Htoo Legal Services

21/02/2026

အီးစီးကရက် V**e နှင့် ရှိရှား များကို တရား၀င်တားမြစ်
ပိတ်ပင် ဖမ်းဆီးပါတော့မည့် ကျန်းမာရေး၀န်ကြီးဌာနကထုတိပြန်သည့် အမိန့်၈/၂၀၂၆အရ

ဆေးလိပ်ဖြတ်စက်ဟု လူသိများသော အီးစီးကရက် V**e နှင့် ပတ်သတ်သည့် ဆက်ယှက်ပစ္စည်းများကို တင်သွင်း၊ တင်ပို့ခြင်း၊
ရောင်း၀ယ်ခြင်း၊ သုံးစွဲခြင်း၊ လက်၀ယ်ထားရှိခြင်း၊ သိုလှောင်ခြင်း
သယ်ဆောင်ခြင်း၊ ဖြန့်ဖြူးခြင်းတို့ ပြုလုပ်ပါက အရေးကြီးကုန်စည် နှင့် ၀န်ဆောင်မှုဥပဒေအရ အရေးယူခံရမည်ဖြစ်ကြောင်း
ကျန်းမာရေး၀န်ကြီးဌာနက ၂၀၂၆ ဖေဖော်၀ါရီလ (၁၈) ရက်နေ့မှ
စ၍ တားမြစ်ပိတ်ပင်လိုက်ကြောင်း သိရပါသည်။

30/12/2025

အထက်ရှေ့နေများ ကိုထုတ်ပေးသည့်တာဝန်ခံလက်မှတ်လာရောက်ထုတ်ယူနိုင်ကြောင်းနှင့် မှတ်ချက် ၃၁.၁၂.၂၀၂၅ ရက်နေ့တွင် ပြုလုပ်မည့်AML/CFT သင်တန်းကိုလူကိုယ်တိုင်လာရောက်တက်ရောက်သူများကိုသာ အထက်တန်းရှေ့နေတာဝန်ခံလက်မှတ်ပေးအပ်မည်

06/12/2025

"ရှေ့နေကို ပေးရသော ရှေ့နေခ"

ရှေ့နေဆိုတာ သူတတ်တဲ့ ပညာ၊
လေ့လာဆည်းပူး ထားတဲ့ ပညာ နဲ့
ရှေ့နေအဖြစ် အသက်မွေးဝမ်းကျောင်း ပြုကြတာပါ
ဒါကို မပေးချင်ရင် ကိုယ့်ဘာသာ လုပ်ပါ
ဆောင်ရွက်ပါ
တရားရုံးမှာ ကိုယ့်အမှုကိုယ်တိုင်လိုက်ပါ
ဘယ်တရားရုံးက မှ ကိုယ်တိုင် မလိုက်ရ
ရှေ့နေငှား ကိုငှား ရမည်လို့ မပြောပါ
ဥပဒေလဲ မရှိပါ

ကိုယ့်စာချုပ် ကိုချုပ်ပါ
စာချုပ် ကိုယ့်ဘာသာ မရေးရ လို့
ဘယ်ဥပဒေမှာ မှ မရှိပါ
ပဋိညာဉ်နဲ့ မညီလို့
သက်ဆိုင်ရာ ဥပဒေ တွေနဲ့မကိုက်ညီလို့
ဖြစ်ပေါ်လာတဲ့ အကျိုးရလဒ် ကိုယ်သာခံရမှာမို့
ရှေ့နေ နဲ့ မချုပ်ချင် မချုပ်ပါနဲ့
တပြားမှ မပေးရ၊ ကုန်ကျစရာမလိုပါ

အဲဒီလို မဟုတ်ပဲ ကိုယ် အတွက် လိုအပ်လို့
ကိုယ့် အကျိုးအတွက် ဥပဒေအရ
သက်သာခွင့်တွေ
ရပိုင်ခွင့်တွေ
ကင်းလွတ်ခွင့် တွေကို လိုချင်လို့
ကိုယ်တိုင် မဆောင်ရွက် နိုင်လို့
ရှေ့နေ ငှားပြီ ဆိုရင်
ရှေ့နေ တစ်ယောက်ရဲ့
Professional Fees ကို ပေးရပါမယ်

