District Bar Association Karak

08/06/2026

اعلان جنازہ:
نہایت افسوس کے ساتھ اطلاع دی جاتی ہے کہ محترم ریشم پیاؤ ایڈووکیٹ صاحب کی اہلیہ محترمہ انتقال فرما گئی ہیں۔
مرحومہ کی نمازِ جنازہ آج مورخہ 8 جون 2026ء بروز پیر، شام 8:30 بجے میٹھاخیل اسکول گراؤنڈ میں ادا کی جائے گی۔
إِنَّا لِلّٰهِ وَإِنَّا إِلَيْهِ رَاجِعُونَ۔

25/05/2026

24/05/2026

مذمتی قرارداد
وکلاء، ڈسٹرکٹ بار ایسوسی ایشن کرک پولیس کے ہاتھوں پرنسپل محمود صاحب کی سرِ عام تذلیل اور ناروا سلوک کی شدید الفاظ میں مذمت کرتے ہیں۔
پرنسپل محمود صاحب بلاشبہ ایک معزز، باوقار اور شریف شہری ہیں۔ ٹریفک پولیس کرک کی جانب سے مین بازار میں عوام کے سامنے جس بے رحمی اور غیر مہذب انداز میں اُن کے گریبان میں ہاتھ ڈال کر انہیں گاڑی میں بٹھایا گیا، وہ نہ صرف ناقابلِ برداشت عمل ہے بلکہ انسانی وقار، معاشرتی اقدار اور پشتون روایات کے بھی سراسر منافی ہے۔
قانون کسی شہری کے ساتھ اس قسم کے توہین آمیز اور غیر اخلاقی رویے کی ہرگز اجازت نہیں دیتا۔ یہ اقدام کھلے عام انسانیت کی تذلیل اور اختیارات کے ناجائز استعمال کے مترادف ہے۔
وکلاء، ڈسٹرکٹ بار ایسوسی ایشن کرک ٹریفک پولیس کے اس غیر اخلاقی اور غیر قانونی رویے کی پُرزور مذمت کرتے ہیں اور ڈی پی او کرک سے مطالبہ کرتے ہیں کہ اس واقعے کی شفاف انکوائری کرکے فوری کارروائی عمل میں لائی جائے، تاکہ آئندہ کسی معزز شہری کے ساتھ اس قسم کا افسوسناک واقعہ پیش نہ آئے، اور اس غیر قانونی اقدام میں ملوث اہلکاروں کے خلاف سخت محکمانہ کارروائی کی جائے۔
وسیم اختر ایڈووکیٹ
جنرل سیکرٹری
ڈسٹرکٹ بار ایسوسی ایشن کرک

10/05/2026

*پریس ریلیز*
کرک بار ایسوسی ایشن بنوں میں گزشتہ شب پیش آنے والے دلخراش واقعے پر گہرے صدمے اور افسوس کا اظہار کرتی ہے۔ بلاشبہ یہ ایک قومی سانحہ ہے جس نے ہر دل کو رنجیدہ کر دیا ہے۔

کرک بار ایسوسی ایشن اس کربناک موقع پر متاثرہ خاندانوں سے مکمل یکجہتی کا اظہار کرتی ہے اور حکومتِ وقت سے پرزور مطالبہ کرتی ہے کہ اس واقعے کے ذمہ داران کو فی الفور گرفتار کر کے کیفرِ کردار تک پہنچایا جائے۔

احتجاجاً، کرک بار ایسوسی ایشن مورخہ 11 مئی 2026، بروز پیر کو عدالتی کارروائی سے مکمل ہڑتال کا اعلان کرتی ہے۔

دعا ہے کہ اللہ تعالیٰ شہداء کے درجات بلند فرمائے، زخمیوں کو جلد صحت یاب کرے اور پسماندگان کو صبرِ جمیل عطا فرمائے۔ آمین

ملک اختر نواز ایڈووکیٹ
صدر، کرک بار ایسوسی ایشن

26/04/2026

A memorable picture in District Courts Karak.

