14/08/2026
နိုင်ငံတကာဗီဇာများ ငြင်းပယ်ခံရခြင်း (Rejected ဖြစ်ခြင်း) ၏ အဓိကအကြောင်းရင်းများ
၁။ စာရွက်စာတမ်းအတု အသုံးပြုခြင်း (သို့မဟုတ်) အချက်အလက် လိမ်လည်တင်ပြခြင်း
ဘဏ်စာရင်းတု (Fake Bank Statement), အလုပ်ခန့်စာတု၊ ကျောင်းဝင်ခွင့်စာတု သို့မဟုတ် အတုအယောင် ဒီပလိုမာ/ဘွဲ့လက်မှတ်များကို အသုံးပြု၍ လျှောက်ထားခြင်း။
သံရုံးများသည် တင်ပြလာသော စာရွက်စာတမ်းများကို သက်ဆိုင်ရာဌာနများနှင့် ချိတ်ဆက်ကာ တိကျစွာ စစ်ဆေးကြသည်။ စာရွက်စာတမ်း အတုအယောင် သို့မဟုတ် လိမ်လည်ထားကြောင်း စစ်ဆေးတွေ့ရှိပါက ဗီဇာချက်ချင်း ငြင်းပယ်ခံရရုံသာမက နောင်တွင် ထိုနိုင်ငံအတွက် ထာဝရ (သို့မဟုတ်) သတ်မှတ်ကာလတစ်ခုအထိ ဗီဇာလျှောက်ခွင့် ပိတ်ပင်ခံရတတ်သည် (Visa Ban)
၂။ ငွေကြေး မလုံလောက်ခြင်း (သို့မဟုတ်) ဝင်ငွေအထောက်အထား မခိုင်လုံခြင်းသွားရောက်မည့်နိုင်ငံတွင် ကိုယ့်စရိတ်ကိုယ်ကျ ခရီးစရိတ်၊ နေထိုင်စရိတ် ရှင်သန်နိုင်စွမ်းရှိကြောင်း မှန်ကန်ခိုင်လုံသော ဘဏ်စာရင်းဖြင့် သက်သေမပြနိုင်ခြင်း။
ဘဏ်စာရင်းတွင် ငွေပမာဏ ရုတ်တရက် ဝင်လာခြင်း (သို့မဟုတ်) ကိုယ့်ဝင်ငွေနဲ့ မမျှဘဲ ပမာဏများပြားနေခြင်းတို့က သံသယဖြစ်စေနိုင်ပြီး ငွေကြေးလုံလောက်မှု မရှိဟု ယူဆကာ ပယ်ချခံရတတ်သည်။
၃။ မိခင်နိုင်ငံသို့ ပြန်လာမည့် အကြောင်းပြချက် (Ties to Home Country) အားနည်းခြင်း
ဗီဇာအများစုသည် သတ်မှတ်ရက်ပြည့်ပါက မိမိနိုင်ငံသို့ ပြန်လာမည်ကို သက်သေပြရန် လိုအပ်သည်။
မိခင်နိုင်ငံတွင် တည်ငြိမ်သော အလုပ်အကိုင်၊ စီးပွားရေးလုပ်ငန်း သို့မဟုတ် မိသားစု အခြေအမြစ် ခိုင်မာမှုမရှိပါက သွားမည့်နိုင်ငံတွင် တရားမဝင် ဆက်နေထိုင်မည် (Overstay လုပ်မည်) ဟု စိုးရိမ်သောကြောင့် ငြင်းပယ်ခံရတတ်သည်။
၄။ ခရီးစဉ်ရည်ရွယ်ချက် မသေချာခြင်း သို့မဟုတ် မယုံကြည်ရခြင်း
ပြဿနာ လျှောက်ထားရသည့် အကြောင်းရင်း (ဥပမာ- အလည်အပတ်၊ စီးပွားရေး) သည် တင်ပြထားသော စာရွက်စာတမ်းများနှင့် ကိုက်ညီမှုမရှိခြင်း။
အဓိကအချက် ဟိုတယ်ဘိုကင်၊ လေယာဉ်လက်မှတ် အချက်အလက်များ မသေချာခြင်း၊ သွားမည့်နေရာနှင့် ရက်စွဲများ ကွဲလွဲနေခြင်းတို့ကြောင့် ရည်ရွယ်ချက်အပေါ် သံသယဝင်သွားစေသည်။
၅။ လျှောက်လွှာဖြည့်စွက်မှု အမှားအယွင်းနှင့် စာရွက်စာတမ်း မပြည့်စုံခြင်း
လိုအပ်သော စာရွက်စာတမ်းများ အပြည့်အစုံ မပါလာခြင်း သို့မဟုတ် ဖောင်ဖြည့်ရာတွင် မှားယွင်းမှုများ ပါဝင်နေခြင်း။
အဓိကအချက် တရားဝင် စာရွက်စာတမ်းများ (ဥပမာ- ရာဇဝတ်မှုကင်းရှင်းကြောင်း သက်သေခံလက်မှတ်) မပြည့်စုံပါက ဗီဇာပယ်ချခံရတတ်သည်။
၆။ ယခင် ဗီဇာသမိုင်းကြောင်း (Visa History) မကောင်းခြင်း
ယခင်က သွားရောက်ခဲ့ဖူးသော နိုင်ငံများတွင် ဗီဇာစည်းကမ်းဖောက်ဖျက်ခဲ့ခြင်း (Overstay ဖြစ်ခဲ့ခြင်း၊ တရားမဝင် အလုပ်လုပ်ခဲ့ခြင်း) ရှိဖူးခြင်း။
နိုင်ငံတကာ သတင်းအချက်အလက် မျှဝေမှုစနစ်များအရ ယခင်နိုင်ငံများတွင် စည်းကမ်းဖောက်ဖျက်ဖူးသည့် မှတ်တမ်းရှိနေပါက ယခုလျှောက်မည့် နိုင်ငံကပါ ယုံကြည်မှုမရှိတော့ဘဲ ငြင်းပယ်တတ်သည်။