သူ့အမှုသည် အကျိုးအတွက်
စာရွက်အဖြူပေါ် စာတွေ ရောက်ဖို့
တောင်းဆို ဖို့
လျှောက်လဲ ဖို့
- ပညာသင်ခဲ့ ရတဲ့နှစ်တွေ
- မရှိမဲ့ ရှိမဲ့ အငတ်ခံ ဝယ်ခဲ့ ရတဲ့
ဥပဒေ စာအုပ်ဖိုးတွေ
- ဆရာတွေရဲ့ နောက် မှာ စားချိန်မမှန်
အငတ်ခံ လေ့လာသင်ယူခဲ့ ရတဲ့ အချိန်တွေ
ရှေ့နေ တစ်ယောက် အဖြစ် အသက်မွေးဝမ်းကျောင်း ပြုနိုင်ဖို့ ပေးဆပ်ခဲ့ ရတာ နည်းတယ် များမှတ် နေပါသလား၊
ပါရမီ မပါရင်
ဒါဏ်မခံနိုင်ရင်
အငတ် မခံနိုင်ရင်
အိပ်ရေးပျက် မခံနိုင်ရင်
စာမဖတ်နိုင်ရင် ရှေ့နေတစ်ယောက်
ဖြစ်မလာပါဘူး

ခင်ဗျားတို့ မြင်လိုက်ရတဲ့
ခင်ဗျားတို့ ထင်တဲ့
အချိန်ခဏလေး ပဲ ပြောလိုက် ရတာ
ရေးလိုက် ရတာ
ဒီလောက် ပေးရတာ မတန်ဘူး ဆိုပြီး
ရှေ့နေခ ကျန်ငွေ မပေးတာ
မသိချင်ယောင်ဆောင်တာ
ph မကိုင်တော့တာ
ရှေ့နေခ မပေးချင်လို
ကလိမ်ကျတာ လိမ်ညာလှည့်ပတ်တာ
ဒီကိစ္စ ဒီအမှု အတွက် ရှေ့နေခ ဘယ်လောက် ဆိုတာ ကျေကျေနပ်နပ် ငှားခဲ့ပြီးမှ
ရှေ့နေ ရှေ့ရပ် တာဝန် ကျေပွန် ပါလျှက်နဲ့
ဘာကြောင့် မပေးချင် ကြတာပါလဲ
အရှက်မဲ့ လိုက်ပါဘိ

အနှီ အမှုသည် တို့
သိစေချင် ပါသည်
ဘယ်ရှေ့နေ မဆို ရှေ့နေခ အကုန်မရ လို့
အမှု ဆက်မလိုက်တော့ဘူး ဆိုတဲ့ ရှေ့နေ
မရှိပါ
ခင်ဗျားတို့ ရှေ့နေခ မပေးလည်း
အမှုပြီးဆုံးအောင် လိုက်ကြ ပါသည်။
ခင်ဗျားတို့ ရုံးချိန်း မလာလည်း
ရှေ့နေကတော့ သူ့အလုပ်ကို သူ့ကျင့်ဝတ် နဲ့အညီ ပြီးဆုံးအောင် လုပ်ကြပါသည်။
"အမှုသည် မလာ ရှေ့နေ မလာ အမှုပလပ်
အမှုသည် မလာ ရှေ့နေ မလာ အမှု တဖက်သက်သွား " ဒီလိုမျိုး အဖြစ်မခံ ကြပါဘူး
သူတော်ကောင်းတို့
ပညာရှိရှေ့နေ များ အမှုကို ပြီးဆုံးအောင် လိုက်ကြပါသည်။
ဒါတောင် ငိုစား ရယ်စား စားသော ရှေ့နေ ဟု အပြောခံ ကြရပါ သေးသည်။
ငိုစား ရယ်စား စားရဖို့ မပြောနဲ့
ကိုယ်ရသင့် တဲ့ ကိုယ့်ပညာခတောင်
အပြည့် မစားရ သော ရှေ့နေတွေ ဒုနဲ့ဒေး။
ရှေ့နေ အားလုံးနီးပါး ခံစားရဘူးပါသည်။

