Lakki Marwat Police

Call Website Contact the business

Lakki Marwat Police Official Page of District Lakki Marwat Police, KPK

لکی مروت: تھانہ نورنگ پولیس کی مختلف کامیاب کاروائیاں، قتل کے مقدمہ میں مطلوب مجرم اشتہاری سمیت پولیس کو مطلوب 5 ملزمان ...
27/09/2026

لکی مروت: تھانہ نورنگ پولیس کی مختلف کامیاب کاروائیاں، قتل کے مقدمہ میں مطلوب مجرم اشتہاری سمیت پولیس کو مطلوب 5 ملزمان گرفتار، اسلحہ و کارتوس برآمد۔

ڈی پی او لکی مروت سجاد احمد صاحبزادہ کی خصوصی ہدایات پر ضلع بھر میں جرائم پیشہ عناصر اور پولیس کو مطلوب ملزمان کے خلاف کاروائیاں جاری ہیں۔
اسی سلسلے میں تھانہ نورنگ پولیس نے ایس ایچ او قدرت اللہ خان کی قیادت میں مختلف کاروائیوں کے دوران قتل کے مقدمہ میں مطلوب مجرم اشتہاری سمیت پولیس کو مطلوب 5 ملزمان کو گرفتار کرلیا۔
گرفتار ملزمان کے قبضے سے ایک کلاشنکوف، ایک رپیٹر بارہ بور، ایک ایم فور رائفل، 4 عدد پستول اور مختلف بور کے متعدد کارتوس برآمد کرلیے گئے۔

پولیس نے گرفتار ملزمان کوحوالات منتقل کرتے ہوئے مزید تفتیش شروع کردی گئ ہیں ۔

لکی مروت: شہباز خیل پولیس کی کامیاب کاروائی، پولیس مقابلے میں سنگین مقدمات میں مطلوب اشتہاری ملزم ہلاک، ایس ایم جی برآمد...
27/09/2026

لکی مروت: شہباز خیل پولیس کی کامیاب کاروائی، پولیس مقابلے میں سنگین مقدمات میں مطلوب اشتہاری ملزم ہلاک، ایس ایم جی برآمد۔

لکی مروت: تھانہ شہباز خیل کی حدود حیات خیل روڈ پر ڈکیتی کی نیت سے موجود ڈاکوؤں کے گروہ کی اطلاع پر ایس ایچ او شہباز خیل کی قیادت میں پولیس نفری فوری طور پر موقع پر پہنچ گئی۔ پولیس پارٹی کو دیکھتے ہی ڈکیت گروہ نے فائرنگ شروع کردی، جس پر پولیس نے فوری کاروائی کرتے ہوئے جوابی فائرنگ کی۔ فائرنگ کے تبادلے کے دوران سنگین مقدمات میں مطلوب اشتہاری ڈکیت عبدالرحمان سکنہ حیات خیل ہلاک ہوگیا، جبکہ موقع سے ایس ایم جی بمعہ میگزین برآمد کرلی گئی۔

تفصیلات کے مطابق تھانہ شہباز خیل پولیس کو اطلاع موصول ہوئی کہ تھانہ شہباز خیل کی حدود حیات خیل روڈ پر ڈاکوؤں کا ایک گروہ ڈکیتی کی واردات کی نیت سے موجود ہے۔ اطلاع ملتے ہی ایس ایچ او شہباز خیل پولیس نفری کے ہمراہ فوری طور پر موقع پر پہنچے، جہاں پولیس کا مسلح افراد سے سامنا ہوا۔
پولیس پارٹی کو دیکھتے ہی ڈاکوؤں نے فائرنگ شروع کردی، جس پر پولیس اہلکاروں نے اپنی حفاظت میں جوابی فائرنگ کی۔ فائرنگ کے تبادلے کے بعد علاقے کی سرچ کے دوران ایک شخص کی لاش برآمد ہوئی، جسے پولیس نے تحویل میں لے لیا۔ ہلاک ہونے والے شخص کی شناخت عبدالرحمان ولد محمد غلام سکنہ حیات خیل کے نام سے ہوئی، جو پولیس ریکارڈ کے مطابق سنگین مقدمات میں مطلوب اشتہاری ملزم تھا۔

