https://www.facebook.com/486290447907526/

Lawyer&Lawfirm services, Yangon (2026)

23/12/2024

⚖️ဂရန်ကတုံး ယာယီရပ်ဆိုင်းမှုသတင်း။🏡🏡🏡🏡🏡

ဂရန်ကတုံး အရပ်အခေါ်
သို့မဟုတ်
ဥပဒေအခေါ် ကျ ဂရန်မြေကို အရပ်ကတိစာချုပ်နဲ့ဝယ်ယူထားတဲ့ မှတ်ပုံမတင်ရသေးသော မူလအမည်ပေါက်အတိုင်းထားတဲ့ ဂရန်မြေ။

18.12.24 ကနေစပြီး ဂရန်ကတုံးအမှုတွေကို တရားရုံးက ယာယီရပ်ဆိုင်းလိုက်ပါပြီ။အရင်ကတင်ထားတဲ့အမှုတွဲတွေကတော့ ရပါတယ်။18 ရက်မှစလုပ်မယ့်အမှုတွေရပ်သွားပါပြီ။နောက်ဆုံးတော့ဂရန်ကတုံးလဲအမည်ပြောင်းမရတော့ပါဘူးရှင်။ရှင်းရှင်းပြောရရင်တစ်ဖက်သက်အနိုင်ဒီဂရီစွဲမရတော့ပါဘူးရှင်။
Lawfirm Services
Ph.09794729815

23/12/2024

ဂရန် အမည်ပေါက် ပိုင်ရှင် လုံးဝ ရှာမတွေ့ တော့လျှင်. အရပ်အခေါ် ဂရန်ကတုံး ( သို့တည်း မဟုတ် ) ဂရန် အမည်ပေါက်သေဆုံး. / အဆက်သွယ် မရတော့ သည့်ကိစ္စ ရပ်တွေမှာ မိမိ အမည်ပေါက် ဘယ်လို ဆက်ဖောက် ရမလဲဆိုရင် တစ်ဖက် သတ်တရားစွဲရမည် လို့သာ အလွယ်သိထား/အလွယ်ပြော ကြပါတယ် ။

ဘာ့ကြောင့် တရားစွဲ ရသည် ဆိုခြင်းကို သိထားဖို့
လိုပါသည် ။ အတု အပွားမရှိသော မြေဌား ဂရန် နှင့်တကွ မြေကွက် တစ်ကွက် ကိုဝယ်ယူ ပိုင်ဆိုင်ထားပြီး ဂရန် အမည်ပြောင်း ရန် ပိုင်ရှင်ကို လုံးဝရှာ မတွေ့တော့ လျှင် " မှတ်ပုံ တင်စာချုပ် ချုပ်ပေး စေလိုမှု " နှင့် မြို့နယ် တရားရုံးတွင် တရားစွဲဆို ခြင်းဖြင့် အမည်ပြောင်း စာချုပ် ချုပ်ဆို ခြင်းသည်သာ နည်းလမ်း အမှန်ဖြစ် ပါသည် ။

( ပစွည်း လွှဲပြောင်ခြင်း ဥပဒေ ပုဒ်မ -၅၅ ( ဃ )

မှတ်ပုံတင် စာချုပ်ချုပ် ပေးစေ လိုမှု "နှင့် တရားစွဲ၍ အနိုင်ဒီဂရီ ရပြီးလျှင် အရေးကြီးဆုံး အချက်မှာ ထို အနိုင်ဒီကရီကို ( ၄ ) လအတွင်း စာချုပ် စာတမ်းရုံးတွင် မှတ်ပုံတင် ရမည့် ကိစွပင် ဖြစ်သည် ။ ထိုသို့ မှတ်ပုံ မတင်မိပါက အနိုင်ရ ပြီးသားကိစ္စ ပြန်၍ ပျက်ပြယ် နိုင်ပါသည် ။

( စာချုပ် စာတမ်း မှတ်ပုံတင် ရေးဥပဒေ ပုဒ်မ - ၂၃ ဒုအပိုဒ် )

ဇာရီမှု ဖွင့်တယ် ဆိုသည်မှာ အနိုင် ဒီကရီ ရထားသော အမိန့်စာရွက် အား လိုက်ပါ ဆောင်ရွက်ပေး
မည့် လူခန့်ထား တာဝန်ပေး၍ ဆောင်ရွက် ခြင်းသာ ဖြစ်သည်ဟု နားလည် သဘောပေါက် ထားလျှင် လုံလောက် ပါသည် ။ ဇာရီမှုမှ ခန့်ထားသော ဘိလစ် က အနိုင်ဒီကရီ ရထားသည့် အတိုင်း မြေပုံ မြေရာဇဝင် ထုတ်ယူခြင်း ၊ ရာဖြတ် တင်ခြင်း ၊ စာချုပ် မှတ်ပုံတင် ရုံးတွင်လက်မှတ် ရေးထိုး ပေးခြင်းမှစ၍ အားလုံး အစစအရာရာ လိုက်ပါ ဆောင်ရွက်ပေး ခြင်းဖြင့် မိမိ အမည်ပေါက် ဂရန် ရရှိမှာ ပဲဖြစ်ပါတယ်🏰🏰🏰
Lawfirm Services
Ph0. 9794729815

23/12/2024

မင်္ဂလာပါရှင်
စီးပွားရေးဥပဒေဒီပလိုမာသင်တန်း(DBL)
အကြောင်း မျှဝေပေးလိုက်ပါတယ်ရှင်

Law Dept. (YU) မှဖွင့်လှစ်သင်ကြားပေးတဲ့ DBL သင်တန်းအကြောင်း စုံစမ်း မေးမြန်း လာသူများ အတွက် ဒီ post လေး တင်ဖြစ်ပါတယ်၊ DBL တက်ရန် အစီအစဉ် ရှိသူများ အတွက်ပါ။

YU မှ ဖွင့်လှစ်တဲ့ DBL သင်တန်း ဟာ
ဥပဒေဘွဲ့ရနှင့် မည်သည့် ဘွဲ့ရမဆို တက်ရောက် လို့ရတဲ့ သင်တန်း ဖြစ်ပြီး တက်ရောက်ခွင့် အတွက် ၀င်ခွင့် စာမေးပွဲ ဖြေဆိုရပါတယ်။ ခုနောက်ပိုင်း DBL တက်ထားမှ ခေတ်မှီတာမို့ ဘွဲ့ရထား ပြီးသူတိုင်း တက်ထား သင့်တဲ့ သင်တန်း ၁ခု ဖြစ်ပါတယ်။ အထူးသဖြင့် စီးပွါးရေး လုပ်ငန်းရှင်များ၊ ဥပဒေဘွဲ့ရများ၊ စီးပွါးရေး ဘွဲ့ရများ၊ ဘဏ်လုပ်ငန်း၊ စာရင်းအင်းလုပ်ငန်း၊ ရင်းနှီးမြှုပ်နှံမှုလုပ်ငန်းများ မှာ အလုပ်လုပ် နေသူများ အတွက် လိုအပ် တဲ့ Diploma Certificate တစ်ခုပါ။ လှည်းတန်း က ရာမည ဆောင်မှာ တက်ရတာပါ။

(၁) DBL သင်တန်း ကို နှစ်စဉ် May လကုန် ပိုင်းမှာ သတင်းစာကနေ ၀င်ခွင့် Exam အတွက် form လာတင်ဖို့ ခေါ်ပါလိမ့်မယ်။

(၂) Entrance Exam အတွက် form တင်ဖို့ရယ်၊ သင်တန်း တက်ရောက် ခွင့်ရခဲ့ ရင် သုံးဖို့ passport photo ၁ ဒါဇင် လောက် လိုပါမယ်။ တခြားလိုအပ် တာတွေက ၁၀ တန်း အောင်လက်မှတ် မူရင်း နဲ့ မိတ္တူ ၊ ဘွဲ့လက်မှတ် မူရင်း နဲ့ မိတ္တူ ၊ မှတ်ပုံတင် မူရင်း နဲ့ မိတ္တူ တွေလိုပါမယ်။

