Khin Maung Cho & Associates, No. 168, First Floor, 35th Street, Yangon (2026)

'KHIN MAUNG CHO & ASSOCIATES', as a specialized Intellectual Property Law Firm, provides a comprehensive range of IP services, including registrations and litigation, in an accurate, timely, and cost-efficient manner.

23/05/2026

ကုန်အမှတ်တံဆိပ်မူပိုင်ခွင့်ဆိုတာဘာလဲ?
အမှတ်တံဆိပ်ဆိုတာ ကုန်ပစ္စည်း (သို့) ဝန်ဆောင်မှုလုပ်ငန်းတစ်ခုနှင့် အခြားသောကုန်ပစ္စည်း (သို့) ဝန်ဆောင်မှုလုပ်ငန်းများနှင့် ခွဲခြားသိစေနိုင်သော အမှတ်အသားကို ဆိုလိုပါတယ်။ စာနှင့်သော်လည်း ကောင်း၊ ပုံဖြင့်သော်လည်းကောင်း၊ ဖေါ်ပြနိုင်ပါတယ်။ ကိုယ်ပိုင်အမည်နာမများ၊ အက္ခရာများ၊ ကိန်းဂ ဏန်းများ၊ ပုံဖေါ်ထားသော အစိတ်အပိုင်းများ၊ အရောင်အသွေးပေါင်းစပ်မှုတို့ အပါအဝင် မျက်စိဖြင့် မြင်တွေ့နိုင်သော အမှတ်အသားတစ်ခုခုကိုသော်လည်းကောင်း၊ ယင်းအမှတ်အသား တစ်ခုနှင့်တစ်ခု ပေါင်းစပ်ထားသည့် အမှတ်အသားတစ်ခုခုကိုသော်လည်းကောင်း၊ ဆိုပါသည်။
မှတ်ပုံတင်နိုင်တဲ့ အမှတ်တံဆိပ် (၄) မျိုးကတော့ ….
(၁) ကုန်ပစ္စည်းများအတွက် ကုန်အမှတ်တံဆိပ် (Trademark)
(၂) ဝန်ဆောင်မှုများအတွက် ဝန်ဆောင်မှုအမှတ်တံဆိပ် (Service Mark)
(၃) စုပေါင်းဖွဲ့စည်းထားသော အဖွဲ့အစည်းများအတွက် စုပေါင်းပိုင်အမှတ်တံဆိပ် (Collective Mark)
(၄) အသိအမှတ်ပြုထားခြင်းခံရသော အသိအမှတ်ပြုအမှတ်တံဆိပ် (Certification Mark) တို့ဖြစ်ပါ တယ်။
အမှတ်တံဆိပ်ကိူ ဘယ်လိုဖန်တီးနိုင်သလဲဆိုရင် ……
• စကားလုံးဖြင့်ဖော်ပြသော အမှတ်တံဆိပ် (Word Mark)
• ကိန်းဂဏန်း(သို့) အမှတ်အသားဖြင့်ဖြင့် ဖေါ်ပြသောအမှတ်တံဆိပ် (Figurative Mark or Logo Mark)
• စကားလုံးနှင့် ကိန်းဂဏန်း(သို့) အမှတ်အသားတို့ ပေါင်းစပ်ဖေါ်ပြထားသော အမှတ်တံဆိပ်(Combination of Word and Figurative Mark)
အဲ့ဒီတစ်မျိုးမျိုးဖြစ်အောင် ဖန်တီးဖို့လိုအပ်ပါတယ်။ ဆက်လက်ဖေါ်ပြပါအုံးမယ်။......

