https://www.facebook.com/699060516628172/

Min Advocate - Legal Services and Counsellor, Yangon (2026)

23/08/2025

တရားမမှုတွင် အဓိက အခြေခံအင်္ဂါရပ် ( ၄ ) ရပ်
==========================

တရာမကြီးမှုတစ်မှုကို မိမိစတင်စွဲဆိုတော့မည်ဆိုပါက မိမိစွဲဆိုမည့်အမှုသည် အောက်ပါအချက်များနှင့် ငြိစွန်းမှု ရှိ မရှိ၊ ဦးစွာစစ်ဆေးထားရပါမည်။

က ။ အမှုသည်များ
ခ။ တရားစွဲဆိုရန်အကြောင်း
ဂ။ အမှုဖြစ်အကြောင်းအရာ
ဃ။ တောင်းဆိုသောသက်သာခွင့် တို့ဖြစ်ပါသည်။

က ။ အမှုသည်များ
==========

တရားမမှုများတွင် အနည်းဆုံး တရားလိုတစ်ဦးနှင့် တရားပြိုင်တစ်ဦး ပါရှိရပါမည်။ အမှုအနေအထားအရ တရားလိုတစ်ဦးထက်ပို၍ဖြစ်စေ ၊ တရားပြိုင်တစ်ဦးထက်ပို၍ဖြစ်စေ ပါဝင်နိုင်ပါသည်။ ပြုလုပ်မှုတစ်ရပ်နှင့် စပ် လျဉ်း၍ ပေါ်ပေါက်သော အကျိုးခံစားခွင့် တစ်စုံတစ်ရာကို ရထိုက်ကြောင်းအဆိုရှိသူ မှန်သမျှသည် အမှုတစ် ရပ်စီ သီးခြားစွဲဆိုကြလျှင် ဥပဒေပြဿနာဖြစ်စေ၊ အကြောင်းခြင်းရာ ပြဿနာဖြစ်စေ တစ်မျိုးတည်း ပေါ်ထွက်မည်ဆိုပါက ထိုသူအားလုံးကို တရားလိုအဖြစ် အမှုတစ်မှုတည်းတွင် ပူးတွဲ၍ စွဲဆိုခွင့်ရှိသည်။ O1R1

ထို့အတူ စွဲဆိုခံရသူမှန်သမျှကို အမှုတစ်ရပ်စီ သီးခြားစွဲဆိုရလျှင် ဥပဒေပြဿနာဖြစ်စေ၊ အကြောင်းခြင်း ရာပြဿနာဖြစ်စေ တစ်မျိုးတည်းပေါ်ထွက်မည်ဖြစ်ပါက ထိူသူအားလုံးကို တရားပြိုင်အဖြစ် ပူးတွဲစွဲနိုင်သည်။ O1R3

အမှုစွဲဆိုရာတွင် တရားလိုသည် မည်သည့်တရားပြိုင်ထံမှ နစ်နာမှုအတွက် အကျိုးခံစားခွင်ရရန် တောင်း ခံရမည်ကို ဝေခွဲမရလျှင် နှစ်ဦး သို့မဟုတ် နှစ်ဦးထက်ပိုသော တရားပြိုင်များကို ပူးတွဲတရားစွဲဆိုနိုင်သည်။ O1R7

အမှုသည်များ မှားယွင်းပူးတွဲခြင်း၊ မပူးတွဲခြင်းကြောင့် အမှုရှုံးနိမ့်ခြင်း မရှိစေရပါ။ အမှုတိုင်းတွင် တရားရုံး ရှေ့သို့ ရောက်သူတို့၏ အမှန်တကယ်ခံစားခွင့်ရှိသော အကျိုးကျေးဇူးများ၊ အခွင့်အရေးများနှင့် စပ်လျဉ်း၍ အငြင်းပွားသော ပြဿနာများကို တရားရုံးက စီရင်ဆုံးဖြတ်ခွင့်ရှိသည်။ O1R9

တရားရုံးသည် အမှု၏ မည်သည့်အဆင့်တွင်မဆို မှားယွင်းစွာ ပူးတွဲမိသော အမှုသည်များ၏အမည်ကို ဖယ် ထုတ်ရန်နှင့် ပူးတွဲသင့်သောအမှုသည်များ၏အမည်ကို ထည့်သွင်းရန် အမိန့်ချမှတ်နိုင်သည်။ O1R10