(၃) Form တင်ပြီးသွားရင် Entrance exam အတွက် reference လုပ်ဖို့ မေးခွန်းဟောင်း ပေးပါလိမ့်မယ်၊ General knowledge နဲ့ Short Essay တစ်ပုဒ် ဖြေရမှာပါ၊ Entrance Exam ကို June လ အလယ် လောက် မှာ လှည်းတန်း က ရာမည ဆောင်မှာ ဖြေရပါမယ်။ Batch 18 မှာ Entrance Exam ကို ၁,၂၀၀ လောက်၀င်ဖြေခဲ့ပြီး ၅၃၀ ကျော် တက်ရောက်ခွင့် ရပါတယ်၊

(၄) Entrance Exam ဖြေပြီးလို့ DBL သင်တန်းတက်ရောက်ခွင့် ရသူများ ကို တော့ June လ နောက်ဆုံးပါတ် လောက် မှာ ရာမညဆောင် မှာ ကပ်ထားပေးပါလိမ့်မယ်။ တက်ရောက်ခွင့်ရသူတွေက Law Dept. မှာ DBL registration form ဖြည့်၊ ဓါတ်ပုံ ကပ်၊ ကျောင်းသားရေးရာမှာ သင်တန်းကြေး ၄၀,၀၀၀ သွင်းပြီး ငွေသွင်းပြီးကြောင်း chalan ကို Law Dept. မှာ ပြန်လာပြ ပြီးရင် DBL သင်တန်းတက်လို့ ရပါပြီ။ registration form တင်ရင် ၁၀ တန်း အောင်လက်မှတ် မူရင်း နဲ့ မိတ္တူ ၊ ဘွဲ့လက်မှတ် မူရင်းနဲ့မိတ္တူ ပြန်ပြရပါမယ်။

(၅) DBL သင်တန်းကို semester ၂ခု ခွဲသင်ပါတယ်၊ Semester ၁ခု ကို Paper ၄ခု သင်ရပါမယ်၊ 1st semester ကို July လဆန်းမှာ စတင်ပြီး October လကုန်မှာ final exam ဖြေရပါတယ်၊ ကြားထဲမှာ Tutorial ၂ခါ ဖြေရပါမယ်၊ 1st semester ဖြေပြီးရင် DBL သင်တန်း ကို တစ်လခွဲ လောက်ပိတ်ပါတယ်၊ Batch 18 မှာတော့ နှစ်လ လောက် ပိတ်ပါတယ်။

(၆) 2nd semester ကိုတော့ ပုံမှန် ဆို December လ အလယ်လောက် ကနေ စတက်ရပြီး March လကုန် မှာ Final Exam (Paper ၄ခု) နဲ့ ကြားထဲမှာ Tutorial ၂ခု ဖြေရပါမယ်။

(၇) သင်တန်းချိန် ကတော့ 1st semester မှာ မနက် ၇း၁၅ ၀န်းကျင် လောက်မှာ စသင်ပြီး ၈:၃၀ ကျော်လောက် ဆိုပြီးပါပြီ၊ 2nd semester မှာတော့ ၇:၃၀ လောက်မှာ စသင်ပြီး ၈:၃၀ လောက်ဆို စာသင်ချိန် ပြီးပါပြီ၊ အလုပ် ကိုအချိန်မှီ ပြေးရန်လိုအပ်သူများ စောပြန်နိုင်ပါတယ်၊ Law Dept. က ဆရာ၊ ဆရာမ များအားလုံး သင်တန်း သားများအပေါ် အမြဲချိုသာပြီး စေတနာထား ဆက်ဆံတာ တွေ့ရပါတယ်။

(၈) Final exam တွေမှာ မေးခွန်းတိုင်း ကို ၈ပုဒ် မေးမှာ ဖြစ်ပြီး ၆ပုဒ် ဖြေဆိုရပါမယ်၊ အတန်းမှန် ပြီး Tutorial မပျက် သူများ ၃ပုဒ် ခွဲ ဆို အောင်မြင်နိုင်ပေမယ့် အတန်းမမှန် Tutorial ပျက်သူများ တော့ အပုဒ်ပြည့် ဖြေဆိုသင့်ပါတယ်။ မေးခွန်းဟောင်းတွေ reference လုပ်နိုင် ရန် နောက်ပိုင်း တင်ပေးပါ့မယ်။

ပုံကတော့ ၂၀၂၄အတွက်ခေါ်ခဲ့တာလေးကို
တင်ပေးတာပါ
ယခုလို အိမ်ခြံမြေ ဗဟုသုတနှင့်
ဥပဒေသုတအဖြာဖြာကို
သိရှိလေ့လာနိုင်စေရန်
Legal Knowledge For Myanmar People Pageကို
like/follow လုပ်ထားနိုင်ပါတယ်ရှင့်
Pageကိုအားပေးသူလေးတွေရဲ့
Likeတခု shareတချက်ဟာ
Pageလေးဆက်လက်ရပ်တည်ဖို့အတွက်
အင်အားတစ်ရပ်ပါရှင်

20/12/2024

မြန်မာဗုဒ္ဓဘာသာဝင်များဖြစ်ကြသည့် ခင်ပွန်း/ဇနီး (သို့မဟုတ်) မိဘနှစ်ပါးကွယ်လွန်သည့်အခါ ခင်ပွန်း/ဇနီး (သို့မဟုတ်) မိဘနှစ်ပါး အမည်ပေါက်ပိုင်ဆိုင်သည့် မရွေ့ပြောင်းနိုင်သောပစ္စည်းများဖြစ်သော မြေကွက် နှင့် အဆောက်အဦး အား ကွယ်လွန်သူတို့၏ ခင်ပွန်း/ဇနီး (သို့မဟုတ်) သားသမီးများက အဆိုပါ မြေကွက်နှင့် အဆောက်အဦးအား တရားဝင်ရောင်းချ၍ မရရှိသေးပါ။

မြေကွက်နှင့်အဆောက်အဦးအား အမည်ပေါက်ပိုင်ရှင်များ ကွယ်လွန်သည့်အခါ ၄င်းတို့၏ အမွေဆက်ခံသူများမှ မြန်မာဓလေ့ထုံးတမ်းဥ‌‌ပဒေအရ မွေဆက်ခံပိုင်ဆိုင်ကြောင်း မြွတ်ဟကြေညာသည့် စာချုပ် အား တရားဝင် မှတ်ပုံတင်သွင်းပြီးမှသာလျှင် ရောင်းချခြင်း/ ပေါင်နှံခြင်း/ ခွဲစိတ်ခြင်း/စွန့်လွှတ်ခြင်းနှင့် မိမိတို့အမည်သို့ပြောင်းလဲခြင်းများအား ပြုလုပ်ရမည်ဖြစ်ပါသည်။

အမွေဆက်ခံပိုင်ဆိုင်ကြောင်း မြွတ်ဟကြေညာစာချုပ်အား မှတ်ပုံမတင်သွင်းဘဲ တရားဝင် ရောင်းချခြင်း/ပေါင်နှံခြင်း/ ခွဲစိတ်ခြင်းနှင့် မြေပုံကူးလျှောက်ထားခြင်းများ ပြုလုပ်၍မရပါ။