အားတိုင်း ကိုယ်သိချင်
ကိုယ်လုပ်ချင်တာရှိတိုင်း
Free consult ယူယူ နေပြီး
ရှေ့နေ တစ်ယောက် ကို လက်တလုံးခြား
အသုံးချ အမြတ်ထုတ် ဖို့ ကြိုးစား နေတဲ့
ခပ်ညံ့ညံ့ ပွဲစားစိတ်ဓါတ် ကို လက်ကိုင်ထားပြီး
Professional တစ်ယောက်ကို
အမြတ်ထုတ် အသုံးချဖို့ကြံတာ မသိရအောင်
ရှေ့နေလေ ကွယ် စဉ်းစားပေါ့

ရှေ့နေ တစ်ယောက်က သူ့စည်းကျော်လာ လို့
ပြောမှ ဘာတဲ့ Mutual respect မရှိဘူး
အဲဒီတော့ ကျမက ထိုင်ကန်တော့ ရမှာလား ?

ဘယ် Professional အလုပ်ကို လုပ်နေ တဲ့သူ ဆီက မှ သူ့ ရဲ့ Professional Fees
မပေးချင်ရင် အကြံမယူ ပါနဲ့
မတန်ဘူးထင်ရင် မဆွေးနွေး ပါနဲ့
များတယ်ထင်ရင် မငှားပါနဲ့
ခင်ဗျားတို့ကို ပေးလိုက် တဲ့ အချိန် ခဏလေးပဲဖြစ်နေပါစေ သူနဲ့ထိုက်တန်တဲ့ ကြေး ပေးရမှာ ပါပဲ။

Legal Consultant
Tax Consultant
Business Consultant
Management Consultant
စသဖြင့် အများကြီး အများကြီး ပါ
နယ်ပယ် အသီးသီး မှာ
Professional တွေအဖြစ် အများကြီး အသက်မွေးဝမ်းကျောင်း ပြုနေကြပါတယ်။
အဲဒီ အဆင့် ရောက်ဖို့ ပေးဆပ်ခဲ့ရတာ
အများကြီးပါ၊

သူတို့ဆီက အကြံပြုချက် ကြောင့်
သူတို့ကို ပေးရတဲ့ ပညာကြေး ထက်
အဆပေါင်းများ စွာ အကျိုးရှိ လို့
ခင်ဗျားတို့ သွားတာလေ၊ ဆွေးနွေး တာလေ
အရှက်မမဲ့ကြပါ နဲ့
မျက်ခုံးမွှေးပေါ်စင်္ကြန်လျှောက်ဖို့
မကြိုးစားကြပါနဲ့

04/12/2025

သတောတူစာချူပ်စာတမ်းများ ချုပ်ဆိုရာ၌သတိပြုရမည့်အချက်များ
ဦးကောင်းသက်ထူးဇော်(အထက်တန်းရှေ့နေ)
ဖုန်း-09751100456\09978799616

27/11/2025

ရာဇသတ်ကြီးဥပဒေပုဒ်မ-၅၀၅ (က) (ခ)နှင့် ကင်းလွတ်ချက်များ



ဦးကောင်းသက်ထူးဇော် (အထက်တန်းရှေ့နေ)
09751100456
ဥပဒေအကြံပေးနှင့် စာချုပ်းစာတမ်းများအားဥပဒေနှင့်အညီချုပ်ဆိုပေးသည်။

