Adv Shoaib Kasib

07/09/2026

22/07/2026

خلع اور فسخِ نکاح پر لاہور ہائیکورٹ کا سب سے بڑا اور تاریخی فیصلہ، اب خواتین سے حقِ مہر چھیننا آسان نہیں رہا! 🚨 فیملی لاء الرٹ!

کیا خلع یا تنسیخِ نکاح کے ہر مقدمے میں عورت لازماً اپنے حقِ مہر سے محروم ہو جاتی ہے؟ کیا شوہر کے ظلم و تشدد کے باوجود فیملی کورٹ دعوے کو زبردستی خلع قرار دے کر مہر ضبط کر سکتی ہے؟ لاہور ہائیکورٹ نے خلع، فسخِ نکاح اور حقِ مہر کے قوانین پر ایک انتہائی جامع اور دو ٹوک فیصلہ جاری کر کے تمام فیملی کورٹس کے لیے ایک نئی تاریخ رقم کر دی ہے۔
عدالت عالیہ نے واضح کیا کہ حقِ مہر نکاح کے معاہدے سے پیدا ہونے والا خاتون کا مستقل مالی اور شرعی حق ہے۔ یہ نہ تو شوہر پر کوئی سزا ہے اور نہ ہی کوئی ایسا فائدہ جسے فیملی کورٹ اپنی مرضی سے ختم یا کم کرے۔ صرف یہ حقیقت کہ نکاح ختم ہو گیا ہے، اس کا یہ مطلب ہرگز نہیں کہ بیوی خود بخود اپنے حقِ مہر سے ہاتھ دھو بیٹھے گی۔
عدالت نے اپنے فیصلے میں خلع اور فسخِ نکاح کے درمیان واضح فرق بیان کیا:
اگر بیوی صرف شوہر سے نفرت یا عدم موافقت کی بنیاد پر الگ ہونا چاہتی ہے تو معاملہ خلع کا ہوگا۔ لیکن اگر بیوی نے شوہر کے ظلم، تشدد، نفقہ نہ دینے یا بدسلوکی کی بنیاد پر تنسیخِ نکاح کا دعویٰ کیا ہے، تو عدالت خاتون کی واضح اور باخبر رضامندی کے بغیر ایسے مقدمے کو زبردستی "خلع" قرار نہیں دے سکتی۔
لاہور ہائیکورٹ نے ظلم (Cruelty) کے مفہوم کو وسعت دیتے ہوئے قرار دیا کہ ظلم صرف جسمانی مار پیٹ تک محدود نہیں بلکہ نفسیاتی، ذہنی، جذباتی اور معاشی استحصال بھی قانوناً ظلم کے زمرے میں آتا ہے۔ ایسے الزامات کے لیے ہر صورت میں میڈیکل رپورٹ ہونا ضروری نہیں، اگر خاتون کا بیان قابلِ اعتماد ہو اور حالات اس کی تائید کریں تو عدالت اسے ہی ظلم کا ثبوت تسلیم کرے گی۔
عدالت نے سنگل پوائنٹ فارمولا طے کیا کہ اگر ڈسولوشن آف مسلم میریجز ایکٹ 1939 کی دفعہ 2 کے تحت شوہر کا ظلم یا نفقہ نہ دینا ثابت ہو جائے، تو اسی ایکٹ کی دفعہ 5 کے تحت بیوی کا پورا حقِ مہر محفوظ رہے گا، خواہ وہ معجل ہو یا مؤجل، ادا شدہ ہو یا غیر ادا شدہ۔ ایسے کیسز میں حقِ مہر کی ضبطی کا سوال ہی پیدا نہیں ہوتا۔
اگر شوہر کا ظلم ثابت نہ ہو اور کیس خالصتاً خلع کا بھی بنے، تب بھی عدالتیں خودکار طور پر حقِ مہر کی واپسی کا حکم نہیں دے سکتیں۔ مہر صرف اسی حد تک واپس ہو سکتا ہے جو شوہر نے حقیقتاً ادا کیا ہو، جو مہر کبھی شوہر نے دیا ہی نہ ہو، اس کی واپسی کا حکم قانوناً غلط ہے۔ مزید برآں، اگر شواہد میں ایسا شک ہو کہ کیس خلع کا ہے یا فسخِ نکاح کا، تو اس شک کا فائدے کے طور پر حقِ مہر بیوی کو ہی دیا جائے گا۔
لاہور ہائیکورٹ نے تمام فیملی کورٹس کو پابند کیا ہے کہ وہ فیصلے میں واضح لکھیں کہ شوہر کا ظلم ثابت ہوا یا نہیں، اور لا اینڈ جسٹس کمیشن کو قانون میں آئندہ ترامیم کی سفارش بھی کی ہے۔ یہ فیصلہ مظلوم خواتین کے مالی و شرعی حقوق کے تحفظ کا سب سے بڑا ضامن ہے۔
فیملی لاز اور خواتین کے شرعی حقوق سے جڑی اس تاریخی عدالتی نظیر کو اپنے تمام دوستوں، فیملی ممبرز اور بالخصوص وکلاء برادری کے ساتھ لازمی شیئر کریں۔