အမွေဆက်ခံပိုင်ကြောင်းမြွတ်ဟကြေညာစာချုပ်ချုပ်ဆိုရန် လိုအပ်သော စာရွက်စာတမ်းများ...................
(၁) ‌အမည်ပေါက်ကွယ်လွန်သူ၏ သေစာရင်း
(၂) အမည်ပေါက်ကွယ်လွန်သူနှင့် မည်သို့တော်စပ်‌ကြောင်းကျမ်းကျိန်လွှာ
(၃) ‌အမွေဆက်ခံပိုင်ဆိုင်ကြောင်း မြေပုံမြေရာဇဝင်
(၄) အမွေဆက်ခံပိုင်ဆိုင်သူ၏ မှတ်ပုံတင်/ သန်းခေါင်စာရင်း
(၅) အမွေဆက်ခံပိုင်ကြောင်း မြွတ်ဟကြေညာစာချုပ်

ဆက်သွယ်ရန်
Lawfirm services
09794729815

20/12/2024

အိမ်ခြံမြေအရောင်းအဝယ်တွေလုပ်ရင်
စရံပေးတဲ့ အဆင့်ဟာအရေးကြီးဆုံးပါဘဲ

အဝယ်တွေ အတော်များများက ကြိုက်ပြီဆိုရင်
သူများ ဝယ်သွားမှာစိုးလို့ မင်္ဂလာစရံတို့ စတိစရံတို့ ချခဲ့လိုက်ရော။ စရံပေးစာချုပ်ကိုလဲ လွယ်လင့်တကူ စျေးဆိုင်တွေကဘဲ ဝယ်ပြီးချုပ်လိုက်ကြတာများတယ်။

အဲ့ဒီစတိ စရံကို ပါးပါးလေး ချခဲ့ရင် အကြောင်းမဟုတ်ပါ။ တချို့က အရောင်းအဝယ်တန်ဘိုးပေါ်မူတည်ပြီး စတိစရံတောင် သိန်းရာဂဏန်း
ချတာတွေရှိတတ်ကြတယ်။

ဘာလို့စရံပေးစာချုပ်ဟာ အရေးကြီးလဲဆိုရင်
မြေကွက် ကိုဘယ်လို ဘယ်ပုံ ဝယ်ယူရမယ်၊ဘယ်အဆင့်မှာ ဘယ်လိုငွေချေမလဲ၊ ဘယ်အချိန်မှာ လက်ရောက်အပ်သင့်သလဲ ၊ အိမ်ရှင်က ငွေအကြေချေတဲ့အခါအိမ်မအပ်ပေးနိုင်သေးရင် ဘယ်လိုထည့်ချုပ်ရမလဲ ..စသဖြင့် အသေးစိတ် ရောင်းသူနဲ့ဝယ်သူဆွေးနွေးပြီးမှ ချုပ်ဆိုရမဲ့ စာချုပ်ဖြစ်ပါတယ်။

စရံစာချုပ်ကို သေချာစွာ စည်းနှောင်အားရှိရှိ ၊ထောင့်စေ့အောင် ချုပ်ဆိုထားပြီးမှသာ နောက်ထပ်ပေးချေမဲ့ စာချုပ်အဆင့်ဆင့်တွေမှာ ဒီစရံ Flow အတိုင်းဆက်သွားဖို့ အဆင်ပြေနိုင်မှာပါ။ နောက်အဆင့်တွေမှာ ထပ်ညှိနှိုင်းစရာမလိုတော့မှာဖြစ်ပါတယ်။

ဥပမာ - ဝယ်သူက ဂရန် အမည်ပြောင်းမည့်အဆင့်ထိ သွားချင်တယ်ဆိုပါက အမည်ပြောင်းအဆင့်ဆင့် စပ်ကြားထဲမှာ ရောင်းသူလုပ်ပေးရမဲ့ ကိစွရပ်များကို စရံစာချုပ်ထဲမှာ တခါတည်းထည့်ချုပ်သင့်ပါတယ်။
ယခုဆိုရင် ရောင်းခွန်တွေ မဖြစ်မနေဆောင်ရမဲ့ကိစွရပ်တွေရှိလာပါတယ်။ ဒါတွေကိုထည့်မချုပ်ထားခဲ့မိရင် နောင်မှ သတိရပြီး ရောင်းသူကို ရောင်းခွန်ဆောင်ပေးဖို့ နှုတ်ဖြင့်နဲ့ တောင်တောင်းဆိုဖို့ခက်သွားပါလိမ့်မယ်။

ဒါကဥပမာ လောက်ဘဲပြောတာပါ။
နောက်တခုက စရံ ချချိန်မှာ ရှေ့နေကိုမဖြစ်မနေခေါ်ပါ။ ရှေ့နေချုပ်ပေးတဲ့စာချုပ်ရဲ့ စည်းနှောင်အားနဲ့ စျေးဆိုင်က စာချုပ်ရဲ့စည်းနှောင်အားချင်း အဲ့နေရာမှာ အရမ်းကိုကွာသွားတာ ပြဿနာဖြစ်တဲ့အခါ သိပါလိမ့်မယ်။🙄

တချို့ဆိုရင် စရံကို့ဘာသာချပြီး ငွေချေတော့မှသာ ရှေ့နေဌားကြတာတွေရှိပါတယ်။ ရှေ့နေပါလာတဲ့အဆင့်ကြမှ ရှေ့နေက စာရွက်စာတမ်းစစ်ဆေးကြည့်လို့အဆင်မပြေတာတို့ ငွေမချေခင်စပ်ကြားလုပ်ရမဲ့အပိုင်းတွေ မလုပ်ထားမိတာတို့ကြောင့် ညှိနှိုင်းရတဲ့အခါ စရံစာချုပ်ကို ကျော်လွန်ပြီးချုပ်ပေးဖို့ ခက်သွားပါတယ်။
နှစ်ဦးသဘောတူညှိနှိုင်းပြီး ထပ်ဖြည့်ပြီး ချုပ်ဆိုနိုင်ရင်တော့ပြဿနာမရှိပါ။
ဒီကြားထဲ ရောင်းသူဘက်ကပါ ရှေ့နေပါလာရင်
ညှိလို့မဆုံးတော့ဘူး။
အဲ့တော့
နှုတ်တစ်ရာ စာတစ်လုံး ဆိုသည့်အတိုင်း ပြဿနာတစ်စုံတစ်ရာဖြစ်လာလျှင် နှုတ်ဖြင့် ပြောထားတာထက် စာဖြင့်ရေးသားချုပ်ဆိုထားသောစာချုပ်ဖြင့်သာစကားပြောကြရတာဖြစ်ပါတယ်။ ဒါကြောင့် စရံစာချုပ် ချုပ်တဲ့အခါ ပေါ့ပေါ့တန်တန်မချုပ်ကြဖို့ သတိချပ်စေလိုပါတယ်။
Crd.လေးစားစွာဖြင့်

Lawfirm services
Ph-09794729815

20/12/2024

ကုန်အမှတ်တံဆိပ် ပိုင်ဆိုင်ကြောင်း ထင်ရှားစေရန် ချုပ်ဆိုသည့်စာချုပ်

ကုန်အမှတ်တံဆိပ်နှင့် ပတ်သက်၍ ပြစ်မှုဆိုင်ရာ ဥပဒေပုဒ်မ ၄၇၈ တွင် တစ်ဦးတစ်ယောက်သောသူ၏ ထုတ်လုပ်ကုန်ပစ္စည်းဖြစ်ကြောင်း ကိုသော်လည်းကောင်း၊ အရောင်းအဝယ် ကုန်စည်ဖြစ်ကြောင်းကို သော်လည်းကောင်း၊ ဖော်ပြရန် အသုံးပြုသော အမှတ်အသားကိုခေါ်သည်ဟု ဖော်ပြထားသည်။