21/05/2026

အသိပညာဆိုင်ရာပစ္စည်းများဆိုတာ ဘယ်လိုပစ္စည်းတွေလဲ?
သင့်ရဲ့နေ့စဉ်ပတ်ဝန်းကျင်မှာ အသိပညာဆိုင်ရာပစ္စည်းများ ရှိနေတယ်ဆိုတာ
သင်သိပါသလား? သင်ဝတ်ဆင်ထားတဲ့အင်္ကျီ၊ သင်ဖတ်နေတဲ့စာအုပ်၊ သင်နား
ထောင်နေတဲ့ဂီတ၊ သင်စားနေတဲ့မုန့်ထုတ်တွေ၊ ရေခဲသေတ္တာများ၊ ဆေးအမည်
နာမတွေ စသည်တို့ဟာ အသိပညာဆိုင်ရာ ပစ္စည်းများဖြစ်ပါတယ်။ လူသားရဲ့
စိတ်ကူးစိတ်သန်းများက ပေါ်ပေါ်က်လာတဲ့ ပစ္စည်းများဖြစ်ပါတယ်။ တစ်နည်း
ဆိုရရင် လူသား များရဲ့ဖန်တီးမှုများနဲ့ တီထွင်မှုများဖြစ်ပါတယ်။ အသိပညာ
ဆိုင်ရာပစ္စည်းများ နှစ်မျိုးနှစ်စားရှိပါတယ်။ ပထမအမျိုးအစား စက်မှုဆိုင်ရာ
ပစ္စည်းများကတော့ စက်မှုတီထွင်ခွင့်၊ ကုန်အမှတ်တံဆိပ်၊ စက်မှုဒီဇိုင်း၊ ဒေသ
ဆိုင်ရာအညွှန်းတို့ပါဝင်ပါတယ်။ ဒုတိယအမျိုးအစားက စာပေနှင့်အနုပညာများ
နဲ့ ဆက်စပ်အခွင့်အရေးများပါဝင်ပါတယ်။
သင်ရဲ့စီးပွားရေးလုပ်ငန်းများ ဘယ်လိုအမျိုးအစားမှာ ပါဝင်နေပါသလဲ? အမျိုး
အစားတစ်ခုစီကို ဆက်လက်ရှင်းပြပါအုံးမယ်……

17/05/2026

SAMSUNG တရားစွဲခံရ….
ဗြိတိသျှပေါ့အဆိုတော် Dua Lipa က မူပိုင်ခွင့်ချိုးဖေါက်ခံရလို့ ဒေါ်လာ၁၅သန်းရလိုမှုနဲ့ ကယ်လီဖိုးနီးယား ဖယ်ဒရယ်တရားရုံးမှာ SAMSUNGကိုတရားစွဲခဲ့တယ်။ သူမရဲ့ပုံကို SAMSUNG တီဗီအရောင်းကြော်ငြာများမှာ ခွင့်ပြုချက်မရယူဘဲ၊ အသုံးပြုလို့ တရားစွဲခြင်းဖြစ်ပါတယ်။ ကုန်အမှတ်တံဆိပ်ဥပဒေ၊ စာပေ၊အနုပညာမူပိုင်ခွင့်ဥပဒေ၊ ကြော်ငြာအခွင့်အရေး ဖေါက်ဖျက်မှုဥပဒေများနဲ့ စွဲဆိုထားပါတယ်။ Lipaက အမြဲတန်းတားဝရမ်းထုတ်ဆင့်ပေးဖို့ တရားရုံးမှာ လျှောက်ထားနေပါပြီ။ မြန်မာနိုင်ငံမှာလည်း မူပိုင်ခွင့်ဥပဒေများ ပြဌာန်းထားပါတယ်။ သင့်စီးပွားရေးလုပ်ငန်းများကို ကာကွယ်ဖို့ မူပိုင်ခွင့်လျှောက်ထားပြီးပြီလား?