တရားမှုတွင် ပါဝင်သင့်သောအမှုသည်များအား မထည့်ခြင်း၊ မပါဝင်သင့်သော အမှုသည်များအား ပူးတွဲ တရားစွဲဆိုထားခြင်းကို မကျေနပ်သည့်ဘက်မှ စောနိုင်သမျှ စောစွာကန့်ကွက်ရပါမည်။ O1R13

ခ။ တရားစွဲဆိုရန်အကြောင်း
============

တရားမမှုတိုင်းတွင်အမှုစွဲဆိုရန် အကြောင်းပေါ်ပေါက်မှုရှိမှသာ တရားစွဲဆိုနိုင်ခွင့်ရှိပါသည်။ မည်သည့်အခြေ အနေ အကြောင်းခြင်းရာများကြောင့် အမှုစွဲဆိုရန်အကြောင်း ပေါ်ပေါက်ရခြင်းကို အမှုတွင် ဖော်ပြရန် လိုအပ်ပါသည်။ မည်သည့်အကြောင်းခြင်းရာများကြောင့် တရားလိုသည် ဒီဂရီ ရထိုက်ကြောင်းပါရှိရပါမည်။

အမှုအရပ်ရပ်ကို အချင်းဖြစ်အကြောင်းအရာနှင့် စပ်လျဉ်း၍ နောက်ထပ် တရားတထုံး ဖြစ်ပွားခြင်း မရှိစေရန် အပြီးအပြတ် စီရင်ထုံးဆုံးဖြတ်နိုင်အောင် စီစဉ်နိုင်သမျှ စီစဉ်ရပါမည်။ O2R1

တရားလိုသည် မိမိရသင့်ရထိုက်သမျှတွင် အချို့ကိုချန်လှပ်ခဲ့သည်ဖြစ်စေ၊ တမင် စွန့်ပစ်ခဲ့လျှင်ဖြစ်စေ၊ ထိုသို့ ချန်လှပ်စွန့်ပယ်သည့်ကိစ္စနှင့် စပ်လျဉ်း၍ နောက်ထပ်မံတရားစွဲဆိုခွင့်မရှိတော့ပါ။ သို့ရာတွင် အချင်းဖြစ် အကြောင်းအရာ တစ်ရပ်တည်းနှင့် စပ်လျဉ်း၍ သက်သာခွင့်တစ်ခုထပ်ပိုပြီး ရသင့်ရထိုက်သူများသည် ၄င်းစွဲဆို ခွင့်ရှိသမျှကို တစ်မူတည်းဖြင့် ပြီးပြတ်အောင် စွဲဆိုရမည်ဖြစ်ပြီး တရားရုံး၏ခွင့်ပြုချက်မရဘဲ သက်သာခွင့်တစ် ရပ်ကို ချန်လှပ်ထားခဲ့လျှင် ၄င်းသက်သာခွင့်အတွက် နောက်ထပ် တရားမစွဲဆိုနိုင်တော့ပါ။ O2R2

အချင်းဖြစ်အကြောင်းအရားများကို တစ်မှုတည်းတွင် ပူးတွဲစွဲဆိုသည့်အခါ ၄င်းအမှုနှင့်စပ်လျဉ်း၍ ထိုတရားမမှု တင်သွင်းသောနေ့ရက်ရှိ အချင်းဖြစ် အကြောင်းအရာအားလုံးပေါင်း တွက်ရတန်ဘိုးသည် လက်ခံသည့်တရားရုံး၏ စီရင်ပိုင်ခွင့်အာဏာအတွင်း သက်ရောက်မှသာ ထိုရုံးတော်သို့ အမှုတင်သွင်းစွဲ ဆိုရမည်။ O2R3

မရွှေ့မပြောင်းနိုင်သောပစ္စည်း ရလိုမှုနှင့် အခြား အချင်းဖြစ် အကြောင်းအရာများပေါင်း၍ တရားစွဲလျှင် တရား ရုံး၏ခွင့်ပြုချက်ကို ရယူရပါမည်။ သို့ရာတွင် အောက်ပါကိစ္စများတွင် တရားရုံး၏ ခွင့်ပြုချက်ကို ရယူရန် မလိုဘဲ တရားစွဲဆိုနိုင်ပါသည်။