موقع سے ایک ایس ایم جی بمعہ میگزین بھی برآمد کی گئی۔ پولیس ریکارڈ کے مطابق مذکورہ اشتہاری ملزم تھانہ شہباز خیل اور تھانہ پیزو پولیس کو مختلف مقدمات میں مطلوب تھا۔

مذکورہ ملزم کے خلاف تھانہ شہباز خیل میں ایف آئی آر نمبر 230 مورخہ 11.10.2025 زیر دفعات 9-C انسداد منشیات ایکٹ/115-CNSA، ایف آئی آر نمبر 110 مورخہ 05/2025 زیر دفعات 9-C CNSA/11-4 CNSA/15-A، ایف آئی آر نمبر 20 مورخہ 02/2025 زیر دفعات 324، 353، SESA، 15-AA، 153، 202، 212، 224، 225، 147، 149، 143، 337-A(i)، ایف آئی آر نمبر 29 مورخہ 02/2025 زیر دفعہ 15-AA، ایف آئی آر نمبر 336 مورخہ 12/2024، ایف آئی آر نمبر 274 مورخہ 04/2024 اور ایف آئی آر نمبر 256 مورخہ 09/2024 زیر دفعہ 15-AA درج تھے۔

اسی طرح تھانہ پیزو میں مذکورہ ملزم کے خلاف ایف آئی آر نمبر 302 مورخہ 11/2024 زیر دفعہ 15-AA، ایف آئی آر نمبر 288 مورخہ 09/2023 زیر دفعہ 9-C CNSA، ایف آئی آر نمبر 371 مورخہ 09/2019 زیر دفعات 324/34، ایف آئی آر نمبر 110 مورخہ 04/2017 زیر دفعہ 3/4، ایف آئی آر نمبر 266 مورخہ 05/2014 زیر دفعہ 3/4 اور ایف آئی آر نمبر 408 مورخہ 09/2012 زیر دفعات 379/34 درج تھے۔

پولیس کارروائی کے دوران ملزم کے دیگر ساتھی اندھیرے کا فائدہ اٹھاتے ہوئے موقع سے فرار ہوگئے، جن کی گرفتاری کے لیے تلاش جاری ہے۔ پولیس پارٹی کارروائی کے بعد بحفاظت تھانہ شہباز خیل واپس پہنچ گئی۔

ڈی پی او لکی مروت سجاد احمد صاحبزادہ نے کامیاب کاروائی پر ایس ایچ او شہباز خیل اور کاروائی میں حصہ لینے والی پولیس ٹیم کو شاباش دیتے ہوئے ان کے لیے تعریفی اسناد اور نقد انعام دینے کا اعلان کیا۔

لکی مروت: پولیس اور سی ٹی ڈی کا مشترکہ آپریشن، دہشت گرد کمانڈر منظور ہلاک، علاقے میں وسیع پیمانے پر سرچ آپریشن جاری۔لکی ...
27/09/2026

لکی مروت: پولیس اور سی ٹی ڈی کا مشترکہ آپریشن، دہشت گرد کمانڈر منظور ہلاک، علاقے میں وسیع پیمانے پر سرچ آپریشن جاری۔

لکی مروت: پولیس اور سی ٹی ڈی کے مشترکہ آپریشن کے دوران شہریوں پر قاتلانہ حملے اور سنگین دہشت گردی کے مقدمات میں مطلوب مقامی دہشت گرد کمانڈر منظور ولد عزت سکنہ عبدالخیل ہلاک ہوگیا، جبکہ دیگر دہشت گردوں کے خلاف علاقے میں وسیع پیمانے پر سرچ اور کومبنگ آپریشن جاری ہے۔

تفصیلات کے مطابق گزشتہ روز عبدالخیل کے علاقے میں رکشے میں میچ کھیلنے کے بعد واپس جانے والے کھلاڑیوں پر دہشت گردوں نے حملہ کیا، جس کے نتیجے میں تین جوان شہید جبکہ تین زخمی ہوئے۔