ကုန်အမှတ်တံဆိပ်တွင် ထူးခြားသော စာတမ်းများလည်း ပါဝင်သည်။ ထူးခြားမှု မရှိသည့် ပစ္စည်းအမျိုးအစားကိုသာ ဖော်ပြသည့် စာတမ်းသည် ကုန်အမှတ်တံဆိပ်ဟု မခေါ်ဆိုနိုင်ပါ။ ပုံစံအားဖြင့် ကျောက်မဲလဘက်ခြောက်၊ အကြမ်းဘလာစာအုပ်၊ ဆေးပြင်းလိပ်၊ ဆီးရွှင်ဝမ်းနှုတ်ဆေး စသည်တို့သည် ပစ္စည်းအမျိုးအမည်ကို ဖော်ပြသည့် စာတမ်းမျှသာဖြစ်၍ ကုန်အမှတ်တံဆိပ်ဟု မခေါ်ဆိုနိုင်ပါ။ ဗိုလ်အုန်းသီးသုံးဘီးစက်ဘီး၊ ငုံးတံဆိပ်ဘိနပ်၊ ပွဲအုပ်ကတော်ဆေးတို့သည် ထူးခြားသည့် စာတမ်းများဖြစ်၍ ကုန်အမှတ်တံဆိပ် မည်ပါသည်။

ကုန်သည်များကဖြစ်စေ၊ လက်လီဝယ်ယူ သုံးစွဲသူများကဖြစ်စေ၊ ကုန်ပစ္စည်းဝယ်ရာတွင် ကုန်အမှတ်တံဆိပ်ကိုသာ အဓိကသတိပြု၍ ဝယ်ယူတတ်ကြပါသည်။ သို့ဖြစ်၍ မသမာသူ စီးပွားရေးသမားအချို့သည် လူသုံးများသည့် ကုန်အမှတ်တံဆိပ်များကို အတုအပပြုလုပ်၍ အလားတူ ကုန်ပစ္စည်းများတွင် အသုံးပြုရောင်းချလေ့ ရှိပါသည်။

ကုန်တံဆိပ်တုပမှု ဆိုသည်မှာ ပြစ်မှုဆိုင်ရာ ဥပဒေပုဒ်မ ၄၈ဝ တွင်လည်းကောင်း၊ အတုပြုခြင်းနှင့် ပတ်သက်၍ ပြစ်မှုဆိုင်ရာ ဥပဒေပုဒ်မ ၂၈ တွင် လည်းကောင်း ဖော်ပြထားသည်။

အတုပြုခြင်းတွင် တစ်ဦးတစ်ယောက်သောသူသည် အရာဝတ္ထုတစ်ခု၏ ပုံသဏ္ဍာန်ကို ဆင်တူရိုးမှား ပြုရာ၌ ထိုသို့ ဆင်တူရိုးမှားဖြစ်ခြင်းကို အကြောင်းပြု၍ လှည့်ဖျားရန် ကြံရွယ်လျှင် သို့တည်းမဟုတ် လှည့်ဖြားခြင်း ဖြစ်တန်ရာသည်ကို သိလျှင် ထိုသူသည် အတုပြုသည်မည်၏ဟု ဖော်ပြထားသည်။

ရှင်းလင်းချက်တွင် - အတုပြုခြင်းတွင် ပုံသဏ္ဍာန် ထပ်တူကျနေရန်မလို။ ထို့ပြင် မှားလောက်အောင် ဆင်တူရိုးမှားဖြစ်နေလျှင် လှည့်ဖြားရန် အကြံမရှိဟု သော်လည်းကောင်း၊ လှည့်ဖြားခြင်းဖြစ်တန်ရာသည်ကို မသိဟု သော်လည်းကောင်း သက်သေထင်ရှား မပြနိုင်သမျှ ကာလပတ်လုံး လှည့်ဖြားရန် အကြံရှိသည်ဟုသော်လည်းကောင်း၊ လှည့်ဖြားခြင်း ဖြစ်တန်ရာသည်ကို သိသည်ဟု သော်လည်းကောင်း ဤကိစ္စအလို့ငှာ ယူဆရပေမည်။

ကုန်အမှတ်တံဆိပ် တုပမှုတွင် ရှေးဦးစွာ သတိပြုရမည့်အချက်မှာ မူရင်းအမှတ်တံဆိပ် အသုံးပြုသည့် လုပ်ငန်းနှင့် အလားတူသည့်လုပ်ငန်းတွင် အတုအပတံဆိပ်ကို အသုံးပြုခြင်း ဟုတ် - မဟုတ် ဖြစ်ပေသည်။ ဥပမာ ... ရွှေအုပ်တံဆိပ်ကို ဆေးပေါ့လိပ်လုပ်ငန်းတွင် လုပ်ငန်းပိုင်ရှင်တစ်ဦးက ကပ်နှိပ်အသုံးပြုသည်။ ယင်းရွှေအုပ်တံဆိပ်ကို ချွဲကြပ်ပျောက်ဆေးပုလင်းတွင် ကပ်၍သုံးပါက ကုန်တံဆိပ်တုပမှု မဟုတ်ပါ။

ကုန်အမှတ်တံဆိပ်၏ ပိုင်ဆိုင်မှုမှာ ယင်းတံဆိပ်ကို လုပ်ငန်းတစ်ခုနှင့်တွဲပြီး အစဉ်အမြဲ အသုံးပြုမှုအပေါ် မူတည်ပါသည်။ လုပ်ငန်းမရှိဘဲ အမှတ်တံဆိပ် မတည်ရှိနိုင်ပါ။ ကုန်အမှတ်တံဆိပ်ကို မှတ်ပုံတင်ရုံဖြင့် မပိုင်ပါ။ လုပ်ငန်းတစ်ခုနှင့် တွဲ၍ သုံးမှသာ ပိုင်ပါသည်။ လုပ်ငန်းလည်းမရှိ၊ တွဲဖက်၍လည်း မသုံးလျှင် ယင်းကုန်အမှတ်တံဆိပ်ကို မပိုင်ပါ။ တံဆိပ်တစ်ခုကို လုပ်ငန်းရှင်တစ်ဦးထက်ပိုနေလျှင် ရှေးဦးစွာ သုံးစွဲသူကသာလျှင် ပိုင်ဆိုင်ခွင့် ရှိပါသည်။ မူလပိုင်ရှင်က အသုံးမပြုဘဲ စွန့်ပစ်ထားလျှင် အခြားသူတစ်ဦးက သုံးစွဲပိုင်ခွင့် ရှိသည်။

ကုန်အမှတ်တံဆိပ်ကို အခြားတစ်ဦးဦးက တုပ၍ အလားတူလုပ်ငန်းတွင် အသုံးပြုလျှင် ယင်းတံဆိပ်ပိုင်ရှင်က ပြစ်မှုဆိုင်ရာ ဥပဒေအရလည်းကောင်း၊ တရားမကြောင်းအရ လည်းကောင်း၊ အရေးယူနိုင်ပါသည်။

ကုန်တံဆိပ်အမှတ်အသား ပိုင်ဆိုင်ကြောင်း ချုပ်ဆိုသည့် စာချုပ်တွင် အဓိကလိုအပ်ချက်များ