( ၁ ) တောင်းဆိုသော မရွှေ့မပြောင်းနိုင်သောပစ္စည်းနှင့် စပ်လျဉ်း၍ ကြားကာလအမြတ်အစွန်းများဖြစ်စေ၊ ငှားရမ်းခ ကျန်ငွေများကိုဖြစ်စေ စွဲဆိုမှု

( ၂ ) ပဋိညာဉ်စာချုပ် တစ်စုံတစ်ရာအရ ပစ္စည်းတစ်ခုကို ဖြစ်စေ၊ ထိုပစ္စည်း၏အစိတ်အပိုင်းကိုဖြစ်စေ လက်ရှိထားခဲ့ရာ ထိုပဋိညာဉ်ကို ချိုးဖောက်သည့်အတွက် လျော်ကြေးရလိုကြောင်း စွဲဆိုချက်

( ၃ ) ဆိုခဲ့သည့် အကြောင်းခြင်းရာပေါ်တွင် အခြေခံပြီး တောင်းဆိုသောသက်သာခွင့်နှင့် စပ်လျဉ်း၍ စွဲဆိုချက်။

ခြွင်းချက် ။ ။ သို့ရာတွင် အပေါင်ပစ္စည်းရွေးနှုတ်ခွင့်ကို ပိတ်ပင်ရန်ဖြစ်စေ၊ အပေါင်ပစ္စည်းကိုရွေးနှုတ်ရန်ဖြစ်စေ စွဲဆိုသည့် အမှုတွင် အပေါင်ပစ္စည်းကို လက်ရောက်ပေးအပ်စေရန်အတွက် အမှုသည်တစ်ဦးတစ်ယောက်က ပူးတွဲလျှောက်တောင်းခြင်းကို ပိတ်ပင်မှုမရှိပါ။ O2R4

အချင်းဖြစ်အကြောင်းအရာများကို ပူးပေါင်း၍ စစ်ဆေးခြင်းဖြင့် အဆင်မပြေနိုင်ခြင်း၊ ယင်းတို့ကို ပြီပြတ်အောင် စီရင်ဆုံးဖြတ်နိုင်ခြင်းမရှိဟု ရုံးတော်ကယူဆလျှင် အမှုများ တစ်သီးတခြားစီခွဲ၍ စစ်ဆေးသွားရန် အမိန့်ထုတ်ခွင့်ရှိပါသည်။ 02R6

အချင်းဖြစ်အကြောင်းအရာများ မှားယွင်း၍ ပူးပေါင်း စွဲဆိုထားသည်ဆိုပါက ကန့်ကွက်ရန်ရှိသည်များကို စောနိုင်သမျှ စောစွာ ကန့်ကွက်ရပါမည်။ ငြင်းချက်ထုတ်ပေးသည့်အမှုတွင် ငြင်းချက်ထုတ်ပြီးနောက်မှ ကန့်ကွက်ရန် အကြောင်း ပေါ်ပေါက်ခြင်းမဟုတ်လျှင် ငြင်းချက်ထုတ်သည့်အခါတွင်ဖြစ်စေ၊ မထုတ်မီဖြစ်စေ၊ ကန့်ကွက်ရပါမည်။ ကန့်ကွက်ခွင့်ရပါလျက် မကန့်ကွက်လျှင် ကန့်ကွက်နိုင်သည့် အခွင့်အရေးကိုစွန့်လွှတ်ပြီး ဖြစ်သည်ဟု မှတ်ယူရပါမည်။ O2R7

ဂ ။ အမှုအကြောင်းအရာအဖြစ်အပျက်
=====================

တရားမမှုတွင် တောင်းဆိုသောပစ္စည်း သို့မဟုတ် အခွင့်အရေးသည် အမှုဖြစ်အကြောင်းခြင်းရာ ဖြစ် သည်။ အငြင်းပွားနေသော အမှုဖြစ်အကြောင်းခြင်းရာနှင့်စပ်လျဉ်း၍ တရားရုံးက အမှုသည်များ၏ ရပိုင့်ခွင်ကို အဆုံးအဖြတ်ပေးမည်ဖြစ်သည်။