26/11/2025

ပုဒ်မ ၅၀၅ (က) နှင့် ထောင်ဒ-ဏ်ကျခံနေရသူ (၃၀၈၅) ဦးကို ပြစ်ဒ-ဏ်လွတ်ငြိမ်းခွင့်ပေးပြီး တရားရင်ဆိုင်နေရဆဲ (၅၅၈၀) ဦးကို အမှုပိ-တ်သိမ်း

နိုင်ငံတော် အကြည်ညိုပျက်စေမှု ပုဒ်မ ၅၀၅ (က) အမှုဖွင့်ခံရပြီး ပြစ်ဒ-ဏ်ကျခံနေရသူ ၂၃၆၁ ဦးကို ကျခံရန် ကျန်ရှိနေသည့် ပြစ်ဒ-ဏ်များအား လျှော့ပေါ့ကာ လွတ်ငြိမ်းချမ်းသာခွင့်ပေးလိုက်ကြောင်း ယနေ့ နိုဝင်ဘာ ၂၆ ရက် ည (၈) နာရီတွင် အမျိုးသားကာကွယ်ရေးနှင့် လုံခြုံရေးကောင်စီက သတင်းထုတ်ပြန်သည်။

အလားတူ ပုဒ်မ ၅၀၅ (က) ဖြင့် ပြစ်ဒ-ဏ်ကျခံနေရသူ (၇၂၄) ဦးကိုလည်း "နောက်ထပ်ပြစ်မှု ထပ်မံကျူးလွန်ပါက ကျခံရန် ကျန်ရှိနေသည့် ပြစ်ဒဏ်များအား ဆက်လက်ကျခံမည်" ဟူသည့် စည်းကမ်းချက်ဖြင့် ပြစ်ဒ-ဏ်များမှ လွတ်ငြိမ်းခွင့်ပြုခဲ့ကြောင်း သိရသည်။

ထို့ပြင် ပုဒ်မ ၅၀၅ (က) ဖြင့် အမှုဖွင့်ခံထားရပြီး ထွက်ပြေးတိမ်းရှောင်နေသည့်အတွက် ရာဇဝတ်ကျင့်ထုံး ဥပဒေပုဒ်မ ၅၁၂ ဖြင့် တရားစွဲဆိုခံရသူ ၅၅၈၀ ဦး၏ အမှုများအား ပိ-တ်သိမ်းပြီး အမှုမှလွှတ်ရန်လည်း အမိန့်ထုတ်ပြန်ခဲ့သည်။

အဆိုပါ အမိန့်များအား မကြာမီကျင်းပမည့် ရွေးကောက်ပွဲတွင် မဲပေးခွင့်ရှိသူအားလုံး လွတ်လပ်မျှတစွာမဲပေးနိုင်ရေးအတွက် ယခုကဲ့သို့ ထုတ်ပြန်ကြေညာခြင်းဖြစ်ကြောင်းလည်း အမျိုးသားကာကွယ်ရေးနှင့် လုံခြုံရေးကောင်စီက သတင်းထုတ်ပြန်ထားသည်။

30/09/2025

30/09/2025

နိုင်ငံဝန်ထမ်းများ အပိုထောက်ပံ့ခြင်း အောက်တိုဘာလ ၁ရက်နေ့မှ စ၍ ထပ်မံခွင့်ပြုခြင်း

30/09/2025

ဂရန်ကတုံး ဖြစ်သော်လည်း အမွေဆက်ခံမည့်သူ ရှာဖွေ၍ အမည်ပြောင်းနည်း
:::::::::::::::::::::::::::::::::::::::::::::::::::::::::::::::::::::::::::::::::

မြေနှင့်အိမ်ဝယ်လျှင် ဝယ်သည့်မြေမှာ မိမိအမည်ပေါက်ဖြစ်ရန်လိုသည်။ သို့မှသာ အိမ်ဆောက်ရန် မြေပုံကူးယူခြင်း ၊ ခြံစည်းရိုးကာခြင်း ၊ ဘဏ်ငွေချေးခြင်း ပြုလုပ်ရန် အတွက် အိုးအိမ်/စည်ပင်မြေပုံကူးနိုင်သည်......