(၁) ၂၅ဝိ/- တန် တံဆိပ်တော်ခွန် စက္ကူစာချုပ်ခေါင်းပေါ် ရေးသားရမည်။
(၂) တံဆိပ်ကို ဖော်ပြရေးသား၍ မှတ်ပုံတင်ရမည်။ မှတ်ပုံတင်ရုံးက ရီစစ္စတြီ မှတ်ပုံတင်ညွှန်ကြားချက်များ ပုဒ်မ - ၁၃ ဖော်ပြချက်အရ မှတ်ပုံတင်အက်ဥပဒေ ပုဒ်မ ၁၈ (စ) အရ မှတ်ပုံတင်နိုင်ခွင့် ပြုနိုင်သည်။ မှတ်ပုံတင်ဥပဒေအရ ကုန်တံဆိပ်ကို မှတ်ပုံတင်လိုက တင်နိုင်သည်။ မတင်ဘဲလည်း နေနိုင်သည်။ မှတ်ပုံတင်ထားလျှင် အတုပြုလုပ်ပါက တရားဥပဒေအရ အရေးယူနိုင်လေသည်။
(၃) မှတ်ပုံတင်သည့်အခါ ကြေညာချက် (Declaration) ပြုလုပ်နိုင်သည်။
(၄) ကုန်တံဆိပ်များသည် ပြန်ထောင်စုမြန်မာနိုင်ငံ ရောင်းဝယ်ဖောက်ကားသည့် ပစ္စည်းအမှတ်အသားအက်ဥပဒေ အမှတ် ၄/၁၈၈၈၉ ခုနှစ်ဥပဒေနှင့် သက်ဆိုင်သည်။
(၅) ကုန်အမှတ်တံဆိပ်ကို မှတ်ပုံတင်လျှင် မှတ်ပုံတင်ခ ၆=ကျပ်သာ ထမ်းဆောင်ရသည်။
မှတ်ချက်။ ။ စာပေများနှင့် ပက်သက်၍ ပြုစုသူကဖြစ်စေ၊ ပြုစုသူက သဘောတူ လွှဲအပ်ပေးသူကဖြစ်စေ၊ မူပိုင်ဟု သတ်မှတ်လျှင်ရသည်။ မှတ်ပုံတင်ရန် မလိုပေ။

Crd #
Lawfirm services
Ph09794729815

20/12/2024

တိုက်ခန်းဝယ်တဲ့အခါ BCCနဲ့အစိမ်းဘုတ် ကွဲပြားစွာသိရအောင် တင်ပြလိုက်တယ်
BCC နဲ့ အစိမ်းဘုတ်
1--BCCဆိုသည်မှာ Building Completion Certificateဟုအဓိပ္ပါယ်ရပြီး စည်ပင်ဌာနကထုတ်ပေးသည့် အဆောက်အဦးပီးစီးကြောင်း အသိအမှတ်ပြုလွှာ ဖြစ်ပါသည်။
အဆောက်အဦးတစ်ခုဆောက်လုပ်ရန်လိုအပ်ချက်များ
အဆောက်အဦးတခုဆောက်လုပ်တော့မည်ဆိုပါက ပိုင်ရှင်မှစည်ပင်ဌာနသို့အဆောက်အဦးဆောက်လုပ်ခွင့်ပြုပါရန်တင်ပြလျှောက်ထားရပါသည်။
လျှောက်လွှာနှင့်အတူ
1-မြေပိုင်ဆိုင်မှုအထောက်အထား(ပုံစံဂရန်)
2-မြေပုံ(မြေစာရင်းပုံစံ ၁၀၅)
3-မြေရာဇဝင်(မြေစာရင်းပုံစံ ၁၀၆)
4-ဆောက်လုပ်မည့်လိုင်စင်ရအင်ဂျင်နီယာ
5-အဆောက်အဦးပုံစံ(BQ)
6-ကုန်ကျစရိတ်တွက်ချက်မှုစာရင်း
7-အဆောက်အဦးဧရိယာအကျယ်အဝန်း တို့ကိုတင်ပြလျှောက်ထားရပါသည်။
ဆောက်လုပ်ခွင့်ပြုခြင်း အစိမ်းဘုတ်
စည်ပင်(အင်ဂျင်နီယာဌာန)မှကွင်းဆင်းစစ်ဆေးကြည့်ရှုပြီးနောက်ကျေနပ်မှုရှိပါက၄င်းတို့ခွင့်ပြုသောပုံစံအတိုင်း
လူနေထိုင်ရန် (သို့) လုပ်ငန်းလုပ်ရန် စည်းကမ်းချက်များနှင့်အညီ "ဆောက်လုပ်ခွင့်ပြုသည့်အမိန့်"
ထုတ်ပေးပါသည်။
ထိုစာရွက်ကိုအများက ဘုတ်စိမ်းစာရွက်(အစိမ်းဘုတ်) ဟုခေါ်ကြသည်။
ထိုစာရွက်သည် ကနဦး အဆောက်အဦးဆောက်လုပ်ရန်ခွင့်ပြုမိန့်သာဖြစ်ပြီး၊ လူနေထိုင်ရန်ခွင့်ပြုမိန့်မဟုတ်ချေ။
အဆောက်အဦးပြီးစီးခြင်း BCC
အဆောက်အဦးများ ဆောက်လုပ်ပြီးစီးသည့်အခါပိုင်ရှင်ကကန်ထရိုက် တာနှင့် အင်ဂျင်နီယာများ၏ထောက်ခံတင်ပြချက်အရ စည်ပင်(အင်ဂျင်နီယာဌာန)မှ ပြီးစီးသည့်အဆောက်အဦးကိုလာရောက်စစ်ဆေးပါသည်။ ကျေနပ်မှုရှိပါက စစ်ဆေးရေးအဖွဲ့၏စစ်ဆေးတင်ပြချက်အရ စည်ပင်သာယာကော်မတီ အင်ဂျင်နီယာဌါန(အဆောက်အအုံ) က ''အဆောက်အဦးပြီးစီးကြောင်း'' သက်သေခံလက်မှတ်၊ BCC (Building Completion Certificate)ထုတ်ပေးပါသည်။
ထိုသက်သေခံလက်မှတ်ရှိပါမှအဆိုပါအဆောက်အဦးတွင်လူနေခွင့်ရှိပါသည်။
BCC လက်မှတ်မရှိပဲနေထိုင်ပါကစည်ပင်မှအရေးယူခြင်းကိုခံရပါမည်။
မူရင်းရေးသားသူအား Credit ပေးပါသည်။

ရောင်းမှား၊ ဝယ်မှားမဖြစ်ရအောင်
Lawfirm services
Ph 09794729815

20/12/2024

ဘဏ်ချိတ်ဝယ်မည်ဆိုရင်အမေးများသော မေးခွန်းများအား မျှဝေတာပါ

🏡 အိမ်နှင့် တိုက်ခန်းများကို ဘဏ်နှင့်ချိတ်ဆက်ပြီး ဝယ်ယူချင်တယ်ဆိုရင် ဘာတွေလုပ်ဆောင်ရမလဲဆိုပြီး မေးလာတဲ့ မိတ်ဆွေများအတွက် ျိတ်(Home loan )

1. Bankချိတ်( )ဆိုတာ ဘာလဲ?

🏡 Bank ချိတ်ဆိုတာက မိမိမှာ အိမ်၊ တိုက်ခန်း ဝယ်ယူဖို့ ငွေအပြည့်အဝမရှိသေးဘူး ဒါပေမယ့် တချို့တစ်ဝက်တော့ရှိနေတယ်၊ လစဉ်ပုံမှန်ဝင်ငွေလည်းရှိနေတယ်။ဒါဆိုရင်တော့ ဝယ်ချင်တဲ့အိမ်၊ တိုက်ခန်းကို ဘဏ်ကနေတဆင့် အရစ်ကျဝယ်တာကိုခေါ်ပါတယ်။ မိမိဘက်မှ ၃၀% ထုတ်ပြီး ချိတ်ဆက်ထားတဲ့ bank ဘက်မှ ၇၀% ချေးငွေ ထုတ်ပေးလိုက်ခြင်းမျိုးပါ။

🏡 Bank နဲ့ချိတ်ဆက်ပြီး ဝယ်ယူမည့်သူက လစာအနည်းဆုံး(၁၀)သိန်းအထက် ရှိဖို့လိုပါတယ်။ဝန်ထမ်းဆိုရင်တော့ သွင်းရမဲ့ငွေရဲ့(၃)ဆ ရှိရင်ရပါတယ်။ ဥပမာ ၄သိန်း ဆပ်ရတယ်ဆိုရင် (၃)ဆ ၁၂သိန်း ရှိရင်ရပါပြီ။တစ်ယောက်ထဲလစာ မလောက်ဘူးဆိုရင်တော့ သန်းခေါင်စာရင်းဝင်၊ ဝင်ငွေရှိတဲ့ သူနဲ့ပေါင်းပြလို့ရပါတယ်။