واقعے کی اطلاع ملتے ہی ڈی پی او لکی مروت سجاد احمد صاحبزادہ کی ہدایات پر بھاری پولیس نفری اور سی ٹی ڈی اہلکار فوری طور پر جائے وقوعہ پر پہنچ گئے اور علاقے کو گھیرے میں لے کر سرچ آپریشن شروع کردیا۔ ڈی پی او لکی مروت سجاد احمد صاحبزادہ کی نگرانی میں پولیس اور سی ٹی ڈی کا مشترکہ آپریشن کئی گھنٹوں تک جاری رہا۔

آپریشن کے دوران پولیس اور سی ٹی ڈی اہلکاروں کا دہشت گردوں کے ساتھ فائرنگ کا تبادلہ ہوا، جس کے نتیجے میں شہریوں پر قاتلانہ حملے میں ملوث اور سی ٹی ڈی کو سنگین دہشت گردی کے مقدمات میں مطلوب مقامی دہشت گرد کمانڈر منظور ولد عزت سکنہ عبدالخیل ہلاک ہوگیا۔ ہلاک دہشت گرد کی لاش پولیس نے تحویل میں لے لی۔

پولیس ریکارڈ کے مطابق ہلاک ہونے والا دہشت گرد کمانڈر سی ٹی ڈی بنوں کے درج ذیل سنگین مقدمات میں مطلوب تھا:
1. FIR No.135 Dated 01-12-2024 U/S 302-324-353-427-148-149-3/4ESA-5ESA-7ATA PS CTD Bannu,
2. FIR No.46 Dated 15-03-2025 U/S 324-353-427-148-149-7ATA PS CTD Bannu,
3. FIR No.81 Dated 21-04-2025 U/S 436-427-404-148-149-5ESA-11 (F2)-11OOOATA-352-449-395-7ATA PS CTD Bannu,
4. FIR No.101 Dated 10-05-2025 U/S 324-449-511-11OOO-11F(2)-148-149-7ATA PS CTD Bannu,
5. FIR No.333 Dated 15-10-2025 U/S 324-353-5ESA-148-149-15AA-11F(2)-11OOO-7ATA PS CTD Bannu
6. FIR No 38 dated 30-01-2026 u/s 324-353-427-120B-148-149-11F-7ATA-4/5ESA PS CTD Bannu
7. FIR NO 213 Dated 01-09-2026 u/s 324-353-3/4/5ESA-15AA-11F(2)-11OOO-7ATA PS CTD Bannu
پولیس اور سی ٹی ڈی کی جانب سے علاقے میں دیگر دہشت گردوں کی تلاش اور گرفتاری کے لیے وسیع پیمانے پر سرچ آپریشن جاری ہے۔

لکی مروت: تھانہ لکی سٹی پولیس کی کامیاب کاروائی، قتل و اقدام قتل کے مقدمہ میں نامزد ملزم گرفتار، اسلحہ برآمد۔لکی مروت()ڈ...
26/09/2026

لکی مروت: تھانہ لکی سٹی پولیس کی کامیاب کاروائی، قتل و اقدام قتل کے مقدمہ میں نامزد ملزم گرفتار، اسلحہ برآمد۔

لکی مروت()ڈی پی او لکی مروت سجاد احمد صاحبزادہ کی خصوصی ہدایات پر جرائم پیشہ اور پولیس کو مطلوب عناصر کے خلاف کاروائیاں جاری ہیں۔

تفصیلات کے مطابق ایس ایچ او تھانہ لکی سٹی عمران خان کی قیادت میں پولیس نے دوران گشت کامیاب کاروائی کرتے ہوئے قتل اور اقدام قتل کے مقدمہ میں نامزد اور پولیس کو مطلوب ملزم فردین ولد اسلم، سکنہ محلہ سرکی خیل لکی سٹی، کو گرفتار کرلیا۔
پولیس نے گرفتار ملزم کے قبضے سے ایک عدد رائفل بمعہ کارتوس برآمد کرلی جبکہ گرفتار ملزم کو حوالات منتقل کرتے ہوئے تفتیش شروع کردی گئ ہیں ۔