မြေကွက်မှာ မိမိဝယ်ထားသည်မှာ မှန်သော်လည်း ဥပဒေအရ မိမိအမည်ပေါက် မဟုတ်လျှင် အဆိုပါ ကိစ္စများလုပ်ဆောင်ခြင်း မပြုနိုင်ပါ.....

သို့သော် မူလဂရန်ပိုင်ရှင် က မှတ်ပုံတင် General Power/ Special Power မိမိအားပေးထားလျှင်တော့ အထက်ပါ ကိစ္စရပ်များ ဆောင်ရွက်နိုင်ပါသည်....

မူလဂရန်ပိုင်ရှင် သေသွားလျင် ဝယ်သူအမည်ပြောင်းဖို့အဆင့်များ
===============================

အကယ်၍ မိမိဝယ်ယူခဲ့သည့်၊ ဂရန်အမည်ပေါက် / မြေအမည်ပေါက်များက သေဆုံးသွား၍ ကျန်ရစ်သူ သားသမီးများထံမှ အမွေဆက်ခံသည့် မြေနှင့်အိမ်ကို ဝယ်ယူထားသော သူများမှာ ဥပဒေနှင့် အညီ မိမိအမည်ပေါက် ဂရန်မြေရရှိရေးအတွက် ဆောင်ရွက်ရသည့်အခါ အချိုအချောင် ဟု ထင်ခဲ့သော မြေနှင့်အိမ်မှာ သူများအပူကိုယ့်အပူဖြစ်တော့သည်။ သူများ ဒုက္ခကိုဝယ်ယူသူ ဖြစ်သွားသည်။

အိုးအိမ်ဂရန်လား ၊ စည်ပင်ဂရန်လား ခွဲခြားစုံစမ်းပါ
===============================

အိမ်ကလည်း အသစ်ဆောက်ချင်သည်၊ ခြံစည်းရိုးကာဖို့လည်းလိုသည်။ သည်တော့ မိမိအမည်ပေါက် မြေငှါးဂရန် ရရန် ဘာတွေလုပ်ရမည်နည်း။ သက်ဆိုင်ရာ ရန်ကုန်မြို့တော်စည်ပင်သာယာရေးကော်မတီ မြို့ပြမြေ စီမံခန့်ခွဲမှုဌါန နှင့် မြို့ပြနှင့် အိမ်ရာဖွံ့ဖြိုးရေး ဦးစီးဌာန မြို့မြေစာရင်းတွင် သွားရောက်စုံစမ်းရသည်.....

အလာကောင်းမှ အနှောင်းသေချာဖို့ အကူအညီယူပါ
=================================

ဂရန်ကတုံးဝယ်မိပါက မြေအမည်ပေါက် မိသားစုထံသွား၍ အကူအညီတောင်းရသည်။ သေဆုံးသူ၏ သေစာရင်းမူရင်းပြ၍ ကျန်ရစ်သူများက တရားသူကြီးထံတွင် မြေအမည်ပေါက် မိခင်/ ဖခင်သေဆုံး၍ မိမိတို့မှာ အမွေဆက်ခံပိုင်ဆိုင်သူများဖြစ်ကြောင်း၊ ကျမ်းကျိန်တင်ပြရသည်။ အိမ်နီးနားချင်းနှစ်ဦးကလည်း သေဆုံးသူများမှာ လျှောက်ထားသည့်မြေနှင့်အိမ်ကို ပိုင်ဆိုင်သူများဖြစ်ကြောင်း၊ ကျန်ရစ်သည့် သားသမီးများက အမွေဆက်ခံပိုင်ဆိုင်သည်မှာ မှန်ကန်ပါကြောင်း ဘေးက ဝိုင်းကူ၍ ကျမ်းကျိန်ပေးရသည်......