🏡 လူကြီးမင်းတို့အနေနဲ့ လိုချင်တဲ့ အိမ်ကို ဘဏ်နဲ့ ချိတ်ဆက်ပြီး ဝယ်မည်ဆိုလျှင် လူကြီးမင်းတို့အလိုရှိတဲ့ အိမ်အမျိုးအစားက RC မဟုတ်ရင် BN အိမ်အမျိုးအစားဖြစ်ရပါမယ်။ဂရန်အမည်ပေါက်ဖြစ်ရပါမယ်။မီးအာမခံရတဲ့နေရာမျိုးဖြစ်ရပါမယ်။ပျဉ်ထောင်အိမ်နဲ့ မြေကွက်တွေဆိုရင်တော့ ဘဏ်ကချေးငွေထုတ်ပေးမှာမဟုတ်ပါဘူးနော်။
~~~~~~~~~~~~~~~~~~~

2. အဲ့တော့ Bank နဲ့ချိတ်ဆက်ပြီး ဝယ်ယူမယ်ဆိုရင် ဘာတွေလိုအပ်လဲ?

(က)။ လူ၊ပုဂ္ဂိုလ် တစ်ဦးချင်း(သို့) ဝန်ထမ်းတစ်ဦးချင်းအတွက် လိုအပ်သော စာရွက်စာတမ်းများ
(၁) မှတ်ပုံတင် မိတ္တူ(မူရင်းပြရန်)
(၂) Passport မိတ္တူ(ရှိလျှင်)
(၃) ပတ်စ်ပို့အရွယ်အစား ဓာတ်ပုံ
(၄) သန်းခေါင်စာရင်းမိတ္တူ (မူရင်းပြရန်)
(၅) ရပ်ကွက်ထောက်ခံစာ
(၆) စရန်ပေး စာချုပ်မိတ္တူ(မူရင်းပြရန်)
(၇) သက်ဆိုင်ရာ ကုမ္ပဏီ၊ဌာန၊လုပ်ငန်းရှင်၏ထောက်ခံစာ(လုပ်သက်၊ရာထူး၊ လစာ) (သို့မဟုတ်) စာချုပ်ဖြင့် ခန့်ထားခြင်းဖြစ်ပါက စာချုပ်မိတ္တူ ၎င်းထောက်ခံစာ စာချုပ်အား တစ်နှစ်တစ်ကြိမ် ပြန်လည်တောင်းခံရပါမည်။
(၈) ဝန်ထမ်းကတ် မိတ္တူ(မူရင်းပြရန်)
(၉) လစဉ်ဝင်ငွေ ဖော်ပြသည့် Pay slip (or) Salary slip(ရှိလျှင်)
(၁၀) အခွန်ပြေစာ(Tax slip) (ရှိလျှင်)
(၁၁) Bank Statement(၆လစာ တင်ပြရပါမည်)

(ခ)။ ကိုယ်ပိုင်လုပ်ငန်း လုပ်ကိုင်သူများအတွက် လိုအပ်သော စာရွက်စာတမ်းများ
(၁) မှတ်ပုံတင်မိတ္တူ (မူရင်းပြရမည်)
(၂) Passport မိတ္တူ (ရှိလျှင်)
(၃) ပတ်စ်ပို့အရွယ်အစား ဓာတ်ပုံ
(၄) သန်းခေါင်စာရင်းမိတ္တူ (မူရင်းပြရမည်)
(၅) ရပ်ကွက်ထောက်ခံစာ
(၆) စရန်ပေးစာချုပ် မိတ္တူ(မူရင်းပြရမည်)
(၇) လုပ်ငန်းလိုင်စင်/ အသက်မွေးဝမ်းကြောင်းလိုင်စင်(ရှိလျှင်)(သက်တမ်းရှိရမည်)
(၈) ဘဏ္ဍာရေး ရှင်းတမ်း(၃)နှစ်စာ (တင်ပြနိုင်လျှင်)
(၉) Bank statement (၆)လစာ (ရှိလျှင်)
(၁၀) အခွန်ပြေစာ (ရှိလျှင်)

(ဂ)။ ကုမ္ပဏီအမည်ဖြင့် လုပ်ကိုင်လိုသူများအတွက် လိုအပ်သော စာရွက်စာတမ်းများ
(၁) မှတ်ပုံတင်မိတ္တူ (မူရင်းပြရမည်)
(၂) Passport မိတ္တူ (ရှိလျှင်)
(၃) ပတ်စ်ပို့အရွယ်အစား ဓာတ်ပုံ
(၄) သန်းခေါင်စာရင်း မိတ္တူ (မူရင်းပြရမည်)
(၅) ရပ်ကွက်နေထိုင်ကြောင်း ထောက်ခံစာ
(၆) စရန်ပေးစာချုပ် မိတ္တူ(မူရင်းပြရမည်)
(၇) ကုမ္ပဏီမှတ်ပုံတင်လက်မှတ်(သက်တမ်းရှိရမည်)
(၈) Form VI, Form XXVI, Form E
(၉) ဒါရိုက်တာအဖွဲ့ အစည်းအဝေးဆုံးဖြတ်ချက်မှတ်တမ်း(ဘဏ်တွင် Mortgage Loan(ပေါင်နှံချေးငွေ)နှင့်ပတ်သက်သော လက်မှတ်ရေးထိုးဆောင်ရွက်ခွင့်ရှိသူအား သတ်မှတ်ဖော်ပြရန်နှင့် ဒါရိုက်တာအားလုံး လက်မှတ်ရေးထိုးရန် လိုအပ်ပါသည်။)
(၁၀)ဘဏ္ဍာရေးရှင်းတမ်း(၃နှစ်စာ)(တင်ပြနိုင်လျှင်)
(၁၁) သင်းဖွဲ့စည်းမျဉ်းနှင့် သင်းဖွဲ့မှတ်တမ်း
(၁၂) အခွန်ပြေစာ (၃နှစ်စာ) (ရှိလျှင်)
~~~~~~~~~~~~~~~~~~~

3. Bank ချိတ်နဲ့ရောင်းပေးမယ့် အိမ်ရှင်တွေအတွက်ကရော ဘာတွေလိုအပ်လဲ?

(၁) မြေရှင် ဂရမ်အမည်ပေါက်ဖြစ်ရပါမည်။
(၂) ကန်ထရိုက် ၊ မြေရှင် ချုပ်ထားတဲ့စာချုပ်
(၃) မြေရှင်ရဲ့ သန်းခေါင်စာရင်းမိတ္တူ
(၄) မြေရှင်ရဲ့မိတ္တူ
(၅) BCC စာရွက်
(၆) ဆောက်လုပ်ခွင့်စာရွက်
(၇) တိုက်ခန်းနဲ့ပတ်သက်တဲ့ ဆက်စပ်စာချုပ်များ
(၈) အခန်းပိုင်ရှင် သန်းခေါင်စာရင်း
(၉) အခန်းပိုင်ရှင်ရဲ့ မှတ်ပုံတင်မိတ္တူ
စာရွက်စာတမ်းအားလုံး မူရင်းတော့ပြပေးရပါမယ်။

ထိုအချက်အလက်တွေအားလုံး ရရှိပြီးတာနဲ့ လူကြီးမင်းတို့ဝယ်လိုတဲ့ အိမ်ကို ရာဖြတ်ဌာနမှဆင်းကြည့်မှာဖြစ်ပါတယ်။အဲ့ဒါပြီးရင်တော့ မီးအာမခံဆင်းကြည့်မှာဖြစ်ပါတယ်။အချက်အလက်တွေပြည့်စုံပြီဆိုရင်တော့ ဝယ်သူဘက်မှ ၃၀% ထုတ်ပေးရမှာဖြစ်ပြီး bankဘက်မှ ၇၀% ထုတ်ပေးလိုက်မှာပါ။ထုတ်ပေးလိုက်တဲ့ ၇၀% ကိုတော့ အတိုးနဲ့နှစ်ရှည်ပြန်ဆပ်ရမှာပဲဖြစ်ပါတယ်။

