه صاحب الحق هو الغلطان لأنه طالب بحقه

🔴 طيب القانون بقول شنو؟

القانون في الأصل ما بيحمي التهاون في الحقوق المالية و قانون المعاملات المدنية بيعتبر السلفية التزاما واجب الوفاء في أجله المحدد.

وإذا ما اتحدد أجل أو انقضى الأجل المتفق عليه فبمجرد المطالبة بيصبح المدين في حالة مطل وتأخير يوجب إلزامه بالسداد قانونا أمام القضاء وبقوله القانون.

🔴 شنو يعني الكلام ده؟

الكلام دا معناه إنك لما تستلم قروش من زول على سبيل الدين ذمتك القانونية والمالية بتفضل مشغولة ومحبوسة بالدين دا لحدي ما تثبت إنك رديت الأمانة لأهلها.

🔴 لكن في نقطه مهمه جدا ... الاثبات

نحن كقانونين بنشوف يوميا في المحاكم قضايا ادمرت فيها علاقات رحم وصداقات عمرها عشرات السنين بسبب مبالغ مالية استلمت بدافع الثقه ومن غير ورقة تثبت الحق.

والمشكلة انو المحكمة بتتعامل بالبينات والأدلة ولما تضيع البينة صاحب الحق بيقيف في موقف صعب جدا لإثبات حقه إلا باليمين أو القرائن الشحيحة ... وغالبا ما يفشل في الإثبات.

🔴 وهنا السوال ... ليه نحنا ما بنكتب الدين؟

هل الحياء والعشم والثقه البين المعارف مفروض يكون سبب لضياع الحقوق؟ وهل توثيق الدين وكتابته بنقص من المروءة والشهامة في مجتمعنا؟

🔴 وعشان كدا ربنا سبحانه وتعالى

امرنا في أطول آية في القرآن آية الدين بالكتابة والإشهاد عشان النفوس ما تتغير وعشان القلوب ما تتقلب والنسيان ما يدخل بين الناس.

الكتابة ما معناها عدم ثقة الكتابة هي اللي بتحفظ الأخوة وبتبعد الشيطان وبتخلي المعاملة واضحة ونظيفة.

🔴 عشان كدا بقول للطرفين

للزول المستدين:

اتذكر إن أموال الناس ما لعبة وإن المروءة البتخلي الزول يقيف معاك بتفرض عليك تكون أحرص منه على قروشه وإذا اتعثرت اتواصل اتفاهم سدد بالتقسيط لكن ما تختفي أو تتجاهل

و للزول السلف:

الشهامة مطلوبة والوقفة مع الناس أجرها كبير لكن دايما وثق حقك خلي في تحويل بنكي واضح أو إيصال أو رسالة رسمية تثبت المبلغ والأجل عشان تحمي مالك وتحفظ علاقتك في نفس الوقت.

🔴 في النهايه

القروش بتتعوض لكن الثقة لما تنكسر والمروءة لما تموت بين الناس دا الخسران الحقيقي للمجتمع

نسأل الله أن يقضي الدين عن المدينين وأن يبارك لكل صاحب يد بيضاء في ماله وأهله وعافيته.

Address

السوق العربي
Khartoum

Website

Alerts

Be the first to know and let us send you an email when أيوب عبدالله مصطفي - Ayoub Abdullah Mustafa posts news and promotions. Your email address will not be used for any other purpose, and you can unsubscribe at any time.

Shortcuts

Share

Category