သားသမီးများက အမွေဆက်ခံပိုင်ဆိုင်ကြောင်း လျှောက်ရန်
===================================

ကျမ်းကျိန်(၃) စောင် ဂရန်မူရင်း ၊ သေစာရင်း၊ သားသမီးများ၏ မှတ်ပုံတင်မူရင်း၊ ကြွေးကျန်ကင်းရှင်းကြောင်း ထောက်ခံချက်များယူဆောင်၍ ကျန်ရစ်သူသားသမီးများ ကိုခေါ်၍ ရန်ကုန်မြို့တော် စည်ပင်သာယာရေး ကော်မတီ၊ မြို့ပြမြေစီမံခန့်ခွဲမှုဌာန (သို့) မြို့ပြနှင့်အိမ်ရာ ဖွံ့ဖြိုးရေးဦးစီးဌာနတို့မှာ သွားရောက်ပြီး ပိုင်ဆိုင်ကြောင်း မြေပုံကူးလျှောက်ထားရသည်.....

ထို့အတူ အရောင်းအဝယ်စာချုပ်ချုပ်ဆိုရန် မြေပုံ/မြေရာဇဝင်ကိုပါ တပါတည်းလျှောက်ထားရသည်။ သို့မှသာ အမွေဆက်ခံပိုင်ဆိုင်ကြောင်း စာချုပ်ချုပ်ဆိုပြီးသည့်နှင့် တဆက်တည်း မှတ်ပုံတင် အရောင်းအဝယ်စာချုပ်ကို ချုပ်ဆိုနိုင်သည်.....

ပိုင်ဆိုင်သူများဖြစ်ကြောင်း သားသမီးများက မှတ်ပုံတင်ထားရမယ်
==================================

မြို့တော်စည်ပင်မှ တစ်လခန့်ကြာပြီး မြေပုံ မြေရာဇဝင် ရလာသည်နှင့် ရန်ကုန်မြို့ စာချုပ်စာတမ်းမှတ်ပုံတင်ရုံးမှာ ကျန်ရစ်သူသားသမီးများက အမွေဆက်ခံပိုင်ဆိုင်ကြောင်း စာချုပ်ချုပ်ရသည်။ နှစ်ပတ်ခန့်အကြာ စာချုပ်ရုံးက ပိုင်ဆိုင်ကြောင်း စာချုပ်ရလာသည့်အခါ မှတ်ပုံတင်အရောင်းအဝယ်စာချုပ်မချုပ်မီ၊ ရန်ကုန်တိုင်းဒေသကြီး အခွန်ဦးစီးဌာနသို့ သွားရသည်....

ဝင်ငွေခွန်ဥပဒေအရ တန်ဖိုးဖြတ်ပေးဖို့ အခွန်ရုံးကို တင်ပြရန်ပြန်
====================================

မရွေ့မပြောင်းနိုင်တဲ့ ပစ္စည်းဖြစ်သည့်အတွက် မိမိဝယ်ယူထားသည့် မြေနှင့်အိမ်ကိုတန်ဖိုးပြပေးဖို့ ရန်ကုန်တိုင်းဒေသကြီး ကာလတန်ဖိုး စိစစ်သတ်မှတ်ရေး အဖွဲ့သို့ တင်ပြရသည်။ ယင်း ဘုတ်အဖွဲ့ကလည်း ဆက်စပ်သက်ဆိုင်သည့် စာရွက်စာတမ်းများပြည့်စုံမှ လက်ခံသည်။ ဥပမာ- ဂရန်/ စာချုပ် ပိုင်ဆိုင်ကြောင်း စာချုပ်၊ မြေပုံမြေရာဇဝင် ၊ ဝယ်သူ၏မှတ်ပုံတင် ၊ အိမ်ထောင်စုစာရင်း၊ စသည်တို့ကို (၆)စုံစီတွဲ၍တင်ပြရသည်။ ယင်းဘုတ်အဖွဲ့၏ ဆုံးဖြတ်ချက်အရ မြေနှင့်အိမ်တန်ဖိုးသတ်မှတ်တန်ဖိုးကို မြေနှင့်အိမ်တည်ရှိရာ မြို့နယ်အခွန်ဦးစီးဌာနတွင် သွားရောက်ပေးဆောင်ရသည်....