لکی مروت: تھانہ لکی سٹی پولیس کا قتل کے مقدمہ میں نامزد سابقہ کریمنل ریکارڈ یافتہ ملزم سے فائرنگ کا تبادلہ،ملزم زخمی حال...
26/09/2026

لکی مروت: تھانہ لکی سٹی پولیس کا قتل کے مقدمہ میں نامزد سابقہ کریمنل ریکارڈ یافتہ ملزم سے فائرنگ کا تبادلہ،ملزم زخمی حالت میں گرفتار، کلاشنکوف اور متعدد کارتوس برآمد۔

ڈی پی او لکی مروت سجاد احمد صاحبزادہ کی خصوصی ہدایات پر تھانہ لکی سٹی پولیس نے جرائم پیشہ عناصر کے خلاف کاروائی کرتے ہوئے قتل کے مقدمہ میں نامزد سابقہ کریمنل ریکارڈ یافتہ ملزم اشفاق ولد حنیف سکنہ محلہ حقداد آباد لکی سٹی کو فائرنگ کے تبادلے کے بعد زخمی حالت میں گرفتار کرلیا۔ ملزم کے قبضے سے کلاشنکوف اور متعدد کارتوس برآمد کرلیے گئے۔

گرفتار ملزم سابقہ کریمنل ریکارڈ یافتہ ہے اور قتل، اقدام قتل، چوری، منشیات سمیت دیگر سنگین مقدمات میں ملوث رہا ہے۔ ملزم تھانہ لکی سٹی میں درج مقدمہ نمبر 431 مورخہ 7-09-2026 بجرم 427، 302، 324 میں بھی نامزد ہے۔

تفصیلات کے مطابق پولیس کو دوران گشت اطلاع ملی کہ مذکورہ ملزم اشفاق اپنے ایک ساتھی کے ہمراہ ریلوے اسٹیشن کے قریب خالی میدان میں موجود ہے۔ اطلاع ملتے ہی ایس ایچ او تھانہ لکی سٹی عمران خان پولیس پارٹی کے ہمراہ فوری طور پر موقع پر پہنچے۔
پولیس پارٹی کو دیکھتے ہی ملزمان نے گرفتاری سے بچنے کے لیے پولیس پر فائرنگ شروع کردی، جس پر پولیس نے اپنی حفاظت اور جوابی کاروائی کے طور پر فائرنگ کی۔ فائرنگ کا سلسلہ رکنے کے بعد پولیس نے علاقے میں سرچ کیا، جس کے دوران مذکورہ ملزم اشفاق کو زخمی حالت میں گرفتار کرلیا گیا۔
گرفتار ملزم کے قبضے سے ایک کلاشنکوف اور متعدد کارتوس برآمد کرلیے گئے، جبکہ اس کا دوسرا ساتھی رات کی تاریکی کا فائدہ اٹھاتے ہوئے موقع سے فرار ہوگیا، جس کی گرفتاری کے لیے پولیس کی جانب سے تلاش جاری ہے۔

ڈی پی او لکی مروت سجاد احمد صاحبزادہ نے کامیاب کاروائی پر ایس ایچ او لکی سٹی عمران خان اور پولیس پارٹی کو شاباش دی۔

لکی مروت: نو تعینات ڈی ایس پی نورنگ سرکل رحمت اللہ خان کی زیر صدارت سرکل کے ایس ایچ اوز، انچارج چوکیات، انچارج ٹریفک اور...
25/09/2026

لکی مروت: نو تعینات ڈی ایس پی نورنگ سرکل رحمت اللہ خان کی زیر صدارت سرکل کے ایس ایچ اوز، انچارج چوکیات، انچارج ٹریفک اور تھانہ جات کے محرران کے ساتھ تعارفی میٹنگ کا انعقاد کیا گیا۔