***လိုအပ်သော စာရွက်စာတမ်းများ ကိုယ့်မှာအပြည့်အစုံရှိရင်တော့ Bank နဲ့ချိတ်ဆက်ပြီးဝယ်ယူတာဟာ ပိုလွယ်ကူပြီး မြန်ဆန်ပါတယ်။

လေးစားစွာဖြင့်
Credit to original uploader
Lawfirm services 09794729815

20/12/2024

ဂရန်ကတုံး ဖြစ်သော်လည်း အမည်ပြောင်းနည်း
::::::::::::::::::::::::::::::::::::::::::::::::::::::::::::::::::::::::::::::::::::

မြေနှင့်အိမ်ဝယ်လျှင် ဝယ်သည့်မြေမှာ မိမိအမည်ပေါက်ဖြစ်ရန်လိုသည်။ သို့မှသာ အိမ်ဆောက်ရန် မြေပုံကူးယူခြင်း ၊ ခြံစည်းရိုးကာခြင်း ၊ ဘဏ်ငွေချေးခြင်း ပြုလုပ်ရန် အတွက် အိုးအိမ်/စည်ပင်မြေပုံကူးနိုင်သည်။ မြေကွက်မှာ မိမိဝယ်ထားသည်မှာ မှန်သော်လည်း ဥပဒေအရ မိမိအမည်ပေါက် မဟုတ်လျှင် အဆိုပါ ကိစ္စများလုပ်ဆောင်ခြင်း မပြုနိုင်ပါ။
သို့သော် မူလဂရန်ပိုင်ရှင် က မှတ်ပုံတင် General Power/ Special Power မိမိအားပေးထားလျှင်တော့ အထက်ပါ ကိစ္စရပ်များ ဆောင်ရွက်နိုင်ပါသည်။

မူလဂရန်ပိုင်ရှင် သေသွားလျင် ဝယ်သူအမည်ပြောင်းဖို့အဆင့်များ
========================================
အကယ်၍ မိမိဝယ်ယူခဲ့သည့်၊ ဂရန်အမည်ပေါက် / မြေအမည်ပေါက်များက သေဆုံးသွား၍ ကျန်ရစ်သူ သားသမီးများထံမှ အမွေဆက်ခံသည့် မြေနှင့်အိမ်ကို ဝယ်ယူထားသော သူများမှာ ဥပဒေနှင့် အညီ မိမိအမည်ပေါက် ဂရန်မြေရရှိရေးအတွက် ဆောင်ရွက်ရသည့်အခါ အချိုအချောင် ဟု ထင်ခဲ့သော မြေနှင့်အိမ်မှာ သူများအပူကိုယ့်အပူဖြစ်တော့သည်။ သူများ ဒုက္ခကို ဝယ်ယူသူ ဖြစ်သွားသည်။

အိုးအိမ်ဂရန်လား ၊ စည်ပင်ဂရန်လား ခွဲခြားစုံစမ်းပါ
==================================
အိမ်ကလည်း အသစ်ဆောက်ချင်သည်၊ ခြံစည်းရိုးကာဖို့လည်းလိုသည်။ သည်တော့ မိမိအမည်ပေါက် မြေငှါးဂရန် ရရန် ဘာတွေလုပ်ရမည်နည်း။ သက်ဆိုင်ရာ ရန်ကုန်မြို့တော်စည်ပင်သာယာရေးကော်မတီ မြို့ပြမြေ စီမံခန့်ခွဲမှုဌါန နှင့် မြို့ပြနှင့် အိမ်ရာဖွံ့ဖြိုးရေး ဦးစီးဌာန မြို့မြေစာရင်းတွင် သွားရောက်စုံစမ်းရသည်။

အလာကောင်းမှ အနှောင်းသေချာဖို့ အကူအညီယူပါ
===================================
ဂရန်ကတုံးဝယ်မိပါက မြေအမည်ပေါက် မိသားစုထံသွား၍ အကူအညီတောင်းရသည်။ သေဆုံးသူ၏ သေစာရင်းမူရင်းပြ၍ ကျန်ရစ်သူများက တရားသူကြီးထံတွင် မြေအမည်ပေါက် မိခင်/ ဖခင်သေဆုံး၍ မိမိတို့မှာ အမွေဆက်ခံပိုင်ဆိုင်သူများဖြစ်ကြောင်း၊ ကျမ်းကျိန်တင်ပြရသည်။ အိမ်နီးနားချင်းနှစ်ဦးကလည်း သေဆုံးသူများမှာ လျှောက်ထားသည့်မြေနှင့်အိမ်ကို ပိုင်ဆိုင်သူများဖြစ်ကြောင်း၊ ကျန်ရစ်သည့် သားသမီးများက အမွေဆက်ခံပိုင်ဆိုင်သည်မှာ မှန်ကန်ပါကြောင်း ဘေးက ဝိုင်းကူ၍ ကျမ်းကျိန်ပေးရသည်။

သားသမီးများက အမွေဆက်ခံပိုင်ဆိုင်ကြောင်း လျှောက်ရန်
=======================================
ကျမ်းကျိန်(၃) စောင် ဂရန်မူရင်း ၊ သေစာရင်း၊ သားသမီးများ၏ မှတ်ပုံတင်မူရင်း၊ ကြွေးကျန်ကင်းရှင်းကြောင်း ထောက်ခံချက်များယူဆောင်၍ ကျန်ရစ်သူသားသမီးများ ကိုခေါ်၍ ရန်ကုန်မြို့တော် စည်ပင်သာယာရေး ကော်မတီ၊ မြို့ပြမြေစီမံခန့်ခွဲမှုဌာန (သို့) မြို့ပြနှင့်အိမ်ရာ ဖွံ့ဖြိုးရေးဦးစီးဌာနတို့မှာ သွားရောက်ပြီး ပိုင်ဆိုင်ကြောင်း မြေပုံကူးလျှောက်ထားရသည်။ ထို့အတူ အရောင်းအဝယ်စာချုပ်ချုပ်ဆိုရန် မြေပုံ/မြေရာဇဝင်ကိုပါ တပါတည်းလျှောက်ထားရသည်။ သို့မှသာ အမွေဆက်ခံပိုင်ဆိုင်ကြောင်း စာချုပ်ချုပ်ဆိုပြီးသည့်နှင့် တဆက်တည်း မှတ်ပုံတင် အရောင်းအဝယ်စာချုပ်ကို ချုပ်ဆိုနိုင်သည်။

ပိုင်ဆိုင်သူများဖြစ်ကြောင်း သားသမီးများက မှတ်ပုံတင်ထားရမယ်
=======================================
မြို့တော်စည်ပင်မှ တစ်လခန့်ကြာပြီး မြေပုံ မြေရာဇဝင် ရလာသည်နှင့် ရန်ကုန်မြို့ စာချုပ်စာတမ်းမှတ်ပုံတင်ရုံးမှာ ကျန်ရစ်သူသားသမီးများက အမွေဆက်ခံပိုင်ဆိုင်ကြောင်း စာချုပ်ချုပ်ရသည်။ နှစ်ပတ်ခန့်အကြာ စာချုပ်ရုံးက ပိုင်ဆိုင်ကြောင်း စာချုပ်ရလာသည့်အခါ မှတ်ပုံတင်အရောင်းအဝယ်စာချုပ်မချုပ်မီ၊ ရန်ကုန်တိုင်းဒေသကြီး အခွန်ဦးစီးဌာနသို့ သွားရသည်။