ဃ ။ တောင်းဆိုသောသက်သာခွင့်
=====================

အဆိုလွှာတွင် တောင်းဆိုသောသက်သာခွင့်ကို သေသေချာချာဖော်ပြရန် လိုပါသည်။ တောင်းဆိုသော သက်သာခွင့်နှင့်စပ်လျဉ်း၍ တရားမမှုကို လက်ခံစစ်ဆေးသော တရားရုံးက ချမှတ်ပေးနိုင်သော အခွင့်အာဏာ ရှိရပါမည်။ အမှုစွဲဆိုရန် အကြောင်း ပေါ်ပေါက်ခြင်းနှင့် ဆက်စပ်သော သက်သာခွင့်အားလုံးကို ယင်းအမှုတွင် ထည့်သွင်းစွဲဆိုခြင်း တောင်းဆိုခြင်းပြုရပါမည်။ တရားရုံး၏ ခွင့်ပြုချက်ဖြင့် ချန်လှပ်ထားသော သက်သာခွင့် မဟုတ်လျှင် နောင်အမှုသစ်စွဲဆိုခြင်း မပြုနိုင်သည်ကို သတိချပ်ရပါမည်။

18/08/2025

အသရေဖျက်သည့်အတွက် လျော်ကြေးငွေရလိုမှု
+++++++++++++++++++++++

အသရေဖျက်သည့်အတွက် လျော်ကြေးငွေရလိုမူသည် တရားမနစ်နာမူဥပဒေ (The Law of Torts) နှင့် သက်ဆိုင်သည်။ အဂ်လန်နိုင်ငံ၏ရိုးရာ ဥပဒေတစ်ခုဖြစ်သည့် တရားမနစ်နာမူဥပဒေကို မြန်မာနိုင်ငံတရား ဥပဒေများဆိုင်ရာအက်ဥပဒေပုဒ်မ ၁၃(၃) အရမှီငြမ်းပြုရန်ဖြစ်သည်ဟု
EVGONI T. KOVTUNENKO V. U LAW YONE ၁၉၆၀ မတစ(တရားလွှတ်တော်ချုပ်) ၅၁ အမှုတွင် စာမျက်နှာ ၅၉ ၌ပြဆိုထားသည်။

တရားမနစ်နာမူဥပဒေအရ နှုတ်ဖြင့် အသရေဖျက်ခြင်း (slander) နှင့် စာရေးသားကာ အသရေဖျက်ခြင်း (libel) ဟူ၍ နှစ်မျိုးနှစ်စားရှိသည်။

တရားမနစ်နာမူဆိုရာ၌ ဥပဒေကခွင့်ပြုမထားသော ပြုလုပ်မှု သို့မဟုတ် ပျက်ကွက်မှုကြောင့် အခြားလူတစ်ယောက်မှာ နစ်နာဆုံးရှုံးခဲ့လျှင် ယင်းနစ်နာမူအတွက် လျော်ကြေးငွေရခွင့်ရှိသည်။ လူတစ်ယောက်သည် အခြားလူတစ်ယောက်၏ ကိုယ်လက်အဂ်ါဖြစ်စေ၊ အမည်နာမဂုဏ်သတင်းကို ဖြစ်စေ၊ ပစ္စည်းကိုဖြစ်စေထိပါးသည့်အတွက် ထိုနစ်နာသွားသည့် အခါ နစ်နာအောင်ပြုသူက လျော်ကြေးပေးရန်တာဝန်ရှိသည်။

ပေးလျော်ရမည့် လျော်ကြေးငွေနှင့် စပ်လျဥ်း၍ {ေဒါ်မိမိကျော်/ဦးကျော်လှ( ၎င်း၏အထွေထွေကိုယ်စားလှယ်စာရသူ ဦးကျော်စိုးညွှန့်) နှင့် ဒေါ်နန်းအေးအေး၊ ၁၉၉၅ မတစ စာ၉၇ အမှုတွင် အောက်ပါအတိုင်းထုံးဖွဲ့ထားသည်_
"×××လျော်ကြေးငွေအရေအတွက် တောင်းဆိုသူ၏ လူနေမူအဆင့်အတန်းမြင့်မားမူ သို့မဟုတ် ရာထူးအဆင့်အတန်းကြီး မြင့်မူအပေါ်မူမတည်ပေ။ နစ်နာသူက ၎င်းရထိုက်သည့် အခွင့်အရေးကို ခိုင်ခိုင်မာမာ သက်သေထင်ရှားနိုင်မူသည်သာ အဓိကအချက်ဖြစ်သည်။××× "