میٹنگ کے دوران ڈی ایس پی نورنگ سرکل رحمت اللہ خان نے تمام پولیس افسران کو ہدایات جاری کرتے ہوئے کہا کہ عوام کے جان و مال کے تحفظ اور امن و امان کا قیام پولیس کی اولین ذمہ داری ہے، اس لیے تمام افسران و اہلکار اپنے فرائض انتہائی ذمہ داری، فرض شناسی اور پیشہ ورانہ انداز میں انجام دیں۔
انہوں نے ہدایت کی کہ جرائم پیشہ اور شرپسند عناصر کے خلاف بلاامتیاز کاروائیاں جاری رکھی جائیں، مطلوب ملزمان اور اشتہاری مجرمان کی گرفتاری کے لیے مؤثر اقدامات کیے جائیں جبکہ علاقے میں گشت، ناکہ بندی اور سرچ آپریشنز کو مزید منظم بنایا جائے۔
ڈی ایس پی رحمت اللہ خان نے تھانہ جات کے محرران کو روزنامچہ، مقدمات کے ریکارڈ اور دیگر سرکاری امور کو باقاعدگی اور ذمہ داری کے ساتھ مکمل رکھنے کی ہدایت کی، جبکہ انچارج ٹریفک کو ٹریفک قوانین پر عملدرآمد یقینی بنانے اور عوام کو درپیش ٹریفک مسائل کے حل کے لیے عملی اقدامات کرنے کی ہدایت کی۔
انہوں نے افسران پر واضح کیا کہ عوام کے ساتھ خوش اخلاقی اور عزت و احترام سے پیش آیا جائے اور شہریوں کی شکایات کو ترجیحی بنیادوں پر سنا اور قانون کے مطابق ان کا ازالہ کیا جائے۔ انہوں نے کہا کہ پولیس افسران اپنی ڈیوٹی کے دوران ہر وقت الرٹ رہیں اور موجودہ سکیورٹی صورتحال کے پیش نظر پولیس تنصیبات اور اہم مقامات کی سکیورٹی کو مزید مؤثر بنائیں۔

لکی مروت: نو تعینات ایس پی آپریشن سعید خان نے اپنے عہدے کا چارج سنبھال لیا.نو تعینات ایس پی آپریشن لکی مروت سعید خان نے ...
25/09/2026

لکی مروت: نو تعینات ایس پی آپریشن سعید خان نے اپنے عہدے کا چارج سنبھال لیا.

نو تعینات ایس پی آپریشن لکی مروت سعید خان نے اپنے عہدے کا چارج سنبھال لیا۔ انہوں نے یادگار شہداء پر حاضری دی اور شہدائے پولیس کے بلند درجات اور مغفرت کے لیے دعا کیں۔
اس موقع پر ڈی ایس پی شاہی بخت خان بھی ان کے ہمراہ تھے۔
بعد ازاں ایس پی آپریشن سعید خان نے پولیس لائن کے مرکزی گیٹ،انٹری گیٹ اور داخلی و خارجی راستوں پر تعینات سکیورٹی اہلکاروں کی ڈیوٹی اور سکیورٹی انتظامات کا تفصیلی جائزہ لیا۔ انہوں نے ڈیوٹی پر موجود پولیس اہلکاروں کو موجودہ سکیورٹی صورتحال کے پیش نظر ہمہ وقت چوکس رہنے، مشکوک افراد و گاڑیوں کی کڑی نگرانی اور سکیورٹی ڈیوٹی پوری ذمہ داری اور پیشہ ورانہ انداز میں انجام دینے کی ہدایات جاری کیں۔

لکی مروت: ڈی پی او سجاد احمد صاحبزادہ اور ڈپٹی کمشنر حمیداللہ خان کا پولیس لائنز اور ٹاؤن کمپلیکس کے سکیورٹی انتظامات ک...
25/09/2026

لکی مروت: ڈی پی او سجاد احمد صاحبزادہ اور ڈپٹی کمشنر حمیداللہ خان کا پولیس لائنز اور ٹاؤن کمپلیکس کے سکیورٹی انتظامات کا تفصیلی جائزہ۔