ဝင်ငွေခွန်ဥပဒေအရ တန်ဖိုးဖြတ်ပေးဖို့ အခွန်ရုံးကို တင်ပြရန်ပြန်
========================================
မရွေ့မပြောင်းနိုင်တဲ့ ပစ္စည်းဖြစ်သည့်အတွက် မိမိဝယ်ယူထားသည့် မြေနှင့်အိမ်ကိုတန်ဖိုးပြပေးဖို့ ရန်ကုန်တိုင်းဒေသကြီး ကာလတန်ဖိုး စိစစ်သတ်မှတ်ရေး အဖွဲ့သို့ တင်ပြရသည်။ ယင်း ဘုတ်အဖွဲ့ကလည်း ဆက်စပ်သက်ဆိုင်သည့် စာရွက်စာတမ်းများပြည့်စုံမှ လက်ခံသည်။ ဥပမာ- ဂရန်/ စာချုပ် ပိုင်ဆိုင်ကြောင်း စာချုပ်၊ မြေပုံမြေရာဇဝင် ၊ ဝယ်သူ၏မှတ်ပုံတင် ၊ အိမ်ထောင်စုစာရင်း၊ စသည်တို့ကို (၆)စုံစီတွဲ၍တင်ပြရသည်။ ယင်းဘုတ်အဖွဲ့၏ ဆုံးဖြတ်ချက်အရ မြေနှင့်အိမ်တန်ဖိုးသတ်မှတ်တန်ဖိုးကို မြေနှင့်အိမ်တည်ရှိရာ မြို့နယ်အခွန်ဦးစီးဌာနတွင် သွားရောက်ပေးဆောင်ရသည်။

နှစ်ထပ်ရှိမှ မှတ်မိဆိုသလို စာချုပ်ရုံးကို သွားရပြန်ပြီ
===================================
ရန်ကုန်တိုင်း အခွန်ရုံးမှ အခွန်တံဆိပ်ခေါင်းနှင့်ငွေသွင်းပြီး ချလန်စာရွက်များရရှိပါက အထက်တွင်ဖော်ပြခဲ့သည့် စာရွက်စာတမ်းတင်ပြ၍ အမွေဆက်ခံသူတို့နှင့် မြေဝယ်ထားသူတို့ ရန်ကုန်မြို့စာချုပ်ရုံးမှာ မှတ်ပုံတင်အရောင်းအဝယ် စာချုပ်ချုပ်ဆိုရပြန်သည်။ စာချုပ်ပြီး ချက်ခြင်းမရ။ (၁၄) ရက်ခန့်အကြာမှ မှတ်ပုံတင်စာချုပ်ထုတ်ယူ၍ရသည်။

မိမိအမည်ပြောင်းဖို့ မြို့တော်ခန်းမသို့ နောက်တစ်ခါက်
=====================================
စာချုပ်စာတမ်းရုံးမှ မှတ်ပုံတင်အရောင်းအဝယ်စာချုပ်ရရှိသည်နှင့် ဝယ်သူအမည်ပေါက်ရရှိရန် ရန်ကုန်မြို့တော်စည်ပင်သာယာရေးကော်မတီ (၄၆)လမ်းရုံး ခန်းမ သို့သွား၍ အရောင်းအဝယ်စာချုပ် (မူရင်း) ဂရန် (မူရင်း) မှတ်ပုံတင် (မူရင်း) ကြွေးကျန်ကင်းရှင်းကြောင်းထောက်ခံချက်တို့ကို တင်ပြ၍ မြို့နယ်အလိုက် အမည်ပြောင်းခ ပေးသွင်းရသည်။ ကန့်ကွက်ရန်ရှိမရှိ မြို့ပြ မြေစီမံခန့်ခွဲမှုဌါန မှ ကွင်းဆင်းစစ်ဆေးသည်။ ကန့်ကွက်သူမရှိမှသာ တစ်လခန့်အကြာ၌ မိမိဝယ်ယူထားသည့် ဂရန်(သို့) မြေပိုင်မြေ စာချုပ်ပေါ်တွင် မိမိအမည်ပြောင်းပေးတော့သည်။

Credit : လွှတ်တော်ရှေ့နေ ဆရာမောင်ကောင်းဖေ
လေးစားစွာဖြင့်
Lawfirm services
Ph 09794729815

20/12/2024

ပါမစ်မြေအကြောင်း

ပါမစ်မြေ ဆိုသည်မှာ မြို့သစ်ဘက်များ၌ ချထားပေးသော မြေအမျိုးအစားဖြစ်၍ ပါမစ်မြေကိုဝယ်ယူမည်ဆိုပါကချထားပေးသောပါမစ်မှန်၊ မမှန်ကို စစ်ဆေးရန် လိုအပ်ပါသည်။

Entry ဆိုသည်မှာ မြေနေရာအကွက်ချပြီး ထုတ်ပေးလိုက်သော ပါမစ်ကို ပြန်လည်စစ်ဆေး၍ နေထိုင်ခွင့်ပြုသော အမှတ်တံဆိပ်ဖြစ်ပါသည်။

Entry ၀င် ပြီးသားပါမစ်ဆိုလျှင်နောက်ကျောဘက်၌ လေးထောင့်တံဆိပ်တုံးလေးနှင့် ပြန်လည်စိစစ်ပြီးဖြစ်ကြောင်း ပါရှိမည်ဖြစ်ပါသည်။

Entry မဝင်ရသေးသော မြေကွက်များက စျေးကွက်
အတွင်း စျေးနှုန်းကွဲလွဲမှုများ ရှိသည်။

စျေးနှုန်းမကွာခြား ဟုဆိုလျှင်ပင် သိန်းရာတန်အကွက်များ၌ ငါးသိန်း၊ ၁၀ သိန်းကွာတတ်ပါသည်။

သိန်းထောင်တန်အကွက်များမှာဆိုလျှင် Entry မဝင်ရသေးသည့်အတွက် ပွဲပျက်သည်မျိုး ရှိသည်

ပါမစ်မြေတွင် စာရွက်စာတမ်း မှန်ကန်မှုရှိ၍ Entry လည်း ၀င်ထားခဲ့မည် ဆိုပါက ပါမစ်အမည်ပေါက်ပိုင်ရှင်၏ မှတ်ပုံတင် မိတ္တူ၊ သန်းခေါင်စာရင်းမိတ္တူ ပါရှိရမည် ဖြစ်သည်။

အဆိုပါမိတ္တူများကိုလည်း မူရင်းနှင့် တိုက်ဆိုင်စစ်ဆေးသင့်ပါသည်။

မှတ်ချက်။

ဂရန်မြေနှင့် ပါမစ်မြေ နှိုင်းယှဉ်ပါက ဂရန်အသစ် (သို့) ဂရန်နာမည်ပြောင်း လျှောက်ထားသည့်နေရာတွင် ပါမစ်မြေကအကုန်အကျသက်သာသည်။

ဂရန်မြေဆိုပါက စာချုပ်စာတမ်း မှတ်ပုံတင်ရုံးတွင် အရောင်းအဝယ်စာချုပ်ချုပ်ဆိုမှတ်ပုံတင်ခြင်း၊
အခွန်ဦးစီးဌာန ကာလတန်ဖိုး စိစစ်သတ်မှတ်ရေးအဖွဲ့သို့ တင်ပြရခြင်းတို့အတွက် ကုန်ကျစရိတ်များမည့်အပြင် ၀ယ်ခွန်ပေးဆောင်ရအုံးမည်ဖြစ်ပါသည်..

Credit-OriginalUploder
Lawfirm Service
Ph.09794729815
အိမ်ခြံမြေတိုက်ခန်းစာချုပ်စာတမ်းအမျိုးမျိုးအကြံပေးရှေ့နေ

Lawyer&Lawfirm services

23/12/2024

23/12/2024

23/12/2024

20/12/2024

20/12/2024

20/12/2024

20/12/2024

20/12/2024

20/12/2024

20/12/2024

Address

Website

Alerts

Shortcuts

Share

Category