""×××တရားလိုတစ်ဦးက တရားပြိုင်၏ ပြုမူချက်ကြောင့် မိမိတွင်ထိခိုက်နစ်နာခဲ့ရသည်အတွက်လျော်ကြေး
ငွေတောင်းဆိုရာ၌ အထွေထွေ
ွလျော်ကြေးငွေနှင့် အထူးလျော်ကြေးငွေ ဟူ၍ နှစ်မျိုးနှစ်စားရှိသည်။ အထွေထွေ လျော်ကြေးငွေ မှာ တရားပြိုင်၏ မတရားပြုမူချက်ကြောင့် တရားလိုတွင် နစ်နာခဲ့သည့်အလျောက် လျော်ကြေးငွေရထိုက်သည်ဟုဥပဒေကခွင့်ပြုထားသည့် လျော်ကြေးငွေပင်ဖြစ်သည်။ ထိုလျော်ကြေးငွေနှင့် ပက်သက်၍ တရားလိုသည် ၎င်း၏အဆိုလွှာတွင် လျော်ကြေးငွေကို တစ်လုံးတစ်ခဲတည်း ခန့်မှန်းကာဖော်ပြနိုင်သည်။ အချက်အလက် အသေးစိတ်ကို ဖော်ပြရန်မလို။
ထိုလျော်ကြေးငွေကို တွက်ချက်ရန်တာဝန်မှာ တရားရုံး အပေါ်၌တည်ရှိေနသည်။ အထူးလျော်ကြေးငွေမှာ ပစ္စည်း သို့မဟုတ် ငွေ အရေအတွက် ကို တွက်ချက်လို့ရသည့် လျော်ကြေးငွေ ဖြစ်သည့် အလျောက် ထိုလျော်ကြေးငွေကို တောင်းဆိုရာ၌ တရားလိုသည် မည်သို့ ကုန်ကျခဲ့ရသည်။ မည်၍ မည်မျှကုန်ကျခဲ့ရသည်ကို အချက်အလက် အသေးစိတ်ဖော်ပြရန်လိုေပသည်။
ဥပဒေ က အထူးလျော်ကြေးငွေ ကို သာမန်အားဖြင့် အသိအမှတ်မပြုချေ။×××"

"×××In awarding general damages, a Judge has to do his in assessing the amount, however difficult such
a task may appear to be×××"

"×××အထွေထွေလျော်ကြေးငွေ မည်မျှပေးသင့်သည်ဟု သတ်မှတ်ရန်ကိစ္စမှာ ခက်ခဲသည့်ကိစ္စရပ်ဖြစ်သော်လည်း တရားရုံးက အစွမ်းကုန်ကြိုးစား၍ ချိန်ဆရမည်ဖြစ်ကြောင်း×××" ဟန်ချူကင်းပါ၃ စောချိန်ပွန်ပါ ၂ ၁၉၅၆ မတစ စာ ၄၉၀ (လွှတ်တော်) အမူတွင်ထုံးဖွဲ့ထားသည်။

အသရေဖျက်မူအပေါ် အခြေခံကာ လျော်ကြေးငွေရလိုကြောင်း စွဲဆိုသော ဦးစောဟန် နှင့် ဦးအုန်းခင်ပါ ၄၊ ၁၉၅၉ မတစ စာ ၂၄ (D4C347) အမူတွင် ယခင်တရားလွှတ်တော်ချုပ်က လျော်ကြေး နှင့်စပ်လျဥ်း၍ အောက်ပါအတိုင်း ပြဆိုသည်_

"×××လေျာ်ကြေးငွေ မည်ရွေ့မည်မျှ ပေးဆောင်သင့်သည်ဆိုသော ပြသနာနှင့် စပ်လျဥ်း၍ မူလရုံးတော်က အမိန့်ကို အလွယ်တကူ မပယ်ဖျက်သင့်ကြောင်း၊ ထိုရုံးတော် ချမှတ်သော အမိန့် မှာ ဥပဒေမူတရပ်ရပ်နှင့်ဖီလာလျှင်သော်လည်းကောင်း၊ ချမှတ်လျော်ကြေးငွေမှာ အဆမတန် များလွန်းပြီး တရားလို နစ်နာချက် နှင့် အလျဥ်းပင် မကိုက်ညီလျှင်သော်လည်းကောင်း အမှားမှားအယွင်းယွင်း ချမှတ်သာလျှင် ထိုအမိန့်ကို အယူခံရုံးတော်က ဝင်ရောက်စွက်ဖက်အပ်သည် ဟူသော မူမှာလျော်ကန် သင့်မြတ်သော မူတစ်ရပ်ဖြစ်သည်။×××"