29/04/2026

AI နည်းပညာခေတ်ထဲမှာ.....
အမေရိကန် အနုပညာရှင်များက မိမိတို့ရဲ့ဖန်တီးမှုများကို AI နည်းပညာနဲ့တုပပြီး၊ ဖေါ်ပြခံကြရလို့၊ အမှတ်တံဆိပ်မူပိုင်ခွင့်ဥပဒေအရ မှတ်ပုံတင်လာကြပါတယ်။ ပေါ့နာမည်အဆိုတော် Taylor Swiftက မိမိဂီတာတီးနေတဲ့ဓါတ်ပုံ(၁)ပုံနဲ့ အသံဖိုင်(၂)ခု “Hey, it’s Taylor Swift” and “Hey, it’s Taylor.” တို့ ကို အမေရိကန်တီထွင်မှုနှင့် အမှတ်တံဆိပ်ဥပဒေ မှတ်ပုံတင်ရုံးမှာ အမှတ်တံဆိပ်မူပိုင်ခွင့်ဥပဒေအရ ၂၀၂၆ခုနှစ်၊ဧပြီလ(၂၄)ရက်နေ့မှာ မှတ်ပုံတင်ခဲ့ပါတယ်။
မိမိရဲခွင့်ပြုချက်မရဘဲ၊ AI နည်းပညာနဲ့တုပပြီး၊သူမရဲ့ပုံတွေကို လိင်စာအုပ်တွေမှာ ဖေါ်ပြခံခဲ့ရတယ်။ နိုင်ငံရေးအရ အမြတ်ထုတ်ခံခဲ့ရလို့ သူမက ဥပဒေအရအရေးယူဖို့ ပြင်ဆင်လာခြင်းဖြစ်ပါတယ်။
အော်စကာဆုရှင် Matthew McConaughey ကလည်း 1993 film, 'Dazed and Confused' ရုပ်ရှင်ကားမှ 'alright, alright, alright' အသံဖိုင်နဲ့ ဓါတ်ပုံကို အမေရိကန် တီထွင်မှုနှင့် အမှတ်တံဆိပ်ဥပဒေ မှတ်ပုံတင်ရုံးမှာ အမှတ်တံဆိပ်မူပိုင်ခွင့် ဥပဒေအရ ၂၀၂၆ခုနှစ်၊ဇန္နဝါရီလမှာ မှတ်ပုံတင်ခဲ့ပါတယ်။
စာပေ၊ဂီတ၊အနုပညာနဲ့ပတ်သက်လာရင် Copy Rightဥပဒေအရသာ အရေးယူလေ့ရှိတော့၊ အမှတ်တံဆိပ်မူပိုင်ခွင့်ဥပဒေအရ မှတ်ပုံတင်လို့ရသလားဆိုတဲ့ ဥပဒေပြဿနာပေါ်လာပါတယ်။ အမှတ်တံဆိပ်မူပိုင်ခွင့်ဥပဒေ Class 41အရ မှတ်ပုံတင်လာခြင်း ဖြစ်ပါတယ်။ ဆင့်ပွားထုတ်လုပ်ရာမှာ ထပ်တူဖြစ်သလား? ဆင်တူဖြစ်သလား? အလားတူဖြစ်သလား? ဟုတ်-မတုတ် မေးခွန်းများဟာ အမှတ်တံဆိပ်မူပိုင်ခွင့် ဥပဒေမှာ အရေးပါတဲ့ မှတ်ကျောက်များဖြစ်ပါတယ်။
နည်းပညာအသစ်အဆန်းတွေ ထွန်းကားနေတဲ့ ဒီခေတ်ကြီးထဲမှာ မြန်မာနိုင်ငံမှာကော မိမိတို့ရဲ့စီးပွားရေး လုပ်ငန်းများကို မူပိုင်ခွင့်ဥပဒေများအရ ကာကွယ်ထားကြပါသလား?

Address

No. 168, First Floor, 35th Street
Yangon

Website

http://www.kmciplawfirm.com/

Alerts

Be the first to know and let us send you an email when Khin Maung Cho & Associates posts news and promotions. Your email address will not be used for any other purpose, and you can unsubscribe at any time.

Khin Maung Cho & Associates