25/02/2026
پاکستان یوتھ پارلیمنٹ لاہور کے وفد کا پارلیمنٹ ہاؤس کا دورہ۔
اپاکستان یوتھ پارلیمنٹ لاہور کے55 رکنی وفد نے پارلیمنٹ ہاؤس اسلام آباد کا دورہ کیا۔سینیٹ کے اعلیٰ حکام نے وفد کو خوش آمدید کہا۔
وفد کو سینیٹ میوزیم کا دورہ کرایا گیاجہاں انہیں سینیٹ کی تاریخ، اہم واقعات، اور پارلیمانی ارتقاء پر مبنی ایک جامع ڈاکیومنٹری دکھائی گئی۔ اس ڈاکیومنٹری کے ذریعے وفد کو پارلیمانی روایات، سینیٹ کے کردار اور آئینی اہمیت کے بارے میں بصیرت حاصل ہوئی۔اس موقع پر وفد کو سینیٹ کی”گلی دستور“ کا بھی دورہ کرایا گیا جو پاکستان کے آئینی سفر، اہم قومی دستاویزات اور تاریخی لمحات کی تصویری و دستاویزی شکل میں عکاسی کرتی ہے۔
بعد ازاں وفد کو سینیٹ ہال کا بھی دورہ کرایا گیا۔وفد نے سینیٹ ہال میں جاری اجلاس کی کارروائی کا مشاہدہ کیا۔ وفد کو قانون سازی کے مراحل، پارلیمانی طریقہ کار اور ایوان بالا کی عملی کارروائیوں کے بارے بھی آگاہ کیا گیا۔وفد نے اس دورے کو انتہائی مفید اور معلوماتی قرار دیتے ہوئے سینیٹ حکام کا شکریہ ادا کیا اور اس امید کا اظہار کیا کہ مستقبل میں بھی ایسے مطالعاتی دورے تسلسل کے ساتھ جاری رہیں گے تاکہ قانون سازی کے عمل اور پارلیمانی نظام بارے آگاہی حاصل ہو سکے۔
***********