16/04/2026

مذمتی پریس ریلیز:
پختون سٹوڈنٹس فیڈریشن کے رکن پشاور یونیورسٹی کے
طالب علم بابر عدیل قتل کی بھرپور مذمت کرتے ہیں اور پولیس سے مطالبہ کرتے ہیں کہ قاتلوں کو جلد از جلد گرفتار کرکے سخت سے سخت سزا دی جائے اگر ملزمان کو گرفتار نہ کیا گیا تو کرک بار کے معزز وکلاء بھرپور احتجاج ریکارڈ کرینگے۔ڈی پی او کرک اور تمام قانون نافذ کرنے والے اداروں
سے اپیل ہے کہ تمام تر وسائل کو بروئے کار لائے اور ملزمان کو قانون کے کٹہرے میں لائے۔
ملک اختر نواز صدر ڈسٹرکٹ بار ایسوسی ایشن کرک

09/04/2026

اعلانِ جنازہ
وسیم اختر ایڈووکیٹ کے چچا اور عید اکبر ایڈووکیٹ کے بھائی، محمد نواز، بقضائے الٰہی وفات پا چکے ہیں۔
مرحوم کی نمازِ جنازہ آج بروز جمعرات، بوقت شام ساڑھے چار بجے (4:30)، گھر کے ساتھ واقع آبائی قبرستان، رحمت آباد میں ادا کی جائے گی۔
انّا للّٰہِ وَاِنّا اِلَیْہِ رَاجِعُوْن۔

12/03/2026

پریس ریلیز
ڈسٹرکٹ بار ایسوسی ایشن کرک ، ارمغان بخت ایڈوکیٹ کے گھر پر فائرنگ کی شدید مذمت کرتی ہیں اور کرک پولیس کے افسران سے ملزمان کو جلد از جلد گرفتار کرنے اور انصاف کے کٹہرے میں لانے کا پرزور مطالبہ کرتی ہیں۔

۔ڈسٹرکٹ بار ایسوسی ایشن کرک

20/02/2026

*پاکستان کے قانون میں یہ ایک طے شدہ اصول ہے کہ اگر متعدد مدعیان کا مفاد (Interest) ایک ہی ہو اور ان کا کلیم (Claim) مشترکہ ہو، تو ان میں سے کسی ایک کا بیان سب کی نمائندگی کے لیے کافی سمجھا جاتا ہے۔ عدالتیں عموماً یہ دیکھتی ہیں کہ کیا بیان دینے والے مدعی کو کیس کے حقائق کا مکمل علم ہے اور کیا اس کا بیان تمام مدعیان کے موقف کی تائید کرتا ہے۔*
آپ جج صاحب کے سامنے درج ذیل قانونی نکات اور ریفرنسز پیش کر سکتے ہیں:

1۔ قانونی بنیاد (Order I Rule 8 CPC)
سی پی سی کا آرڈر 1 رول 8 "نمائندہ دعویٰ" (Representative Suit) کی اجازت دیتا ہے، جہاں ایک یا ایک سے زیادہ افراد مشترکہ مفاد کی صورت میں سب کی طرف سے دعویٰ کر سکتے ہیں یا دفاع کر سکتے ہیں۔ اگر تمام مدعیان کا ایک ہی مقصد ہو، تو ایک کا گواہی دینا قانوناً جائز ہے۔

2۔ اہم کیس لاء (Case Laws)
آپ اپنی بحث میں درج ذیل نظائر کا حوالہ دے سکتے ہیں:
2003 MLD 61: اس میں یہ اصول واضح کیا گیا ہے کہ مدعی کو اپنے کیس کو ثابت کرنے کے لیے خود اپنے پاؤں پر کھڑا ہونا پڑتا ہے۔ اگر ایک مدعی تمام حقائق بیان کر دے جو سب کے لیے مشترک ہیں، تو وہ کافی ہے۔
PLD 1982 Supreme Court 120: سپریم کورٹ نے قرار دیا کہ اگر تمام فریقین کا مفاد ایک جیسا ہو، تو عدالت کی اجازت سے ایک شخص سب کی نمائندگی کر سکتا ہے۔
1991 CLC 1618 (Lahore): اس کیس میں یہ قرار دیا گیا کہ اگر کسی ایک مدعی نے بیان دے دیا ہے اور اس پر جرح (Cross-examination) ہو چکی ہے، تو محض دوسرے مدعیان کا بیان ریکارڈ نہ ہونا دعویٰ خارج کرنے کی بنیاد نہیں بن سکتا۔
2015 MLD 222: اس میں یہ طے کیا گیا کہ مدعی اپنے پلیڈنگز (Pleadings) کا پابند ہے۔ اگر ایک مدعی کا بیان پلیڈنگز کے عین مطابق ہے، تو وہ پورے کیس کے لیے کافی شہادت تصور کی جاتی ہے۔