နှစ်ထပ်ရှိမှ မှတ်မိဆိုသလို စာချုပ်ရုံးကို သွားရပြန်ပြီ
====================================

ရန်ကုန်တိုင်း အခွန်ရုံးမှ အခွန်တံဆိပ်ခေါင်းနှင့်ငွေသွင်းပြီး ချလန်စာရွက်များရရှိပါက အထက်တွင်ဖော်ပြခဲ့သည့် စာရွက်စာတမ်းတင်ပြ၍ အမွေဆက်ခံသူတို့နှင့် မြေဝယ်ထားသူတို့ ရန်ကုန်မြို့စာချုပ်ရုံးမှာ မှတ်ပုံတင်အရောင်းအဝယ် စာချုပ်ချုပ်ဆိုရပြန်သည်။ စာချုပ်ပြီး ချက်ခြင်းမရ။ (၁၄) ရက်ခန့်အကြာမှ မှတ်ပုံတင်စာချုပ်ထုတ်ယူ၍ရသည်.....

မိမိအမည်ပြောင်းဖို့ မြို့တော်ခန်းမသို့ နောက်တစ်ခါက်
====================================

စာချုပ်စာတမ်းရုံးမှ မှတ်ပုံတင်အရောင်းအဝယ်စာချုပ်ရရှိသည်နှင့် ဝယ်သူအမည်ပေါက်ရရှိရန် ရန်ကုန်မြို့တော်စည်ပင်သာယာရေးကော်မတီ (၄၆)လမ်းရုံး ခန်းမ သို့သွား၍ အရောင်းအဝယ်စာချုပ် (မူရင်း) ဂရန် (မူရင်း) မှတ်ပုံတင် (မူရင်း) ကြွေးကျန်ကင်းရှင်းကြောင်းထောက်ခံချက်တို့ကို တင်ပြ၍ မြို့နယ်အလိုက် အမည်ပြောင်းခ ပေးသွင်းရသည်။ ကန့်ကွက်ရန်ရှိမရှိ မြို့ပြ မြေစီမံခန့်ခွဲမှုဌါန မှ ကွင်းဆင်းစစ်ဆေးသည်....

ကန့်ကွက်သူမရှိမှသာ တစ်လခန့်အကြာ၌ မိမိဝယ်ယူထားသည့် ဂရန်(သို့) မြေပိုင်မြေ စာချုပ်ပေါ်တွင် မိမိအမည်ပြောင်းပေးတော့သည်။
မူရင်းရေးသားသူအား လေးစားစွာခရက်ဒစ်ပေးပါသည် #

27/09/2025

လူမှုကွန်ရက်ပေါ်၌ ပုဂ္ဂိုလ်ရေးဆိုင်ရာ အသေရေဖျက်မှုများကို တိုင်ကြားနိုင်သည့် ကိစ္စ

ဦးကောင်းသက်ထူးဇော်
အထက်တန်းရှေ့နေ
၀၉၇၅၁၁၀၀၄၅၆
ဥပဒေ နှင့်ပတ်သတ်တာတိုက်ပင်ဆွေးနွေးလိုသူများ ဆွေးနွေးနိုင်ပါသည်။

01/09/2025

စက်တင်ဘာလ ၁ ရက်နေ့ ၊ ကုမ္မဏီများသို့ အလေးထားဆောင်ရွက်ရန်ထုတ်ပြန်ချက် ။
အထက်တန်းရှေ့နေ
၀၉၇၅၁၁၀၀၄၅၆

advice

07/07/2025

AML/CFTဆိုင်ရာ ထုတ်ပြန်ချက်