19/07/2026

پنجاب لینڈ ریکارڈ اتھارٹی کے پیدا کردہ عوامی مسائل کے حل کے لیے بورڈ آف ریونیو پنجاب کی انوکھی منطق
مسائل حل کرنے کے بجائے اور معزز عدالتوں سے رجوع کرنے والے پریشان حال سائلین کو انصاف مہیا کرنے کے بجائے ان کی درخواستوں کے خلاف اسسٹنٹ کمشنرز کو قانونی معاونت مہیاء کرنے کے لیے پنجاب بھر کے تمام اضلاع میں لاء آفیسر تعینات کرنے کی سفارشات پیش کر دی گئیں ۔
بورڈ آف ریونیو پنجاب کی جانب سے سیکرٹری ریونیو نے سیکرٹری لاء کو چٹھی لکھ دی ۔

18/07/2026

پنجاب میں زمینی معاملات اب پہلے سے کہیں زیادہ آسان، محفوظ اور شفاف! ✨
بورڈ آف ریونیو پنجاب نے عوام کی سہولت اور زمین کے لین دین کو فراڈ سے پاک کرنے کے لیے نقلِ اراضی کے ساتھ "گرین سرٹیفکیٹ" جاری کرنے کا باقاعدہ نوٹیفکیشن جاری کر دیا ہے۔
💡 اس نئے نظام کے شاندار فوائد:
1️⃣ فیسوں کی مکمل شفافیت: اب نقلِ اراضی پر حکومت کی طرف سے لاگو کردہ فیس کا واضح اندراج ہوگا، جس سے نہ صرف فیسوں کی وصولی بہتر ہوگی بلکہ عوام بھی اضافی یا ناجائز فیسوں سے بچ سکیں گے۔
2️⃣ لین دین میں آسانی: خرید و فروخت کے وقت خریدار اور بیچنے والے دونوں کے لیے معاملات بالکل صاف اور قانونی ہوں گے۔
⚠️ سب سے اہم بات جو آپ کے لیے جاننا لازمی ہے!
صرف نقلِ اراضی کافی نہیں! روایتی نقل صرف آپ کے قبضے کو ظاہر کرتی ہے۔ اپنی زمین پر اپنا مکمل حقِ ملکیت اور قبضہ یکجا ثابت کرنے کے لیے "گرین سرٹیفکیٹ" لازمی بنوائیں۔
اپنی محنت کی کمائی کو محفوظ بنائیں اور کسی بھی زمینی لین دین سے پہلے گرین سرٹیفکیٹ کی موجودگی کو یقینی بنائیں۔

17/07/2026

Enjoy

17/07/2026

🚨 قوم کے لیے خوشخبری! 🚨

نیپرا کیس میں اہم پیش رفت

200 یونٹ بجلی استعمال کرنے والے صارفین کا بل تقریباً 3,000 روپے جبکہ صرف ایک یونٹ زیادہ (201 یونٹ) استعمال ہونے پر بل تقریباً 9,000 روپے تک پہنچ جاتا ہے، اور صارفین کو یہ اضافی مالی بوجھ مسلسل چھ ماہ تک برداشت کرنا پڑتا ہے۔

اس پالیسی کو ہم نے 2025 میں عدالت میں چیلنج کیا تھا۔ اگرچہ نیپرا نے نومبر 2025 میں ہمارے خلاف فیصلہ دیا، تاہم اس فیصلے کے خلاف دائر اپیل 30 جون 2026 کو منظور کرتے ہوئے نوٹس جاری کر دیے گئے ہیں۔

ان شاء اللہ، آئندہ سماعت پر تفصیلی دلائل پیش کیے جائیں گے۔ میں اسلام آباد میں مکمل تیاری کے ساتھ عوام کے حق میں مؤثر انداز میں اپنا مؤقف پیش کروں گا تاکہ اس غیر منصفانہ پالیسی کا خاتمہ ممکن بنایا جا سکے۔

15/07/2026

مولانا طارق جمیل صاحب