18/06/2026
ماں کی محبت کو قید نہیں کیا جا سکتا
آج ایک ایسے مقدمے میں پیش ہونے کا موقع ملا جہاں ایک باپ نے تقریباً ڈیڑھ سال (1.6 سال) تک بچوں کو ان کی ماں سے ملنے نہیں دیا۔ بچوں کے ذہن اس قدر متاثر کیے گئے کہ وہ اپنی ہی ماں سے ملنے سے انکار کر رہے تھے۔
ہم نے Habeas Corpus Petition دائر کی، جس کے نتیجے میں عدالت نے بچوں کو طلب کیا اور ماں سے ملاقات کروائی۔
جب جج صاحب کی موجودگی میں ماں اور بچوں کا سامنا ہوا تو ایک دردناک منظر سامنے آیا۔ بچے بھی بلند آواز میں رو رہے تھے، ماں بھی آنسوؤں میں ڈوبی ہوئی تھی، اور ایک دوسرے سے لپٹ کر برسوں کی جدائی کا دکھ بیان کر رہے تھے۔
مگر افسوس…
معاشرہ صرف تماشائی بنا کھڑا تھا۔
یاد رکھیے، بچوں کو ماں یا باپ میں سے کسی ایک کے خلاف نفرت سکھانا، صرف ایک رشتے کو نہیں بلکہ ایک پوری نسل کی نفسیات کو زخمی کرنا ہے۔
بچے کسی کی جنگ کا ہتھیار نہیں ہوتے۔
انہیں محبت، شفقت اور دونوں والدین کی ضرورت ہوتی ہے۔
ماں کے آنسو کبھی کمزوری نہیں ہوتے، وہ اس محبت کی گواہی ہوتے ہیں جسے وقت، فاصلے اور نفرت بھی ختم نہیں کر سکتے۔
محمد رضا الٰہی ایڈووکیٹ
"Lawyer For You"