لکی مروت() موجودہ سکیورٹی صورتحال کے پیش نظر ڈسٹرکٹ پولیس آفیسر لکی مروت سجاد احمد صاحبزادہ اور ڈپٹی کمشنر حمیداللہ خان نے پولیس لائنز اور ٹاؤن کمپلیکس کے مرکزی داخلی و خارجی راستوں اور گیٹ سکیورٹی انتظامات کا تفصیلی جائزہ لیا۔
اس موقع پر ایس پی انوسٹی گیشن شیر حسن خان، ایس پی آپریشن سعید خان اور دیگر پولیس افسران بھی ان کے ہمراہ تھے۔
ڈی پی او اور ڈپٹی کمشنر نے سکیورٹی ڈیوٹی پر تعینات پولیس اہلکاروں کی موجودگی، داخلی و خارجی راستوں پر نگرانی، چیکنگ کے طریقہ کار اور دیگر حفاظتی انتظامات کا معائنہ کیا۔
انہوں نے متعلقہ پولیس افسران کو ہدایت کی کہ پولیس لائنز اور ٹاؤن کمپلیکس سمیت تمام اہم سرکاری تنصیبات کی سکیورٹی کو ہر صورت یقینی بنایا جائے، داخلی و خارجی راستوں پر چیکنگ کے عمل کو مزید مؤثر بنایا جائے اور ڈیوٹی پر تعینات اہلکار انتہائی الرٹ رہتے ہوئے اپنے فرائض انجام دیں۔

ڈی پی او نے واضح کیا کہ موجودہ حالات کے تناظر میں اہم سرکاری عمارتوں اور پولیس تنصیبات کی سکیورٹی میں کسی قسم کی غفلت یا کوتاہی برداشت نہیں کی جائے گی، جبکہ سکیورٹی انتظامات کی باقاعدگی سے نگرانی اور جائزہ لیا جاتا رہے گا۔

لکی مروت: تختی خیل کے مشران کے جرگہ کی ڈی پی او لکی مروت سجاد احمد صاحبزادہ سے ملاقات، امن و امان، جرائم کے خاتمے اور پو...
25/09/2026

لکی مروت: تختی خیل کے مشران کے جرگہ کی ڈی پی او لکی مروت سجاد احمد صاحبزادہ سے ملاقات، امن و امان، جرائم کے خاتمے اور پولیس و عوام کے باہمی تعاون پر اتفاق ۔

تختی خیل کے بہادر اور غیور عوام نے علاقے میں امن و امان کے قیام اور اس کے تحفظ کے لیے لازوال قربانیاں دی ہیں، جنہیں خراج تحسین پیش کرتے ہیں۔ تختی خیل کے عوام نے مشکل اور نامساعد حالات میں امن دشمن عناصر کا ڈٹ کر مقابلہ کیا اور اپنے علاقے کے امن کو برقرار رکھنے کے لیے جوانوں، بزرگوں اور بچوں سمیت قیمتی جانوں کی قربانیاں دی ہیں۔ پولیس اور عوام کے درمیان باہمی تعاون اور اعتماد ہی پائیدار امن کی بنیاد ہے، جسے مزید مضبوط بنایا جائے گا۔
ڈی پی او لکی مروت سجاد احمد صاحبزادہ