ကိုးကား ဆရာကြီးဦးမြ ဥပဒေပြသနာအဖြာဖြာ စာ ၂၄၃ ၂၄၄ ၂၄၆ ၂၄၇။

28/07/2025

အခိုင်အမာဆောက်လုပ်ထားခြင်း၏ အကျိုးဆက်
++++++++++++++++++++++++++++

အခွင့်အမိန့်အရ နေထိုင်သူကို နှင်လိုမှု_ နေအိမ် အခိုင်အမာ ဆောက်လုပ်ခွင့်ပြုခဲ့လျှင် မြေရှင်သည် ယင်းနေအိမ်ကို ဖယ်ရှားခွင့် ရှိ မရှိ။

ဦးတင်အောင်ပါ ၃ နှင့် ဦးကိုလေး၊ ၁၉၉၁ မတစ စာ ၇၁ အမှုတွင် အောက်ပါအတိုင်း ထုံးဖွဲ့လမ်းညွှန်ခဲ့သည်မှာ_

"×××အချင်းဖြစ်မြေကွက်တွင် ဦးတင်အောင်သည် ၁၉၇၀ ပြည့်နှစ်တွင် ဦးကိုလေး၏ ခွင့်ပြူချက်အရ တဲအိမ်ဆောက်လုပ်နေထိုင်ပြီးနောက် တပ်ကုန်းမြို့သို့ ပြောင်းရွှေ့သွားခဲ့သည်။ ထို့နောက် ၁၉၇၃ ခုနှစ်တွင် ယခုတည်ရှိသော တိုက်ခံအိမ်ကို ဦးလေးထံ ခွင့်တောင်းပြီး ငွေကြေးကုန်ကျခံကာ ဆောက်လုပ်ခဲ့ကြောင်း တွေ့ရသည်။ ယင်းကဲ့သို့ ဦးတင်အောင် က ငွေ အမြာက်အများ အကုန်ခံ၍ တိုက်ခံနှစ်ထပ်အိမ် ဆောက်လုပ်ပြီး ၁၉၈၈ ခုနှစ်တွင် တိုက်ခံအိမ်ကို ဖျက်ပြီး မြေပေါ်မှ ဖယ်ရှားပေးရမည်ဆိုလျှင် တရားမျှတမှုရှိမည်မဟုတ်ချေ။ ဦးတင်အောင်တို့သည် အခွင့်အမိန့်သက်သက်အရ နေထိုင်သူများ မဟုတ်ဘဲ နေအိမ်အခိုင်အမာ ဆောက်လုပ်ခွင့်ပြုခဲ့သဖြင့် မြေရှင်သည် ယင်းနေအိမ်မှ ဖယ်ရှားခွင့်ရှိမည် မဟုတ်ပေ။ ယင်းဥပဒေသဘောတရားကို မမင်းသူ နှင့် စစ်ဝှက်၊ ပီဂျေအယ်ဘီ၊ စာ ၁၀၇ အမူတွင် တွေ့မြင်နိုင်ပေသည်။ ထို့အပြင် တရားရုံးချုပ်( မန္တလေးရုံးထိုင်) ဦးမောင်မောင်ပါ ၂ နှင့် ဦးတင်ဦးပါ ၂၊ ၁၉၈၇ ခုနှစ်၊ တရားမပထမအထူးအယူခံမူ အမှတ် ၄၉၊ ဦးခင်မောင် ပါ ၇ နှင့် ဒေါ်ကျင်ညွှန့် ၁၉၈၉ ခုနှစ်၊ တရားမပထမအထူးအယူခံမူ အမှတ် ၆၄ အမူများတွင်လည်း မမင်းသူ အမူတွင် ထုံးဖွဲ့ထားသော ဥပဒေသကို လိုက်နာခဲ့ကြောင်း တွေ့ရှိသည်။×××"

Address

Yangon

Opening Hours

09:00 - 17:00

Website

facebook.com

Alerts

Be the first to know and let us send you an email when Min Advocate - Legal Services and Counsellor posts news and promotions. Your email address will not be used for any other purpose, and you can unsubscribe at any time.

Min Advocate - Legal Services and Counsellor

23/08/2025

18/08/2025

28/07/2025

Address

Opening Hours

Website

Alerts

Shortcuts

Share

Category

Listing takedown request