تفصیلات کے مطابق تختی خیل کے مشران پر مشتمل جرگہ نے ڈی پی او لکی مروت سجاد احمد صاحبزادہ سے ڈی پی او آفس میں ملاقات کی۔ ملاقات کے دوران علاقے کی موجودہ امن و امان کی صورتحال، جرائم کے تدارک، امن کے مزید استحکام اور پولیس و عوام کے درمیان مؤثر رابطے سمیت مختلف اہم امور پر تفصیلی تبادلہ خیال کیا گیا۔
ڈی پی او لکی مروت سجاد احمد صاحبزادہ نے تختی خیل کے مشران اور عوام کی امن کے لیے دی جانے والی قربانیوں کو سراہتے ہوئے کہا کہ تختی خیل کے عوام نے ہمیشہ امن دشمن عناصر کے خلاف جرأت اور بہادری کا مظاہرہ کیا ہے۔ انہوں نے کہا کہ علاقے میں امن و امان کے قیام کے لیے مقامی مشران اور عوام کا کردار انتہائی اہم ہے اور پولیس ان کے تعاون کو قدر کی نگاہ سے دیکھتی ہے۔
انہوں نے کہا کہ لکی مروت پولیس عوام کے جان و مال کے تحفظ اور امن و امان کے قیام کے لیے اپنی ذمہ داریاں پوری تندہی سے انجام دے رہی ہے۔ جرائم پیشہ اور امن خراب کرنے والے عناصر کے خلاف قانون کے مطابق بلاامتیاز کاروائیاں جاری رکھی جائیں گی، جبکہ امن کے قیام میں معاونت کرنے والے مشران اور عوام کے ساتھ پولیس کا رابطہ مزید مضبوط بنایا جائے گا۔
ڈی پی او نے کہا کہ کسی بھی علاقے میں پائیدار امن صرف پولیس کی کوششوں سے ممکن نہیں بلکہ اس کے لیے عوام، مشران اور پولیس کا مشترکہ کردار ناگزیر ہے۔ انہوں نے تختی خیل کے مشران پر زور دیا کہ وہ اپنے علاقے میں مشکوک سرگرمیوں، جرائم پیشہ عناصر اور امن دشمن کاروائیوں کے حوالے سے پولیس کو بروقت آگاہ کریں تاکہ کسی بھی ناخوشگوار واقعے کی روک تھام یقینی بنائی جا سکے۔
اس موقع پر تختی خیل کے مشران نے علاقے میں امن و امان کے قیام کے لیے پولیس کی کاوشوں کو سراہتے ہوئے ڈی پی او لکی مروت کو اپنے بھرپور تعاون کی یقین دہانی کرائی۔ جرگہ کے مشران نے اس عزم کا اظہار کیا کہ تختی خیل کے عوام علاقے کے امن کو برقرار رکھنے، جرائم کے خاتمے اور امن دشمن عناصر کی حوصلہ شکنی کے لیے پولیس کے ساتھ اپنا مثالی تعاون آئندہ بھی جاری رکھیں گے۔

ملاقات کے اختتام پر ڈی پی او لکی مروت سجاد احمد صاحبزادہ نے تختی خیل کے مشران کے جرگہ کا شکریہ ادا کرتے ہوئے کہا کہ پولیس اور عوام کے درمیان مضبوط رابطہ امن کے قیام اور جرائم کے خاتمے میں کلیدی کردار ادا کرتا ہے اور لکی مروت پولیس اس تعاون کو مزید فروغ دینے کے لیے پرعزم ہے۔

24/09/2026

ڈی آئی جی بنوں ریجن عبدالغفور آفریدی نے نوتعینات ایس پی آپریشن لکی مروت سعید خان کو ایس پی کے رینک لگا دیے

بنوں: ریجنل پولیس آفس بنوں میں ایک پروقار تقریب کا انعقاد کیا گیا، جس میں ڈی آئی جی بنوں ریجن عبدالغفور آفریدی اور ایس پی انویسٹیگیشن لکی مروت شیر حسن نے نوتعینات ایس پی آپریشن لکی مروت سعید خان کو ایس پی کے رینک لگا دیے۔ اس موقع پر ڈی آئی جی بنوں ریجن نے سعید خان کو نئی ذمہ داریاں سنبھالنے پر مبارکباد دی اور نیک خواہشات کا اظہار کیا۔

ڈی آئی جی بنوں ریجن عبدالغفور آفریدی نے کہا کہ پولیس افسران عوام کی خدمت، امن و امان کے قیام اور جرائم کے تدارک کے لیے اپنی تمام تر صلاحیتیں اور توانائیاں بروئے کار لائیں اور فرائض منصبی خلوصِ نیت، ایمانداری اور پیشہ ورانہ انداز میں انجام دیں۔

انہوں نے امید ظاہر کی کہ نوتعینات ایس پی آپریشن لکی مروت سعید خان اپنی ذمہ داریاں احسن انداز میں نبھاتے ہوئے علاقے میں امن و امان کے قیام اور عوام کو بہتر پولیسنگ کی فراہمی میں مؤثر کردار ادا کریں گے۔

Address

Lakki Taja Zai Road
Lakki Marwat
28420

Telephone

+923158150123

Website

Alerts

Be the first to know and let us send you an email when Lakki Marwat Police posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Lakki Marwat Police:

Shortcuts

Share

Category